,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

တပ်မတော်ထိုးစစ်ကြောင့် ရိုဟင်ဂျာများနည်းတူ ကချင်ပြည်သူများလည်း ခံစားနေရကြောင်း ကချင်လူငယ်အဖွဲ့ထုတ်ပြန်

ICJ တရားရုံး The Hague, နယ်သာလန်နိုင်ငံ

တပ်မတော်ထိုးစစ်ကြောင့် ရိုဟင်ဂျာလူမျိုးများခံစားနေရသည့်နည်းတူ ကချင်ပြည်သူများသည်လည်း စစ်ရှောင်အဖြစ် လူဦးရေ ၁ သိန်းကျော်နေရပ်စွန့်ခွာနေရကြောင်း ကချင်တစ်မျိုးသားလုံးဆိုင်ရာ လူငယ်များသမဂ္ဂအဖွဲ့ ထုတ်ပြန်လိုက်ပါသည်။

ရိုဟင်ဂျာလူမျိုးများကို လူမျိုးသုန်းသတ်ဖြတ်ကြောင်း မြန်မာနိုင်ငံကို ဂမ်ဘီယာနိုင်ငံမှ အပြည်ပြည်ဆိုင်ရာတရားရုံး ICJ တွင် တရားစွဲဆိုထားသည့်အမှု မြန်မာဘက်မှ ပြန်လည်ချေပသည့် နေ့တွင် ကချင်လူငယ်အဖွဲ့ AKYU မှ ပြောဆိုလိုက်ခြင်း ဖြစ်ပါသည်။

‘‘ရိုဟင်တွေသာမက တခြားတိုင်းရင်းသားတွေလည်း ခံစားနေရတာရှိတယ်။ ဒါပေမယ့် မြန်မာပြည်မှာတော့ တရားမျှတအောင် အလုပ်နိုင်ဘူးဖြစ်နေတယ်။ ဒီနေ့နိုင်ငံတကာ အရေးယူမှုတွေ လုပ်နေတယ်။ ဒါကြောင့် ကျနေ်ာတို့က အမှန်တရားပေါ် ရပ်တည်ရမယ်။ ရာဇဝတ်မှုကျူးလွန်တဲ့ဘယ်သူကိုမဆို လူမျိုးသုန်းရှင်းလင်းရေးလုပ်တဲ့သူတွေကို အရေးယူမှု အားပေးကြောင့် ကျနော်တို့ ထောက်ခံတာဖြစ်တယ်။’’ ဟု AKYU ဥက္ကဌ ဦးလွမ်းဇောင်း ပြောပါသည်။

နှစ်ပေါင်းများစွာ တပ်မတော်မှ တိုင်းရင်းသားဒေသများတွင် လူ့အခွင့်အရေးချိုးဖောက်နေမှုကို ပြည်တွင်းတရားရုံးက မျှတအောင် မလုပ်နိုင်သဖြင့် နိုင်ငံတကာ တရားရုံးမှ ယခုလိုစစ်ဆေးအရေးယူလာခြင်းကို ထောက်ခံကြောင်းနှင့် လိုအပ်ပါက တရားမျှတမှုပေါ်ပေါက်အောင် ပူးပေါင်းဆောင်ရွက်သွားမည့်အကြောင်း ပြောဆိုထားခြင်း ဖြစ်ပါသည်။

နယ်သာလန်နိုင်ငံThe Hague မြို့ရှိ ICJ တရားရုံးတွင် ဂမ်ဘီယာ၏ စွပ်စွဲချက်များကို မြန်မာအစိုးရဌားရမ်းထားသည့် ရှေ့နေများမှ ပြန်လည်ချေပနေပါသည်။ ဂမ်ဘီယာက စွပ်စွဲသလို လူမျိုးသုန်းသတ်ဖြတ်မှုမရှိကြောင်း အစီစဉ်အဖွင့်မိန့်ခွန်းတွင် နိုင်ငံတော်အတိုင်ပင်ခံ ဒေါ်အောင်ဆန်းစုကြည် ပြောဆိုသွားပါသည်။

ယမန်နေ့ ဂမ်ဘီယာနိုင်ငံမှ စွပ်စွဲချက်တွင် မြန်မာတပ်မတော်က စစ်ဆင်ရေးပြုလုပ်နေချိန် အမျိုးသမီးများလိင်ပိုင်းဆိုင်ရာ အနိုင်ကျင့်မှု၊ ခွဲခြားဆက်ဆံမှု နှင့် လူအများအပြားကို နေရပ်စွန့်ခွာစေမှု အကြောင်းတွေကို ပြောဆိုသွားခဲ့ပါသည်။

 

Read Previous

မြန်မာအစိုးရကို တရားစွဲဆိုမှု ထောက်ခံသည့် ဆန္ဒပြပွဲ ICJ တရားရုံးရှေ့တွင် ပြုလုပ်

Read Next

ချီဖွေချောင်းရေ အနီရောင်ပြောင်းလဲ စီးဆင်နေမှု ဒေသခံများ စိုးရိမ်