ပယင်းမှော် စစ်ပြေး ပြည်သူများ ၏ ပစ္စည်းများ မြန်မာ အစိုးရတပ် လုယူ နေ

ဇန်န၀ါရီ ၂၆ မြန်မာစစ်တပ် လေကြောင်း တိုက်ခိုက်မှုတွင် ဒဏ်ရာ ရရှိသွားသော ပယင်းမှော် ပြည်သူ တစ်ဦး

တိုက်ပွဲ ပြင်းပြင်းထန်ထန် ဖြစ်ပွားနေသည့် ကချင်ပြည်နယ် ပယင်းမှော် အတွင်း ပိတ်မိနေသည့် စစ်ပြေး ပြည်သူများ၏ ပိုင်ဆိုင်မှု ပစ္စည်းများကို မြန်မာ အစိုးရတပ်က လုယူ နေကြောင်း ပယင်းမှော် ပြည်သူများ ပြောပါသည်။


ပိတ်မိ နေသည့် စစ်ပြေး ပြည်သူ ၃၀၀၀ ခန့် ရှိရာ စစ်သားများ ၎င်းတို့၏ ပစ္စည်းများ လုယူခြင်းကို စိုးရိမ်သောကြောင့် အစိုးရ ထိန်းချုပ်သည့် တနိုင်းမြို့ဘက်သို့ မထွက်လာ နိုင်ဘဲ ကချင် လွတ်လပ်ရေး တပ်မတော် KIA ထိန်းချုပ်သည့် Nam Gawn (နမ်ဂေါန်) ရွှေမှော်တွင် စခန်းချ နေကြောင်း မှော်ထဲမှ ပြည်သူ တစ်ဦး ယခုလိုပြောလာပါသည်။

“အခုကျွန်တော်တို့ ပြည်သူတွေက ထိပ်တိုက် တိုက်ပွဲဖြစ်တဲ့နေရာမှာ ရောက်နေပြီ။ KIA ဘက်ခြမ်းမှာ ရောက်နေပြီ။ ဒါပေမယ့် တပ်မတော်ဘက်ခြမ်းက ဖြတ်ပြီး ထွက်သွားဖို့ တပ်မတော်က ခွင့်မပြုသေးဘူးဖြစ်နေတယ်။ အမျိုးသမီးတွေကို အရင်သွားခိုင်းတယ်။ ဒါပေမယ့် ကျွန်တော်တို့ပြည်သူတွေပါလာတဲ့ ရွှေ၊ ငွေ၊ ပယင်း၊ ဖုန်းအကုန်လုံးကို သိမ်းယူလာတဲ့အတွက် တချို့ ပြန်ခေါက်လာတယ်။”

ဇန်နဝါရီ ၂၆ ရက်နေ့ တပ်မတော်က လေကြောင်းဖြင့် တနိုင်းမှော်များတွင် တိုက်ခိုက်ခဲ့ပြီး လူထု သေဆုံးမှု ရှိကာ အများအပြားထိခိုက်ဒဏ်ရာ ရခဲ့ပါသည်။

အဆိုပါဒေသများရှိပြည်သူများသည် အလံဖြူ၊ စက္ကူဖြူ၊ ပိတ်စ အဖြူများ ကိုင်ဆောင်ကာ ယခု ပိတ်မိနေသည့် နမ်ဂေါန်ရွှေမှော်အထိ ကြိုးစားထွက်လာခဲ့ရကြောင်း ပြောပြသည်။

သို့သော်လည်း ယနေ့ သုံး ရက် မြောက်နေ့ အထိ လုံခြုံသော နေရာကို မရောက်ရှိနိုင်သေးဘဲ ပါလာသည့် ရိက္ခာများပင် ကုန်လာသဖြင့် စိုးရိမ်နေရကြောင်း ပြောပြလာပါသည်။

  • Popular

  • Latest