မြန်မာစစ်တပ် နှင့် KIA ဒေါ့ဖုန်းယန်တွင် တိုက်ပွဲဖြစ်နေ

ကချင်ပြည်နယ် ဗန်းမော် (မန်မော်)ခရိုင် ဒေါ့ဖုန်းယန်မြို့နယ်ခွဲတွင် ကချင်လွတ်မြောက်ရေးတပ်ဖွဲ့ (KIA)နှင့် မြန်မာအစိုးရတပ်ကြား ယနေ့ နံနက် ၉ နာရီမှစပြီး တိုက်ပွဲများဖြစ်ပွားနေကြောင်း ရှေ့တန်းမှ KIA အရာရှိတစ်ဦး ပြောသည်။

“ဒီမနက် ၉ နာရီမှ အခုထိ ပစ်လိုက်၊ ရပ်လိုက် လုပ်နေကြတယ်။ အခုလဲပစ်နေကြတယ်။ ကြားနေတယ်။” ဟု ၎င်း အရာရှိကပြောသည်။
dawhpumyang-080512
တိုက်ပွဲသည် KIA တပ်မဟာ ၅ အောက် တပ်ရင်း ၁၉ နယ်မြေ လနားခက် (Lana Hkyet) KIA ပန်စွန်စခန်း (Pan Tsun post) ပတ်ဝန်းကျင်၊ KIA ဗဟိုဌာနချုပ် လိုင်ဇာ၏ အနောက်တောင်ဘက် ၁၀ မိုင်ခန့်အကွာတွင် ဖြစ်ပွားခြင်းဖြစ်သည်။

လိုင်ဇာ လုံခြုံရေးအတွက်အရေးပါသော ပန်စွန်စခန်းကို ဧပြီ ၁၁ ရက်နေ့က မြန်မာအစိုးရတပ် ဒေါ့ဖုန်းယန် နယ်မြေခံ ခလရ (၁၄၂)မှသိမ်းယူနိုင်ခဲ့သော်လည်း နှစ်ရက်အကြာတွင် KIA မှ ပြန်လည်သိမ်းယူခဲ့သည်။

 


  • Popular

  • Latest