တိုက်ပွဲ ပြင်းထန် နေချိန် KIO နှင့် မြန်မာ စစ်တပ် တရုတ်နယ်စပ် တွင် တွေ့ဆုံ

KIO ဥက္ကဌ ဗိုလ်ချုပ်ကြီး Nban La၊ ဇန်န၀ါရီ ၂၇ ကျမ်းသစ္စာ ခံယူပွဲ၊ လိုင်ဇာ

နှစ်ဖက်တိုက်ပွဲ ပြင်းထန်နေချိန် ကချင် လွတ်လပ်ရေး အဖွဲ့ KIO နှင့် မြန်မာစစ်တပ် ထိပ်ပိုင်း ခေါင်းဆောင်များ ယနေ့ တရုတ်နိုင်ငံ၏ မြန်မာနယ်စပ် ယူနန်ပြည်နယ် Baoshan မြို့နယ် Dali တွင် တွေ့ဆုံ ဆွေးနွေး နေကြပါသည်။

တရုတ်အစိုးရ ၏ ကြားဝင် အကူညီ ပေးမှုဖြင့် KIO ဥက္ကဌ သစ် ဗိုလ်ချုပ်ကြီး Nban La ဦးဆောင်သော ကိုယ်စားလှယ် အဖွဲ့ နှင့် တပ်မတော် ကာကွယ်ရေးဌာန အမှတ် (၁) စစ်ဆင်ရေးအထူးအဖွဲ့ (ကစထ) မှူး ဒုတိယ ဗိုလ်ချုပ်ကြီး ထွန်းထွန်းနောင် ဦးဆောင်သော တပ်မတော် ကိုယ်စားလှယ် အဖွဲ့ ကြား Dali တွင် တွေ့ဆုံ ကြခြင်း ဖြစ်သည်။

ဇန်န၀ါရီ ၂၇ KIO ဥက္ကဌ အဖြစ် တရားဝင် ကျမ်းသစ္စာ ကျိန်ဆိုအပြီး ယခု တွေ့ဆုံမှုသည် ဗိုလ်ချုပ်ကြီး Nban La ၏ ပထမဆုံး မြန်မာစစ်တပ် ခေါင်းဆောင်ပိုင်း နှင့် တွေ့ဆုံ ခြင်းလည်း ဖြစ်သည်။

မြန်မာစစ်တပ် နှင့် ကချင် လွတ်လပ်ရေး တပ်မတော် KIA ကြား ကချင်ပြည်နယ် ၏ အဓိက ကားလမ်းကြောင်း (၃) ခု နမ့်ခမ်း-ကိုင်ထိပ်-ဗန်းမော်၊ မြစ်ကြီးနား-ပူတာအို နှင့် မြစ်ကြီးနား-တနိုင်း လီဒိုလမ်း ကြောင်းများတွင် ပြီးခဲ့သည့် ဒီဇင်ဘာလမှ တိုက်ပွဲများ နေ့စဉ်လိုလို ဖြစ်ပွားနေပါသည်။

တပ်မတော် ဘက်က စစ်အင်အား အလုံးအရင်း အပြင် ရဟတ်ယာဉ် နှင့် ဂျက်တိုက် လေယာဉ် များဖြင့် KIA ကို ပြင်းပြင်းထန်ထန် တိုက်ခိုက်နေပါသည်။

  • Popular

  • Latest