မိုးကြောင့် ဖားကန့်လမ်း ကားများ သောင်တင်

မိုးကြောင့် ဖားကန့်လမ်း ကားများ သောင်တင်

ကချင်ပြည်နယ် မိုးရွာသွန်းမှုကြောင့် ကားများ မြစ်ကြီးနား-ဖားကန့်လမ်းပေါ် ယမန်နေ့က စပြီး သောင်တင်နေကြောင်း ခရီးသည်များ ဆိုပါသည်။

Nam Ting (နမ်တိန်) နှင့် Hkrai Run (တံတားညီနောင်)ကြား ပျက်စီးနေသော ကျောက်ခင်းလမ်း မိုးရေကြောင့် ပိုဆိုးလာကာ အထူးသဖြင့် အလေးချိန်များသော ကုန်တင်ကားကြီးများ ဖြတ်သွား၍ လုံးဝ မရကြောင်း အနီးရှိ Kap Maw ကျေးရွာ ရွာသားများကို မေးမြန်းသိရသည်။

လမ်းပိတ်နေသောကြောင့် ကားကြီးများ ဖားကန့်လမ်း တလျှောက် အချို့ကျေးရွာများတွင် ရပ်ထားသည်ကို မြင်ရကြောင်းလည်း ခရီးသည်များ ဆိုပါသည်။

ဖားကန့် ကျောက်စိမ်းမှော်ကြောင့် မြစ်ကြီးနား-ဖားကန့်လမ်းသည် ခရီးသည်တင်ကားများ နှင့် ကုန်တင်ကားကြီးများ နေ့စဉ် အသွားအလာ အများဆုံးလမ်း တစ်ခုလည်း ဖြစ်သည်။

ပျက်စီးနေသောလမ်းတွင် ယနေ့ညနေပိုင်းထိ ကားငယ်များ ခက်ခက်ခဲခဲ သွားလာနိုင်သော်လည်း ကားကြီးများ လုံးဝ မရသေးကြောင်း ခရီးသည်များကို မေးမြန်းသိရသည်။

  • Popular

  • Latest