နိုင်ငံရေး ဆွေးနွေးရန် အစိုးရ မှ တံခါး ပိတ်ထား ဆဲ

Gen Zawng Hra, Chairman of  KIO

အစိုးရ က ကချင် လွတ်လပ်ရေး အဖွဲ့ KIO ပါဝင်သည့် မြောက်ပိုင်း မဟာမိတ် အဖွဲ့ နှင့် ငြိမ်းချမ်းရေး ဆွေးနွေး ရန် တံခါး ပိတ်ထားသေးကြောင်း (၅၇)နှစ်ပြည့် KIO အထိမ်း အမှတ်နေ့ တွင် ပြောလိုက်သည်။

အောက်တိုဘာ ၂၅ ရက်နေ့ ကျရောက်သော (၅၇) နှစ်ပြည့် နေ့တွင် KIO ဥက္ကဌ ဦးလညော် ဇောင်းဟရား ၏ မိန့်ခွန်းတွင် ငြိမ်းချမ်းရေး နှင့် ပတ်သက်ပြီး ဖော်ပြထားခြင်း ဖြစ်သည်။

“ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ FPNCC သည် တနိုင်ငံလုံး ငြိမ်းချမ်းရေး ရပြီး ဖက်ဒရယ်ပြည်ထောင်စုတည်ဆောက်ရေးအတွက် နိုင်ငံရေးဆွေးနွေးနိုင်ရန်ဖြစ်သည်။ သို့သော်လည်း အစိုးရဘက်မှ FPNCC နှင့် ဆွေးနွေးညှိနှိုင်းရန် တံခါးပိတ်ထားသည်ကို တွေ့ရသည်” ဟု ပါရှိသည်။

မြောက်ပိုင်း မဟာမိတ် အဖွဲ့ က အစိုးရ နှင့် အဖွဲ့လိုက် တွေ့ဆုံရေးမူကို လက်ကိုင်ထားသော်လည်း အစိုးရဘက်မှ တပ်ပေါင်းစု အင်အားကို ဖြိုခွင်းရန် ရည်ရွယ်ချက်နှင့် တစ်ဖွဲ့ချင်းတွေ့ဆုံရေး ကြိုးစားနေသည် ဟု KIO က ပြည်သူလူထု ကို ရှင်းပြသည်။

KIO အနေဖြင့် နိုင်ငံရေး ပြဿနာကို အမြန်ဆုံး ဖြေရှင်းနိုင်ရန် လိုလားသည့် အတွက် မြန်မာအစိုးရ အဆက်ဆက်နှင့် ငြိမ်းချမ်းရေးဆွေးနွေးခဲ့ကြောင်း ပြောထားသည်။

သို့သော်လည်း တပ်မတော် က စစ်အင်အားသုံး ဖြေရှင်းမှု ပြုလာသည့် အတွက် တော်လှန်ရေး အဖွဲ့များ ကလည်း စစ်အင်အား ပေါင်းစည်းရေး ကို ဦးတည် လာခဲ့ရကြောင်း ပြောထားသည်။

ထို့ကြောင့် KIO က ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC က နှုတ်ထွက်ပြီး စစ်အင်အား အတော်အသင့် ကောင်းမွန်သော FPNCC နှင့် ပူးပေါင်း လာရခြင်း ဖြစ်သည် ဟု ရှင်းလင်းထားသည်။

သို့သော် လက်ရှိ အချိန်သည် အစိုးရ နှင့် KIO ပါဝင်သော မြောက်ပိုင်း မဟာမိတ် အဖွဲ့ ကြား တွေ့ဆုံ ဆွေးနွေးမှု ပြတ်တောက်နေသည့် အချိန်ဖြစ်သည်။

ထိုသို့ ပြတ်တောက်နေသော အခြေအနေ ပြန်လည် ဆက်သွယ် မိစေရန် နှစ်ဖက် စလုံးမှ ပေါ်လစီ ပြင်ဆင်သင့်ကြောင်း KIO ဒု ဥက္ကဌ ဟောင်း (အငြိမ်းစား) နှင့် ယခု ကချင်ပြည်နယ် ဒီမိုကရေစီပါတီKSDP ဥက္ကဌ ဖြစ်သူ ဒေါ်က်တာတူးဂျာ က ယခုလို ပြောသည်။

“မြောက်ပိုင်းအဖွဲ့များက အဖွဲလိုက် တွေ့ချင်တယ်။ အစိုးရဘက်တော့ တဖွဲ့ချင်းစီ တွေ့ချင်နေတယ်။ ဒါကို သူတို့ အဆင်ပြေအောင် ညှိယူရပါမယ်။ အဖွဲ့လိုက်တွေ့ဆုံရေး အစိုးရလက်ခံရင် သူတို့ အချိန်မရွေး တွေ့ဆုံ ဆွေးနွေး နိုင်တယ်။ မြောက်ပိုင်းအဖွဲ့ က လည်း အဖွဲ့လိုက်တွေ့ဆုံရေးကို လက်ကိုင်ထားရင် အချိန်ကြာမယ်။ အဓိက အားဖြင့် အစိုးရ ပေါ်လစီပြောင်း ရမယ်။ တဖွဲ့ချင်းစီပဲ တွေ့မယ်ဆိုတာကို ပြောင်းရမယ်။ နည်းနည်း ကွဲနေတဲ့ သူတို့ ပေါ်လစီတွေကို ဆွေးနွေး ယူရပါမယ်။”

တပ်မတော်က မြောက်ပိုင်း မဟာမိတ် အဖွဲ့ဝင် အချို့နှင့် တွေ့ဆုံရေး ကို ငြင်းပယ်ထားသည်။

FPNCC ခေါ် မြောက်ပိုင်း မဟာမိတ် အဖွဲ့ ကို ရှမ်းမြောက် တရုတ်နယ်စပ် အခြေစိုက် တိုင်းရင်းသား တော်လှန်ရေး အဖွဲ့ (၇) ဖွဲ့ ဖြင့် ဖွဲ့စည်းထားသည်။


 

  • Popular

  • Latest