,

Breaking News :

လူသတ်မှုကျူးလွန်သူ ၃ ဦးကို KIO က အမြင့်ဆုံးပြစ်ဒဏ်ချမှတ်

KBC ဥက္ကဌ ညှိနှိုင်းပေးမှုကြောင့် တပ်မတော်နှင့် KIO အပစ်ရပ်လက်မှတ်ထိုးတော့မည်ဟူသော သတင်းမှား

နမ်ခမ်၊ အင်ဂါးဂါး စစ်ပြေးဒုက္ခသည်များကို တနိုင်းမြို့တွင် ပြန်လည်နေချထားပေး

မြစ်ကြီးနား ကားကြီးကွင်းကို အောက်တိုဘာလကုန်ထိ ပိတ်ထားမည်

ဆွမ်ပရာဘွမ် ကျေးရွာနယ်နမိတ်အတွင်း ရွှေသတ္တုတူးဖော်မှုကို ရပ်ဆိုင်းပေးရန်တောင်းဆို

ဖျက်သိမ်းလိုက်ပြီဖြစ်သော UDP ပါတီတွင် ဆန္ဒမဲ ပြုမိပါက ပယ်မဲ ဖြစ်မယ်ဟု UEC ကြေညာ

မြစ်ကြီးနား ကားကြီးကွင်းတွင် ကိုဗစ် အတည်ပြုလူနာတစ်ဦး ထပ်တိုး

Stay Home ကြေညာထားသည့် ကချင်မှ မြို့နယ် ၂ ခုတွင် မဲဆွယ်စည်းရုံးခွင့်မပြု

မိုးမောက်မြို့နယ်တွင် KSPP နှင့် KNC ပါတီဆိုင်းဘုတ်များ ဖျက်စီးခံရ

ဖားကန့် စည်ပင်ဥက္ကဌ ရွေးချယ်မှုတွင် အစိုးရက ဗဟိုဦးစီး စနစ်ဆန်နေကြောင်း ကချင်အတိုင်ပင်ခံအဖွဲ့ ထောက်ပြ

၂၁ ရာစု ပင်လုံညီလာခံသို့ အစိုးရက ဖိတ်ကြားလျှင် FPNCC အစီစဉ်ဖြင့် ပါဝင်သွားမည်ဟု KIO ပြော

KIA စစ်ရေးပြ၊ လိုင်ဇာမြို့၊ ကချင်ပြည်နယ်

ပြည်ထောင်စု ငြိမ်းချမ်းရေးညီလာခံ (၂၁) ရာစုပင်လုံအစည်းအဝေး စတုတ္ထအကြိမ်နှင့်ပတ်သက်ပြီး အစိုးရဖက်မှ ကချင်လွတ်လပ်ရေးအဖွဲ့ KIO ကို ဖိတ်ကြားမှုမရှိသေးကြောင်း KIO ပြန်ကြားရေးတာဝန်ခံ ဗိုလ်မှူးကြီးနော်ဘူ က ပြောသည်။

“KIO ကို ဖိတ်ကြားခဲ့ရင်တော့ KIO က FPNCC အဖွဲ့အနေနဲ့ သွားမှာဖြစ်တယ်။ ဖိတ်ကြားခဲ့ရင် KIO ဗဟိုကော်မတီကနေနဲ့ အဲဒီစာကို အသေးစိတ် စဉ်းစားပြီးမှ သွားမလား မသွားဘူးလား ဆုံးဖြတ်မယ်။ သွားလို့ အဆင်ပြေမလား၊ မပြေဘူးလားလည်း ဆုံးဖြတ်မယ်။” ဟု KIO ဗဟိုဌာနချုပ် ပြန်ကြားရေးတာဝန်ခံ ဗိုလ်မှူးကြီးနော်ဘူ က ပြောသည်။

၂၁ ရာစုပင်လုံညီလာခံ စတုထ္တအကြိမ်ကို လာမည့် သြဂုတ်လ ၁၂ ရက်မှ ၁၄ ရက်နေ့အထိ ၃ ရက်ကြာ ကျင်းပမည်ဖြစ်ပြီး COVID- 19 ရောဂါကြောင့် လူဦးရေလျော့ကာ ကျင်းပသွားမည်ဖြစ်ကြောင်း သိရသည်။

ညီနောင် မဟာမိတ် ၃ ဖွဲ့ဖြစ်သော ကိုးကန့် MNDAA ၊ ရက္ခိုင်တပ်မတော် AA နှင့် တအောန်းအမျိုးသားလွတ်မြောက်ရေးတပ်မတော် TNLA တို့က လုံခြုံရေး အာမခံချက်ရှိမည်ဆိုပါက ၂၁ ရာစုပင်လုံညီလာခံကို FPNCC ၏ ဦးဆောင်မှု လမ်းညွှန်မှုနှင့်အတူ တက်ရောက်မည်ဟု ဇူလိုင် ၂၁ ရက်နေ့တွင် သဘောထားထုတ်ပြန်ထားသည်။

ထို့အတူ ကချင်လွတ်လပ်ရေးအဖွဲ့KIO သည်လည်း မြောက်ပိုင်းညီနောင်မဟာမိတ် ၃ ဖွဲ့၏ ထုတ်ပြန်ချက်အတိုင်း အစိုးရမှ ဖိတ်ခေါ်မည်ဆိုပါက FPNCC ၏ လမ်းညွှန်မှုဖြင့် ညီလာခံသို့တက်ရောက်သွားမည်ဟု ဗိုလ်မှူးကြီး နော်ဘူက ပြောသည်။

NLD အစိုးရ သက်တမ်းကုန်ခါနီးနှင့် ရွေးကောက်ပွဲကာလနီးစပ်သည့်အချိန်တွင် ကျင်းပမည့်အဆိုပါညီလာခံသည် ငြိမ်းချမ်းရေးအတွက် အဖြေတစ်ခုရရှိဖို့ထက် ရွေးကောက်ပွဲ နိုင်ငံရေးအမြတ်ထုတ်မှုတစ်ခုအဖြစ်သာ ရှုမြင်ကြောင်း နိုင်ငံရေးလေ့လာသုံးသပ်သူ ဦးအင်ခွမ်လဆန်အောင်က ဆိုသည်။

“ဒီညီလာခံမှာ အဖြေထွက်ဖို့ မထွက်ဖို့ဆိုတာထက် ရွေးကောက်ပွဲ နိုင်ငံရေးအမြတ်ထုတ်ဖို့လို့ သုံးတပ်မိပါတယ်။ ဘာဖြစ်လို့ဆိုရင် ငြိမ်းချမ်းရေးညီလာခံကို ကြည့်လို့ရှိရင် Covid ကြောင့်ပဲ မဟုတ်ဘူး Bilatral လက်မှတ်ထိုးဖို့ မြောက်ပိုင်းအဖွဲ့နှင့် ဆွေးနွေးတာပဲဖြစ်ဖြစ် တောင်ပိုင်းက NCA-S EAO တွေပဲဖြစ်ဖြစ် အားလုံးက Dead lock ဖြစ်နေတယ်။ NLD ရဲ့သက်တမ်းကုန်ခါနီးမှာ အလုပ်မဖြစ်တဲ့ ငြိမ်းချမ်းရေးလမ်းစဉ်ကို တစ်ခုခုအနေဖြင့် အဆုံးသတ် ရှေ့ဆက်လုပ်ဆောင်နေတယ်ဆိုတဲ့ ရည်ရွယ်ချက်နှင့် လုပ်နေတယ်လို့မြင်တယ်။ ဒါကြောင့် စတုတ္ထအကြိမ် ပင်လုံညီလာခံသည် အဖြေတစ်ခုခုထွက်လာမှာ မဟုတ်ဘူးလို့ သုံးတပ်မိပါတယ်။’’ ဟု ဦးအင်ခွမ်လဆန်အောင်က သုံးသပ်ပြောဆိုသည်။

ပြည်ထောင်စုငြိမ်းချမ်းရေးညီလာခံ – (၂၁) ရာစုပင်လုံအစည်းအဝေး ပထမအကြိမ်ကို ၂၀၁၆ ခုနှစ်၊ ဒုတိယအကြမ်ကို ၂၀၁၇ နှင့် တတိယအကြိမ် ၂၀၁၈ ခုနှစ်တို့တွင် ကျင်းပခဲ့သည်။

ပြည်ထောင်စု နိုင်ငံရေး ဆွေးနွေးညှိနှိုင်းရေး ကော်မတီ FPNCC အဖွဲ့တွင် မြန်မာပြည်မြောက်ပိုင်းရှိ တိုင်းရင်းသား လက်နက်ကိုင်များဖြစ်သည့် ‘ဝ’ ပြည် သွေးစည်းညီညွတ်ရေး တပ်မတော် (UWSA)၊ အမျိုးသား ဒီမိုကရေစီ မဟာမိတ် တပ်မတော် (NDAA)၊ ကချင်လွတ်လပ်ရေး တပ်မတော် (KIA)၊ မြန်မာအမျိုးသားဒီမိုကရေစီမဟာမိတ်တပ်မတော် (MNDAA/ ကိုးကန့်)၊ ရှမ်းပြည်မြောက်ပိုင်း တပ်မတော် (SSPP/SSA)၊ တအန်းအမျိုးသား လွတ်မြောက်ရေး တပ်မတော် (TNLA) နှင့် ရက္ခိုင်တပ်မတော် (AA) တို့ ပါဝင်ပါတယ်။

Read Previous

ပြည်နယ်အတွင်း မြို့နယ် ၃ ခုတွင် ဝင်ရောက်ယှဉ်ပြိုင်မည့် ဒီမိုကရေစီပါတီသစ် (ကချင်)

Read Next

နမ္မတီး ညောင်တော စစ်ရှောင်စခန်းမှ ကျောင်းသားများအတွက်ကြိုပို့ယာဉ် စီစဉ်ပေးရန်တောင်းဆို

Leave a Reply

Your email address will not be published. Required fields are marked *