ဖေဖော်ဝါရီ ၄ ရက်နေ့ နံနက် ၉ နာရီဝန်းကျင်ခန့်တွင် နမ့်ခမ်းမြို့အတွင်း TNLA တအောင်းတပ်မတော်သားများဝင်ရောက်လာကာ အခွန်ကဒ်များ လိုက်ဝေနေကြောင်း ဒေသခံများထံမှ သိရသည်။
ထို့ကြောင့် နမ်းခမ်းမြို့မှ ဈေးသည်များထိတ်လန့်ကာ ဈေးများ ပိတ်သိမ်းထွက်ပြေးတိမ်းရှောင်သူများ ရှိကြောင်း နမ့်ခမ်းမြို့ ဒေသခံတစ်ဦးက ပြောသည်။
“TNLA တံဆိပ်၊ မိုင်းကိုအောင် အခွန်များဦးစီးဌာန ဆိုတဲ့ စာသားပါ အခွန်ကဒ် လိုက်လံဝေတာတွေ့ရတယ် တစ်ချို့ဈေးသည်တွေက ကြောက်လို့ ဆိုင်သိမ်းပြီး ပြန်တဲ့သူတွေလည်းရှိတယ် ” ဟု ဒေသခံတစ်ဦးကပြောသည်။
ယနေ့ နမ့်ခမ်းမြို့တွင်းသို့ ဝင်ရောက်လာသည့် TNLA တအောင်းတပ်မတော်များသည် အင်အား ၆၀ ခန့်ရှိပြီး နံနက် ၉ နာရီဝန်းကျင်တွင် ဝင်ရောက်လာကာ နေ့လည် ၁၁ ဝန်းကျင်တွင် ပြန်လည်ထွက်ခွာသွားကြောင်း ၎င်းကဆက်ပြောသည်။
ပြီးခဲ့သည့်လ ဇန်နဝါရီ ၄ ရက်နေ့ နေ့လည် ၁ နာရီဝန်းကျင်တွင်လည်း နမ့်ခမ်းမြို့မစျေးအတွင်းသို့ အခွန်လာကောက်သည့် TNLA တပ်သားနှစ်ဦး ပစ်သတ်ခံရမူ ဖြစ်ပွားခဲ့ဖူးသည်။
ထို့ပြင် ဇန်နဝါရီ ၅ ရက်နေ့တွင်လည်း TNLA တအောင်းတပ်မတော် နမ့်ခမ်းမြို့ထဲ ဝင်ရောက်ခဲ့ပြီးစစ်ကောင်စီတပ်နှင့် တိုက်ပွဲပြင်းထန်စွာဖြစ်ပွားခဲသည်။
Photo-crd
