မြစ်ကြီးနား ကချင် နှစ်ခြင်း သာသနာ (၁၂၅)နှစ် ပြည့် ဂျူဗလီ ပွဲ ကျင်းပ

မြစ်ကြီးနား ကချင် နှစ်ခြင်း သာသနာ (၁၂၅)နှစ် ပြည့် ဂျူဗလီ ပွဲ ကျင်းပ

မြစ်ကြီးနား ကချင် နှစ်ခြင်း ခရစ်ယာန် သာသနာ (၁၂၅)နှစ် ပြည့် ဂျူဗလီ ကျေးဇူးတော် ချီးမွမ်း ပွဲတော်ကြီး ကို ရာဒါကောင်း မြစ်ကြီးနား ဇုံနယ် ကချင်နှစ်ခြင်း ခရစ်ယာန် ကျမ်းစာကျောင်း တွင်ယမန်နေ့မှ စတင် ကျင်းပ ပြုလုပ်နေပြီ ဖြစ်သည်။

ဂျူဗလီပွဲကို အောက်တိုဘာ ၂၆ မှ ၂၉ ထိ ပြုလုပ်သွားမှာဖြစ်ပြီး လီဒိုလမ်း တနိုင်းမြို့အထိ မြစ်ကြီးနား ဇုံနယ် အတွင်း အသင်းတော် စုစုပေါင်း ၆၈ ခုမှ ယုံကြည်သူ ထောင်ပေါင်းများစွာ ပါဝင်ကြသည်။

ဤပွဲ၏ ထူးခြားချက်များကို မြစ်ကြီးနား ဇုံနယ် ကချင် နှစ်ခြင်း ခရစ်ယာန် အသင်းတော် မှ အတွင်းရေးမှုး ဆရာ လထော်ခွန်နောင် က ယခုလို ပြောသည်။

“ဂျူဗလီရဲ့ ထူးခြားချက်တစ်ခုက ကျနော်တို့ဆီကို သာသနာပြုလာတဲ့ ဆရာကြီး (အမေရိကန် နှစ်ခြင်း သာသနာပြု ဆရာ) ရဲ့ သမိုင်းနဲ့ ကျနော်တို့ အကြောင်းကို သရုပ်ပြ သွားမယ်။ ဒုတိယ က ဂျူဗလီ မနော အက ကမှာ ဖြစ်တယ်။ တတိယ အချက်က လူတစ်ထောင်ခန့် ရေ နှစ်ခြင်း မင်္ဂလာ ခံယူဖို့ ရှိတယ်။”

လေး ရက်သာ ဂျူဗလီ ပွဲ အစီစဉ်တွင် ‘ကျေးဇူးတော် ချီးမွမ်းခြင်း အထိန်းအမှတ် မနော အက’ ကို လည်း နှစ်ရက် ကျင်းပ သွားမည် ဖြစ်ပါသည်။


  • Popular

  • Latest