နမ္မတီး PJS မှ မူးယစ် ရောင်းဝယ် သုံးစွဲသူ အမျိုးသမီး ၄ ဦး အား ဖမ်းဆီး

နမ္မတီး PJS မှ မူးယစ် ရောင်းဝယ် သုံးစွဲသူ အမျိုးသမီး ၄ ဦး အား ဖမ်းဆီး

ကချင်ပြည်နယ် နမ္မတီးမြို့ လမ်းခွ ကျေးရွာမှာ မူးယစ်ဆေးသုံးစွဲသူ အမျိုးသမီး ၃ ဦး နှင့် ရောင်းဝယ်သူ ၁ ဦး တို့ကို အောက်တိုဘာ ၂၀ ရက်နေ့က ဖမ်းဆီး ရမိကြောင်း ကျေးရွာ ကချင် လူထု မူးယစ် ဆေးဝါး တိုက်ဖျက်ရေး အဖွဲ့ PJS က ပြောသည်။

မူးယစ်ဆေးဝါးသုံးစွဲ ၃ ဦးအား နေအိမ် တစ်ခု တွင် ဖမ်းဆီးခဲ့ပြီး ၄င်းတို့ကို ဆက်လက်စုံစမ်းရာ မူးယစ်ဆေးဝါး ရောင်းဝယ်သူ ၁ ဦးကိုလည်း ထပ်မံ ဖမ်းဆီးရမိခဲ့ကြောင်း လမ်းခွကျေးရွာ ကချင် လူထု မူးယစ်ဆေးဝါး တိုက်ဖျက်ရေး အဖွဲ့ မှ ဦး Thomas Nhkang က ယခုလို ပြောသည်။

“ကျနော်တို့ရွာ ဂျာကျိုင် ရပ်ကွက် က အမျိုးသမီး ၃ ဦးကိုတော့ ဘိန်းရူဖို့ ပြင်ဆင်နေတဲ့အချိန် သက်သေခံ ကိရိယာနဲ့ ဘိန်းမဲ တစ်ထုပ်နဲ့တကွ တွေ့တယ်။ သူတို့ကို ပြန်စစ်ကြည့်တော့ အရမ်းကို ပမာဏများတဲ့ မူးယစ်ဆေးဝါးတွေ ရောင်းတဲ့သူကို ရဲတပ်ဖွဲ့ အကူအညီ နဲ့ ဖမ်းနိုင်ခဲ့ပါတယ်”

မူးယစ်ဆေးသုံးစွဲသည့် အမျိုးသမီး ၃ ဦးမှာ လမ်းခွကျေးရွာက ဒေါ် တောင်နူး (၃၁ နှစ်)၊ ဒေါ် ယိန်းဆောင် (၄၅ နှစ်) နှင့် ဒေါ် ဇင်ဝါနန်ရွယ် (၅၁ နှစ်) တို့ဖြစ်ကြသည်။

ထပ်မံ ဖမ်းဆီးရမိသည့် မူးယစ်ဆေးဝါးရောင်းဝယ်သူမှာ မရမ်းကျေးရွာမှ ဒေါ်နန်ဒိန်ထု ဖြစ်ပြီး၊ ဖမ်းဆီး ပမာဏမှာ ဘိန်းဖြူ ဆပ်ပြာခွက် ၉ ခွက် နှင့် ယာမ ၁၉၀ လုံး ဖြစ်ကြောင်း သိရသည်။ ထိုသူကို လမ်းခွ လူထု မူးယစ်တိုက်ဖျက်ရေးအဖွဲ့ နှင့် နမ္မတီး ရဲတပ်ဖွဲ့ ပူးပေါင်း ဖမ်းဆီးကြောင်း သိရသည်။

မူးယစ်သုံးစွဲသူ ၃ ဦးကို မိုးကောင်းမြို့ ကချင်ခရစ်ယာန် အကျင့်စာရိတ္တပြုပြင်ရေး သမ္မာကျမ်းစာ သင်ကြားပေးသည့် စခန်းကို ပို့လိုက်ပြီး၊ ရောင်းချသူ ၁ ဦး ကိုမူ နမ္မတီး ရဲတပ်ဖွဲ့က ဖမ်းဆီး ခေါ်ဆောင်သွားကြောင်း သိရသည်။

မိုးကောင်း နမ္မတီးဒေသ မူးယစ်ဆေးသုံးစွဲမှု ယခင် ၃ နှစ်ထက် ၆၀ ရာခိုင်နှုန်း လျော့ကျသွားကြောင်း Thomas Nhkang က ပြောဆိုသည်။

ထို့အပြင် အစိုးရ ရဲတပ်ဖွဲ့များလည်း ပူးပေါင်းပါဝင်လာသဖြင့် ပိုမို အဆင်ပြေလာကြောင်း သိရသည်။

Pat Jasan ခေါ် ကချင် လူထု မူးယစ်ဆေးဝါး တိုက်ဖျက်ရေး အဖွဲ့ ကို ၂၀၁၄ တွင် ဖွဲ့စည်းခဲ့ပြီး ကချင်ပြည်နယ် နှင့် ရှမ်းမြောက် ဒေသတွင် လှုပ်ရှားလျှက်ရှိသည်။


 

  • Popular

  • Latest