မြစ်ကြီးနားမြို့အနီး မြန်မာ အစိုးရတပ် နှင့် KIA တိုက်ပွဲ ဖြစ်

မြန်မာ အစိုးရ စစ်သားများ တင်ဆောင်ထားတဲ့ ကား တစ်စီး တိုက်ပွဲ နေရာ သို့ ထွက်သွားစဉ်

ယနေ့ နံနက်ပိုင်း မြစ်ကြီးနားမြို့ အနီး မြန်မာ အစိုးရတပ် နှင့် ကချင် လွတ်လပ်ရေး တပ်မတော် KIA ကြား ၄ နာရီ ကျော် ကြာ တိုက်ပွဲ ဖြစ်ပွားခဲ့သည်။

တိုက်ပွဲ ဖြစ်ပွားသည့် နေရာသည် မြစ်ကြီးနားမြို့ မြောက်ဘက် (၁၀)မိုင် ခန့် အကွာ ကချင်ပြည်နယ် အစိုးရ နှင့် တရုတ် Hengrong Investment Development Co., Ltd. (Myanmar) ကြား ‘မြစ်ကြီးနား စီးပွားဖွံ့ဖြိုးရေးဇုံ စီမံကန်း’ ပူးပေါင်း လုပ်ဆောင်မည့် နေရာတွင် ဖြစ်သည်။

Nam Koi ချောင်း တံတား စောင့် အစိုးရ တပ်ဖွဲ့ ကို KIA တပ်ရင်း (၁၁) မှ နံနက် စောစော ၃ နာရီ ကျော်မှာ စတင် ပစ်ခတ်ခဲ့ပြီး တိုက်ပွဲ ၈ နာရီ ကျော်ထိ ဖြစ်ပွားခဲ့သည်ဟု မြစ်ကြီးနား မြို့ခံများ ကချင်သတင်းဌာန KNG ကို အတည်ပြုပြောသည်။

အနည်းဆုံး လက်နက်ကြီး ပစ်ခတ် သံ ၂၀ ကျော် ကြားရကြောင်း မြို့ခံ တစ်ဦး ပြောပါသည်။

မြန်မာ စစ်တပ်ဘက်တွင် ခလရ (၂၁)၊ ခလရ (၂၉)၊ ခလရ (၃၇) နှင့် အခြား တပ်ရင်း တို့ ပါဝင်ကြောင်း ပြောပါသည်။

“မိမိတို့ တပ်ဖွဲ့မှ ကားလမ်းမပေါ်ရှိ တပ်မတော် စစ်ဆေးရေး စခန်း (၂) ခုဖြစ်သည့် မြစ်ကြီးနား Nam Koi (နန်းကွေ့) စခန်း နှင့် နမ္မတီး၊ Maran Kahtawng (မရန်ကထောင်) စခန်းကို ယနေ့ နံနက်ပိုင်း တိုက်ခိုက်ခဲ့သည်” KIA သတင်းရပ်ကွက်က ဆိုသည်။

ဖေဖေါ်ဝါရီ (၁) ရက် နေ့ က တရုတ်အစိုးရ ၏ ကြားဝင် ပေးမှုဖြင့် မြန်မာစစ်တပ် နှင့် KIA ခေါင်းဆောင် များ သီးသန့် တရုတ်နယ်စပ်တွင် တွေ့ဆုံခဲ့သော်လည်း ဆွေးနွေးမှု မအောင်မြင်ကြောင်း ကချင်သတင်းဌာန KNG မှ မေးမြန်း သိရပါသည်။

တိုက်ပွဲ ဖြစ်ပွားသည့် နေရာများသို့ မြစ်ကြီးနားမြို့မှ အစိုးရ စစ်အင်အား ဖြည့်တင်းနေပြီး ဖြတ်သွားဖြတ်လာ ခရီးသွားပြည်သူများကိုလည်း အစိုးရတပ် က မေးမြန်မး စစ်ဆေးမှုများ ပြုလုပ်နေသည်ဟု ဒေသခံများ ဆိုပါသည်။

  • Popular

  • Latest