ကချင်ပြည်နယ် ဗန်မော်မြို့အတွင်း ဧရာဝတီမြစ်ရေ မြင့်တက်နေသည်မှာ ၁ပတ်ကျော်ခန့်ရှိလာပြီ ဖြစ်သော်လည်း လျော့ကျမှု မရှိသေးဘဲ မြစ်ဖက်ကမ်းရှိ ကျေးရွာများမှာ စားနပ်ရိက္ခာ အကူအညီများ ဆက်လက်လိုအပ်နေကြောင်း သိရပါသည်။
ဗန်မော်မြို့အတွင်း အချို့ရပ်ကွက်များတွင် ရေအနည်းငယ်ကျဆင်းသွားသော်လည်း မြစ်တစ်ဖက်ကမ်းရှိ ပါးပေါင်းကျေးရွာတွင်မူ ရေကျဆင်းမှုမရှိသေးဘဲ အိမ်ခြေ ၃၀၀ကျော်ခန့်က စားရပ်ရိက္ခာထောက်ပံ့များနှင့် အကူအညီများ လိုအပ်နေကြောင်းကို ဒေသခံ သင်းထောက် ဦးဘရန်တောင်ထံမှ သိရပါသည်။
“အခုချိန်မှာ ရေကလုံးဝမကျဘူး။ ရေဘေးသင့် ပြည်သူတွေက စားနပ်ရိက္ခာတွေ ပြတ်နေပြီ။ အဓိကတော့ သောက်ရေနဲ့ ဆေးဝါးပစ္စည်းတွေ လိုနေတယ်။ အားလုံးက ရေနစ်နေတဲ့ အိမ်ပေါ်မှာ ငုတ်တုတ်ထိုင်နေကြတယ်။ ဘယ်အထောက်အပံ့အကူအညီလည်းမလာကြဘူး”ဟုပြောဆိုခဲ့သည်။
အဆိုပါ ပါပေါင်းကျေးရွာမှ ရေဘေးသင့် ပြည်သူများမှာ ရေနစ်နေသည့် အိမ်ခေါင်မိုးပေါ်တွင်သာမက ရေလွတ်ကုန်းပေါ်များတွင် တိမ်းရှောင်နေပြီး သက်ဆိုင်ရာတာဝန်ရှိသူမျာ၏ ကူညီထောက်ပံ့မှုကို မျှော်လင့်နေရကြောင်း ဆိုပါသည်။
ဇူလိုင်လ ၁၃ရက်နေ့ ဧရာဝတီ မြစ်ရေသည် စိုးရိမ်မှတ်ကျော်လွန်၍ မြင့်တက်မှုလာသောကြောင့် ဗန်မော်မြို့အတွင်းရှိ ဆင်ကုန်းရပ်ကွက်၊ မဟာဒီးရပ်ကွက်၊ ခွန်သာရပ်ကွက်၊ တပ်ကလေးရပ်ကွက် စသောရပ်ကွက်တို့မှာ ရေလွှမ်းမိုးခဲ့သောကြောင့် ဒေသခံပြည်သူများ ရေဘေးသင့် ပြသာနာ ကြုံတွေ့ခဲ့ရပါသည်။
Photo- Hpauyam La Aung
