ဝိုင်းမော်မြို့နယ် သစ်တောကြိုးဝိုင်းအတွင်း စိုက်ပျိုးနေသော တရုတ် တစ်သျှူးငှက်ပျောခင်းများကို ထိရောက်စွာ အရေးယူမှု ပြုလုပ်နေပြီး ဒေသခံများအား အစုအဖွဲ့ပိုင် သစ်တောအဖြစ် ပြန်လည်အပ်နှံမူများ ပြုလုပ်နေပြီဖြစ်ကြောင်း မိုးရာသီ သစ်ပင်စိုက် ပွဲတော်တွင် သက်ဆိုင်ရာ ဌာနတာဝန်ရှိသူများက ပြောဆိုခဲ့ပါသည်။
ထို မိုးရာသီ စုပေါင်းသစ်ပင်စိုက်ပွဲတော်ကို ယနေ့ဝိုင်းမော် နမ့်ဝါသစ်တောကြိုးဝိုင်းတွင် ကျင်းပခဲ့ကြသည်။ အဆိုပါ သစ်ပင်စိုက်ပွဲတော်ကို ကချင်ပြည်နယ် ဝိုင်းမော်မြို့နယ် သစ်တောဦးစီးဌာနမှ ကြီးမှူးကျင်းပကာ ဝိုင်းမော်မြို့တွင်းရှိ ဌာနဆိုင်ရာများနှင့် ဝူယန်ဒေသခံများ စုစုပေါင်း လူအင်အား ၂၀၀ ခန့် ပါဝင်ခဲ့ကြသည်ကို တွေ့ရပါသည်။
“သစ်ပင်တစ်ပင်ဖြစ်လာဖို့ဆိုတာ ဒီနေ့ပါဝင်ကြတဲ့ ဌာနဆိုင်ရာတွေရော ပြည်သူတွေရော ပူးပေါင်းခြင်းအားဖြင့် သစ်ပင်တစ်ပင်ဖြစ်လာဖို့ဆိုတာ ဘယ်လောက်ခက်ခက်ခဲခဲ စိုက်ပျိုးရသလဲဆိုတဲ့ အသိလေးဝင်လာပြီဆိုရင် ငါတို့ ဘယ်လိုထိမ်းသိမ်းရမလဲ၊ လွယ်လွယ်ကူကူခုတ်လို့မဖြစ်ဘူးဆိုတဲ့ အများကြိီးရရှိသွားမယ်လို့ထင်တယ်။” ဟု ဝိုင်းမော်မြို့နယ် သစ်တောဦးစီးမှူး ဦးဆွတ်ရိန်ဆိုင်းလာက ပြောသည်။
ယခုလို မိုးရာသီတွင် သစ်ပင်စိုက်ပျိုးရခြင်းသည် ရာသီဥတုက တစ်ဖြည်းဖြည်း ပူပြင်းလာတဲ့သည့်အတွက် သစ်ပင်စိုက်ခြင်းများ ပြုလုပ်ရခြင်းဖြစ်ပြီး သစ်ပင်စိုက်ခြင်းတွင်လည်း ပြည်သူများအနေနဲ့ ပူးပေါင်းပါဝင်စေလိုသည့်အတွက် ဆောင်ရွက်ရခြင်းဖြစ်ကြောင်း ၎င်းကဆက်ပြောသည်။
“ကျနော်တို့ဒေသခံတောင်သူတွေဟာ ဘာမှမသိတဲ့ ပညာမတတ်တဲ့အနိမ့်ဆုံး လူတန်းစားတွေဖြစ်ပါတယ်။ ခုလိုဘဲ ကျနော်တို့ အတွက်ကောင်းစားဖို့ သက်ဆိုင်ရာဌာနပေါင်းစုံအားဖြင့် ပူးပေါင်းပါဝင်စေခွင့်ပြုတဲ့အတွက် ကျေးဇူးတင်တယ်။” ဆိုပြီး ဒေသခံ ဦးဇေခေါင်က ဆိုသည်။
၂၀၁၉ မိုးရာသီစုပေါင်းသစ်ပင်စိုက်ပွဲတော်တွင် ယူကလစ် ၁၂၁၀၊ မယ်စလီပင် ၁၂၁၀ စုစုပေါင်းပျိုးပင် ၂၄၂၀ စိုက်ပျိုးခဲ့ကြသည်။
နမ့်ဝါသစ်တောကြိုးဝိုင်းသည် စုစုပေါင်းဧက ၃၈၀၀ ရှိပြီး ဒေသခံများအတွက် ထင်းစိုက်ခင်းများ တစ်ရွာ ၁ ဧက ဖြစ်အောင် ဆောင်ရွက်နေကြကြောင်း သိရသည်။
ဝိုင်းမော်မြို့နယ်တွင် တစ်သျှူးငှက်ပျောစိုက်ခင်း စုစုပေါင်းဧက ၁၄၂၉၆၁ ရှိကြောင်း ၂၀၁၈-၂၀၁၉ အစိမ်းရောင် စီးပွားရေးဝိရောဓိ သုတေသန အစီရင်ခံစာတွင် တွေ့ရသည်။ သို့သော် တစ်သျှူးငှက်ပျောစိုက်ခင်းအချို့သည် သစ်တောကြိုးဝိုင်းအတွင်း စိုက်ပျိုးရေးလုပ်ကိုင်နေသဖြင့် ဒေသခံများနှင့်ကုမ္မဏီကြား အငြင်းပွားမူများစွာ ရှိနေကြပါသည်။
