လီဒိုလမ်းမ ပေါ် ကောင်ရာ ကျေးရွာသားများ ဖမ်းဆီး နှိပ်စက် ခံနေရ

လီဒိုလမ်းမ ပေါ် ကောင်ရာ ကျေးရွာသားများ ဖမ်းဆီး နှိပ်စက် ခံနေရ

လယ်ယာ လုပ်ငန်း လုပ်ကိုင်ရန် စစ်ရှောင်ခြင်း မပြုဘဲ ကျန်ရှိနေသော လီဒိုလမ်းမ ပေါ် ကောင်ရာ ကျေးရွာသားများ ကို မြန်မာ့ တပ်မတော်က အပြစ်မဲ့ ဖမ်းဆီး ရိုက်နက်မှုများ ပြုလုပ်နေကြောင်း သိရသည်။

ကောင်ရာ (Nawnglung Kawng Ra) ကျေးရွာ သည် တနိုင်းမြို့နှင့် ၁၀ မိုင်ခန့် ကွာဝေးပြီး တိုက်ပွဲ စ ဖြစ်လာချိန် တနိုင်းမြို့ပေါ် ရောက်လာသော စစ်ပြေးဒုက္ခသည်များကို အဆိုပါ ကျေးရွာသို့ ရွှေ့ပြောင်းရန် အစိုးရက ညွှန်ကြားခဲ့သော နေရာဖြစ်သည်။

သို့သော်လည်း လက်ရှိ ကောင်ရာ ကျေးရွာတွင် အခြေချနေသော မြန်မာ့ တပ်မတော်က ကျေးရွာသား များကို ည မထွက်ရ အမိန့် ချ မှတ်ထားသည့် အပြင် အပြစ်မဲ့ ဖမ်းဆီး နှိပ်စက်မှုများ ရှိနေကြောင်း ဒေသခံများ ကချင်သတင်းဌာန KNG ကို ပြောဆိုလာသည်။

လယ်ယာ လုပ်ငန်း လုပ်နေ သူများ ကို မနက် ၉ နာရီမှ မွန်းလွဲ ၃ နာရီကျော် အတွင်းသာ ခွင့်ပြုထားပြီး ညနေ ၄ နာရီ နောက်ပိုင်း မိမိတို့ အိမ် အပြင်ဘက် တွေ့ရှိသူများကို ဖမ်းဆီး ရိုက်နက် ကြောင်း ရင်ဖွင့်လာကြသည်။

မြန်မာ့ တပ်မတော်နှင့် အတူ ရှမ်းနီ ပြည်သူ့စစ်၊ လီဆူ ပြည်သူ့တို့ ပူးပေါင်း ပါဝင်ပြီး ဒေသခံများကို မသင်္ကာမှုဖြင့် ရံဖန်ရံခါ ခြိမ်းခြောက်မှု ရှိနေကြောင်းလည်း အမည် မဖော်လိုသော ဒေသခံများ ပြောလာကြသည်။

ယခုနှစ် လယ်ယာ စပါး မစိုက်ပျိုး နိုင်လျှင် လာမည့် နှစ်တွင် အစာ ခေါင်းပါး သွားမှာကို ဒေသခံများ စိုးရိမ်နေကြသည်။

ဇွန်လဆန်း တိုက်ပွဲ စတင်ဖြစ်ပွားလာချိန် တနိုင်းမြို့ပေါ် စစ်ရှောင်များကို စစ်မက်ဇုံ အတွင်းရှိ ကောင်ရာကျေးရွာသိုိ့ ပြောင်းရွှေ့ ခိုလှုံရန် အစိုးရ တိုက်တွန်း ခဲ့ဖူးသည်။

ဇွန်လ ၅ ရက်နေ့ မနက် တပ်မတော် ၏ လက်နက်ကြီး ကြောင့် ကောင်ရာ ကျေးရွာရှိ မိသားစုဝင် ၃ ဦး ထိခိုက်ဒဏ်ရာ ရခဲ့သည်။