မြစ်ကြီးနား ခရိုင် အတွင်း နှုတ်ခမ်း၊ အာခေါင် ကွဲ လူနာများကို အခမဲ့ ခွဲစိတ် ကုသ ပေးမည်

မြစ်ကြီးနားပြည်သူ့ဆေးရုံ

မြစ်ကြီးနားခရိုင်အတွင်း နှုတ်ခမ်း၊ အာခေါင် ကွဲ သည့် လူနာများကို လာမည့် ဇန်နဝါရီလ အတွင်း မြစ်ကြီးနား ပြည်သူ့ဆေးရုံတွင် အခမဲ့ ခွဲစိတ်ကုသ ပေးသွားမည် ဖြစ်သည်။

ဇန်နဝါရီ ၁၁ မှ ၁၄ ရက် အထိ ခွဲစိတ်ပေးမှာ ဖြစ်ပြီး ကုသ ခံယူလိုသော သူများမှာ ဒီဇင်ဘာ ၁၅ ရက် နောက်ဆုံးထား မြစ်ကြီးနားခရိုင်အတွင်း မိခင် နှင့် ကလေးစောင့်ရှောက်ရေး ဌာနများတွင် စာရင်း ပေးသွင်းနိုင်ပြီ ဖြစ်သည်။

မန္တလေး သွားဘက်ဆိုင်ရာ ဆေးတက္ကသိုလ်မှ မေးရိုးနှင့်ခံတွင်း ပါမောက္ခ ဒေါက်တာကြူကြူဆွေဝင်း နှင့်အဖွဲ့က ပထမဆုံးအကြိမ် လာရောက် ကုသပေးမှာ ဖြစ်ကြောင်း မြစ်ကြီးနားဆေးရုံ သွားနှင့်ခံတွင်း ဌာနမှ ဒေါက်တာဆိုင်းတူးမိုင် က ပြောသည်။

“ကချင်ပြည်နယ် မြစ်ကြီးနားဘက်က လူနာများ မန္တလေးဘက်ကို တကူးတက သွားရောက်ခွဲစိတ်တာများ နေတယ်တဲ့။ တစ်ယောက်ချင်းသွားကုတာ စားရိတ်စားခ များတဲ့အတွက် သူတို့အဖွဲ့လိုက် ပြည်နယ်မိခင်နှင့်ကလေးစောင့်ရှောက်ရေးအသင်း ကူညီမှုနှင့် လာရောက်ခွဲစိတ်ပေးမှာ ဖြစ်ပါတယ်။ ဒါ့ကြောင့် ကိုယ့်ဒေသမှာ လာကု ပေးတာ ဖြစ်တဲ့အတွက် အားလုံး သွားကုနိုင်ရင် ကောင်းပါတယ်။”

ပထမဆုံးအကြိမ်ဖြစ်သောကြောင့် မြစ်ကြီးနားခရိုင်၌သာ အကြောင်းကြား ကြေငြာထားသည်ဟု သိရသည်။


 

  • Popular

  • Latest