ကချင် တောင်ပေါ်မှာ နှစ်ခြင်းသာသနာ ရာပြည့် ပွဲတော်ကြီး ကျင်းပ

ဆဒုံး နှစ်ခြင်းသာသနာ နှစ် ၁၀၀ ပြည့် ကျေးဇူးတော်ချီးမွမ်း မနောပွဲတော် ကျင်းပ၊ မတ်လ ၁၉၊ ၂၀၁၉

ကချင်ပြည်နယ်တောင်ပေါ်ဒေသ ဆဒုံးနယ် နှစ်ခြင်းသာသနာ နှစ် (၁၀၀)ပြည့် ကျေးဇူးတော်ချီးမွမ်း ဆုတောင်းပွဲတော်ကို ဒေသခံ အသင်းတော်များ စုပေါင်းပြီး သုံးရက်ကြာ ပွဲတော်ကြီးကို မတ်လ (၁၈)ရက်နေ့မှ စတင်ပြုလုပ်နေပါသည်။

Sadung (ဆဒုံး)နယ် နှစ်ခြင်းအသင်းတော် (၁၂)ပါး အတူတကွ ပူးပေါင်းပြီး ဆဒုံနယ် ရာပြည့် ဂျူဗလီ ပွဲတော်ကြီး ကို ကချင်ရုိုးရာမနောပွဲတော်နှင့်အတူ ၀ိုင်းမော်မြို့နယ် Chyinghtawng Pa ကျေးရွာအုပ်စု Bum Wa ကျေးရွာတွင် ပြုလုပ်ခြင်းဖြစ်သည်။

Sadung-Kachin-hill-poeples-celebrate-Baptist-mission-centennial-jubilee.jpg

ပွဲတော်ဖြစ်မြောက်ရေးကော်မတီ တာဝန်ခံ ဦး Labya La Wawm က “ဒီပွဲက ကျနော်တို့ရဲ့ ဒီနယ်မြေအတွင်း စတင် သာသနာပြုလာတဲ့နှစ် (၁၀၀) ပြည့်တဲ့ပွဲဖြစ်တယ်။ ပြုလုပ်ဖြစ်တာက ဒီလို နှစ် (၁၀၀)ပြည့်ဖို့ဆိုတာက မလွယ်ဘူးလေ။ အသင်းသူ အသင်းသားတွေ က ဘုရားသခင်ရဲ့ကယ်တင်ခြင်း ကျေးဇူးတော်ကို ချီးမွမ်းတယ်။ ပြီးရင် ဒီဆဒုံးနယ်မြေအတွင်းမှာရှိ ကျနော်တို့ရဲ့ တိုင်းရင်းသား ညီအစ်ကိုတွေ ပိုပြီး စည်းစည်းလုံးလုံး ညီညီညွတ်ညွတ်နေတာကိုမြင်တွေ့စေချင် တယ်။ ဒါကြောင့် ဒီပွဲကိုပြုလုပ်ဖြစ်တယ်” ဟု ကချင်သတင်းဌာန KNG ကို ဆိုသည်။

ပထမဆုံး ဆဒုံးနယ် နှစ်ခြင်းသာသနာကို လွန်ခဲ့သည့် အင်္ဂလိပ်အစိုးရ အုပ်ချုပ်မှုအောက် ၁၉၁၉ ခုနှစ် မတ်လ (၁၉)ရက်နေ့မှာ ဆရာကြီး Sumlut Nawng Lat အစပြုခဲ့ခြင်းဖြစ်သည်။ ဆရာကြီးသည် ကျောင်းဆရာလည်း ဖြစ်ပြီး မိရိုးဖလာ ရိုးရာ နတ်စား ဆဒုံးနယ် ကချင် တောင်ပေါ်သားများ ကို သာသနာပြုခြင်းဖြစ်သည်။

ယခု ဆဒုံးနယ်အသင်းတော်များသည် ကချင်နှစ်ခြင်းခရစ်ယာန်အဖွဲ့ချုပ် (KBC)၊ ၀ိုင်းမော်ဇုံနယ် နှစ်ခြင်းခရစ်ယာန်အသင်းတော်များ အဖွဲ့ (Waingmaw Kachin Baptist Association) ၏ အောက်တွင် ရှိပါသည်။
Sadung-Kachin-hill-poeples-celebrate-centennial-jubilee-of-Baptist-mission-on-March-19.jpg

ကချင်ပြည်နယ်၊ ရှမ်းပြည်မြောက်ပိုင်းနှင့် မြန်မာပြည်တ၀န်း KBC အသင်းတော် ယုံကြည်သူများ ၄သိန်းခန့်ရှိပြီး ကချင်အသင်းတော်များတွင် အကြီးဆုံးလည်း ဖြစ်သည်။

ဆဒုံးနယ် အသင်းတော်များ၏ နှစ်ခြင်းသာသနာ အနှစ် (၁၀၀)ပြည့် ကျေးဇူးတော်ချီးမွမ်း ပွဲတော်ကြီး သို့ အခြားနယ်များမှ ဧည့်သည်များ နှစ်ထောင်ကျော် တက်ရောက်ပါသည်။

  • Popular

  • Latest