ဖားကန့်လမ်း တိုက်ခိုက်မှု တွင် အသက် ၆၀ ရွာသား ထိခိုက် ဒဏ်ရာ ရ

U Hpakawn Hpau Myin at Myitkyina Hospital

ဖားကန့်လမ်းမှ ဆင်းလာသော တပ်မတော် ယာဉ်တန်းတစ်ခုကို ကချင် လွတ်လပ်ရေး တပ်မတော် KIA က တိုက်ခိုက်ခဲ့သည့် အောက်တိုဘာ ၁၇ ရက်နေ့ မနက် ဖြစ်စဉ်တွင် ဒေသခံ ရွာသားတစ်ဦး ထိခိုက် ဒဏ်ရာ ရရှိခဲ့သည်။

ဖားကန့် ကားမိုင်-ဂေါင်ရီ လမ်း နန့်စီးအင် ကျေးရွာအနီး တပ်မတော်ယာဉ်တန်း ၁၀ စီးခန့် ဗုံးဖေါက်ခွဲ ခံရသည့် ဖြစ်စဉ်တွင် အနီးရှိ အသက် ၆၀ နှစ်အရွယ် ဦးဖကောန် ဖောင်မင်း (Slg. Hpakawn Hpau Myin) ထိခိုက် ဒဏ်ရာ ရရှိခဲ့ခြင်းဖြစ်သည်။

ဦးဖောင်မင်း ၏ ဘယ်ဘက် ဒူးခေါင်းအောက် ဗုံးစ ဝင်သွားသည့် အတွက် သွေးထွက်လွန်ပြီး ထိုနေရာတွင်ပင် မေ့လဲ သွားသည်ဟု သူကိုယ်တိုင် ပြောပြသည်။

ဖြစ်စဉ်အပြီး ကားမိုင်း ဆေးရုံရောက်ခဲ့ရ သော်လည်း ဒဏ်ရာအခြေအနေကြောင့် ယမန်နေ့ပင် မြစ်ကြီးနားဆေးရုံကို ပြောင်းရွှေ့ခဲ့ရသည် ဟု သိရသည်။

မိုင်းစ အသားထဲ ဝင်ခြင်း ရှိ မရှိ စစ်ဆေးထားပြီး၊ ခွဲစိတ်မှု ပြုမည်/ မပြုမည် ကိုလည်း မသိရသေးကြောင်း ပြောသည်။

ဖားကန့်မှ ဆင်းလာသည့် တပ်မတော်ယာဉ်တန်း တိုက်ခိုက်ခံရမှု တပ်မတော်သား တစ်ဦးလည်း ထိခိုက်ခဲ့သည်ဟု သိရသည်။

ကချင်ပြည်နယ် လီဒိုလမ်း၊ ဖားကန့်လမ်း တွင် အစိုးရတပ်နဲ့ ကချင် လွတ်လပ်ရေး တပ်မတော် KIA တို့ ပစ်ခတ် တိုက်ခိုက်မှုများကြောင့် ဒေသခံများ သေဆုံး ဒဏ်ရာရမှုများ ပုံမှန် ရှိနေဆဲ ဖြစ်သည်။

ထို့ကြောင့် လူနေ ကျေးရွာ အနီး တိုက်ခိုက် ပစ်ခတ်မှုများကို တတ်နိုင်သမျှ ရှောင်ရှားပေးရန် ဒေသခံ ပြည်သူများမှ တောင်းဆိုမှုများ ရှိခဲ့သည်။

  • Popular

  • Latest