သတင်း

တားမြစ်ချိန် ဖြတ်သန်းသွားလာသော သုံးဘိန်းကား ၃ စီးကို KIA မီးရှို့ဖျက်ဆီး

ကချင်ပြည်နယ် တနိုင်းမြို့နယ် တခက်ကျေးရွာတွင် ကန့်သတ်အချိန် ကျော်လွန်ပြီး မောင်းနင်းလာသော သုံးဘီးကား ၃ စီးကို ကချင်လွတ်လပ်ရေးတပ်မတော် KIA တပ်ဖွဲ့က ယမန်နေ့ည ၈ နာရီဝန်းကျင်ခန့်တွင် မီးရှို့ ဖျက်ဆီးပေးလိုက်ကြောင်း သတင်းရရှိပါသည်။

အဆိုပါ သုံးဘီးကား ၃ စီးသည် တနိုင်းမြို့ဘက်မှ ရှင်ဗွေယန်ဘက်သို့ ည ၈ နာရီခွဲဝန်းကျင်ခန့်တွင် မောင်းနင်းလာခဲ့ရာ တခက် နှင့် ခလုန်းကျေးရွာ ၂ခုကြားတွင် မီးရှို့ဖျက်ဆီးပေးလိုက်ခြင်းဖြစ်သည်ဟု ထိုဒေသရှိ KIA ဘက်မှ တာဝန်ရှိသူတစ်ဦးက KNG သတင်းဌာနကို ယခုလိုပြောဆိုခဲ့သည်။

“ညတွင်းသတ်မှတ်ထားတဲ့ အချိန်ကျော်လွန်ပြီး သွားလာတာတွေမလုပ်ကြဖို့ ပြောဆိုတာတွေ၊ နောက် သတိပေးထုတ်ပြန်ထားတာ အကြိမ်ကြိမ်ရှိပြီဖြစ်တယ်။ အခုမီးရှို့ခံရတဲ့ ပိုင်ရှင်ကလည်း စည်းကမ်းဖောက်ပြီး သွားလာနေတာကြာပြီ။ အဲ့ကြောင့် ထပ်မံသတိပေးတဲ့အနေနဲ့ မီးရှို့ပေးလိုက်တယ်” ဟု ပြောဆိုသည်။

အဆိုပါ မီးရှို့ခံရသည့် သုံးဘီးကား ၃ စီးပေါ်တွင် ကျွဲ ၈ ကောင်နှင့် နွားတစ်ကောင် စုစုပေါင်း ၈ကောင် သယ်ဆောင်လာခဲ့ခြင်းဖြစ်ပြီး ပိုင်ရှင်မှာ ရှင်ဗွေယန်မြို့တွင် အမဲခုံဖွင့်လှစ်ထားသူဖြစ်သည်ဟု ဆိုသည်။ ထို့နောက် ကျွဲ ၈ကောင်အပါ ပိုင်ရှင်ကို ဝန်ခံချက်ဖြင့် ပြန်လည်လွှတ်ပေးလိုက်ကြောင်း သိရသည်။

KIA အနေဖြင့် ပြီးခဲ့သော ၂၀၂၁ ခုနှစ် နှစ်ကုန်ပိုင်းမှစတင်ကာ တနိုင်း-ရှင်ဗွေယန်သွားလမ်းမကြီးတစ်လျှောက်ပေါ်တွင် ည ၆ နာရီမှ နံနက်ပိုင်း ၆နာရီအထိ ကုန်တင်ကားများနှင့် အများပြည်သူများ သွားလာခြင်း မပြုကြရန် ထုတ်ပြန် ကြေညာထားခဲ့သည်။

Show More

Related Articles

Back to top button