,

Breaking News :

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

လိုင်ဇာမြို့အနီး ခယာဘွမ့်တွင် ရိက္ခာပို့နိုင်ရန် ဒေါ့ဖုန်းယန် မှ ကားလမ်းတစ်လျှောက် စစ်အင်အားတိုးချဲ့ချထား

ဘွမ်ရာယန်စစ်ရှောင်စခန်းတွင် သောက်ရေ အဓိကအခက်အခဲဖြစ်နေ

ရှဒူးဇွပ်စစ်ရှောင်များ ရေဘေးမှလွတ်မြောက်ရေး နေရာအသစ်တွင် ပြောင်းရွေ့ရန်ခက်ခဲနေ

လိုင်ဇာမြို့အနီး အာဏာသိမ်းစစ်တပ်၏ ယာဉ်တန်းကို KIA ကြားဖြတ် တိုက်ခိုက်

အာဏာသိမ်းစစ်တပ်က ကားဖြင့်တိုက်သဖြင့် ပူတာအိုဒေသခံတစ်ဦး ခြေတစ်ဖက်ကျိုး

ဒေါ့ဖုန်းယန်မြို့အနီးတွင် အကြမ်းဖက်စစ်တပ်ကို KIA က ကြားဖြတ်တိုက်ခိုက်

နေရာအသစ်တွင် ပြန်လည်ထူထောင်ရေးပြုလုပ်ပေးရန် တာလောကြီးဒေသခံများတောင်းဆို

တာလောကြီးဒေသခံ ဘောက်မိုင်

မြစ်ကြီးနားမြို့နယ် တာလောကြီးကျေးရွာတွင် အစိုးရမှနေရပ်ပြန်ရေးစီစဉ်ရာ၌ ယခင်မူလမြေနေရာတွင် မဟုတ်ဘဲ အခြားမြေနေရာတစ်ခုတွင်သာ စီစဉ်ပေးစေလိုသည်ဟု စစ်ရှောင်များက တောင်းဆိုနေကြသည်။

ယခင် ၎င်းတို့မြေနေရာများတွင် နှစ်စဉ် ဧရာဝတီမြစ် ရေကြီးရေလျှံမှုကြုံတွေ့နိုင်သောကြောင့် ပြန်လည်ထူထောင်ရေးတွင် ရေမဝင်နိုင်သော အခြားတစ်နေရာတွင်သာ စီစဉ်ပေးရန် တောင်းဆိုခြင်း ဖြစ်သည်ဟု ဆိုသည်။

“ဒါပေမဲ့ကျွန်မတို့ တာလောကြီးရွာမှာ ကျွန်မတို့ကချင်တွေနေတဲ့ဘက်မှာဆို ပိုပြီးတော့ ရေကြီးတယ်။ နှစ်စဉ်ရေဝင်တယ်။ သုံးနှစ်လေးနှစ် တစ်ခါ ရွာ ၊ နေအိမ်တွေအကုန် နှစ်မြုပ်အောင် ရေကြီးတဲ့အတွက် ပြန်မယ်ဆိုရင် မူလရွာဟောင်းကိုတော့ မပြန်ချင်တော့ဘူး။ နှစ်ဖက်အစိုးရ သဘောတူတဲ့ ရေမဝင်ရောက်တဲ့ မြေလွတ်နေရာ ပြီးတော့ ကျွန်တို့အနေနဲ့ တစ်သက်လုံး လုပ်ကိုင်စားသောက် နေထိုင်နိုင်တဲ့နေရာမျိုး ဖြစ်ချင်တယ်။” ဟု စစ်ရှောင်စခန်းတွင် ရောက်ရှိနေသည့် တာလောကြီးဒေသခံ ဒေါ်မရှီလု က ပြောသည်။

တရုတ်နိုင်ငံက ပထမအကြိမ် ပေးအပ်သော ယွမ် ၄ သန်းကို ကချင်ပြည်နယ်အတွင်း တာလောကြီးကျေးရွာ၊ ဒဘတ်ယန်ကျေးရွာနှင့် နမ်ဆန်ယန်ကျေးရွာတို့တွင် နေအိမ် ၁၉၁ လုံးတည်ဆောက်ရန် ကချင်ပြည်နယ်အစိုးရအဖွဲ့နှင့် ညှိနှိုင်း၍ ဆောင်ရွက် အသုံးပြုသွားမည်ဖြစ်ကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဌာနက ထုတ်ပြန်ထားပြီးဖြစ်သည်။

နေရပ်ပြန်မည့် စစ်ရှောင်ပြည်သူများအနေဖြင့်လည်း ငြိမ်းချမ်းရေးအာမခံချက်မရှိဘဲ ပြန်လည်စတင်ထူထောင်ရေးအတွက် စိုးရိမ်မှုများရှိသကဲ့သို့ နေရပ်ပြန်ဖို့ ဆုံးဖြတ်ချက်ချနိုင်ရန် ခက်ခဲနေကြောင်း ဆိုသည်။

ထို့အပြင်တာလောကြီးကျေးရွာတွင် ပြည်သူ့စစ်အဖွဲ့လည်းရှိနေသောကြောင့် နေရပ်ပြန်မည့်စစ်ရှောင်များအနေဖြင့်လည်း စိုးရိမ်မှုများရှိနေသည်။

တာလောကြီးကျေးရွာသည် အိမ်ခြေ ထောင်ချီရှိသော ကျေးရွာဖြစ်ပြီး တိုက်ပွဲကြောင့် ဒေသခံများသည် ကချင်လွတ်လပ်ရေးအဖွဲ့ KIO နယ်မြေ နှင့် အစိုးရထိန်းချုပ်မြေသို့ထွက်ပြေးကာ တိမ်းရှောင်ခဲ့ရသည်။

နေရာအသစ်တွင် ပြန်လည်နေရာချပေးမည်ဆိုပါက ယခုနေရပ်ပြန်မည့်သူများတွင် အစိုးရထိန်းချုပ်နယ်မြေမှ အိမ်ထောင်စု ၃၀၀ ကျော် ရှိနိုင်ကြောင်း လက်ရှိ မြစ်ကြီးနားစံပြစစ်ရှောင်စခန်းရှိ ဒေါ်ဂျာဒွဲက သုံးသပ်ပြောဆိုသည်။ သို့သော်လည်း ကချင်လွတ်လပ်ရေးအဖွဲ့ KIO နယ်မြေတွင်ရှိသော အိမ်ထောင်စုများ၏ နေရပ်ပြန်ရေးအခြေအနေကိုမူ မသိရသေးပေ။

၂၀၁၁ ခုနှစ်တစ်ကျော့ပြန်ကချင်စစ်ပွဲများကြောင့် ကချင်ပြည်နယ်နှင့် ရှမ်းမြောက်တွင် ကချင်စစ်ပြေးဒုက္ခသည် ၁ သိန်းကျော်ရှိနေဆဲဖြစ်သည်။

Read Previous

NLD ပါတီကို ကန့်ကွက်ဝေဖန်သည့် စာများ ပြန့်ကျဲထား

Read Next

နေရပ်ပြန်ရေးအစီစဉ်အပေါ် စစ်ရှောင်များ၏ အသံ

Leave a Reply

Your email address will not be published. Required fields are marked *