,

Breaking News :

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

KIO သည် ဓမ္မဘက်ရပ်တည်ပြီး အဓမ္မဘက် ရပ်တည်သူများမှာ အာဏာရှင်ကို ထောက်ခံနေဟု KIO ဥက္ကဋ္ဌ ဆို

ပန်ဆိုင်း မှာ ကချင်အမျိုးသမီး ၁ ဦး လက်နက်ကြီးကျည်စ ထိမှန်ပြီး ဒဏ်ရာပြင်းထန်

ဝိုင်းမော်မြို့နယ်တွင် ကိုဗစ်ကာကွယ်ဆေး နိုဝင်ဘာလ အပြီးထိုးမည်

စစ်တပ်၏ ရိုက်နက်မှု ဒဏ်ရာကြောင့် ပူတာအို လူငယ်တစ်ဦး သေဆုံး

မြန်မာနိုင်ငံသားအချို့ကို တရုတ်ဘက်က ညအချိန် ရိုက်နက်ပြီး အတင်းပြန်ပို့ရန် စီစဉ်ခဲ့

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

ကချင်စစ်ပြေးဒုက္ခသည်များ ပြန်လည်နေရာချထားရေးအတွက် တရုတ်နိုင်ငံက ယွမ် ၄ သန်းစတင်ပေးအပ်

တရုတ်သံအမတ် က လူငယ်ပြန်ဝန်ကြီးထံ ထောက်ပံ့ငွေပေးအပ်စဉ် (Photo – Chinese Embassy in Myanma)

ကချင် စစ်ရှောင်များ ပြန်လည်နေရာချထားရေးအစီစဉ်အတွက် တရုတ်နိုင်ငံကလှူဒါန်းမည့် ယွမ်သန်း၂၀၀ အနက် ကနဦး ယွမ် ၄ သန်းကို မြန်မာအစိုးရ လူငယ်ပြန်ဝန်ကြီးထံ တရုတ်သံအမတ်ကြီး Mr. Chen Hai က သြဂုတ်လ၅ ရက်နေ့ နေပြည်တော်တွင် ပေးအပ်ခဲ့ကြောင်း သိရသည်။

တရုတ်ပြည်သူ့ သမ္မတနိုင်ငံ ၊ သမ္မတ ရှီကျင့်ဖျင်၏ မြန်မာနိုင်ငံခရီးစဉ်အတွင်း မြန်မာနိုင်ငံမြောက်ပိုင်းဒေသရှိ စစ်ပြေးဒုက္ခသည်များ ပြန်လည်နေရာချထားရေးအတွက် သဘောတူခဲ့ခြင်းဖြစ်သည်ဟု ဆိုသည်။

တရုတ်နိုင်ငံက ပေးအပ်သော ယခုပထမအကြိမ် ယွမ် ၄ သန်းကို ကချင်ပြည်နယ်အတွင်း တာလောကြီးကျေးရွာ၊ ဒဘတ်ယန်ကျေးရွာနှင့် နမ်ဆန်ယန်ကျေးရွာတို့တွင် နေအိမ် ၁၉၁ လုံးတည်ဆောက်ရန် ကချင်ပြည်နယ်အစိုးရအဖွဲ့နှင့် ညှိနှိုင်း၍ ဆောင်ရွက် အသုံးပြုသွားမည်ဖြစ်ကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဌာနက ထုတ်ပြန်ထားသည်။

ယခုလို တရုတ်နိုင်ငံ၏ ကချင်စစ်ရှောင်များအတွက် ကူညီထောက်ပံ့မှုများနှင့် အစိုးရ၏ ပြန်လည်နေရာချထားရေး ကျေးရွာရွေးချယ်မှုလုပ်ငန်းများကို အသေးစိတ်မသိရသေးကြောင်း ကချင်လူသားခြင်းစာနာထောက်ထားမှုအဖွဲ့ KHCC ဘက် မှ သိရသည်။

“သူတို့အစိုးရအနေနဲ့လုပ်ဆောင်လာလိမ့်မယ်။ ကျွန်တော်တို့အနေနှင့်ဘာမှမသိဘူး။ သူတို့ဘက်ပိုင်းကျတော့ဘယ်လိုလဲမသိဘူး၊ ကျွန်တော်တို့လုပ်ရမည့်ဟာတွေကိုပဲ ကျွန်တော်တို့လုပ်ဆောင်သွားမယ်၊ သူတို့နဲ့တော့မထပ်အောင်တော့လုပ်တယ်။” ဟု KHCC ဥက္ကဌ သိက္ခာတော်ရဆရာ ခလမ်ဆမ်ဆွန်က ပြောသည်။

တရုတ်နိုင်ငံသည် မြန်မာနိုင်ငံ၏ ငြိမ်းချမ်းရေး၊ ဖွံ့ဖြိုးတိုးတက်မှုနှင့် ကချင်ပြည်နယ်အတွင်းရှိနေရပ်စွန့်ခွာသူများ ပြန်လည်နေရာချထားရေးလုပ်ငန်းများကိုထောက်ခံအားပေးကြောင်း၊ မြန်မာနိုင်ငံဆိုင်ရာ တရုတ်သံရုံးကလည်း သြဂုတ် ၆ ရက်နေ့တွင် သဘောထားထုတ်ပြန်ခဲ့သည်။

ကချင်လူသားချင်းစာနာထောက်ထားမှုအဖွဲ့ KHCC ကလည်း စစ်ရှောင်များကိုနေရပ်ပြန်ပို့ရန် ကျေးရွာ ၁၇ ရွာကို ရွေးချယ်ထားပြီး ၎င်းတို့မှာ ယနေ့ထိ ရွာမပျက်ဘဲ ရှိနေသောနေရာ၊ အစိုးရ ၂ ဖက်၏ အုပ်ချုပ်မှုအာဏာရောနှောစွာမသက်ရောက်သောနေရာ စသည်တို့ဖြစ်သည်။

ဝိုင်းမော်မြို့နယ် ရွှေညောင်ပင်ကျေးရွာမှ စစ်ပြေးဒုက္ခသည်အိမ်ထောင်စု ၁၀ စုကို KHCC ၏ အစီစဉ်ဖြင့် ဇူလိုင် ၄ ရက်နေ့တွင် ပထမအကြိမ် နေရပ်ပြန်ပို့ခဲ့သည်။

အလားတူ မိုးမောက်နှင့် မံစီမြို့နယ်အတွင်းရှိ ကျေးရွာအချို့တွင်လည်း စစ်ရှောင်များကို နေရပ်ပြန်ပို့ရန် နေအိမ်များ ဆောက်လုပ်နေပြီဟု သိရသည်။

၂၀၁၁ ခုနှစ်မှ စတင်ဖြစ်ပွားခဲ့သော ကချင်ဒေသတစ်ကျော့ပြန်တိုက်ပွဲကြောင့် ကချင်ပြည်နယ်နှင့် ရှမ်းမြောက်တွင် ကချင်စစ်ပြေးဒုက္ခသည်ပေါင်း ၁ သိန်းကျော်ရှိနေဆဲဖြစ်သည်။ စစ်ဘေးကာလ ၉ နှစ်ကျော်လာချိန် လုံခြုံရေး အာမခံချက်ပေးပါက နေရပ်ပြန်ရေးကိုလိုလားကြောင်း စစ်ရှောင်များကလည်း ပြောဆိုလာကြပြီဖြစ်သည်။

သို့သော်လည်း အစိုးရတပ်မတော်နှင့် ကချင်လွတ်လပ်ရေးတပ်မတော် KIA တို့ကြား အပစ်ရပ်လက်မှတ် တစ်စုံတစ်ရာထိုးထားခြင်း မရှိသဖြင့် စိုးရိမ်မှုများ ရှိနေဆဲဖြစ်သည်။

Read Previous

၃ လကျော်ပိတ်ထားသည့် အောင်မြင်သာအပန်းဖြေစခန်းများ ပြန်ဖွင့်

Read Next

၂၁ ရာစုပင်လုံ စတုတ္ထအကြိမ်ညီလာခံအပေါ် သူတို့အမြင်

Leave a Reply

Your email address will not be published. Required fields are marked *