,

Breaking News :

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

အင်းတော်နယ် နတ်မဟုတ်ကြီးကျေးရွာ မီးရှို့ဖျက်ဆီးခံရပြီး ပြည်သူ ၈ ဦးလည်း ဖမ်းဆီးခံထားရ

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

မိုးညှင်းခရိုင်တွင် ပုံစံ (၃-က) မဲထည့်ရန်လျောက်ထားသော တပ် နဲ့ ရဲ အင်အား ၁ ထောင်ကျော်ရှိ

မိုးညှင်းခရိုင်တွင် ပထမအကြိမ် မဲစာရင်းကြေညာပြီးနောက် ရက် (၉၀) နေထိုင်ကြောင်း ပုံစံ (၃-က) ဖြင့်အသစ် လာရောက်လျောက်ထားသည့် တပ်မတော်သား၊ ရဲတပ်ဖွဲ့ဝင် စုစုပေါင်း ၁၃၀၀ ဦးခန့်ရှိပြီဖြစ်ကြောင်း ခရိုင်ရွေးကောက်ပွဲကော်မရှင်ရုံးမှ သိရသည်။

မိုးညှင်းခရိုင်တစ်ခုလုံးတွင် ပုံစံ (၃-က)ဖြင့် လာရောက်လျောက်ထားသူဦးရေ ၁၆၀၀၀ ကျော်အနက် တပ်မတော်သား၊ ရဲတပ်ဖွဲ့ အင်အား ၁၃၀၀ ဦး ရှိကြောင်း ဆိုသည်။

“လက်ရှိ ၂၅ ရက်နေ့ထိ စာရင်းချုပ်ထားတာကျတော့ တပ်နဲ့ရဲ ရက်ပေါင်း ၉၀ကျော် မဲဆန္ဒနယ်ပြင်ပရောက် လျှောက်ထားတဲ့စာရင်းက တပ်မတော်သားဆိုရင် ၉၀၀ နီးပါးလောက်ရှိတယ်။ ရဲတပ်ဖွဲ့ဝင်ကလည်း ၄၀၀ နီးပါးလောက် တောင်းထားကြပြီ။ လက်ရှိချိန်ထိတော့ စာရင်းက မပိတ်သေးတဲ့ချိန်ကျတော့ အတိအကျတော့ ပြောလို့မရသေးပါဘူး။ လောလောဆယ်တော့ ၁၃၀၀လောက်ရှိနေပြီ။” ဟု မိုးညှင်းရိုင်ရွေးကောက်ပွဲကော်မရှင်မှ အရာရှိဦးမျိုးမင်းအောင်ကပြောသည်။

မိုးညှင်းခရိုင်တစ်ခုလုံးရှိ တပ်မဲဆန္ဒရှင်များစာရင်းကို သီးသန့်ကောက်ထားခြင်းမရှိသည့်အတွက် လက်ရှိ ခရိုင်တွင် တပ်မဲဆန္ဒရှင်မည်မျှရှိပြီကို မသိနိုင်ကြောင်း နှင့် ပုံစံ (၃-က) လာရောက်လျောက်ထားသည့် စာရင်းကိုသာ သိနိုင်ကြောင်း ဆိုသည်။

လက်ရှိအထိလည်း ပုံစံ (၃-က) လျောက်နေဆဲကာလဖြစ်သောကြောင့် နောက်ဆုံးစာရင်းကိုမူ ရွေးကောက်ပွဲကော်မရှင်က ပြန်လည်ထုတ်ပြန်သည့်အချိန်မှ သိရမည်ဖြစ်သည်။

“တပ်မဲစာရင်းက ကျနော်တို့ဆီမှာ သပ်သပ်ခွဲထားတာမရှိဘူးခင်ဗျ။ ဘာလို့မရှိလဲဆိုရင် မဲရုံအလိုက်မှာ တပ်ကို မဲစာရင်းသီးသန့်မသွားဘဲနဲ့ သက်ဆိုင်ရာတပ်တွေကလည်း ရပ်ကွက်၊ ကျေးရွာအုပ်စုမှာပါတယ်လေ။ အဲရပ်ကွက် ကျေးရွာမဲစာရင်းမှာဘဲ တစ်ခါတည်းပေါင်းထည့်တယ်။ သီးသန့်စာရင်းလုပ်မထားပါဘူးခင်ဗျ။ မဲစာရင်းကြေညာတဲ့ချိန်လည်း ကျေးရွာမဲစာရင်းမှာဘဲ တစ်ခါတည်းကြေညာပေးတယ်။ နာမည်တွေကလည်း ဗိုလ်မှူး၊ဗိုလ်ကြီးတွေမခွဲထားဘူး အားလုံးက ဦးဘယ်သူ ဒေါ်ဘယ်သူဆိုပြီးတော့ဘဲ အကုန်ပေါင်းပေးထားတယ်။” ဟု မိုးညှင်း ခရိုင်ရွေးကောက်ပွဲကော်မရှင် အရာရှိ ဦးမျိုးမင်းဦးက ပြောသည်။

လွန်ခဲ့သည့် ၂၀၁၅ ခုနှစ်အထွေထွေရွေးကောက်ပွဲ၌ မိုးညှင်းခရိုင်တစ်ခုလုံးတွင် တပ်မတော်သားမဲဆန္ဒရှင်စာရင်း ၆၀၀၀ ကျော်ရှိခဲ့ကြောင်း ၎င်းကဆက်ပြောသည်။ သို့သော် အဆိုပါစာရင်းသည် သီးသန့်ကောက်ထားခြင်းမဟုတ်ဘဲ ကြိုတင်မဲစာရင်းပေါ်မူတည်ကာ စာရင်းပြုစုခဲ့ခြင်းသာဖြစ်သည်ဟုဆိုသည်။

လာမည့် ၂၀၂၀ တွင်လည်း တပ်မဲ သီးသန့်ကောက်ထားခြင်းမရှိသည့်အပြင် တပ်မဲရုံလည်း သီးသန့်ထားရှိခဲ့ခြင်းမရှိသည့်အတွက် အရပ်သားများနှင့်အတူသာ မဲပေးရန်စီစဉ်ထားပြီး မိုးညှင်းခရိုင်တွင် အဆို တပ်သားများ မဲပေးရမည့် မဲရုံ ၁၂ ရုံရှိသည်။

မိုးညှင်းခရိုင်တွင် လာမည့်ရွေးကောက်ပွဲ၌ မဲထည့်ရမည့် မဲဆန္ဒရှင်လူဦးရေ စုစုပေါင်း ၄၁၆၇၀၅ ဦး၊ မဲရုံပေါင်း ၂၈၀ရှိကာ လွန်ခဲ့သည့် ၂၀၁၅ အထွေထွေရွေးကောက်ပွဲတွင် မဲဆန္ဒရှင် ၂၆၅၁၉၁ ဦးရှိပြီး မဲရုံပေါင်း ၂၄၉ ရှိခဲ့ကြောင်း သိရသည်။

မိုးညှင်းခရိုင်တွင် ဝင်ရောက်ယှဉ်ပြိုင်မည့် ပါတီပေါင်း ၁၂ ပါတီရှိကာ ယှဉ်ပြိုင်မည့် ကိုယ်စားလှယ်လောင်း စုစုပေါင်း ၈၉ ဦး ရှိကြောင်း သိရသည်။

Read Previous

KIO ထိန်းချုပ်နယ်မြေ အဝင်အထွက်အားလုံး ပိတ်

Read Next

မြစ်ဆုံစီမံကိန်းကို လာမည့်အစိုးရလက်ထက်တွင်လည်း ဆက်လက်ကန့်ကွက်သွားမည်ဟု ဒေသခံများပြော