အင်တာဗျူး

စစ်ကောင်စီဥက္ကဌ ဗိုလ်ချုပ်ကြီးမင်းအောင်လှိုင် ယာယီသမ္မသလွှဲပြောင်းယူလိုက်တဲ့အပေါ် ကချင်ပြည်သူတွေရဲ့ အမြင်သုံးသပ်ချက်

စစ်ကောင်စီရဲ့ ယာယီသမ္မတ ဦးမြင့်ဆွေက သူ့ရဲ့ယာယီသမ္မတတာဝန်ကို မနေ့က ဇူလိုင်လ ၂၂ ရက်နေ့မှာပဲ စစ်ကောင်စီဥက္ကဌ ဗိုလ်ချုပ်မှူးကြီးမင်းအောင်လှိုင်က လွှဲပြောင်းပေးအပ်လိုက်ကြောင်း စစ်တပ်ပိုင် သတင်း ဌာနတွေကတစ်ဆင့်သတင်းထုတ်ပြန်လိုက်ပါတယ်။ ယာယီသမ္မတ ဦးမြင့်ဆွေကျန်းမာရေးကြောင့် ဆေးကုသမှုခံယူနေရတဲ့အတွက် အမျိုးသားကာကွယ်ရေးနဲ့ လုံခြုံရေးကောင်စီဆိုင်ရာ ကိစ္စတွေကိုလိုအပ်သလို ဆောင်ရွက်နိုင်ဖို့ နဲ့ ယာယီသမ္မတဆေးခွင့်ယူနေချိန် လစ်ဟင်းနေတဲ့ တာဝန်ဝတ္တရားတွေကို ဆောင်ရွက်နိုင်ဖို့လို့ဆိုပြီး ဗိုလ်ချုပ်မှူးကြီး မင်းအောင်လှိုင်က ယာယီသမ္မတအဖြစ်လွှဲပြောင်းရယူတာဖြစ်ကြောင်း ထုတ်ပြန်ချက်မှာဖော်ပြထားပါတယ်။ အခုလို ယာယီသမ္မတတာဝန်ကို စစ်ကောင်စီဥက္ကဌ ဗိုလ်ချုပ်မှူးကြီး မင်းအောင်လှိုင် လွှဲပြောင်းရယူလိုက်တဲ့ နောက် မြန်မာနိုင်ငံတဝှမ်း ဝေဖန်ထောက်ပြတာတွေရှိနေပါတယ်။ ယာယီသမ္မတဦးမြင့်ဆွေက သူ့ရဲ့တာဝန်ဝတ္တရားတွေကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌထံသို လွှဲပြောင်းအပ် တာဝန်လွှဲပြောင်းပေးအပ်တဲ့အခြေနေနဲ့ပတ်သက်လို့ မြန်မာပြည်နိုင်ငံရေးအခြေနေက ဘယ်လိုတွေဆက်ဖြစ်လာနိုင်ပါသလဲ။ ကချင်နိုင်ငံရေးလေ့လာသုံးသပ်သူတချို့ နဲ့ ဒီမိုကရေစီအရေးတက်ကြွလှုပ်ရှားသူတစ်ချို့ရဲ့ အမြင်နဲ့ သဘောထားကို KNG က ဆက်သွယ်မေးမြန်း ထားပါတယ်။ ကချင်နိုင်ငံရေးလေ့လာသုံးသပ်သူ အမျိုးသားတစ်ဦး “မင်းအောင်လှိုင်က ယာယီသမ္မတရာထူးယူတယ်ဆိုတာထက် သူခန့်အပ်ခဲ့တဲ့ ယာယီသမ္မတဦးမြင့်ဆွေဟာ နာမကျန်းဖြစ်တာက တစ်ချက်ပေါ့။ နောက်တစ်ချက်က သူနာမကျန်းဖြစ်တဲ့အတွက် သူဆက်ပြီးလုပ်နိုင်တဲ့ အစွမ်းမရှိဘူးပေါ့ ဒါ့ကြောင့် တာဝန်တွေကို သူ့ကိုခန့်အပ်တဲ့ ကာကွယ်ရေးဦးစီးချုပ်ကိုပြန်ပြီးအပ်တယ်လို့ မြင်တယ်။ နောက်တစ်ချက်ကတော့ တကယ်လို့များ တပ်မတော်သားကိုယ်စားလှယ်ပေါ့နော် သမ္မတဖြစ်ဖို့ အတွက် (သို့) ဒုသမ္မတဖြစ်ဖို့အတွက် ခန့်အပ်တဲ့ကိုယ်စားလှယ်ကို ကာကွယ်ရေးဦးစီးချုပ်ကခန့်အပ်ရင် လွှတ်တော်အနေနဲ့ ပြန်ပြီးအတည်ပြုရတယ်။ ဒီအချိန်မှာ လွှတ်တော်မရှိတဲ့အတွက် နောက်ထပ် တပ်မတော် သားကိုယ်စားလှယ် တစ်ယောက်ကိုခန့်ဖို့အတွက်က လွှတ်တော်မရှိရင်နည်းနာမကျဘူးပေါ့။ နောက်ပြီး ဒီအချိန်က အရေးပေါ်ကာလအဖြစ်သူတို့သတ်မှတ်တဲ့အတွက် အာဏာအကုန်လုံးဟာ သူ့လက်ထဲမှာပဲ ရှိတဲ့ အတွက်ကြောင့် သူလိုသလိုပြန်ပြီးလုပ်လို့ရတဲ့အနေထားပေါ့ ဒါကြောင့်မို့ အရမ်းကြီးထူးခြားတယ်လို့မမြင် ပါဘူး သူ့မှာ လုပ်နိုင်တဲ့အာဏာရှိတာကြောင့် သူလိုချင်သလိုကစားလို့ရတဲ့ကစားပွဲဖြစ်တယ်။ ဒါ့ကြောင့် ထူးခြားတယ်လို့မမြင်ပါဘူး။ သူက ဇူလိုင် ၃၁ ဆို သက်တမ်းလည်းပြန်တိုးရမယ် ဒီသက်တမ်းတိုးဖို့ အတွက် သူက ယာယီသမ္မတအဖြစ်နဲ့ဦးဆောင်မယ် နောက်ပြီး တပ်မတော်ကာကွယ်ရေးဦးစီးချုပ်က နောက်ထပ် ခြောက်လသက်တမ်းပြန်ယူသွားမယ်လို့ပဲ သုံးသပ်မိပါတယ်” ကချင်နိုင်ငံရေးလေ့လာသုံးသပ်သူ အမျိုးသားတစ်ဦး “အဓိကတော့ ကျနော်နားလည်သလောက်ကတော့ ၂၀၂၀ မှာရွေးကောက်ပွဲတုန်းက NLD နိုင်တယ်ပေါ့နော် အခု NLD ရဲ့ ၄ နှစ်ကာလက ဒီနှစ်နှစ်ကုန်မှာကုန်မယ်။ ဆိုတော့ အဲ့တာကတစ်ချက်ပေါ့။ ဒုတိယတစ်ချက်က တော့ သူတို့ပြောတဲ့အတိုင်းရွေးကောက်ပွဲပြန်လုပ်ဖို့ပြင်ဆင်နေတဲ့အချိန်ပေါ့ ယာယီသမ္မတယူတာက ကြားကာလအစိုးရမှာ သူသမ္မတလုပ်ဖို့ရည်ရွယ်ချက်ရှိမယ်ထင်တယ်။ ဒီလုပ်မယ့် ရွေးကောက်ပွဲ ကိုတော့ တရုတ်ရောအိန္ဒိယရောအားပေးဖို့များတယ်။ အာဆီယံကအစပေါ့။ဆိုတော့ သူက ဒီရွေးကောက်ပွဲလုပ်ဖို့ နေရာဝင်ယူတယ်။ ကြားကာလမှာ ယာယီသမ္မတလုပ်ဖို့ရည်ရွယ်ချက်ရှိတယ်လို့ သုံးသပ်မိတယ်။ နောက်ဆက်တွဲအနေနဲ့ တရုတ်ရော မြောက်ပိုင်းအဖွဲ့တွေကအစ ဖိအားပေးမယ်ထင်တယ်။ ဝ၊ ကိုးကန့်၊ တအာင်း(ပလောင်) ၊ ကေအိုင်အေကအစပေါ့။ ဆိုတော့ ရွေးကောက်ပွဲဖြစ်ဖို့မဖြစ်ဖို့တော့မသိဘူး ဗမာပြည် ရဲ့ ထွက်ပေါက်လုပ်ဖို့ပေါ့်နော်။ ထွက်ပေါက်ကလည်းများများစားစားမရှိဘူး။ အခုက နစက ကိုအနိုင်လည်း မတိုက်နိုင်ဘူး။ နစက ကလည်း ဒီဘက်က တော်လှန်ရေးတပ်ဖွဲ့ကိုအပြုတ်နိုင်ဖို့ အနေအထားက၂ နှစ် ၃နှစ် ရှိလာတော့ ထွက်ပေါက်မရှိတဲ့အနေအထားမှာ စစ်တပ်က ရွေးကောက်ပွဲအတွက်ထွက်ပေါက်ရှာတာပေါ့။ ဒီရွေးကောက်ပွဲလမ်းကြောင်းမရှိရင် သူတို့မှာဘာမှမရှိတော့ဘူးလေ။ အဓိက သူယာယီသမ္မတယူတာက သူ့ရဲ့ရူးသွပ်တဲ့ သမ္မတဖြစ်ချင်တဲ့ဆန္ဒပြည့်သွားတာပေါ့ ဒါပေမဲ့ ပြည်သူရဲ့ဆန္ဒတော့မဟုတ်ဘူးပေါ့” ဒီမိုကရေစီအရေးလှုပ်ရှားသူအမျိုးသမီးတစ်ဦး “သူတို့ကတော့ အရင်ရှေ့က ဦးသိန်းစိန်လက်ထပ်ကလိုမျိုးပေါ့ ယူနီဖောင်းလဲတဲ့သဘောမျိုးပေါ့လေ ယူနီဖောင်းလဲပြီး အရပ်ဝတ်ဖြစ်သွားတယ်ဆိုတာကိုပုံဖော်တာပေါ့လေ သူတို့ဖော်ချင်တဲ့အတိုင်းဖော်တာပေါ့ ၂၀၀၈ ပုံစံအတိုင်းသွားတယ်ဆိုတာမျိုးပေါ့ တရုတ်ဘက်ကလည်းပါတီတွေကို ခေါ်တွေ့တာတွေ ဆိုတော့ တရုတ်ရဲ့ဖိအားတွေလည်းပါမယ်။ သူတို့ရဲ့ထွက်ပေါက်အနေနဲ့ လုပ်သင့်တယ်ဆိုတဲ့အမြင်ရှိတဲ့သူတွေလည်း ရှိတယ်။ သူတို့ဖြစ်ချင်တဲ့ပုံစံကိုဖော်သွားတာပေါ့ သူတို့လည်းတစ်ခြားအကွက်လည်းမတွေ့တော့ဘူးပေါ့နော်။ ဆိုတော့ နောက်ဆုံး သူတို့အကွက်ပြတာပေါ့ ခုနကပြောတဲ့ ယူနီဖောင်းလဲပြီး ယာယီသမ္မတအနေနဲ့ လုပ်ပြီး တော့ မတရားဥပဒေကို ဥပဒေအတိုင်းပြန်လုပ်တဲ့သဘောလို့မြင်ပါတယ်။ ရှေ့ဆက်ပြီးဘာဖြစ်နိုင်မလဲဆိုတာ ကတော့ပြောဖို့တော့ခက်တယ် ဘာဖြစ်လို့လဲဆိုတော့ ပြည်သူတွေရဲ့အား ပြည်သူတွေရဲ့စိတ်ဆန္ဒကလည်း ပိုပြီးအရေးကြီးတယ်။ တိုင်းရင်းသားလက်နက်ကိုင်အဖွဲ့တွေရဲ့ တုန့်ပြန်မှု ပါဝင်မှုကလည်းအပြောင်းအလဲ ဖြစ်စေမှာပေါ့ သူတို့ကတော့ ၂၀၀၈ ဥပဒေအရပဲ လုပ်သွားတယ်ဆိုပြီး နိုင်ငံတကာကိုပြောနေကျအတိုင်းပဲ ဆက်ပြောမှာပဲပေါ့နော်။ ဆိုတော့ တစ်ခြား ပါတီနိုင်ငံရေးနဲ့ ရွေးကောက်ပွဲလုပ်ဖို့အတွက်လည်းပြောတာရှိ တယ်။ ဒါကတော့ရှင်းနေတာပဲ ပြည်သူတွေကလုံးဝလက်မခံတဲ့ဟာဖြစ်တယ်။ လက်ခံနိုင်ဖွယ်လည်း မရှိဘူး။ ဒီအပေါ်မှာ တိုင်းရင်းသားလက်နက်ကိုင်တွေရဲ့ပါဝင်မှု သူတို့ဘယ်လိုအခန်းကဏ္ဍကနေ ပါဝင်မလဲ ဆိုတာက ပိုပြီးတော့ ပြောင်းလဲမှုတစ်ခုဖြစ်လာမယ်လို့ထင်ပါတယ်။” ဦးမြင့်ဆွေဟာ ပြီးခဲ့တဲ့ ၂၀၁၁ ခုနှစ် မတ်လကနေ ၂၀၁၆ ခုနှစ် မတ်လ အထိ ရန်ကုန်တိုင်းဒေသကြီး ဝန်ကြီးချုပ်အဖြစ် တာဝန်ထမ်းဆောင်ခဲ့သူဖြစ်ပါတယ်။ ၂၀၁၆ ခုနှစ် ရွေးကောက်ပွဲအလွန်မှာတော့ မြန်မာနိုင်ငံရဲ့ ဒုတိယသမ္မတအဖြစ် ရွေးချယ်ခံခဲ့ရပြီး စစ်ကောင်စီ တပ်က အာဏာသိမ်းခဲ့တဲ့ ၂၀၂၁ ဖေဖော်ဝါရီလ ၁ ရက်နေ့မှာ သမ္မတ ဦးဝင်မြင့်ဖမ်းဆီးခံခဲ့ရချိန်ကစလို့ ယာယီသမ္မတအဖြစ် စစ်ကောင်စီက ခန့်အပ်ခဲ့တာဖြစ်ပါတယ်။ By – အမိုး

Read More »

ကချင်ပြည်နယ် ပညာရပ်စုံတက္ကသိုလ်  (KSCU) ကျောင်းရဲ့တတိယအကြိမ်မြောက် ကျောင်းဝင်ခွင့်လျှောက်လွှာတွေ စတင်ခေါ်ယူနေပြီ

စစ်တပ်အာဏာသိမ်းပြီးနောက် ပေါ်ပေါက်လာတဲ့ ကချင်ပြည်နယ် ပညာရပ်စုံတက္ကသိုလ် Kachin State Comprehensive University(KSCU) ရဲ့ ၂၀၂၅ ခုနှစ် ပညာသင်နှစ်အတွက်ကျောင်းဝင်ခွင့်လျှောက်လွာတွေကို ဇူလှိုင်လ ၉ ရက်နေ့ကနေစပြီးတော့ စတင်လက်ခံနေပြီဘဲ ဖြစ်ပါတယ်။ ကချင်ပြည်နယ် ပညာရပ်စုံတက္ကသိုလ် Kachin State Comprehensive University(KSCU) ကိုတော့ အမျိုးသားညီညွတ်ရေးအစိုးရ NUG နှင့် KIO အစိုးရတို့ပူးပေါင်းပြီး ၂၀၂၂ ခုနှစ် မေလ ၃၁ ရက်နေ့မှာ တည်ထောင်ကာ ၂၀၂၂ ခုနှစ် စက်တင်ဘာလ  ၁၂ ရက်နေ့မှာ စတင်ဖွင့်လှစ် ခဲ့တာ ဖြစ်ပြီး ဒီနှစ်ကတော့ တတိယအကြိမ်မြောက်ကျောင်းဝင်ခွင့်လျှောက်လွာတွေကို လက်ခံနေတာဘဲ ဖြစ်ပါ တယ်။ ကချင်ပြည်နယ် ပညာရပ်စုံတက္ကသိုလ် Kachin State Comprehensive University(KSCU)ရဲ့ ၂၀၂၅ခုနှစ် စာသင်နှစ်နဲ့ ပက်သက်တဲ့ အကြောင်းအရာ စုံစုံလင်လင်ကို KNG ကနေပြီးတော့ KSCU ကျောင်းရဲ့ ဒု ဒုအဓိပတိဖြစ်သူ ဆရာဒေါက်တာ ဦးအောင်နိုင်သူနဲ့ မေးမြန်းတင်ဆက်ထားပါတယ်။ မေး–ကျေးဇူးပြုပြီးတော့  ဆရာတာဝန်ယူထားတဲ့အပိုင်းနဲ့ ဆရာ့နာမလည်လေး တစ်ချက်လောက်မိတ်ဆက်ပေးပါအုံးဆရာ။ ဖြေ–ကျွန်တော်ကတော့ ကချင်ပြည်နယ် ပညာရပ်စုံတက္ကသိုလ် Kachin State Comprehensive University(KSCU)ကျောင်းရဲ့ ဒုအဓိပတိဖြစ်တဲ့ ဒေါက်တာအောင်နိုင်သူဖြစ်ပါတယ်။ မေး– ပထမဆုံးအနေနဲ့ ကျောင်းဝင်ခွင့်လျှောက်ထားရမဲ့ပုံစံနဲ့၊သင်ကြားမဲ့ဘာသာရပ်တွေကို ပြောပြပေးပါအုံးဆရာ။ ဖြေ–  လျှောက်လွှာတွေကိုတော့ လတ်တလောအခြေအနေအရ အွန်လိုင်း(online)ကနေပြီးတော့ ဆရာတို့မပေးနိုင်သေးဘူး  on ground ကနေတင်ရမယ် တင်တဲ့အခါမှာ လူကိုယ်တိုင်ဖြစ်စေ ကိုယ်တိုင်မဟုတ်ရင်တောင် ခင်ရာမင်ရာ ကိုယ်စားဖြစ်စေ တင်ရမယ်။ လျှောက်လွှာကိုတော့ ဘယ်မှာယူရမလဲဆိုရင် ဆရာတို့ KSCUရဲ့ ဌာနချုပ်(main…

Read More »

ဧရာဝတိီမြစ်ရေစံချိန်ကျော်မြင့်တက်ခဲ့တဲ့ မြစ်ကြီးနားမြို့ အခြေနေဘယ်လိုရှိနေလဲ

ရေဘေးသင့်ခဲ့တဲ့ မြစ်ကြီးနားနဲ့ဝိုင်းမော်မြို့နယ်တွေမှာ ဖုန်းအင်တာနက်လိုင်းအားလုံးပြတ်တောက်နေတဲ့အပြင် စက်သုံးဆီအခက်ခဲတွေကြောင့် ကူညီကယ်ဆယ်ရေးလုပ်သူတွေအခက်ခဲဖြစ်နေတယ်လို့ သိရပါတယ်။ မြစ်ကြီးနားမြို့မှာ ဇွန်လ ၃၀ ရက်နေ့ကစပြီးဧရာဝတီမြစ်ရေ စိုးရိမ်ရေအမှတ် ၁၂၀၀ စင်တီမီတာထက် ၆ ပေကျော်မြင့်တက်ခဲ့ပြီး တစ်မြို့လုံးနီးပါးရေဘေးဒဏ်ကြုံခဲ့ပါတယ်။  ရေဘေးကြုံခဲ့ရတဲ့ မြစ်ကြီးနားမြို့ကယ်ဆယ်ရေးလုပ်ဆောင်ရာမှာ အဘက်ဘက်ကအခက်အခဲတွေကြုံနေရ တယ်လို့ ကူညီကယ်ဆယ်ရေးလုပ်ဆောင်နေသူတွေနဲ့ ဒေသခံတွေကပြောပါတယ်။ မြစ်ကြီးနားမြို့က ရပ်ကွက်တစ်ချို့ ပြီးခဲ့တဲ့ တနင်္ဂနွေနေ့ညကနေ တနင်္လာနေ့ညအထိ ဧရာဝတီမြစ်ရေ မြင့်တက်ကာရေကြီးရေလျှံမှုတွေကြုံတွေ့ခဲ့ရတာဖြစ်ပါတယ်။ လက်ရှိတော့ ဧရာဝတီမြစ်ရေကကျသွားပြီဖြစ်ပေမဲ့လည်း ရပ်ကွက်တစ်ချို့ရေဝပ်နေဆဲဖြစ်ပြီးတော့ ကူညီကယ်ဆယ်ရေးနဲ့ ပြန်လည်ထူထောင်ရေးအတွက်လည်းအခက်ကြုံနေရ မြစ်ကြီးနားမြို့ရေဘေးသင့်ပြည်သူတွေကို ကူညီပေးနေတဲ့ တက်ကြွလူငယ်တစ်ဦးကို KNG သတင်းဌာနကနေ မေးမြန်းထားပါတယ်။ မေး–မြစ်ကြီးနားမြို့ အခြေနေလေးသိပါရစေ။ ဖြေ – မြစ်ကြီးနားမှာ အားလုံးသိတဲ့အတိုင်းဘဲ ရေတော့ကျသွားပြီ  ဒါပေမယ့် ကြက်ပေါင်ခြံ၊ အနောက်လယ်ကုန်း၊ဇိီးလွန်၊မြင့်ငြိမ်းအေး ရပ်ကွက်တွေမှာ တော်တော်လေးရေများနေသေးတယ်။ အဲမှာပြည်သူတွေအများကြီး ဒုက္ခရောက်နေကြတယ် ကယ်ဆယ်ရေးလုပ်တဲ့သူတွေလည်း အဲဘက်ကိုအများပိုင်းမရောက်ကြဘူး။ မေး– ပြည်သူတစ်ချို့ပိတ်မိနေသေးတယ်လို့ ဆိုလိုချင်တာလား။ ဖြေ – ဟုတ်တယ် အနောက်လယ်ကုန်း နယ်မြေ ၁၄ မှာဆိုရင်တစ်ရပ်ကွက်လုံးနီးပါး ရေဝပ်နေသေးတယ်  ရေကတစ်ချို့နေရာမှာဆိုရင် လူတစ်ရပ်ကျော်ရှိတယ်။ အဲဘက်ကို ကူညီတဲ့သူတွေသိပ်မတွေ့ရဘူး ရမ်ပူရော အတူတူဘဲ မြေနိမ့်တဲ့ဘက် ဇီးလွန်ရော လာကူညီသူတွေကို သိပ်မတွေ့ရဘူး။ အများပိုင်းက စီတာပူလိုရပ်ကွက်တွေမှာဘဲ ကူနေကြတာတွေ့တယ် ပိုခက်ခဲနေသေးတဲ့သူတွေများကြီး ရှိနေသေးတယ်။ မြစ်နဲ့နီးတဲ့ရပ်ကွက်တွေက တော်ရုံတော့ရေမခန်းလောက်ဘူး ပြည်သူတော်တော်များများပိတ်မိနေသေးတယ်။ မေး– ခုမြင်တွေ့ရတဲ့အတိုင်းဆိုရင် ရေဝပ်နေသေးတဲ့ရပ်ကွက်တွေမှာ ဘယ်လိုအခြေနေရှိနေလဲ။ ဖြေ – တော်တော်ဆိုးတယ် ကျွဲ၊နွား၊တိရိစ္ဆာတွေလည်းသေထားတော့ အနံ့တွေကထွက်လာပြီ ဒါအမြန်မရှင်းလိုက်နိုင်ရင် နောက်ထပ် ၃ရက်လောက်ဆိုရင်တော့ အဲကပြည်သူတွေ ဝမ်းပျက်၊ဝမ်းလျှောဖြစ်ပြီး ဖျားကြတော့မှာ ခုတောင်ဖျားတဲ့သူတွေရှိနေပြီ။ ပြီးတော့ တစ်ချို့ဆို အိမ်အလုံးလိုက်ပါသွားတာ၊ခြံစည်းရိုးလည်းတွေလည်း အားလုံးပါသွားတာတော်တော်လေးများတယ် တိရိစ္ဆာသေထားတဲ့အနံ့ကထွက် ရေကလည်းဝပ်နေသေးတော့ တော်တော်လေးဒုက္ခရောက်နေကြတယ်ဗျာ။သက်ကြီးရွယ်အိုတွေ ကလေးတွေ၊ ခွဲစိတ်လူနာတွေလည်း များကြီးရှိနေတယ်။ ရေကျသွားတဲ့အိမ်တွေကလည်း နှုံးတွေပြည့်တော့ ဒီနှုန်းတွေကိုထုတ်လိုက်ဖို့ကလည်း မလွယ်ကြဘူး မီးကမလာနဲ့ဆိုတော့ အရမ်းခက်နေကြတယ် ပြန်လည်ထူထောင်ရေးတော့မလွယ်လောက်ဘူး။  မေး– ဘာလို့ဒီရပ်ကွက်တွေမှာ ကယ်ဆယ်ရေးထိထိရောက်ရောက်မလုပ်နိုင်တာလဲ ရေကြီးတဲ့နေ့ကလည်း ကြက်ပေါင်ခြံဘက်က ပိတ်မိနေသူပိုများတယ်ဆိုတာ သိရတယ်။ ဘာကြောင့် ဒီဘက်ကို မရောက်ကြတာလဲ။ ဖြေ – အများပိုင်းက စီတာပူရပ်ကွက်ကို Focus လုပ်ကြတယ်။ ကြက်ပေါင်ခြံ၊လယ်ကုန်း၊ဇီးလွန်ဘက်တွေကျတော့  သိပ်မရောက်ကြဘူး။ ကျနော့်အထင်ပြောရရင် ရေကြီးတဲ့နေ့ဆိုလည်း အဲဘက်ရပ်ကွက်တွေက ရေစီးလည်းအရမ်းသန်တယ် တော်ရုံလှေနဲ့သွားလို့မရဘူး မျှောသွားမှာ။ နောက်ပြီးတော့ လှေရှိလည်း ဆီမရှိတဲ့ဒုက္ခတွေရှိတော့ ထိထိရောက်ရောက်မလုပ်နိုင်တာဟုတ်တယ်။ ပြီးရင် ရေကြီးတဲ့နေ့ကလည်း ကျနော်တို့ဆီကိုလည်း အဝင်ခေါ်က နှစ်ထောင်လောက်ရှိတယ် ဒါပေမယ့်လည်း ဘာမှမလုပ်ပေးနိုင်ဘူး ကျနော်တို့အားနဲ့လက်လှမ်းမှိီသလောက်ဘဲလုပ်ပေးနိုင်တယ်။  မေး–ခုကော ကယ်ဆယ်ရေးလုပ်ဖို့  အဓိကဘာတွေခက်ခဲနေကြလဲ။ ဖြေ – ရေကြီးတုန်းကလည်း ကျနော်တို့ဆီကို ဖုန်းအဝင်ခေါ်ထားတာ ၂ ထောင်လောက်ရှိတယ်။ဒါပေမယ့် ကျနော်တို့ဘက်က လှေမရှိတာနဲ့စက်သုံးဆီအခက်ခဲနဲ့ဆိုတော့ ကြက်ပေါင်ခြံရပ်ကွက်လိုဆို ရေစီးအရမ်းသန်တယ် ကျနော်တို့အာ့လောက်ထိ မသွားနိုင်ခဲ့ဘူး ဒီနေရာတွေက အစိုးရကနေ အနီရောက်စီမံချက်နဲ့ကိုလုပ်ရမယ့်နေရာဟုတ်တယ်။ဒါပေမယ့် လုပ်သလားမလုပ်ဘူးလားလည်း ကျနော်တို့မမြင်ရဘူး။ ခုရေကျသွားပြီးနောက်မှာလည်း အတူတူဘဲ ခုနပြောတဲ့ရပ်ကွက်တွေမှာကယ်ဆယ်ရေးအထူးလုပ်ပေးနေတာလည်းမတွေ့ရဘူး။ ပိုခက်တာက ခုလိုင်းမရ မီးကမလာဘူးဆိုတော့ ဆက်သွယ်တွေပြတ်ပြီး ဘယ်နေရမှာဘာဖြစ်နေတယ်ဆိုတာ တိတိကျကျမသိနိုင်ဘူးလေ။နောက်တစ်ခုက ကုန်စျေးနှုန်းတွေက မတရားစျေးတင်ပြီးရောင်းနေကြတာ ကွေကာအုပ်တစ်ထုတ်ကို တစ်သောင်းခွဲပေးဝယ်နေရတယ် သိန်း ၂၀ ဆိုဘာဝယ်မရဘူး။ပြီးတော့ စက်သုံးဆီ တစ်လီတာကို တစ်သောင်းခွဲ ကျနော်တို့ကယ်ဆယ်ရေးလုပ်နေတဲ့သူတွေပါ လျော့ပေးကြပါဆိုလည်းမရဘူး ဒီလောက်စျေးနဲ့တော့ ဘယ်လိုမှမတတ်နိုင်ဘူး ဒီလိုအစစအရာရာခက်နေတာ့ အရမ်းလည်းစိတ်ညစ်ရတယ် အရမ်းခက်တယ်။…

Read More »

ကိုယ်ကျိုးထက် တိုင်းပြည်အကျိုးကို ရွေးချယ်သွားခဲ့တဲ့ KIA စစ်ဦးစီးချုပ် 

ကချင်လွတ်လပ်ရေးတပ်မတော် KIA ရဲ့စစ်ဦးစီးချုပ် ဒုဗိုလ်ချုပ်ကြီး ရုတ်ချောင်ခေါင်လွမ်းဟာ လက်ရုံးရည်နှလုံးရည်စွမ်းရည်ပြည့်ဝပြီး အဘက်အဘက်ကနေ လေးစားအတုယူဖွယ်ကောင်းတဲ့ ခေါင်းဆောင်ကောင်းတစ်ယောက်ဖြစ်ပါတယ်။ မိမိလက်အောက် ရဲဘော်၊ရဲဘက်တွေအပေါ် ကျောသားရင်သားမခွဲခြားသလို တိုင်းပြည်နဲ့လူမျိုးအပေါ်  တာဝန်ကျေခဲ့သူဖြစ်ပြီး မေလ ၁၃ ရက် ညနေ ၆ နာရီဝန်းကျင် ဗိုလ်ချုပ်ကြီး ကွယ်လွန်သွားချိန်မှာတော့ ကချင်လူထုအပါအဝင် တော်လှန်ရေး ရဲဘော်၊ရဲဘက်အားလုံးဟာ ထိတ်လန့်သွားခဲ့ကြရပြီး ဦးစီးချုပ်အတွက် နှမျောတမ်းသရင်း စိတ်မကောင်းဖြစ်နေကြတာလည်းဖြစ်ပါတယ်။ ဗိုလ်ချုပ်ကြီးဟာ ပြီးခဲ့တဲ့ ၂၀၂၂ ခုနှစ်ကနေ သူ့မှာအသဲရောဂါရှိတယ်ဆိုတာကို သိခဲ့ပေမယ့် တော်လှန်ရေးကာလအလွန်အရေးကြီးနေတဲ့ချိန်ဖြစ်တာမို့ ဆေးဝါးကုသယူဖို့ထက် စစ်တိုက်ဖို့ကိုရွေးချယ်ခဲ့တဲ့အကြောင်း သူ့မိတ်ဆွေတွေကို ပြောပြခဲ့တဲ့အသံဖိုင်တစ်ခုလည်း ဗိုလ်ချုပ်ကြီးကွယ်လွန်သွားတဲ့နောက် ထွက်ပေါ်လာပါတယ်။  ဗိုလ်ချုပ်ကြီးရဲ့ ရွေးချယ်မှုကို ကချင်လူထုနဲ့အတူ တော်လှန်ရေး ရဲဘော်၊ရဲဘက်တွေက လေးစားအတုယူနေကြသလို ဗိုလ်ချုပ်ကြီးနဲ့ သိကျွမ်းတဲ့သူတွေကလည်း သူတို့ရဲ့လူမူကွန်ယက်စာမျက်နှာပေါ်မှာ ဂုဏ်ပြုပြောဆိုနေကြတာရှိနေပါတယ်။ ဒီနေ့မှာတော့ KIA ရဲ့ စစ်ဦးစီးချုပ် ဗိုလ်ချုပ်ကြီးရုတ်ချောင်ခေါင်လွမ်းဆိုတာ ဘယ်လိုလူလဲ KNG သတင်းဌာန ဗိုလ်ချုပ်ကြီးရဲ့ မိသားစုဝင်တွေနဲ့ သိကျွမ်းသူတွေကို မေးမြန်းတင်ဆက်ထားပါတယ်။ ဗိုလ်ချုပ်ကြီးဟာ ဂုဏ်ပကာသန၊ရားထူး၊အာဏာ မက်မောသူမဟုတ်ဘဲ သိုသိုသိတ်သိတ်နေတတ်တဲ့သူတစ်ယောက်ဖြစ်တယ်လို့  သူရဲ့မိသားစုဝင်တစ်ဦးက ခုလိုပြောပါတယ်။ “မောင်နှမအားလုံးထဲမှာ အမေရဲ့အချစ်ဆုံး အသဲတုံးဖြစ်တယ်။ တိုင်းပြည်နဲ့ လူမျိုးအတွက် သူတာဝန်ထမ်းဆောင်ခဲ့တဲ့တစ်လျှောက်လုံး သူ့နာမည်နဲ့အကျိုးအမြတ်ရစေမဲ့ဘယ်အရာမျိုးမှ မိသားစုဝင်တွေကို လုပ်ခွင့်မပြုဘူး။ ကိုယ်ကျိုးအတွက် လုံး၀မကြည့်တဲ့သူတစ်ယောက်ဖြစ်တယ်။ မိသားစုဝင်တွေကိုလည်း သူ့ကြောင့် ဘာအကျိုးအမြတ်မှရဖို့ ၊မမျှော်လင့်ဖို့ အမြဲပြောလေ့ရှိတယ်။ သူ့အကြောင်းဘယ်သူမှမသိအောင် (low profile)နဲ့ပဲ သူအမြဲနေတယ်။ ဒီချိန်ထိ သူဟာ KIA ဗိုလ်ချုပ်ကြီးတစ်ယောက်ဆိုပြီး သူ့ရဲ့ ခြံဝင်း၊ အိမ်ယာဆိုပြီး ဝယ်ထားတာလည်းမရှိဘူး။ တည်ထားတာလည်းမရှိဘူး။ ဟိုအရင်ကတည်းက သူ့အဖိုး လော့ခေါင်ဒူဝါရဲ့ အိမ်အသေးလေးရှိတယ်။ အဲမှာပဲနေတယ်။ အမျိုးအတိုင်းအဝိုင်း အားလုံးကိုလည်း သူ့ကြောင့်ဂုဏ်ယူနေတာမျိုး လုံး၀မလုပ်စေချင်ဘူး။ သူ့ရဲ့ အနောက်မှာ ကျနော်တို့ မိသားစုဝင်တွေက ဆုတောင်းပေးပြီး ဘယ်သူမှမသိအောင် တိုးတိတ်စွာနေပေးတာက သူ့ကို(supporting)ထောက်ပံ့ပေးခြင်းပါပဲ။ ဒါကြောင့် ဒီနေ့ချိန် သူကွယ်လွန်သွားတဲ့အချိန်လည်း ဘယ်လောက်ဝမ်းနည်းရင်လည်း အများမသိအောင်ပဲ တိတ်တိတ်ပုန်း ဝမ်းနည်းကြရတယ်” ဗိုလ်ချုပ်ကြီး ရုတ်ချောင်ခေါင်လွမ်း ကွယ်လွန်သွားခြင်းအပေါ် သူနဲ့သိကျွမ်းတဲ့သူတွေကလည်း ဆိုရှယ်မီဒီယာတွေမှာ သူ့အကြောင်း အတ္ထုပ္ပတ္တိ ၊ ကဗျာတွေ တည်ဖွဲ့ ၊ ရေးဖွဲ့ကာ ဝမ်းနည်းကြောင်း ဂုဏ်ပြုမှတ်တမ်းစာတွေရေးတင်နေကြသလို သူ့ကို ချစ်ခင်တဲ့သူတွေကတော့ ဗိုလ်ချုပ်ကြီး ဂွတိုလို့ ချစ်စနိုးခေါ်ကြပါတယ်။ KIA တပ်မဟာ ၈ ထဲ တာဝန်ထမ်းဆောင်နေသူတစ်ဦးကလည်း ဗိုလ်ချုပ်ကြီး ခေါင်လွမ်းအပေါ် သူ့ရဲ့ သိမြင်မှု ၊ ခံစားမှုနဲ့ပတ်သက်ပြီး အခုလိုပြောဆိုလာပါတယ်။ “အထက်အရာရှိနဲ့တပ်သားဆိုပြီး ဘယ်သူ့ကိုမှ ခွဲခြားဆက်ဆံတာမျိုး မရှိဘူး။ စစ်အတွေ့အကြုံ၊ မြေပြင်အတွေ့အကြုံပြည့်၀တဲ့ဗိုလ်ချုပ်ဖြစ်တယ်။ ဆိုတော့ အခု သူ့အောက်က သူ့ခြေရာမီတဲ့သူ ရှိပါ့မလားပေါ့။ ဒီအချိန်မှာ သူကွယ်လွန်သွားတာကတော့ ဆုံးရှုံးမှုကြီးတစ်ခုပါပဲ။ အခုဆိုရင် တပ်မဟာ ၈ မှာ သူကိုယ်တိုင်တာဝန်ယူ ကွင်းဆင်းပြီး လုပ်ငန်းဝင်နေတာဖြစ်တယ်။ တချို့ ဗိုလ်ချုပ်ကြီးတွေကတော့ ရာထူကြီးပေမဲ့ ရှေ့တန်းစစ်မြေပြင်အတွေ့အကြုံမရှိတာ များတယ်လေ။ သူက ပြည့်စုံတဲ့သူဖြစ်တယ်လို့ မြင်တယ်။ သူ့ကျန်းမာရေးကြောင့် အခုလို တာဝန်ကြီးထမ်းဆောင်နေချိန်၊ တိုင်းပြည်ယူဖို့ကြိုးစားနေချိန် ကွယ်လွန်သွားတာကတော့ ဝမ်းနည်းဖွယ်ပဲ။ ဒါပေမဲ့ ပိုကောင်းတဲ့ခေါင်းဆောင် ပေါ်လာမယ်လို့ပဲ မျှော်လင့်ရပါတယ်။ ကျန်တဲ့ လုပ်ငန်းတွေကိုလည်း ပိုကောင်းမွန်၊ပိုအောင်မြင်အောင် လုပ်ဆောင်သွားဖို့ပဲ ခွန်အားယူချင်ပါတယ်”  ဒါ့အပြင် မြစ်ကြီးနားဒေသခံ အမျိုးသားတစ်ဦးကလည်း သူသိတဲ့ ဗိုလ်ချုပ်ကြီး ခေါင်လွမ်း(သို့) ဂွတိုဆိုတာ ဘယ်လိုလူဖြစ်တယ်ဆိုတာ အခုလို ပြောပြလာပါတယ်။ “တပ်မဟာ ၁ ကို သူထိန်းသွားတာကို ကြည့်ရင် လုံး၀ကောင်းတာကို တွေ့ရှိခဲ့ရတယ်။ မနှစ်ကတည်းက သူ စစ်ဦးစီးချူပ်ရာထိုးတက်သွားတာကိုကြားသိရပြီး အရမ်းဝမ်းသာတယ်။ ဒီတိုက်ပွဲခရီးစဉ်ကို သူဦးဆောင်မှာကို ဝမ်းသာခဲ့တယ်။ တကယ်လည်း လက်ရှိမှာ အောင်မြင်မှုတွေရရှိတယ်။ ၂ ယောက်မရှိတဲ့သူမျိုးတော့ဟုတ်တယ်။ ဒါပေမဲ့ သူကွယ်လွန်သွားတာကြောင့် တော်လှန်ရေးမှာ ထိပါးရိုက်ခတ်လာတာမျိုးတော့ ရှိမှာမဟုတ်ဘူးလို့မျှော်လင့်တယ်။ သူ့လိုကောင်းမွန်တဲ့ခေါင်းဆောင်တွေ ပြန်ပေါ်ထွက်လာမှာကို မျှော်လင့်တယ်။ ဒါကြောင့် ဝမ်းနည်းစရာရှိပေမဲ့ လုပ်စရာရှိတဲ့ လုပ်ငန်းတွေကိုတော့ ဆက်လက်ပြီး လုပ်ဆောင်ကြမှာပဲ။ သူ့အကြောင်းပြောပြရရင်တော့ သူဟာ မာန်မာန ဂုဏ်ရှိန်နဲ့ လုံး၀မနေတဲ့သူဖြစ်တယ်” KIA စစ်ဦးစီးချူပ် ဒုဗိုလ်ချုပ်ကြီး ခေါင်လွမ်းနဲ့ သိကျွမ်းတဲ့ အမျိုးသမီးတစ်ဦးကလည်း ဗိုလ်ချူပ်ကြီးဟာ စိတ်ဓာတ်ဖြူစင် ရိုးသားတဲ့သူတစ်ဦးဖြစ်ပြီး အတုယူသင့်တဲ့ ခေါင်းဆောင်ဖြစ်တယ်လို့ ပြောပါတယ်။ “ကျမက သူ့က ‘Pure Man’ လို့တင်မြောက်ချင်တယ်။ သူစိတ်ဓာတ်က အတုယူဖွယ်ကောင်းတယ်။ သူ့ရဲ့လုပ်ဆောင်မှုတွေ၊ဦးဆောင်မှုတွေက သမာသမတ်ရှိတယ်။ Smart ကျတယ်။ သူ့ရဲ့ အောက်ခြေကတပ်သားတွေကိုလည်း အပြစ်ပေးသင့်တဲ့သူကို သူ့အပြစ်နဲ့ထိုက်တန်တဲ့ အပြစ်ပေးတယ်။ ဂုဏ်ပြုသင့်တဲ့သူကိုလည်း ကောင်းမွန်စွာ ဂုဏ်ပြုတယ်။ သူ ကျန်းမာရေးမကောင်းတော့ဘူးဆိုတာကို သိရဲ့သားနဲ့ သူ့ကျန်းမာရေးကို ဦးစားမပေးပဲ တိုင်းပြည်နဲ့ လူမျိုးလွတ်မြောက်ရမယ်ဆိုတာကိုပဲ အဓိက ဦးစားပေးပြီး ရွေးချယ်သွားတယ်။ ကျန်းမာရေးမရှိရင်တောင် သူကြိုးစားတယ်။ ကျမတို့ လူမျိုးတွေကို လွတ်မြောက်အောင် ကြိုးစားချင်တဲ့ စိတ်ဓါတ်အပြည့်ရှိတယ်” နောက်ဆုံး NUG ရဲ့ သယံဇာတဝန်ကြီး ဒေါက်တာခလဲန်တူးခေါင်ကလည်း ဒုဗိုလ်ချုပ်ကြီး ခေါင်လွမ်းနဲ့ပတ်သက်ပြီး အတိုချုံ့ ဂုဏ်ပြုပြောဆိုထားပါတယ်။ “NUG မှာ စစ်ဒေသ ၁ ဆိုတာ မန္တလေးအထက်ပိုင်းအားလုံး KIA နဲ့ လက်တွဲပြီး လုပ်ငန်းလုပ်၊ တိုက်ပွဲဝင်နေတာဖြစ်တယ်။ NUG မှာစစ်ဒေသ ၁ စဖွင့်ခါစက စစ်မြေပြင်အတွေ့အကြုံရှိတဲ့သူ မရှိဘူး။ စစ်သင်တန်းကတော့ KIA ကနေဆင်းပြီး လက်နက်ကိုင်နေကြသူတွေတော့ဟုတ်တယ်။ NUG ကိုပထမဆုံး လက်နက်တပ်ဆင်ပေးပြီး စစ်ကိုင်းဘက်လုပ်ငန်းပေးတဲ့အခါ ကယ်…ဘယ်သူဦးဆောင်မလဲ ဆိုပြီး လိုအပ်လာတဲ့အခါ တိုက်ပွဲမှာဦးဆောင်ဖို့တော့ KIA ကနေ တပ်ရင်းမှူးအဆင့်နဲ့ အထက်ပိုင်းလူတွေကို KIA ထဲက ခန့်ထားပေးပြီး ဒီစစ်ဒေသ ၁ မှူးကိုတော့ ဒုဗိုလ်ချူပ်ကြီး ဂွ ကို ဌာနချူပ်က တာဝန်ပေးထားတာဟုတ်တယ်။ သူ VCS အဆင့်ကနေ စစ်ဒေသမှူးဖြစ်တယ်။ နောက်ပိုင်းတော့ CS အရာအဆင့်တက်ပြီး သူ့အနေနဲ့ ပို လွတ်လွတ်လပ်လပ် လုပ်ဆောင်လာနိုင်တာပေါ့။ ပထမဆုံး တိုက်ပွဲတွေ ဦးဆာင်ဖော်ဆောင်ကတည်းက တပ်မဟာ ၈ ဘက် သူကိုယ်တိုင်မြေပြင်ဆင်း တိုက်ပွဲတိုက်ပြီး၊ စစ်ကိုင်းဘက်ထိ အကြာပြီးနေခဲ့ဖူးပြီ။ အစကတော့ Local PDF ပဲများတယ်လေ ကိုယ့်လက်နက်ကိုယ် သိသလို မီးတူသေနတ်နဲ့ တိုက်ပွဲဝင်ကြတာပေါ့။ နောက်ပိုင်း  NUG စစ်ဒေသ ၁ ဖွင့်လိုက်ချိန်မှာတော့ ပိုပြီး ဗိုလ်ချူပ် ဂွတို ကိုယ်တိုင်ဦးဆောင်ပြီး တပ်ရင်း တပ်ဖွဲ့ တွေရှိလာချိန် Local…

Read More »

ဒေါက်တာခလမ်ဆမ်ဆွန်ကိုပြန်ဖမ်းဆီးတာဟာ ငြိမ်းချမ်းရေးဆွေးနွေးဖို့လို့ စစ်တပ်ရဲ့ ပြောဆိုမှုအပေါ် ကချင်နိုင်ငံရေးလေ့လာသုံးသပ်သူတွေဘာပြောလဲ

KBC ဥက္ကဋ္ဌဟောင်း ဒေါက်တာခလမ်ဆမ်ဆွန် Rev. Dr Hkalam Sam Son ကို စစ်တပ်ကပြန်ပြီးဖမ်းဆီးလိုက်တာဟာ ငြိမ်းချမ်းရေးဆွေးနွေးဖို့ဖြစ်တယ်လို့ စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက မြန်မာသတင်းဌာနတစ်ချို့မှာ ဧပြီလ ၂၀ ရက်နေ့ ဖြေဆိုထားပါတယ်။ ဧပြီလ ၁၇ ရက်နေ့ မြန်မာနှစ်ဆန်းတစ်ရက်နေ့ စစ်တပ်ရဲ့လွတ်ငြိမ်းချမ်းသာခွင့်နဲ့ မြစ်ကြီးနားအကျဉ်းထောင်ထဲကနေ လွတ်မြောက်လာတဲ့ ဆရာတော်ဒေါက်တာခလမ်ဆမ်ဆွန်ဟာ ဧပြီလ ၁၈ ရက်နေ့ မနက်ပိုင်း ၂ နာရီဝန်းကျင် လုံခြုံရေးအရခေတ္တစစ်ဆေးဖို့ဆိုပြီး ပြန်ဖမ်းသွားတာဖြစ်ပါတယ်။ ဒါပေမယ့် ဧပြီလ ၁၉ ရက်နေ့အထိ စစ်ဆေးမှုမလုပ်သေးဘဲ ဖမ်းဆီးထားဆဲဖြစ်ပြီး ဧပြီလ…

Read More »

KIA သိမ်းပိုက်ရရှိထားတဲ့နေရာတွေမှာ ပြန်လည်ထူထောင်ရေးနဲ့ အုပ်ချုပ်ရေးပိုင်း ခိုင်မာစေဖို့ တတ်သိလူငယ်အများအပြား လိုအပ်နေတယ်လို့  ဒုတိယ ဗိုလ်ချုပ်ကြီး ဂွန်မော်ပြော

ကချင်လွတ်လပ်ရေးတပ်မတော် KIA သိမ်းပိုက်ရရှိထားတဲ့နေရာတွေမှာ ပြန်လည်ထူထောင်ရေးနဲ့ အုပ်ချုပ်ရေးပိုင်းခိုင်မာစေဖို့ တတ်သိလူငယ်အများအပြား လိုအပ်နေတယ်လို့ ထိုင်းနိုင်ငံ ချင်းမိုင်မြို့မှာ ပြီးခဲ့တဲ့ ဧပြီလ ၁၃ ရက်နေ့ ကျင်းပတဲ့ ကချင်လူထုစည်းဝေးပွဲတစ်ခုမှာ ကချင်လွတ်လပ်ရေးကောင်စီ KIC ဒုတိယ ဥက္ကဋ္ဌ (၁)၊ ဒုတိယ ဗိုလ်ချုပ်ကြီး ဂွန်မော် က ပြောဆိုခဲ့ပါတယ်။ မတ်လ ၇ ရက်နေ့ စတင်လာတဲ့ ကချင်လွတ်လပ်ရေးတပ်မတော် KIA ပူးပေါင်းတပ်တွေရဲ့ စစ်ဆင်ရေးဟာ…

Read More »

နာဂပြည်သူ့ကာကွယ်ရေးတပ်ဖွဲ့(NPDF) အနေနဲ့ တော်လှန်ရေးမှာ ဘယ်လိုပူးပေါင်းပါဝင်နေသလဲ

၂၀၂၁ ခုနှစ် မြန်မာစစ်တပ်ကအာဏာသိမ်းလိုက်ပြီးနောက် မြန်မာပြည်အနှံ့က လူငယ်တွေဟာ စစ်အာဏာဆန့်ကျင်တိုက်ခိုက်ရေးနဲ့ ဖယ်ဒရယ်ပြည်ထောင်စုပေါ်ပေါက်လာရေး ရည်ရွယ်ချက်တွေနဲ့ ပြည်သူ့ကာကွယ်ရေးတပ်ဖွဲ့ တွေကို မြေနယ်ဒေသအသီးသီးမှာ ဖွဲ့စည်းလာကြတာဖြစ်ပါတယ်။ နာဂပြည်သူ့ကာကွယ်ရေးဖွဲ့(NPDF) အဖွဲ့ဟာ လက်ရှိ နာဂခရိုင်အမှတ် (၁) တပ်ရင်းအဖြစ်ရပ်တည်နေတာဖြစ်ပြီး ၂၀၂၁ ခုနှစ် ဇူလိုင်လ ကတည်းစတင်ဖွဲ့စည်းပေါ်ပေါက်လာတာဖြစ်ပါတယ်။ စစ်အာဏာသိမ်းမှုကြောင့်ပေါ်ပေါက်လာတဲ့ ပြည်သူ့ကာကွယ်ရေးရေးတပ်ဖွဲ့တွေ အများအပြားရှိတဲ့ထဲကမှ မြန်မာပြည်မြောက်ဖျားပိုင်းက ဝေးလှံခေါင်ဖျားဒေသလည်းဖြစ်၊ လမ်းပမ်းဆက်သွယ်ရေးခက်ခဲတဲ့ ဒေသလည်းဖြစ်တဲ့ နာဂ ဒေသထဲက နာဂပြည်သူ့ကာကွယ်ရေးတပ်ဖွဲ့(NPDF) အဖွဲ့ ဘယ်လိုဖွဲ့စည်းပေါ်ပေါက်လာသလဲ ၊လက်ရှိမှာကော ဘယ်လိုနေရာဒေသတွေမှာ ဘယ်လိုတိုက်ပွဲတွေဆင်နွဲနေသလဲစတဲ့အကြောင်းအရာတွေကို NDPF တပ်ဖွဲ့ထဲက ဗိုလ်လင်းယုန်ကို KNG ကအခုလိုဆက်သွယ်မေးမြန်းထားပါတယ်။ မေး။  ။ ပထမဦးဆုံးအနေနဲ့ ဗိုလ်လင်းယုန်တို့ တပ်ဖွဲ့ရပ်တည်နေတဲ့ မခြေအ နေနဲ့ မူဝါဒကိုပြောပြပေးပါဗျ။ ဖြေ။ ။ရပ်တည်နေတဲ့အခြေအ နေကတော့ ကျွန်တော်တို့လက်ရှိ NPDF လက်ရှိအခြေအနေမှာဘယ်လိုလဲဆို NUG လက် အောက်ကနေသွားနေတဲ့တပ်ရင်းပေါ့နော် နာဂ ခရိုင် အမှတ် (၁) တပ်ရင်းအနေနဲ့ကျွန်တော် တို့သွားနေတဲ့တပ်ရင်းဖြစ်ပါတယ်။မူဝါဒအနေနဲ့ကတော့ ကျွန်တော်တို့က အမျိုးသားညီညွတ်ရေးအစိုးရရဲ့အောက်ကဖြစ်တဲ့အတွက်ကြောင့်ပြီးတော့နောက် MOD ရဲ့ထိန်းချုပ်မှုအောက်ကနေသွားနေတဲ့အတွက်ကြောင့် NUG ၊MOD ရဲ့လမ်းညွန်ချက်မူဝါဒအတိုင်းပဲသွားနေတာဖြစ်တယ် ကျွန်တော်တို့အခုတော်လှန်နေတာက မင်းအောင်လှိုင်ကိုပုဂ္ဂိုလ်ရေးမုန်းတီးလို့ကျွန် တော်တို့ တော်လှန်နေတာ မဟုတ်ဘူးလည်နော် ကျွန်တော်တို့မှာ ဖယ်ဒရယ်ဆိုတဲ့စနစ်တစ်ခုကို လိုချင်လို့ကျွန်တော်တို့တော်လှန်နေကြတာ အားလုံးတန်းတူညီမျှ ရရှိရေး လူတစ်ဦးရဲ့အခွင့်အရေး အပြည့်အဝ ရရှိရေးအတွက် ကျွန်တော်တို့က တော်လှန်နေတာ အဲ့အတွက်ကြောင့်ဆက်လက်ပြီးတိုက်ပွဲ ဝင်နေတာဖြစ်တယ်။ မေး။ ။ NPDF အနေနဲ့ အခြားသော EAO တွေ PDF တပ်ဖွဲ့တွေနဲ့မဟာမိတ်လုပ်ဆောင်ထားတာမျိုးရှိလား။ ဖြေ။ ။ ကျွန်တော်တို့စစ်ကိုင်းတိုင်း တစ်တိုင်းလုံးက KIA၊KIO ရဲ့လမ်းညွန်မှု အမိန့်အောက်မှာသွားနေတာဖြစ်တဲ့အတွက် ကျွန်တော်တို့ နာဂဒေသက KIA တပ်မဟာ ၉ နဲ့အနီးစပ်ဆုံးဖြစ်တယ် ကျွန်တော်တို့က တပ်မဟာ ၉ တပ်ရင်း ၃၈ နဲ့အနီးစပ်ဆုံးဖြစ်တဲ့အတွက် ကျွန်တော်တို့အနေနဲ့ KIO ၊KIAနဲ့ လာရောက်ပြီးတော့ မဟာမိတ်ဖွဲ့ ပြီး ၂၀၂၂ ခုနှစ် ဒီဇင်ဘာလလောက်ကတည်းက ဒီမှာရောက်ရှိနေပြီးတော့ ဆယ်ဇင်းတိုက်ပွဲတွေမှာ လက်တွဲပြီးတော့လုပ်ဆောင်နေတယ် ပြီးတော့စစ်အတွေ့အကြုံအရကော ၊အဖက်ဖက်ကနေ ကျွန်တော်တ်ို့နောင်တော်ကြီးတွေနဲ့ပူးပေါင်းပြီး စစ်အာဏာရှင်ကျရှူံးရေးမှာဆက်လက်ပြီးတိုက်ပွဲဝင်နေတာဖြစ်ပါတယ်။ မေး။ ။ NPDF တပ်ဖွဲ့က နာဂလူငယ်တွေနဲ့သီးသန့်ဖွဲ့စည်းထားတာလား တခြားသော လူမျိုးထဲက လူငယ်တွေပါဝင်သေးလား။ ဖြေ။ ။NPDF မှာဆိုရင်ကျွန်တော်တို့ နာဂလူငယ်တွေပါတယ် ဗမာလူမျိုးတွေလည်းပါတယ် ချင်းလူမျိုးတွေလည်းပါတယ် ရှမ်းတွေလည်းပါတယ် အဲ့လိုမျိုးပေါ့ ပြည်သူတွေစုပေါင်းပြီးတော့ အတူတူလက်တွဲ ပြီးလုပ်ဆောင်နေတာဖြစ်ပါတယ်။ မေး။ ။ NDPF မှာ CDM ရဲ နဲ့ စစ်သားတွေကော ပါလားဗျ။ ဖြေ။ ။ဟုတ်တယ်ဗျ အခုကျွန်တော်တို့ ၂၀၂၁ ခုနှစ်တော်လှန်ရေးကာလတုန်းက CDM လုပ်ထားတဲ့ သုံးရစ်ဆရာအဆင့်တောင် ကျွန်တော်တို့မှာရှိတယ် ပြီးကျန်တဲ့ စစ်ဖက်ဆိုင်ရာနဲ့ရဲဌာနတွေနဲ့ပူးပေါင်းလုပ်ဆောင်နေတာရှိတယ် ပြီးတော့ထွေအုပ်တွေလိုမျိုးအဖွဲ့အစည်းထဲကတွေရှိတယ် ။ မေး။ ။ NPDF အနေနဲ့ လက်ရှိဘယ်နေရာ ဘယ်ဒေသတွေမှာအဓိက ပါဝင်ဆောင်ရွက်နေလဲ။ ဖြေ။ ။အဓိက ကျွန်တော်တို့လှုပ်ရှား နေတာ ကတော့ အခုလောလောဆယ်မှာကျွန်တော်တို့က အဖက်ဖက်ကနေ အားနည်း နေတာပေါ့ဗျာ လက်နက်ခဲယမ်း သော်လည်းကောင်း၊ လူအင်အားသော်လည်း ကောင်း အားနည်းတယ် ပြီးတော့ကျွန်တော်တို့ နာဂဒေသမှာ လှုပ်ရှားဖို့က ကျွန်တော်တို့မှာ လက်နက်အင်အားမရှိဘူး ပြီးတော့ အောင်ပြည်အောက်ရွာမှာ ဥပမာ ကျွန်တော်တို့စစ်ကိုင်းတိုင်းထဲသော်လည်းကောင်း နွေဦးတော်လှန်ရေးကို ချုံ့ကြည့်လိုက်ရင် ကျွန်ဗာ်တို့က စကစ သော်လည်းကောင်း၊ ပြီးတော့ရဲဌာန ပြီးတော့ပျူစောထီးအဲ့လိုသုံးပိုင်းလောက်နဲ့ဖိုက်နေတာတဲ့အချိန်မှာ ကျွန်တော်တို့ နာဂဒေသကမှာက စစ်မျက်နှာက သုံးခုမကဘူး နာဂဒေသ မှာက နာဂလက်နက်ကိုင်တွေလည်းအများကြီးရှိလာတယ် အဲ့ဒီအများကြီးထဲမှာလည်းတချိို့တလည် ကျွန်တော်တို့ကြားရသလောက်က စကစ နဲ့ပူးပေါင်းနေတဲ့အပိုင်းတွေလည်းအများကြီးရှိတယ်၊အဲ့ကြောင့်ဒီဒေသမှာ လက်နက်ခဲယမ်း မရှိပဲနဲ့ရပ်တည်ဖို့က အင်မတန်မှခက်ခဲပါတယ်။ အဲ့ကြောင့် ကျွန်တော်တို့က တပ်ရင်းရုံးအနေနဲ့သော်လည်းကောင်း၊ စစ်ဆင်ရေးအနေနဲ့သော်လည်းကောင်း ၂၀၂၂ ဒီဇင်ဘာလကတည်းက ကချင်ပြည်နယ် ဘက်မှာ လာရောက်ပူး ပေါင်းပြီးတော့ဒီနေ့ဒီချ်ိန်ထိ မဟာမိတ်အနေနဲ့စကစက်ို တော်လှန်နေတယ်။ မေး။ ။ပြီးတော့ နာဂ ဒေသမှာက နဂိုကည်းက NSCN-Kဆိုတဲ့ နာဂလက်နက်ကိုင်တပ်ဖွဲ့ရှိထားတယ် ကိုယ်ပိုင်အုပ်ချုပ်ခွင့်လည်းပေးထားတယ်ပေါ့ အခု NSCN-K နဲ့ NPDF ရဲ့ဆက်ဆံရေးကဘယ်လိုရှိလဲဗျ။ ဖြေ။ ။သူတို့(NSCN-K) ကတော့ကျွန်တော်တို့ စစထွက်လာကတည်းက သူတို့နဲ့ကျွန်တော်တို့နဲ့က ပြဿနာဖြစ်စရာအကြောင်းမရှိဘူးလို့ကျွန်တော်တို့က မြင်တာပေါ့နော် ဘာလို့လဲဆိုတော့ သူတို့ရဲ့ပေါ်လစီက သီးသန့်ရှိပြီးသားလေနော် ကျွန်တော်တို့ နာဂလူမျိုးအတွက်ပဲ လုပ်နေတာမဟုတ်ဘူး ၁၃၅ မျိုးသောတိုင်းရင်းသား ၅၄ သန်းသော ပြည်သူ တွေအတွက်အလုပ်လုပ်နေတာ ဒါကြောင့်ကျွန်တော်တို့နဲ့ခံယူချက်ချင်းသော်လည်းကောင်း ကျွန်တော်တို့နဲ့ ပေါ်စလီချင်းက ကွဲပြားသွားပြီလို့မြင်တယ် သူတို့ကလည်းကျွန်တော်တို့ကို ဖိအားပေးတာမရှိဘူးပြီးတော့ NUG ကလည်း လက်နက်ကိုင်အဖွဲ့အစည်းတွေကို အမြဲတမ်းတံခါးဖွင့်ပြီးကြိုဆိုနေတာပဲလေနော် ။ မေး။ ။နာဂ ဒေသက ဝေးလှံခေါင်ဖျားဒေသလည်းဖြစ်တယ်ပြီးတော့ လမ်းပမ်းဆက်သွယ်ရေးကလည်းအင်မတန်ခက်ခဲတဲ့ ဒေသဖြစ်တယ် အဲ့လိုဒေသမှာ NPDF တပ်ဖွဲ့တွေရပ်တည်ဖို့ဆိုရင်အဓိက စိန်ခေါ်မှု၊ ပြဿနာတွေ ကဘာတွေဖြစ်မလဲ။ ဖြေ။ ။အဓိစိန်ခေါ်မှုနဲ့ ပြဿနာကတော့ ခုနပြောသလိုပဲ နာဂဒေသက တိုင်းရင်းသားဒေသတွေထဲမှာအခေါင်ဆုံး အခက်ခဲဆုံး တစ်နေ့လုပ်မှတစ်နေ့စားရမှာဖြစ်တဲ့အတွက်ကြောင့် တခြားဒေသက တိုင်းရင်းသားတွေထက်စာရင်ကျွန်တော်တို့က အတော်လည်းခက်ခဲပါတယ် တခြား ဒေသက ကျတော့ ပြည်သူတွေရဲ့ထောက်ပံ့မှုနဲ့ဆိုတော့ ၆၀ ရာခိုင်နှုန်းလောက်က ဖြစ်နိုင်တယ် ကျွန်တော်တို့မှာ ၂၅ ရာခိုင်နှုန်းလောက်တောင်မရှိဘူး လမ်းပမ်းဆက်သွယ်ရေးခက်ခဲတယ်ပြီးတော့ အခုကျွန်တော်တို့တိုက် နေတဲ့စနစ်ကြီးကို ပြည်သူတွေနားမလည်နိုင်အောင် စစ်တပ်က နာဂဒေသကို အမောင်ဖုံးထားတယ်လို့ကျွန်တော်ကမြင်တယ် အဲ့ကြောင့် လက်နက်ခဲယမ်း ခက်ခဲသလို ကျွန်တော်တို့ ရဲ့စားဝတ်နေရေး အစစ အရာရာခက်ခဲ တယ်လို့ကျွန်တော်ပြောချင်ပါတယ်။ By…

Read More »

ကိုးကန့်တပ်ဖွဲ့၏ ထိန်းချုပ်မှုအောက်မှာ ပန်ဆိုင်းဒေသခံတွင် ဘယ်လိုအခြေအနေကို ရင်ဆိုင်ကြုံတွေ့နေရပါသလဲ။

“၁၀၂၇ စစ်ဆင်ရေး” စတင်ခဲ့ပြီးနောက် ရှမ်းပြည်နယ်မြောက်ပိုင်း တိုင်းရင်းသားလူမျိုးပေါင်းစုံ နေထိုင်သည့် မုံးကိုး၊ ကြူကုတ်၊ ပန်ဆိုင်းနှင့် အခြားမြို့နယ်များကို ကိုးကန့် MNDAA က တိုက်ခိုက်သိမ်းပိုက်ခဲ့ပါသည်။ ကြူကုတ်၊ ပန်ဆိုင်းဒေသကို ပြီးခဲ့သည့်နှစ် ၂၀၂၃ ခုနှစ် နိုဝင်ဘာလ…

Read More »

၂၀၂၄ ခုနှစ် ကချင်ဒေသမှာ စစ်ရေး နိုင်ငံရေး ဘယ်လိုပြောင်းလဲ လာနိုင်မလဲ

“ကချင်ပြည်နယ်ရဲ့ နိုင်ငံရေးအခြေအနေကို သုံးသပ်ကြည့်မယ်ဆိုရင်တော့ တခြားပြည်နယ်တွေလို ပြင်းထန်တဲ့ မြို့သိမ်းတိုက်ပွဲတွေက ဖြစ်လာဖို့က မရှိနိုင်သေးဘူးလို့ ထင်ပါတယ်။ တိုက်ပွဲဖြစ်မယ့်နေရာတွေက မြို့နဲ့ဝေးတဲ့ ကျေးလက်ဒေသတွေမှာက ဖြစ်ဖို့ကများပါတယ်” ကချင်နိုင်ငံရေးလေ့လာစောင့်ကြည့်သူတစ်ဦး

Read More »

ကချင်ပြည်နယ်နေ့အပေါ် လူထုအမြင်

၁၉၄၈ ခုနှစ် ဇန်နဝါရီလ ၄ ရက်နေ့ မြန်မာပြည်လွတ်လပ်ရေး ရပြီးနောက် တဆက်တည်း ဇန်နဝါရီလ ၁၀ ရက်နေ့ကို ကချင်ပြည်နယ်နေ့အဖြစ် သတ်မှတ်ခဲ့ပါတယ်။ ကချင်ပြည်နယ်နေ့ ဖြစ်ပေါ်လာတာ နှစ်ပေါင်း ၇၆ နှစ်ကြာမြင့်လာပြီဖြစ်ပေမယ့် ၁၉၄၇ ပင်လုံစာချုပ်ကို အခြေခံတဲ့ ကချင်ပြည်သူတွေတောင်းဆိုခဲ့တဲ့…

Read More »