မြန်မာပြည်မြောက်ပိုင်း ပြည်တွင်းစစ်သတင်း

 

dinghkumajan-myen

 

နိုဝင်ဘာ ၂၉-၂၀၁၁--- ကချင်ပြည်နယ် မြစ်ကြီးနားမြို့ မော်တော်ယာဉ်ထိန်းသိမ်းရေးရုံးအနီးတွင် ည ၇ နာရီဝန်းကျင်၌ ၅ မိနစ်ခန့်ခြားကာ ဗုံး ၂ လုံး ပေါက်ကွဲသည်ဟု ဒေသခံများပြောသည်။

 

နိုဝင်ဘာ ၂၂ ရက်၊ ၂၀၁၁ နံနက် ၆ နာရီ--- ရှမ်းပြည်နယ်စပ် ကချင်ပြည်နယ် ဗန်းမော်ခရိုင် မံဝင်းကြီးတွင် မြန်မာအစိုးရတပ်ကို KIA တပ်ရင်း ၁ ကတိုက်ခိုက်ရာ မြန်မာစစ်သား ၃ ဦး ကျဆုံးသည်ဟု မျက်မြင်များပြောသည်။

နိုဝင်ဘာ ၂၂ ရက်၊ ၂၀၁၁--- ကချင်ပြည်နယ် အရှေ့တောင်ဘက် တရုတ်နယ်စပ်၊ ကချင်လွတ်မြောက်ရေးအဖွဲ့ (KIO)၏ အရှေ့ပိုင်းတိုင်း မိုင်ဂျာယန်မြို့သို့ စစ်ပြေးဒုက္ခသည်များ အများအပြား ရောက်ရှိလာကြကာ မူလရှိနေသည့် အရေအတွက် ၅၀၀၀ ကျော်မှ ယခုရက်အတွင်း ၉၀၀၀ ကျော်နိုင်သည်ဟု အကူအညီ ပေးနေသူများ ပြောသည်။

နိုဝင်ဘာ ၂၂ ရက်၊ ၂၀၁၁ နံနက် ၈ နာရီ--- ဗန်းမော်မြို့ခရိုင်၊ အင်မောက် (မိုင်းမောက်)မြို့နယ်တွင် နိုဝင်ဘာ ၁၇ ရက်က မြန်မာစစ်သားများ သိမ်းပိုက်ထားသော KIA ဖကောန် (Hpakawn) စခန်းအနီး Hkarawm Krung တွင် နှစ်ဖက်တိုက်ပွဲများ ဖြစ်ပွားနေသည်ဟု ဒေသခံများပြောသည်။

 နိုဝင်ဘာ ၂၂ ရက်၊ ၂၀၁၁--- ဗန်းမော်ခရိုင် ဒေ့ါဖွမ်းယန်မြို့နယ်ခွဲရှိ အင်တပ်ဘွမ် (N’Tap Bum)တွင် မြန်မာအစိုးရနှင့် ကချင်လွတ်မြောက်ရေးတပ်ဖွဲ့ (KIA) ကြား တိုက်ပွဲငယ်များ ဆက်လက်ဖြစ်ပွားနေသည်ဟု သိရသည်။

 

kutkai-to-muse-road-Myan-myan

သြဂုတ် ၃၁၊၂၀၁၁ --- ဗန်းမော်မြို့နယ်၊ စိန်လုံစစ်စခန်း၌ တပ်ချနေသည့် မြန်မာစစ်အစိုးရ တပ်နှင့် KIA တပ်မဟာ ၃ လက်အောက်ခံ တပ်သားများ ကြား မနက်ပိုင်း ၉နာရ်ီတွင် ပစ်ခတ်မှုဖြစ်ပွားခဲ့ပါသည်။
 
ခုဖြစ်ပွှားမှုတွင် KIA ၏ မိုင်းမိပြီး အနည်းဆုံးမြန်မာစစ်သား ၄ ဦး ဒဏ်ရာရသည်ဟု KIA တပ်မဟာ ၃ အရာရှိများပြောသည်။
 

သြဂုတ် ၃၁၊၂၀၁၁- -- ရှမ်းပြည်မြောက်ပိုင်း နှစ်နေရာတွင်မြန်မာစစ်အစိုးရနှင့် ကချင်လွတ်မြောက်ရေးအဖွဲ့ (KIA) ပစ်ခတ်တိုက်ခိုက်မှုများဖြစ်ပွားခဲ့သည်။
 
မန္တလေး-မူဆယ် တရုတ်နယ်စပ် ကုန်သွယ်ရေးလမ်းမ၊ နမ်အွမ်ကျေးရွာ အနီးနေ့လည် ၁၁ နာရ်ီတွင် ပထမ ဖြစ်ပွားပြီး ညနေပိုင်း တွင် ကွတ်ခိုင်အနီး နမ်ဖွန်တောင်၌ ပစ်ခတ်မှုဖြစ်ပွားသည်ဟု ဒေသခံတဦး ပြောသည်။
 
ပစ်ခတ်မှုက မူဆယ် တရုတ်ပြည်နယ်စပ်ကုန်သွယ်လမ်းမတွင် လုံခြုံရေးယူနေသော မြန်မာတပ် နဲ့ KIA တပ်မဟာ ၄ စစ်သားများကြားဖြစ်ပွားခဲ့သည်။
 
အခု ပစ်ခတ်မှုတွင် နှစ်ဖက်လုံးမှ ထိခိုက်ဒဏ်ရာ နှင့်ကျဆုံးမှု  ရှိ မ ရှိ အတိကျမသိပါ။

 


  • Popular

  • Latest