• Jan- 2024 -
    29 January
    သတင်း

    မိုးကောင်းနဲ့ ဖားကန့်လမ်းမှာရှိတဲ့ နာ့ဟိုင်စစ်ကောင်စီတပ်စခန်း ဆုတ်ခွာ

    မိုးကောင်းမြို့နယ် နာ့ဟိုင်ကျေးရွာ(Namsheng)မှာရှိတဲ့ စစ်ကောင်စီတပ်စခန်းတစ်ခုက တိုက်ပွဲဖြစ်ပွားတာမရှိပေမယ့် ရက်ပိုင်းအတွင်းမှာပဲ တပ်စခန်းတစ်ခုလုံး တပ်ဆုတ်သွားခဲ့တာကြောင့် ကချင်လွတ်လပ်ရေးတပ်မတော် KIA က နယ်မြေရှင်းလင်းရေးလုပ်ဆောင်ခဲ့တယ်လို့ သိရပါတယ်။ ဖားကန့်သွားလမ်း မိုးကောင်းနဲ့ ကားမိုင်းကြားမှာရှိတဲ့ နာ့ဟိုင်စစ်ကောင်စီတပ်ဖွဲ့တွေဟာ ဇန်နဝါရီလ ၂၇ ရက်နေ့ တပ်စခန်းတစ်ခုလုံးက ကားမိုင်းဗျူဟာကုန်းနေရာဆီ ဆုတ်ခွာသွားကြတယ်လို့…

    Read More »
  • 29 January
    သတင်း

    ပူတာအိုမြို့အထွက်မှာ တန်ဂူးတန်ပြည်သူ့စစ်က ဂိတ်ထိုင်ဖို့ပြင်ဆင်နေ

    ကချင်ပြည်နယ် ပူတာအိုမြို့အပြင်ဘက် လမ်းဆုံတစ်နေရာမှာ ဦးတန်ဂူးတန်ဦးဆောင်တဲ့ပြည်သူ့စစ်တပ်ဖွဲ့က စစ်ဆေးရေးဂိတ်ထိုင်ဖို့ပြင်ဆင်နေတယ်လို့ ဒေသခံတွေဆီကနေ သိရပါတယ်။ ဂိတ်ထိုင်မယ့်နေရာဟာ ပူတာအိုမြို့အထွက် ဂျူဗလီရပ်ကွက်ထဲက နောင်မွန်မြို့နယ်နဲ့ မချမ်းဘော့မြို့နယ်တွေဘက်ကိုသွားတဲ့လမ်းဆုံနေရာမှာဖြစ်ပြီး စစ်ဆေးရေးဂိတ်ထိုင်ဖို့အတွက် ဇန်နဝါရီလဆန်းပိုင်းကတည်းကပြင်ဆင်နေတယ်လို့ ပူတာအိုမြို့ လေယာဥ်ကွင်းရပ်ကွက်နေအမျိုးသားတစ်ဦးက KNGကိုပြောပါတယ်။ “တကယ့်လမ်းဆုံနေရာမှာကြီးထိုင်ဖို့လုပ်နေတယ် အခုသူတို့ဂိတ်ထိုင်ဖို့လုပ်နေတဲ့နေရာက နောင်ခိုင်တို့၊ နောင်မွန်တို့မချမ်းဘော့တို့ကိုသွားမယ်ဆိုအဲ့တာကိုဖြတ်ရမှာအဲ့ဒီနေရာမှာထိုင်ဖို့လုပ်နေတာအခု ဂိတ်တဲပေါ့ သတင်းပို့ရန်ဆိုပြီးရှိတယ်လေးဂိတ်တိုင်းမှာအေ အဲ့လိုမျိုးတဲကတော့ပြီးသွားပြီအခုတားတဲ့ဟာလုပ်နေတယ်”လို့ လေယာဥ်ကွငးရပ်ကွက်နေ အသက် ၅၀ ကျော်အရွယ်အမျိုးသားတစ်ဦးက KNGကိုပြောပါတယ်။ လက်ရှိဂိတ်ထိုင်ဖို့ပြင်ဆင်နေတဲ့ အဲ့ဒီနေရာဟာ လေယာဥ်ကွင်းရပ်ကွက်နဲ့ ဂျူဗလီရပ်ကွက်ကြားမှာဖြစ်ပြီး ဂိတ်တဲဆောက်တာနဲ့ ဝါးတားဂိတ်လုပ်ဖို့တိုင်စိုက်တာမျိုးတွေပြီးစီးနေပြီလို့သိရပါတယ်။ ဒါ့အပြင် တန်ဂူးတန်ဦးဆောင်တဲ့ပြည်သူ့စစ်အနေနဲ့ လူနေရပ်ကွက်ကြားမှာ အခုလိုစစ်ဆေးရေးဂိတ်ထိုင်ဖို့ပြင်ဆင်နေတာနဲ့ပတ်သက်ပြီးဒေသခံတွေကြားမှာစိုးရိမ်မှုတွေလည်းမြင့်တက်နေတယ်လို့ လုံးစွတ်ရပ်ကွက်နေအမျိုးသားတစ်ဦးက အခုလိုပြောပါတယ်။ “ဒါကြီးကမဖြစ်သင့်ဘူးလေး မြို့ပြင်ဘက် ဆိုပေမယ့် ဂျူဗလီနဲ့လေယာဥ်ကွင်းရပ်ကွက် ကြားမှာဖြစ်နေတယ် သူတို့ဂိတ်ထိုင်လိုက်ပြီဆိုတာနဲ့ ပြည်သူတွေက အရင်လိုလွတ်လွတ်လပ်လပ်သွားလာလို့ရတော့မှာမဟုတ်ဘူးပြီးတော့ အခုခေတ်အခြေအနေအရ အဲ့ဒီဂိတ်ကိုတစ်ဖွဲ့ဖွဲ့က လက်နက်ကြီးနဲ့ထုတာတို့ဘာတို့ဖြစ်လာရင် လေယာဥ်ကွင်းရပ်ကွက်ထဲတွေမှာ ကျပြီးပြည်သူတွေထိလာနိုင်တယ်”လို့အထက်ပါအမျိုးသားကပြောပါတယ်။ ဒေသခံတွေပြောပြချက်အရလာမယ့်  ဂိတ်ထိုင်ဖို့ပြင်ဆင်နေတဲ့နေရာဟာ ပူတာအိုမြို့ စစ်တပ်အခြေစိုက်စခန်းအနီးမှာဖြစ်ပြီး ဖေဖော်ဝါရီလကုန်ပိုင်းလောက်မှာဂိတ်ထိုင်နိုင်အောင် ပြင်ဆင်နေတဲ့အပြင် တစ်ဖက်မှာလည်း ခုလိုဂိတ်ထိုင်လာရင် ပူတာအိုဒေသမှာ ရဝမ်၊ လီဆူလူမျိုးတွေနဲ့အခြားမျိုးနွယ်စုတွေကြားလူမျိုးရေးခွဲခြားမှုတွေဖြစ်လာနိုင်တာကြောင့် ဂိတ်ထိုင်ဖို့ပြင်ဆင်နေတာကို ရပ်နားသင့်တယ်လို့ဒေသခံတွေက သုံးသပ်ပြောဆိုပါတယ်။ ၂၀၀၉ ခုနှစ်မှာ အစိုးရကပြည်နယ်/တိိုင်းဒေသအသီးသီးမှာရှိတဲ့ ငြိမ်းချမ်းရေးယူထားတဲ့ လက်နက်ကိုင်အဖွဲ့အစည်းတွေကိုပြည်သူ့စစ်အဖြစ်ပြောင်းလဲဖွဲ့စည်းပေးလိုက်ပြီးနောက် ဦးတန်ဂူးတန်ဦးဆောင်တဲ့ ပြည်သူ့စစ်အဖွဲ့စည်းပေါ်ပေါက်လာခြင်းဖြစ်ပြီး လက်ရှိ ပူတာအို၊ခေါင်လန်ဖူးအထိ ပြည်သူ့စစ်တွေရှိနေတာဖြစ်ပါတယ်။ By – Zaw Zaw

    Read More »
  • 29 January
    သတင်း

    ကိုင်းထိပ်စခန်းကို KIA တိုက်ခိုက်သိမ်းပိုက်ပြီးစီးကြောင်း ဗိုလ်မှူးကြီးနော်ဘူအတည်ပြု

    ကချင်ပြည်နယ် မံစီမြို့နယ်ရှိ စစ်ကောင်စီ ခလရ ၁၀၂ တပ်ရင်းအောက် ကိုင်းထိပ်တပ်စခန်းကို ကချင်လွတ်လပ်ရေးတပ်မတော် KIAနဲ့ PDF ပူးပေါင်းတပ်ဖွဲ့တွေ တိုက်ခိုက်သိမ်းပိုက်လိုက်ပြီဖြစ်ကြောင်း ဗိုလ်မှူးကြီးနော်ဘူအတည်ပြုပြောဆိုပါတယ်။ မံစီမြို့နဲ့ မံဝိန်းကြီးမြို့ကြားမှာတည်ရှိတဲ့ ကိုင်းထိပ်စစ်ကောင်စီတပ်စခန်းကြီးကို ဇန်နဝါရီ ၂၉ ယနေ့နံနက်ပိုင်း ၉ နာရီခန့်မှာ အပြီးစီးသိမ်းပိုက်ရရှိလိုက်ပြီဖြစ်ကြောင်း သိရပါတယ်။ “ကိုင်းထိပ်တပ်စခန်းကို မနေ့ကတည်းက တိုက်ပြီး ဒီမနက် ၉ နာရီခွဲလောက်မှာတော့ အပြီးအားလုံး သိမ်းပိုက်ရရှိပြီဖြစ်တယ်လို့ သတင်းပို့လာတယ်။ သူတို့ရဲ့ တပ်ရင်းက မဂျီဂုန်ဗျူဟာဆိုတော့ အဲ့ဘက်ကို အားလုံးထွက်ပြေးကုန်တာဖြစ်နိုင်တယ်”ဟု KIO သတင်းနှင့်ပြန်ကြားရေးတာဝန်ခံ ဗိုလ်မှူးကြီးနော်ဘူကပြောပါတယ်။ KIA တပ်ရင်း ၂၇ နယ်မြေရှိ မိုင်းခေါင်အနီး စစ်ကောင်စီ ခလရ ၁၀၂ မဂျီဂုန်တပ်ရင်းဗျူဟာကုန်းအောက်က ကိုင်းထိပ်စစ်ကောင်စီတပ်စခန်းကို ဇန်နဝါရီ ၂၈ နေ့ နေ့လည်ပိုင်းကစပြီး KIA ဘက်က လက်နက်ကြီး၊ ဒရုန်းစစ်ဆင်ရေးတွေနဲ့ အပြင်းအထန်ထိုးစစ်ဆင်တိုက်ခိုက်ခဲ့ပြီး စစ်ကောင်စီတပ်သားတွေ ထွက်ပြေးသွားတာကြောင့် ဒီနေ့ မနက်အပြီးသိမ်းပိုက်နိုင်ခဲ့တာဖြစ်တယ်လို့ သိရပါတယ်။ ဒီကိုင်းထိပ်စစ်တပ်စခန်းက မံစီနဲ့ မံဝိန်းကြီးကြား ကားလမ်းမပေါ်ရှိ တစ်ခုတည်းသော အကြီးဆုံးတပ်စခန်းလည်း ဖြစ်တယ်လို့ သိရပါတယ်။ KIA တပ်မဟာ ၃ တပ်ရင်း ၂၇၊ တပ်ရင်း ၁ အပါအဝင် PDF တွေပူးပေါင်းပြီး  ကိုင်းထပ်စစ်တပ်စခန်းကို လက်နက်ကြီးနဲ့ ဒရုန်းစစ်ဆင်ရေးဖြင့် သိမ်းပိုက်နိုင်ခဲ့ကြောင်း KIA ရှေ့တန်းသတင်းရင်းမြစ်တစ်ဦးကလည်း အခုလိုပြောပါတယ်။ “ကိုင်းထိပ်စစ်တပ်စခန်းကို လက်နက်ကြီးတွေနဲ့ ဒရုန်းတွေနဲ့ အများပိုင်းသုံးပြီး တိုက်စစ်အဖြစ် တိုက်ခိုက်ပြီးနောက် စစ်တပ်စခန်းထဲက စစ်သားတွေ မခံနိုင်တော့လို့ မနေ့ညနေပိုင်းပဲ ထွက်ပြေးသွားကြတာဟုတ်တယ်။  မနေ့ည ၈ နာရီမှာ သူတို့ရဲ့ ခံတပ်ထဲဝင်နိုင်ပြီး ဒီမနက်တော့ အပြီးသိမ်းလိုက်တာဖြစ်တယ်”ဟု KIA ရှေ့တန်းသတင်းရင်းမြစ်တစ်ဦးကလည်း ပြောပါတယ်။ ကချင်လွတ်လပ်ရေးတပ်မတော် KIA ဘက်က ပြီးခဲ့တဲ့ ဇန်နဝါရီ ၂၁ ရက်နေ့က ရှမ်း–ကချင်–တရုတ်နယ်စပ်မှာ တည်ရှိတဲ့ မံဝိန်းကြီးစစ်တပ်စခန်းကို တိုက်ခိုက်သိမ်းပိုက်ပြီးနောက် ကိုင်းထိပ်စစ်တပ်စခန်းကုန်းကို ထပ်မံသိမ်းပိုက်လိုက်တာဖြစ်ပါတယ်။ “အဲ့ဘက်မှာက စစ်တပ်စခန်းမရှိတော့ဘူး။  မံစီနဲ့ မံဝိန်းကြီးသွားတဲ့ ကားလမ်းတစ်လျှောက်ပေါ့။ အဲ့ဒီကိုင်းထိပ်နဲ့ မံဝိန်းကြီးကြားက ကျောက်ဖျာစစ်တပ်စခန်းလည်း သူတို့ဟာသူတို့ ဆုတ်ခွာသွားပြီးဖြစ်တယ်။ အခုအဲ့ကားလမ်းတစ်လျှောက် စစ်တပ်စခန်းမရှိတော့ဘူး”ဟု ဗိုလ်မှူးကြီးနော်ဘူက ဆက်လက်ပြောပါတယ်။ လက်ရှိ မံဝိန်းကြီးဒေသ နဲ့ မံစီမြို့နယ်အတွင်းရှိ စစ်ကောင်စီတပ်စခန်းတွေကို KIA ဘက်က ထိုးစစ်ဆင်တိုက်ခိုက်နေဆဲဖြစ်ပြီး စစ်ရေးတင်းမာနေတဲ့အပြင် ဗန်းမော်မြို့ဘက်မှာလည်း စစ်ကောင်စီက ပြည်သူတွေကို ဖမ်းဆီး အရေးယူတာတွေ လုပ်ဆောင်နေပါတယ်။ By – ဂျာဘောက်ရာ

    Read More »
  • 29 January
    သတင်း

    နန်းမားမှာ လက်နက်ကြီးထိမှန်ပြီး အရပ်သားတစ်ဦးသေဆုံးပြီး တစ်ဦးဒဏ်ရာရ

    ကချင်ပြည်နယ်၊ မိုးညှင်းမြို့နယ် အင်းတော်ကြီးဒေသ နန်းမားမြို့မှာ စစ်ကောင်စီတပ် ပစ်ခတ်လိုက်တဲ့လက်နက်ကြီးကြောင့် အရပ်သား တစ်ယောက်သေဆုံးပြီး တစ်ယောက် ထိခိုက်ဒဏ်ရာရရှိခဲ့တယ်လို့ သိရပါတယ်။

    Read More »
  • 29 January
    သတင်း

    မိုးမိတ်တိုက်ပွဲ KIA နဲ့ပူးပေါင်းတပ်တွေဆုတ်သွားပြီး မြို့ကိုစစ်ကောင်စီတပ်ထိန်းချုပ်ထား

    ကချင် နဲ့ ရှမ်းပြည်မြောက်ပိုင်းအစပ် မိုးမိတ်မြို့သိမ်းတိုက်ပွဲဆင်နွှဲနေတဲ့ ကချင်လွတ်လပ်ရေးတပ်မတော် KIA နဲ့ ကာကွယ်ရေးပူးပေါင်းတပ်တွေအပါအဝင် တော်လှန်ရေးအင်အားစုတွေ တပ်ပြန်ဆုတ်သွားပြီဖြစ်ပြီး စစ်ကောင်စီတပ်ဘက်က မြို့တွင်းကိုပြန်လည်ထိန်းချုပ်ထားတယ်လို့ စစ်ဘေးရှောင်နေတဲ့ဒေသခံတွေဆီက သိရပါတယ်။ ပြီးခဲ့တဲ့ ဇန်နဝါရီလ ၁၈ ရက်နေ့က KIAနဲ့ကာကွယ်ရေးတပ်တွေအပါအဝင် တော်လှန်ရေးအင်အားစုတွေ မိုးမိတ်မြို့ကို မြို့သိမ်းတိုက်ပွဲဆင်နွှဲနေပေမယ့် ဇန်နဝါရီလ ၂၇ ရက်နေ့မှာတော့ တပ်ဆုတ်သွားပြီဖြစ်ပြီး မြို့တွင်းကို စစ်ကောင်စီတပ်ကဝင်ရောက်ပြီး နယ်မြေရှင်းလင်းတာတွေလုပ်နေတယ်လို့ ဘေးလွှတ်ရာရောက်နေတဲ့ စစ်ဘေးရှောင်တစ်ယောက်ကပြောပါတယ်။ “လက်တလောက ဟိုဘက်အဖွဲ့အစည်းတွေကပြန်ဆုတ်သွားတယ်လို့ပြောတယ်ဗျ တပ်ကတော့ မြို့ထဲ ဝင်ပြီး ရှင်းလင်းရေးတွေလုပ်တယ်လို့ သတင်းရပါတယ် မနေ့က ကယ်ဆယ်ရေးလုပ်နေတဲ့ တစ်ယောက် ကဖုန်းဆက်လာတယ် မြို့ထဲကို ပေးမဝင်ဘူးလို့ပြောတယ်”လို့ ပြောပါတယ်။ ဒါ့အပြင် စစ်ကောင်စီတပ်ပိုင် ရုပ်သံချန်နယ်လ်တွေနဲ့ ဝါဒဖြန့်တယ်လီဂရမ်ချန်နယ်လ်တွေမှာလည်း မိုးမိတ်မြို့ကို စစ်ကောင်စီတပ်ဘက်ကပြန်လည်ထိန်းချုပ်ထားပြီလို့ ဓာတ်ပုံတွေနဲ့တကွထုတ်ပြန်ထားပါတယ်။ လက်ရှိမှာ စစ်ကောင်စီတပ်ဖွဲ့ဝင်တွေဟာ မြို့ထဲကို ဝင်လာနိုင်တဲ့နေရာတွေအားလုံးကို လုံခြုံရေးတွေချပြီးနေရာယူထားသလို မြို့ရှောင်လမ်း၊ အုန်းချောရွာသစ် နဲ့ မြို့ပတ်ပတ်လည်နေရာတချို့ကို ထိန်းချုပ်ထားတယ်လို့ ဒေသခံတွေ ကပြောပါတယ်။ စစ်ကောင်စီတပ်ဘက်ကတော့ မြို့တွင်းမှာ နယ်မြေရှင်းလင်းရေးလုပ်နေလို့ပေးမဝင်တာဖြစ်တယ်လို့ပြောပေမဲ့ စစ်ကောင်စီတပ်ဘက်က မြို့တွင်းထဲကဆိုင်တွေထဲဝင်ပြီးတန်ဖိုးကြီးပစ္စည်းတွေသယ်ယူ တာတွေလုပ်နေတယ်လို့ ဒေသခံတစ်ယောက်ကပြောပါတယ်။ “သူတို့ဘက်ကပြောတာပေါ့နော် မြို့ထဲ ဗုံးတွေဘာတွေထောင်ထားထဲ့မှာစိုးလို့ ပြည်သူတွေထိမှာစိုးလို့ ပြောတာပေါ့နော် ဒါပေမဲ့ ခံစားရတဲ့ပြည်သူတွေကတော့ အကုန်လုံးကပြောတာပေါ့နော် မြို့တွင်းထဲက ပစ္စည်းတွေဆိုရင် ထော်လာဂျီတွေနဲ့တိုက်ပြီးကိုယူတယ်တဲ့ ဆိုင်ကယ်ဆိုင်တွေကလည်း တစ်စီးပြီးတစ်စီး ယူတယ်လို့ ပြောတယ်ဗျ” လို့  ပြောပါတယ်။ မိုးမိတ်မြို့နယ်ကိုတော့ ပြီးခဲ့တဲ့ ဇန်နဝါရီလ ၁၈ ရက်နေ့ကစပြီး KIA နဲ့ PDF ပူးပေါင်းတပ်တွေအပါအဝင် တော်လှန်ရေးအင်အားစုတွေပူးပေါင်းပြီးတော့ တိုက်ပွဲစတင်ခဲ့ရာ စစ်ကောင်စီတပ်ဘက်ကလည်း ခရိုင်အဆင့်ရှိတဲ့ မိုးမိတ်မြို့ကို လက်မလွှတ်ရရေး လေကြောင်းနဲ့ပစ်ခတ်တာအပြင်၊ လက်နက်ကြီးတွေနဲ့ အစွမ်းကုန်ခုခံခဲ့တာဖြစ်ပါတယ်။ တိုက်ပွဲအတွင်း စစ်ကောင်စီတပ်ဘက်က မြို့တွင်းကို လေကြောင်းကနေဗုံးကြဲတိုက်ခိုက်မှုတွေဆက်တိုက်လုပ်ခဲ့သလို နေအိမ်မီးရှို့ဖျက်ဆီးတာတွေလည်း ဆက်တိုက်ပြုလုပ်ခဲ့လို့ မြို့တွင်းရဲ့ ၄ ပုံ ၃ ပုံလောက်ကပျက်ဆီးသွားပြီလို့ ဒေသခံတွေကပြောပါတယ်။ တစ်ဖက်မှာ မြို့တွင်းအရပ်သားသေဆုံးမှုတွေလည်းရှိနေတယ်လို့ ဒေသခံတွေကပြောပေမယ့် အသေးစိတ်အခြေနေကို ဖုန်းနဲ့အင်တာနက်လိုင်းအခက်အခဲကြောင့် KNG က အတည်မပြုနိုင်သေးပါဘူး။ ဒါ့အပြင် တစ်ဖက်မှာ တိုက်ပွဲစဖြစ်လာပြီး ၄ ရက်မြောက်နေ့ဖြစ်တဲ့ ဇန်နဝါရီလ ၂၁ ရက်နေ့မှာတော့ မြို့တွင်း ဖုန်းနဲ့အင်တာနက်လိုင်းတွေလုံးဝပြတ်တောက်သွားခဲ့ရာ ဒီကနေ့အထိ အဆက်အသွယ်မရပျောက်ဆုံးနေတဲ့ အရပ်သားကလည်း ရာနဲ့ချီရှိနေသေးတယ်လို့ စစ်ဘေးရှောင်ကူညီနေသူတွေဆီကသိရပါတယ်။ မိုးမိတ်မြို့နယ်ထဲမှာတော့ ခလရ ၂၂၃ ၊ခလရ ၂၇၆ တပ်ရင်းတွေနဲ့ မြောက်ပိုင်းတိုင်းစစ်ဌာနချုပ် လက်အောက်ခံ ခမရ ၃၄၈ တပ်ရင်းတို့အပြင် ဗန်းမော်အခြေစိုက် အမှတ် ၂၁ စစ်ဆင်ရေးကွပ်ကဲမှုဌာန ချုပ် ဗျူဟာတစ်ခု တည်ရှိပြီး စစ်ရေးအရ အရေးပါတဲ့ မြို့တစ်ခုဖြစ်တယ်လို့ စစ်ရေးနဲ့နိုင်ငံရေးလေ့လာ သူတွေကသုံးသပ်ကြပါတယ်။ By – အမိုး

    Read More »
  • 29 January
    သတင်း

    ပြည်သူ့စစ်ခေါင်းဆောင် ဦးလစားခေါင်ဒေါင် နေအိမ်ပစ်ခတ်ခံရ 

    ကချင်ပြည်နယ် ဝိုင်းမော်မြို့နယ် အောင်မြေ(၁)ကျေးရွာမှာ စစ်ကောင်စီလက်အောက် လော်ဝေါ်အမည်ခံ ပြည်သူ့စစ်ခေါင်းဆောင်တစ်ယောက်ဖြစ်တဲ့ ဦးလစားခေါင်ဒေါင်ရဲ့ (Latsa Hkawng Dau)နေအိမ်ပစ်ခတ်ခံရပြီး ၅ ယောက်ထက်မနည်း ထိခိုက်ဒဏ်ရာရရှိခဲ့တယ်လို့ သိရပါတယ်။ အောင်မြေ(၁) ကျေးရွာ ရပ်ကွက်(၅)ထဲမှာ ပြည်သူ့စစ်အင်အား ၂၀ ဝန်းကျင်လောက်နဲ့ လုံခြုံရေးတင်းကြပ်ထားတဲ့ ဦးလစားခေါင်ဒေါင်ရဲ့နေအိမ်ကို ကချင်လွတ်လပ်ရေးတပ်မတော် KIA တပ်ရင်း ၃ အဖွဲ့တွေက ဇန်နဝါရီလ ၂၈ ရက်ည ၁၁ နာရီခွဲဝန်းကျင်လောက်မှာ သွားရောက်တိုက်ခိုက်ခဲ့တယ်လို့ ဒေသခံတွေကပြောပါတယ်။ နေအိမ်တိုက်ခိုက်ခံရမှုကြောင့် ဦးလစားခေါင်ဒေါင်အပါ သူ့ရဲ့ သားဖြစ်သူနဲ့ လက်အောက်ခံတပ်သား စုစုပေါင်း ၅ ယောက် ထက်မနည်း ပြင်းထန်ဒဏ်ရာရရှိခဲ့တယ်လို့ အောင်မြေ(၁)ဒေသခံ အမျိုးသားတစ်ယောက်က KNG ကိုပြောပါတယ်။ “ည ၁၁ နာရီဝန်းကျင်လောက်မှာဖြစ်သွားတာဟုတ်တယ်။ အဲဒီဖြစ်ပွားတဲ့ည မှာပဲ ရွာလူကြီးတွေနဲ့အတူ သွားကြည့်ကြတော့ အိမ်ရဲ့သွပ်ခေါင်မိုးတွေ ပေါက်ပြဲသွားတယ်။ နောက်အိမ်ခြံဝင်းရဲ့ တပ်ခြံတွေလည်း ပျက်စီးသွားတယ်။ ကျောင်းနဲ့ နီးတော့ ကျောင်းနံရံလည်ထိထားတာတွေ့ရတယ်။ ပေါက်ကွဲမှုဖြစ်ပွားတဲ့အနီးတဝိုက်မှာလည်း ထိခိုက်ဒဏ်ရာရသွားတဲ့သူတွေရဲ့ သွေးစွန်းထားတာတွေလည်းတွေ့ရတယ်”လို့ ပြောပါတယ်။ ပြည်သူ့စစ်ခေါင်းဆောင်ဖြစ်တဲ့ ဦးလစားခေါင်ဒေါင်ကတော့ သူ့ရဲ့ ခြေတစ်ဖက်မှာဒဏ်ရာပြင်းထန်စွာရရှိခဲ့ပြီးတော့ သားဖြစ်သူကဖုန်းသုံးနေတဲ့အချိန်မှာ ပေါက်ကွဲမှုဖြစ်ပွားခဲ့တာကြောင့် မျက်နှာနဲ့ တစ်ချို့နေရာမှာ ထိခိုက်ဒဏ်ရာရရှိခဲ့တယ်လို့ ပြောပြပါတယ်။ လက်ရှိ ဦးလစားခေါင်းဒေါင်အပါ ပြင်းထန်ဒဏ်ရာရရှိခဲ့တဲ့ ၅ ယောက်လောက်ကို စစ်တပ်နေရာမှာဆေးကုသခံယူနေတယ်လို့ သိရပြီး ပစ်ခတ်ခံရတဲ့ နေအိမ်ကိုလည်း စစ်တပ်နဲ့ ဦးရွှေမင်းပြည်သူ့စစ်အဖွဲ့က သွားရောက်ရှင်းလင်းလုပ်ဆောင်ခဲ့တယ်လို့သိလည်းသိရပါတယ်။ KIA ဘက်က နေအိမ်ကို သွားရောက်ပစ်ခတ်ချိန်မှာ ဦးလစားခေါင်ဒေါင်ရဲ့ အိမ်ဝင်းထဲမှာ လူ အယောက် ၂၀ လောက်က စုပုံနေပြီးပါတီပွဲလုပ်နေတဲ့အချိန်သွားရောက်တိုက်ခိုက်ခဲ့တာဖြစ်တယ်လို့လည်းသိရပါတယ်။ အခုလို ပြည်သူ့စစ်ခေါင်းဆောင် ဦးလစားခေါင်ဒေါင် ပစ်ခတ်ခံရတာဟာ ပြီးခဲ့တဲ့ နှစ်ကုန်ပိုင်းလောက်ကနေ ဝိုင်းမော်ဒေသထဲမှာ ဦးရွှေမင်းပြည်သူ့စစ်အဖွဲ့တွေနဲ့ပူးပေါင်းပြီး ဒေသအတွင်းအမှာ မတည်အငြိမ်ဖြစ်အောင် လုပ်ဆောင်နေတာကြောင့် KIA ကနေ သွားရောက်သတိပေးခဲ့တာဖြစ်တယ်လို့ ဝိုင်းမော်ဒေသခံအမျိုးသားက သုံးသပ်ပြောဆိုပါတယ်။ “ဘာလို့တိုက်ခိုက်ခံရတာလည်းဆိုတော့ ဒေသခံတွေကို ရွှေမင်းပြည်သူ့စစ်နဲ့ ပူးပေါင်းပြီး ဖမ်းဆီးတာတွေ လုပ်တယ်။ ပြီးရင်ပိုက်ဆံကောက်၊ ခြယ်လှယ်နေတာအရမ်းကြာပြီ။ ပြီးရင် KIA ဘက်ကလည်း တာကို စောင့်ကြည့်နေတာ လို့ထင်တာ။ တာကြောင့် သတိပေးတဲ့ ပုံစံနဲ့ သွားပစ်လိုက်တာလို့ပဲကြားပါတယ်”လို့ပြောပါတယ်။ ဦးလစားခေါင်ဒေါင်ဟာ ဝိုင်းမော်မြို့နယ်ထဲမှာ ရွှေမင်းပြည်သူ့စစ်အဖွဲ့တွေနဲ့ ပူးပေါင်းပြီးတော့ KIA နဲ့ ဆက်နွယ်ပတ်သက်မှုရှိတယ်လို့ ယူဆရတဲ့ ပြည်သူတွေကို နေအိမ်ထဲဝင်ရောက်ဖမ်းဆီးတာတွေ ပုံမှန်လုပ်ဆောင် နေပြီး မိသားစုဝင်တွေကို ငွေကြေးနဲ့ ပြန်လည်ရွေးယူခိုင်းတာတွေလုပ်ဆောင်နေတယ်လို့ အောင်မြေ(၁)ဒေသခံတွေက ပြောပါတယ်။ ဒါ့အပြင် ဦးလစားခေါင်ဒေါင်က ဝိုင်းမော်ဒေသမှာ လော်ဝေါ်လူမျိုးရဲ့ အမည်နာမကို အသုံးပြုပြီးတော့ လော်ဝေါ်ပြည်သူ့စစ်ခေါင်းစဉ်အောက်မှာ ပြည်သူ့စစ်ဖွဲ့စည်းဖို့ရန်အတွက် ကြိုးစားလုပ်ဆောင်နေတာဖြစ်ပြီး အင်အား နည်းနေသေးတာကြောင့် ဦးရွှေမင်းရဲ့ အကာအကွယ်အောက်မှာရှိနေတာဖြစ်တယ်လို့ သိရပါတယ်။ အောင်မြေ(၁) ဒေသခံပြည်သူတွေရဲ့ ပြောဆိုချက်အရ ဦးလစားခေါင်ဒေါင်ဟာ ဝိုင်းမော်ဒေသမှာ ဦးရွှေမင်းပြည်သူ့စစ်အဖြစ် ရပ်တည်နိုင်ဖို့ရန်အတွက် ဦးရွှေမင်းရဲ့အောက်မှာထောက်ပံ့ပေးနေတဲ့ ၁၀ ယောက်ကျော်ရှိတဲ့ထဲမှာ တစ်ဦးအပါအဝင်ဖြစ်တယ်လို့ လည်း သိရပါတယ်။ ဒါ့အပြင် တစ်ဖက်မှာလည်း ဦးလစားခေါင်ဒေါင်အပါအဝင် လော်ဝေါ်လူမျိုးထဲကခေါင်းဆောင်တစ်ချို့ဟာ လော်ဝေါ်အမည်ခံပြီး ပြည်သူ့စစ်ဖွဲ့ဖို့ကြိုးစားနေတာကြောင့် ပြီးခဲ့တဲ့နှစ်မှာ နိုဝင်ဘာလမှာလော်ဝေါ်စာပေယဉ်ကျေးမှုဗဟိုကော်မတီကနေ နိိုင်ငံရေး၊လူမူရေးနဲ့တစ်ခြားအသင်းအဖွဲ့များဖွဲ့စည်းတည်ထောင်ရာမှာ လော်ဝေါ်မျိုးနွယ်စုအမည်နာမကို သုံးစွဲဖို့ခွင့်မပြုဘူးလို့ တရားဝင်ထုတ်ပြန်ထားတာလည်းဖြစ်ပါတယ်။ By – နော်ထွယ့်(ဟူးကောင့်)

    Read More »
  • 29 January
    သတင်း

    နမ့်ဖတ်ကာ ဒေသခံများအနေနဲ့ ခွင့်ပြုချက်ရမှသာ နေရပ်ပြန်လာဖို့  KIA ပြောဆို

    ရှမ်းမြောက် နမ်ဖတ်ကာမှာ မိုင်းရှင်းလင်းရေးလုပ်ငန်းများလုပ်ဆောင်ဖို့လိုအပ်သေးတာကြောင့် ကချင်လွတ်လပ်ရေးတပ်မတော် KIA ရဲ့ ခွင့်ပြုချက်ရမှသာ ဒေသခံစစ်ရှောင်ပြည်သူတွေ နေအိမ်ပြန်လာကြဖို့ KIA ဘက်ကပြောဆိုထားတယ်လို့ဒေသခံတွေပြောပါတယ်။ KIA  တိုက်ခိုက်သိမ်းပိုက်ထားနိုင်ပြီဖြစ်တဲ့ နမ့်ဖတ်ကာမှာ စစ်တပ်ဘက်ကတိုက်ပွဲမဖြစ်ခင်ကတည်းက တပ်စခန်းပတ်ပတ်လည်နဲ့နေရာတော်တော်များများမှာ မိုင်းထောင်ထားတာတွေရှိတာကြောင့် KIA ဘက်က ရွာသားတွေကို အဝင်အထွက်ခွင့်မပြုသေးတာဖြစ်တယ်လို့ သိရပါတယ်။ “ဘေးပတ်ဝန်းကျင် မိုင်းထောင်ထားတာတွေ အများကြီးရှိသေးတယ်။ KIA ဘက်က အဲ့ဒါတွေကို ရှင်းလင်းရေးပြုလုပ်ရအုံးမယ်လို့ပြောတယ်။ ပြီးတော့ ရွာသားတွေကိုလည်း လုံး၀အဝင်အထွက်ခွင့်မပြုသေးကြောင်းပြောတယ်။ ဒါကြောင့် ရွာသားတွေလည်း KIA ဘက်က ဝင်လာတော့ ဝင်လာလို့ရပြီဆိုမှ ဝင်လာကြရအောင်လို့ ပြောချင်တယ်။ အိမ်တွေ အများကြီး ပျက်စီးသွားတော့ KIA ဘက်က အဲ့လိုအပျက်အစီးတွေကို ရှင်းလင်းရေးလုပ်ဆောင်အုံးမယ်ပေါ့။ သူတို့ ခွင့်ပြုမှ ဝင်လာကြဖို့ ရွာသားတွေကို အကြောင်းကြားထားခိုင်းတာဖြစ်တယ်။” လို့ နမ့်ဖတ်ကာဒေသခံတစ်ဦးကပြောပါတယ်။ ကချင်လွတ်လပ်ရေးတပ်မတော် KIA ဘက်ကမှ နမ့်ဖတ်ကာကို ပြီးခဲ့တဲ့ ဒီဇင်ဘာလ (၂၉) ရက်နေ့ကစပြီး စတင်ထိုးစစ်ဆင်တိုက်ခိုက်ခဲ့တာ တစ်လနီပါး ထိုးစစ်ဆင်တိုက်ခိုက်ခဲ့ပြီးနောက် ဇန်နဝါရီလ (၂၄) ရက်နေ့မနက်မှာတော့ အပြီးစီးသိမ်းပိုက်ခဲ့တာဖြစ်ပါတယ်။  နမ်ဖတ်ကာ ခ.လ.ရ (၁၂၃) စစ်တပ်ကို လက်မလွတ်ရေးအတွက် စစ်ကောင်စီဘက်ကလည်း လေကြောင်းနဲ့ အပြင်းအထန်ခုခံခဲ့ပေမဲ့ တပ်ရင်းမှူးနဲ့ကျန်ရှိတဲ့တပ်သားတစ်ချို့တပ်ဆုတ်ခွာထွက်ပြေးသွားတာကြောင့် အပြီးဝင်ရောက်သိမ်းပိုက်နိုင်ခဲ့ခြင်းဖြစ်ကြောင်း ဒေသခံတွေပြောပါတယ်။ နမ့်ဖတ်ကာစခန်းသိမ်းတိုက်ပွဲဟာ KIA အတွက် အကျိုးမြတ်ကြီးတစ်ခုဖြစ်သလို ရှမ်းမြောက် ကွတ်ခိုင်အထက်ဘက်အချက်အချာကြတဲ့ နေရာတစ်ခုကို KIA ဘက်က ရရှိလိုက်ခြင်းဖြစ်တယ်လို့ ဒေသခံတွေပြောပါတယ်။ “ဒီရှမ်းမြောက်အထက်ဘက် မြို့အဆင့်ရှိ ရွာကြီးကို KIA ဘက်က ပထမဆုံးသိမ်းပိုက်ခြင်းတယ်။ ဒီနေရာဟာ အားလုံးအတွက် အရမ်းအရေးကြီးတဲ့နေရာတစ်ခုဖြစ်တာကြောင့် KIA အတွက် အကျိုးမြတ်ကြီးတစ်ခုဖြစ်တယ်။ တရုတ်နယ်စပ် မူဆယ် – ၁၀၅ မိုင် – နမ့်ခမ်း အားလုံးက နမ့်ဖတ်ကာမှာ လာဆုံတယ်။ ဆိုတော့ တရုတ်နယ်စပ်က ဖြတ်လာသမျှအားလုံး နမ့်ဖတ်ကာမှာ လာဆုံတာဖြစ်တာကြောင့် အဝင်–အထွက် အားလုံးအတွက် အလွန်အရေးပါတဲ့နေရာကို KIA သိမ်းပိုက်နိုင်ပြီဖြစ်တယ်လို့ မြင်ပါတယ်”ဟုနမ့်ဖတ်ကာဒေသခံက ပြောပါတယ်။ တိုက်ပွဲအတွင်း စစ်ကောင်စီတပ်ဘက်က အများအပြား ထိခိုက်သေဆုံးမှုရှိခဲ့သလို  KIA ဘက်ကလည်း ထိခိုက် သေဆုံးမှုများတယ်လို့ ဒေသခံတွေပြောပါတယ်။  ဒါ့အပြင် နမ်ဖတ်ကာတိုက်ပွဲအတွင်း နေအိမ် ၁၀၀ ကျော်ပျက်စီးခဲ့ပြီး ပြည်သူတွေ ထိခိုက်မှုနဲ့ အရပ်သားထိခိုက်သေဆုံးမှုစုစုပေါင်း ၃၀ ခန့်ရှိတယ်လို့ သိရတယ်။  အခုချိန် နမ်ဖတ်ကာ ဒေသခံပြည်သူတွေက တောတောင်တွေထဲ၊ နီးစပ်ရာကျေးရွာတွေမှာ ဆက်လက်ရှောင်တိမ်းနေရဆဲဖြစ်ပြီး နမ်ဖတ်ကာတိုက်ပွဲပြီးစီးပြီ ဖြစ်ပေမယ့် စိတ်ချရတဲ့အခြေအနေတော့ မရှိသေးဘူးလို့ ဆိုပါတယ်။ နမ့်ဖတ်ကာဒေသကို ထိန်းချူပ်ဖို့အတွက် ဒေသခံပြည်သူတွေနဲ့ KIA ဆက်လက်တွေ့ဆုံ ဆွေးနွေးသွားပြီး အုပ်ချူပ်ရေးယန္တရားလည်ပတ်သွားဖို့ စီစဉ်နေဆဲဖြစ်သလို KIA ခွင့်ပြုမှသာ ဒေသခံပြည်သူတွေလည်း နေရပ်ပြန်လို့ရမဲ့အခြေအနေဖြစ်တယ်လို့ သိရပါတယ်။ By – ဂျာဘောက်ရာ

    Read More »
  • 25 January
    သတင်း

    အရပ်သားပြည်သူ ၉ ဦး သတ်ဖြတ်ခံရတဲ့အမှု တစ်နှစ်ပြည့်သွားတဲ့အထိ တရားမျှမှုမရရှိသေး

    ဖားကန့်မြို့နယ် လဝါးကျေးရွာအုပ်စု မဂေါင်းတောင်ကျေးရွာမှာ အရပ်သားပြည်သူ ၉ ယောက် မတရားသတ်ဖြတ်ခံခဲ့ရတဲ့အမှု တစ်နှစ်ပြည့်သွားပြီဖြစ်ပေမယ့် အမှုမှန်ပေါ်ပေါက်မှုမရှိသေးတဲ့အပြင် စစ်ဆေးမှုကို ရပ်ဆိုင်းထားဆဲဖြစ်တယ်လို့ သိရပါတယ်။ အရပ်သား ၉ ယောက် သတ်ဖြတ်ခံရမှုနဲ့ ပတ်သက်ပြီး အမှုမှန်ပေါ်ပေါက်ဖို့အတွက် အဓိကတာဝန်ရှိတဲ့ KIO/KIA အနေနဲ့ KIO လိုင်ဇာဌာနချုပ်မှာ တရားရုံးဖွင့်လှစ်ပြီး…

    Read More »
  • 25 January
    သတင်း

    ဗန်းမော်မှာ အရပ်သားအယောက် ၁၀၀ ဝန်းကျင်ဖမ်းဆီးခံရ

    ကချင်ပြည်နယ် ဗန်းမော်မြို့ထဲမှာရှိတဲ့ ကမ်းနားဈေးတစ်လျှောက် စျေးရောင်းနေသူတွေအပါအဝင် အရပ်သားပြည်သူအယောက် ၁၀၀ ဝန်းကျင်ကို စစ်တပ်ကဖမ်းဆီးခေါ်ဆောင်သွားတယ်လို့ မြို့ခံဒေသဆီကနေ သိရပါတယ်။ ဇန်နဝါရီ ၂၄ ရက်နေ့ မနေ့ညနေ ၅ နာရီဝန်းကျင်လောက်မှာ ဗန်းမော်မြို့ ကမ်းနားဈေး နဲ့ ကမ်းနားလမ်းတစ်လျှောက်မှာရှိနေတဲ့ အရပ်သားပြည်သူတွေကို စစ်တပ်ဘက်က အကြောင်းမဲ့လာရောက်ဖမ်းဆီးခေါ်ဆောင်သွားတယ်လို့ ဒေသခံတစ်ယောက်က KNG ကို ပြောပါတယ်။ “ကမ်းရိုးတန်း အရှည်ကြီးလေ၊ ကန်းနားတစ်လျှောက် ဟိုးဘက်ထိပ် ဒီဘက်ထိပ် ဟိုထောင့် ဒီထောင့်အကုန်လမ်းတွေပိတ်ထားတော့ အကုန်လုံးမမြင်ရဘူး ဈေးထဲက ဈေးသည်တွေကိုလည်းဖမ်း မိန်းကလေးတွေကိုတော့ ချန်ထားတယ် ယောကျ်ာလေးတွေ အကုန်လုံးကို ဖမ်းသွားတာ”လို့ပြောပါတယ်။ စစ်ကောင်စီတပ်တွေဟာ စစ်ကား၊ ရဲကား၊ အိမ်စီးကားအပါအဝင် လူအင်အား ၇၀ ဝန်းကျင်နဲ့လာရောက်ဖမ်းခေါ်သွားတဲ့ချိန် တစ်ဆက်တည်းမှာဘဲ ဗန်းမော်မြို့ရပ်ကွက် အသီးသီးမှာရှိတဲ့  လောင်းကစားဝိုင်းတွေမှာလည်း လိုက်ဖမ်းခဲ့တယ်လို့ ဆိုပါတယ်။ လက်ရှိချိန် ဖမ်းဆီးခံရသူတွေများတာကြောင့် မည်သူမည်ဝါတွေဖြစ်တယ်ဆိုတာကို အသေးစိတ်မသိရသေးသလို ဘယ်နေရာမှာဖမ်းဆီးထိန်းသိမ်းထားလဲဆိုတာကိုလည်း အသေးစိတ်မသိရသေးဘူးလို့ မြို့ခံတွေကပြောပါတယ်။  “ဖမ်းခံထားရတဲ့ မိသားစုဝင်တစ်ယောက်ကိုမေးကြည့်တာ ဘယ်လိုလိုက်ရမလဲ မသိကြဘူးတဲ့။ များသောအားဖြင့်က စကခ ၂၁ ကို ခေါ်ကောင်းခေါ်နိုင်တယ် ဒါမှမဟုတ်ရင်လည်း ဗန်းမော် စရဖ ရုံးမှာက ခေါ်ပြီး စစ်တာတွေမေးတာတွေလုပ်တာတွေရှိတော့ ဘယ်မှာခေါ်သွားမလဲပေါ့ ဒီလောက်လူကအများကြီးဆိုတော့လေ ဖမ်းသွားတဲ့ထဲကတစ်ချို့တော့ သိတယ် တရုတ်တန်းက ရွှေလင်းယုန်စက်ပစ္စည်းဆိုင်လည်း ပိုင်ရှင်လည်းပါသွားတစ်ယောက်မှမလွတ်လာသေးဘူး” လို့ပြောပါတယ်။ ဒါ့အပြင် ဒီကနေ့မနက်ပိုင်းမှာလည်း စစ်တပ်ကကမ်းနားစျေးတစ်လျှောက် သေနတ်ပစ်ခတ်တာတွေရှိတဲ့အတွက် လူသွားလူလာမရှိသလောက်ဖြစ်နေတဲ့အပြင် စစ်ကောင်စီတပ်တွေဟာ ခွန်သာရပ်ကွက်အပါအဝင်ရပ်ကွပ်တစ်ချို့မှာ ကင်းပတ်တာတွေလုပ်နေသေးတယ်လို့ သိရပါတယ်။ လက်ရှိ ဗန်းမော်မြို့မှာ မြို့သိမ်းတိုက်ပွဲလုပ်မယ်ဆိုတဲ့ သတင်းတွေလည်း ထွက်နေတာကြောင့် စစ်တပ်ဘက်က လက်နက်ပစ်တာတွေ၊ ကမ်းနားဈေးတစ်ဝိုက် အဆောက်အအုံ၊ ဘုန်းကြီးကျောင်းတွေမှာ အရပ်ဝတ်တွေ၊ ယူနီဖောင်း ဝတ်တွေနဲ့ ကင်းပုန်းဝပ်တာ ကင်းစောင့်တာတွေ ခပ်စိပ်စိပ်လုပ်နေတယ်လို့လည်း သိရပါတယ်။ By – Bu Bu

    Read More »
  • 25 January
    သတင်း

    နန့်မွန်းဒေသခံ ထောင်ချီ ပိတ်မိနေပြီး အရပ်သားတစ်ချို့ကို ဖမ်းဆီးခံထားရ

    ကချင်ပြည်နယ် မိုးညှင်းခရိုင် အင်းတော်ကြီးဒေသ နန့်မွန်းမြို့မှာ စစ်ကောင်စီတပ်ဖွဲ့တွေက အဝင်အထွက် လမ်းပိတ်ထားတဲ့အတွက် တိုက်ပွဲကြောင့် တိမ်းရှောင်လိုတဲ့ ဒေသခံထောင်ချီ ထွက်ခွာလို့မရဘဲ ပိတ်မိနေကြတယ်လို့ သိရပါတယ်။ ဇန်နဝါရီလ ၂၃ ရက်နေ့ နန့်မွန်းမြို့ထဲ ပြည်သူ့စစ်တပ်ဖွဲ့တည်ရှိတဲ့နေရာတွေမှာ တိုက်ပွဲဖြစ်ပွားလာပြီး မနေ့ညနေပိုင်းမှာတော့ နန့်မွန်း စစ်တပ်ကုန်းကနေ လက်နက်ကြီးရမ်းသမ်းပစ်ခတ်ခဲ့တယ်လို့ ဒေသခံတွေ ပြောပါတယ်။…

    Read More »
Back to top button