ဖားကန့် ကချင်တိုက်ပွဲ ၆ နှစ်ပြည့် အစီစဉ် ဦးဆောင်သူများ တရားစွဲ စီရင် ခံရ

ဖားကန့် ကချင်တိုက်ပွဲ ၆ နှစ်ပြည့် အစီစဉ် ဦးဆောင်သူများ တရားစွဲ စီရင် ခံရ

ဇွန် ၉ ရက်နေ့ ကချင်ဒေသ တစ်ကျော့ပြန် တိုက်ပွဲဖြစ်ပွားခြင်း ၆ နှစ်ပြည့် ဆုတောင်းပွဲ အစီစဉ် ဖားကန့်တွင် ဦးဆောင် ခဲ့သူ ၃ ဦးကို ‘ငြိမ်းစုစီ’ ပုဒ်မ နှင့် အသရေဖျက်မှု ပုဒ်မ တို့ဖြင့် အစိုးရ နှင့် တပ်မတော် တို့က အသီးသီး တရားစွဲထားသည်။

အစီစဉ် ဦးဆောင်ခဲ့သူ ဖားကန့် ကချင် လူထုအစည်းအရုံး ဥက္ကဌ ဆရာ လမောင် လတောင် နှင့် ဒုဥက္ကဌ ဦးလတုန် ဆောင်ဘောမ် တို့ကို ပုဒ်မ ၁၉ ‘ငြိမ်းစုစီ’ ဖြင့် အစိုးရက တရားစွဲပြီး အတွင်းရေးမှုး ဦး ဒရှီ နော်လောန် ကို တပ်မတော် က ပုဒ်မ ၅၀၀ ‘အသရေ ဖျက်မှု’ ဖြင့် တရားစွဲသည်။

ရုံးချိန်း ၃ ကြိမ်ဖြင့် ပုဒ်မ ၁၉ နှင့်တရားစွဲ ခံရသူ ၂ ဦးကို ဖားကန့်မြို့နယ် တရားရုံးက တစ်ဦးလျှင် ငွေဒဏ် ၃ သောင်း စီ ဖြင့် ယမန်နေ့ ဇူလိုင် ၁၈ ရက်နေ့ တရားစီရင်ပြီး အဆုံးသတ်ခဲ့သည်။

သို့သော်လည်း လက်ကမ်း စာ စောင် ဖြန့်ဝေမှုကြောင့် တပ်မတော်မှ ပုဒ်မ ၅၀၀ ဖြင့် တရားစွဲထားသော ဦး ဒရှီ နော်လောန် ၏ အမှု ကို ယခုလ ၂၈ ရက်နေ့ တတိယ အကြိမ် ရုံးချိန်း ထပ်မံ ခေါ်ဆိုထားသည်။

လက်ကမ်း စာ စောင်ပါ အကြောင်းအရာများကြောင့် တရားစွဲဆို ခံထားရသူက ယခုလို ပြောပြသည်။

“ကျနော်တို့ ဝေငှခဲ့တဲ့ လက်ကမ်းစာစောင်မှာ ဒေါ် ဆွမ်းလွတ်ရွယ်ဂျား ကို ဗမာစစ်တပ်က အဓမ္မပြုကျင့် သတ်ဖြတ်လိုက်တဲ့ အကြောင်း၊ ပြီးရင် နမ့်ဆန်ယန်က လူနေအိမ်တွေ ဘုရားကျောင်း ဘုန်းကြီးကျောင်းတွေကို တပ်မတော်က ဖျက်စီးပြီး ကချင် အမျိုးသမီး ဘယ်လောက်ကို သတ်ဖြတ်လိုက်တဲ့ အကြောင်းတွေ ရေးသား ထားတယ်လေ။ အဲဒါကို သူတို့က မကြိုက်လို့ တရားပြန်စွဲတာ”

အဆိုပါ လက်ကမ်း စာ စောင်ကို မြစ်ကြီးနား မှာလည်း တစ်ချိန်းတည်း ဖြန့်ဝေမှု ရှိခဲ့သော်လည်း ပုဒ်မ ၅၀၀ ဖြင့် အရေးယူ ခံရမှု မရှိခဲ့ပေ။

သို့သော်လည်း အစီစဉ် ဦးဆောင်သူ ကချင်အမျိုးသားအတိုင်ပင်ခံ အဖွဲ့ WMR ဥက္ကဌ ဒူဝါ ခွန်ဆိုင်း၊ အတွင်းရေးမှုး ဦးလဘန်ဂမ်အောင် နှင့် မြစ်ကြီးနား လူထု အစည်းအရုံး တာဝန်ခံ ဦး ဇော်ဂျတ် တို့ကို ပုဒ်မ ၁၉ ဖြင့် တစ်ဦးလျှင် ငွေဒဏ် ၃ သောင်းကျပ်ဖြင့် ဇွန်လ ၁၃ ရက်နေ့ မြစ်ကြီးနားမြို့နယ် တရားရုံးက ပြစ်ဒဏ်ချမှတ်ခဲ့သည်။

  • Popular

  • Latest