ရေလွှဲတံတားလုပ်ပေးရန် မံစီ လွှတ်တော်ကိုယ်စားလှယ် ဒုတိယအကြိမ် တောင်းဆို

ဦးမင်းမင်း၊ ကချင်ပြည်နယ်လွှတ်တော်ကိုယ်စားလှယ်

ကချင်ပြည်နယ် မံစီမြို့နယ်တွင် ဟန်ထက်-မန်သဲရွာချင်းဆက် တာရိုးပေအရှည် ၁၂၀ ခန့်ရှိသည့် တာရိုးဘောင် ပေါက်ပျက်စီးမှုကြောင့် လယ်ယာမြေများ ရေနစ်မြုပ်ခြင်း၊ ဒေသခံများ သွားလာရန် ခက်ခဲနေကြောင်း မံစီမြို့နယ်၊ မဲဆန္ဒနယ်အမှတ်(၁) မှ ပြည်နယ်လွှတ်တော် ကိုယ်စားလှယ် ဦးမင်းမင်းထံမှ သိရသည်။

ထို့ကြောင့် ပြည်နယ်လွှတ်တော်ကိုယ်စားလှယ် ဦးမင်းမင်းမှ ဒေသခံများ သွားလာမှု လွယ်ကူစေရန်အတွက် ရေလွှဲပေါက်တံတားပြုလုပ်ပေးရန် ဒုတိယအကြိမ်မြောက် ကချင်ပြည်နယ် လွှတ်တော်အထူးအစည်းအဝေးတွင် အဆိုတင်သွင်းခဲ့သည်။

“လွှတ်တော်မှာလည်း တင်ခဲ့တယ်။ လွှတ်တော်ပြီးသွားတဲ့အချိန်မှာ အပြင်မှာ ဘဏ္ဍာစီိမံဝန်ကြီး နှုတ်ကတ်ိပေးသွားတာတော့ ရှိတယ်။ သူ့အနေနဲ့ ၂၀၁၉- ၂၀၂၀ အမြန်ဆုံးလုပ်ဆောင်ပေးနိုင်ဖို့ ဘတ်ဂျတ်တင်ပေးသွားမယ်ဆိုပြီး ပြောခဲ့တယ်” ဟု ပြောသည်။

လက်ရှိတွင် ဒေသခံများ ယာယီ ဝါးတံတားကို အသုံးပြုနေပြီး ယာဉ်ကြီးများ သွားလာရန် အဆင်မပြေကြောင်း သိရသည်။ အဆိုပါ ဟန်ထက်-မန်သဲရွာသည် စုစုပေါင်း အိမ်ခြေ ၇၀၀ ခန့်ရှိပြီး ဒေသခံအများစုသည် လယ်ယာစိုက်ပျိုးခြင်းဖြင့် အသက်မွေးဝမ်းပြုသူများဖြစ်ကြောင်း သိရသည်။

အဆိုပါ တာရိုးပျက်စီးမှုကြောင့် လက်ရှိတွင် ဒေသခံတောင်သူ ၁၂ ဦးတို့၏ လယ်မြေဧက ၁၂၀ ခန့်ပျက်စီးဆုံးရူံးသည့်အပြင် ကျောင်းသူ/သား (၁၀၀)ကျော်နှင့် ကျေးလက်နေ ပြည်သူများ တစ်ရွာနှင့်တစ်ရွာကြား သွားလာရန် အခက်ခဲ ဖြစ်နေကြောင်း ၎င်းက ဆက်ပြောသည်။

ယင်းကိစ္စအား လမ်းပန်းဆက်သွယ်ရေးဝန်ကြီး ဦးဝင်းညွှန့်မှ ပြန်လည်ဖြေကြားရာတွင် ၂၀၁၉- ၂၀၂၀ ဘဏ္ဍနှစ်တွင် အကောင်အထည်ဖော်နိုင်ရန် ဘတ်ဂျတ်တောင်းခံပေးမည်ဖြစ်ပြီး ဘတ်ဂျတ်ပေါ်မူတည်ပြီး ဆက်လက်ဆောင်ရွက်ပေးမည် ဖြစ်ကြောင်း သိရသည်။

  • Popular

  • Latest