မုန်းဟွမ် တွင် အစိုးရတပ် နှင့် MNDAA တိုက်ပွဲ ဖြစ်

မုန်းဟွမ် တွင် အစိုးရတပ် နှင့် MNDAA တိုက်ပွဲ ဖြစ်

အစိုးရတပ် နှင့် မြန်မာ အမျိုးသား ဒီမိုကရေစီ မဟာမိတ် တပ်မတော် MNDAA ခေါ် ကိုးကန့်အဖွဲ့ တို့ ရှမ်းပြည်နယ် မြောက်ပိုင်း တာမိုးညဲ မြို့နယ်၊ မုန်းဟွမ်ဘက်တွင် နိုင်ဝင်ဘာ ၁၂ ရက်နေ့ မနက် တိုက်ပွဲ ဖြစ်ပွားခဲ့သည်။

ကိုးကန့် တပ်မ ၅၁၁ အောက် တပ်ရင်း ၅၀၁ တပ်ဖွဲ့များ ဟုန်ဒိုလိန့် ဆိုသည့် ကျေးရွာ တစ်ခုမှာ စခန်းချ နေစဉ် အစိုးရ တပ်မ ၁၁ အောက် ထင်ရသည့် စစ်ကြောင်းများ စတင် ပစ်ခတ်မှုကြောင့် အချိန် ၁ နာရီခန့်ကြာ တိုက်ပွဲ ဖြစ်ပွားခဲ့ကြောင်း ဒေသခံများ ကချင်သတင်းဌာန KNG ကို ပြောသည်။

တိုက်ပွဲ ဖြစ်သည့် နေရာ မှ မိနစ် ၃၀ ခန့် လမ်းလျှောက်သွားရသောရွာဘက်ကို အစိုးရတပ်ဖွဲ့များ ဆုတ်ခွာသွားသည့် အတွက် တိုက်ပွဲ ရပ်စဲ သွားကြောင်း အထက်ပါ သတင်းရင်းမြစ်မှ သိရသည်။

ယခု တိုက်ပွဲကြောင့် စစ်ပြေးဒုက္ခသည် ပေါ်ပေါက်လာခြင်း ရှိ မရှိ နှင့် နှစ်ဖက်တပ် အသေအပျောက် သတင်းကိုလည်း မသိရ ပါဘူး။

တိုက်ပွဲ ဖြစ်ပွားသော နေရာသည် ကချင် လွတ်လပ်ရေး တပ်မတော် KIA တပ်မဟာ ၆ အောက် တပ်ရင်း ၂ နှင့် တပ်ရင်း ၃၆ နယ်စပ် ဖြစ်ပြီး လက်ရှိ စစ်ရေးအရ မြောက်ပိုင်း မဟာမိတ် အဖွဲ့များ လှုပ်ရှားလျှက်ရှိကြောင်း KIA တပ်မဟာ ၆ မှ သိရသည်။

ယခုချိန် KIA တပ်မဟာ ၆ ဒေသ မုံးကိုးဒေသ၊ မုန်ဘော် နှင့် တာမိုးညဲ ဒေသများမှာ အခြေစိုက်သော အစိုးရ တပ်များလည်း ၎င်းတို့ နယ်မြေများတွင် စစ်ရေးလှုပ်ရှားနေကြောင်း သိရသည်။


 

  • Popular

  • Latest