ကချင် စစ်ပြေးဒုက္ခသည် ကျေးရွာများ သို့ တရုတ် စိုက်ပျိုးရေး ကုမ္ပဏီများ ဝင် လာ

ကချင် စစ်ပြေးဒုက္ခသည် ကျေးရွာများ သို့ တရုတ် စိုက်ပျိုးရေး ကုမ္ပဏီများ ဝင် လာ

မြစ်ကြီးနား-ဗန်းမော် ကားလမ်းပေါ်ရှိ စစ်ပြေးဒုက္ခသည်များ၏ ကျေးရွာများတွင် တရုတ် စိုက်ပျိုးရေး ကုမ္ပဏီများ ဝင်ရောက်လာမှုကို စိုးရိမ်ကြောင်း ဒေသခံများ ပြောသည်။

ဝိုင်းမော်မြို့နယ် ရွေညောင်ပင်၊ ဂါးရာယန်၊ ကဇူး၊ ဒဘတ်ယန် စသည့် စစ်ရှောင်များ၏ နယ်မြေများ တွင် ဒေသခံများ၏ ခွင့်ပြုချက် မရဘဲ ကုမ္ပဏီမှ မြေတိုင်းခြင်း ပြုလုပ်လာခြင်း ဖြစ်သည်။

ထိုသို့ စစ်ရှောင်များ၏ ကျေးရွာများ ထိခိုက် ဆုံးရှုံးမှု မရှိစေရေး ဝိုင်းမော် ဆမားဒေသခံများ ဖွဲ့စည်းထားသည့် မြေယာ ကာကွယ်ရေး အဖွဲ့မှ ကချင်ပြည်နယ် ဝန်ကြီးချုပ်ထံ အောက်တိုဘာ ၁၃ ရက်နေ့ က စာရေးသား တောင်းဆိုထားကြောင်း လည်း သိရသည်။

စစ်ရှောင်များ နေရပ် မပြန်နိုင်သေးသရွေ့ မိမိတို့ ဒေသကို မည်သည့် ကုမ္ပဏီကိုမှ ဝင်ရောက် လုပ်ကိုင်ခြင်း မပြုစေလိုကြောင်း ဒေသ ဆမားဒေသ မြေယာကာကွယ်ရေး အဖွဲ့ အတွင်းရေးမှုး ဦး ဒိန်ဆီးဆိုင်း က ယခုလိုပြောသည်။

“ကျနော်တို့ စစ်ရှောင်စခန်းမှာဘဲ ရှိသေးတယ်။ နေရပ်မပြန်နိုင်သေးဘူး။ ဒါ့အပြင် ဒီ ငှက်ပျောခြံဆိုတာ ဓါတ်မြေသြဇာ ပိုးသတ်ဆေး အဆမတန် သုံးထားတဲ့အတွက် ကျန်းမာရေးကို ထိခိုက်စေတယ်။ အဘက်ဘက်က စဉ်းစားရင်လည်း ကျနော်တို့ဒေသ မြစ်ချောင်း၊ အင်းအိုင် ညစ်ညမ်းပြီး ပျက်စီးမယ်။ နွား တိရစ္ဆာန် စားကျက်တွေ ဓါတုဆေးကြောင့် ပျက်စီးမယ်။ ပြီးတော့ ကျနော်တို့ ဒေသကို ကျနော်တို့ မရှိခင် သူတပါး နေရာယူလိုက်မှာ မလိုလားဘူး။”

မျိုးဆက်ကြယ်ပွင့်၊ ဖူးပြည့်လျံ နှင့် ကျိန်ရှင်း စသည့် ကုမ္ပဏီများက ငှက်ပျောခြံ ၊ ဖရဲခြံများ စိုက်ပျိုးရန် မြေ ၁ ဧက ကို ကျပ် တစ်သိန်း ရှစ်သောင်းခန့် ၁ နှစ် ဖြစ်ပြီး နောက်ထပ် ၃ နှစ် အထိ ထပ်မံ ငှားရမ်းရန် စည်းရုံးမှု ရှိနေကြောင်း သိရသည်။


Gara Yang langu sun

ကုမ္ပဏီထံ မြေ ငှားရမ်းရန် သဘောတူသည့် မြေယာပိုင်ရှင် အချို့ ရှိနေပြီး မြေယာကာကွယ်ရေး အဖွဲ့က ၄င်းတို့နှင့် တွေ့ဆုံ ညှိနှုိုင်း ကြိုးစားသော်လည်း ကုမ္ပဏီက နာမည် လျှို့ဝှက်ထားပေးသည်ဟု ဆိုသည်။

ဂါးရာယန်၊ ကဇူး၊ ဒဘတ် စသည့်ကျေးရွာများသည် အစိုးရ နှင့် ကချင် လွတ်လပ်ရေး တပ်မတော် KIA ကြား တိုက်ပွဲ ကြောင့် ၂၀၁၁ မှ စပြီး မြစ်ကြီးနားမြို့ နှင့် တရုတ်နယ်စပ် စစ်ပြေးဒုက္ခသည် စခန်းများ တွင် ခိုလှုံနေကြသည်။

ယခုချိန် ကုမ္ပဏီများ မိမိတို့ ကျေးရွာကို ဝင်ရောက်လာခြင်းကြောင့် စိုးရိမ်မှု ပြင်းပြနေသည့် စစ်ပြေးဒုက္ခသည်များက လာမည့် နွေရာသီ နေရပ် ပြန်နိုင်ရေး ကြိုးစားနေကြသည်။

  • Popular

  • Latest