,

Breaking News :

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

ပရိသတ်စိတ်ဝင်စားမည့် သတင်းအမှား ခေါင်းစဉ်ဖြင့် ဝင်ငွေရှာနေသော YouTube ချန်နယ်များကို သတိပြုရန်

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

ကုန်စျေးနှုန်းတက်မှုကြောင့် ကချင်ပြည်သူများ အခက်အခဲ ကြုံနေရ

စစ်ကောင်စီ အာဏာသိမ်းပြီးနောက် ကချင်ပြည်နယ်အတွင်း ကုန်စည်ကား သွားလာမှု နည်းပါးလာခြင်းကြောင့် ကုန်ဈေးနှုန်း ပိုမို မြင့်တက်လာကြောင်း စျေးရောင်းနေသူများထံမှ သိရသည်။

“ဇူလိုင်လကနေထင်တယ် ဈေးတွေတက်လာလိုက်တာ။ ကိုယ်ကရောင်းတဲ့သူဆိုတော့ ပိုပြီးတောင် စိတ်ညစ်ရတယ်။ တစ်ဆင့်ဖောက်သည်ဈေးယူတာ ဈေးကကြီးနေပြီ အမြတ်ပြန်တင်ရောင်း ၃၀၀-၅၀၀ မြတ်ပေါ့။ ဟိုဘက်ကမ်း ရှဒေါင် နဲ့ မိုင်းနားဘက်ကနေ ယူရောင်းတာ ကားကအရင်လို အဝင်အထွက် သိပ်မရှိတော့ဘူး။ အရင်ဈေးထက်တော့ ၂ ဆလောက်ကွာ တတ်သွားတယ်။ ဖောက်သည်ဈေးယူကတည်းက ကို ဈေးက တတ်နေပြီ။” ဟု မြစ်ကြီးနားဒေသခံတစ်ဦးက ပြောသည်။

မြစ်ကြီးနားမြို့ပေါ်တွင် ယခင်က ငွေတိုး-ဆန် တစ်အိတ် ၃ သောင်းစျေး လက်ရှိ ၄သောင်းကျော်နေပြီ၊ ဆီ ၁ ပိဿာယခင်က ၆ ထောင် ယခု ၉ထောင်ကျော် ၊ ကြက်သွန် ၁ပိသာ ယခင် ၁ ထောင် ယခု ၄ ထောင် ပေးနေရသည်ဟု ဆက်ပြောသည်။

ထို့အတူ ဓါတ်ဆီ ဒီဇယ်စျေးလည်း အမြင်ဆုံးတက်နေသည့်အတွက် ဆက်လက် မှာယူရောင်းချရန် ခက်ခဲလာသည်ဟု ဒေသခံတစ်ဦးက ဆက်ပြောသည်။

“ကျနော်တို့ ဒီအတောအတွင်းတော့ ဆိုင်ဝန်ထမ်းကလေးတွေရဲ့ လခနဲ့ စားသောက်စရိတ်လောက်ပဲ ရအောင် ရှာသလောက်ပဲရှိတယ်။ ဘယ်လိုမှလဲ မတတ်နိုင်တော့ဘူး။ ဈေးက တက်ပဲ တက်နေတယ်။ ဆီကုန်လို့ပြန်မှာ ပိုတောင်ဈေးတက်သွား။ အခု ၁၀ လပိုင်းမှာတော့ နဲနဲတော့ ကျလာတယ်။” ဟုပြောသည်။

လမ်းခရီး သွားလာမှုခက်ခဲသည့် ကချင်ပြည်နယ်မြောက်ပိုင်း ပူတာအိုဒေသတွင်လည်း အာဏာသိမ်းစစ်ကောင်စီမှ ဂိတ်များတွင် ကားများ ဖြတ်သန်းသွားလာခွင့်ကို တင်းကြပ်လိုက်သည့်အတွက် ကုန်ဈေးနှုန်းမြင့်တတ်မှုနှင့် ကြုံနေရတယ်လို့ ပူတာအို ဒေသခံက KNG သတင်းဌာနကို ပြောပါသည်။

“ကုန်ဈေးနှုန်းတတ်တာက အဓိကတော့ အရင်လို ကားအဝင်အထွက်သိပ်မရှိတော့ဘူး။ ဆွမ်ပရာဘွမ်မှာလည်း ကားတစ်စီးပြီးမှ တစ်စီးဖြတ်ခိုင်းတယ်။ အဲလိုတင်းကြပ်လိုက်တာကြောင့် ပူတာအိုက အရင်ဝင်သလောက်မဝင် နိုင်တော့တာ။ စစ်တပ်ကလည်း ဂိတ်တွေမှာ ညဘက်ဆို မသွားခိုင်းတော့ဘူး။ ကုန်စည် စီးဆင်းမှုက မြန်မြန်မရောက်နိုင်ဘူး။” ဟု ပြောသည်။

ထို့အပြင် ပူတာအိုဒေသတွင် ယခုနှစ်တောင်ယာစပါးခင်းအများစုတွင် စပါးဖျက်နှံကောင် ကျရောက်ခဲ့သောကြောင့် လာမည့်နှစ်တွင် စပါးပြတ်လတ်မှာကို စိုးရိမ်နေကြသည်။

ကချင်ပြည်နယ်အတွင်း ပိုမိုဝေးလံခေါင်ဖျားသော ခေါင်လန်ဖူးနှင့် ဆော့လော်ဒေသများမှာ နှစ်စဉ် ဆန်ပြတ်လောက်မှုကြောင့် မြစ်ကြီးနားဘက်က ပို့ဆောင်ပေးခဲ့ရခြင်းဖြစ်သည်။

တရုတ်နယ်စပ်ပြည်သူများမှာ မြန်မာငွေစျေးကျမှုကြောင့် နေ့စဉ် ဝမ်းရေးအတွက် အခက်အခဲပိုတွေ့နေကြောင်း ပြောဆိုနေကြသည်။

Read Previous

ထီးချိုင့်မြို့နယ် ရပ်ကျေးအုပ်ချုပ်ရေးမှူး အားလုံးနီးပါး နုတ်ထွက်

Read Next

မိုးမောက် မြို့သစ်ကျေးရွာအနီး စစ်ကောင်စီ ယာဉ်တန်းကို KIA တိုက်ခိုက်ပြီး ၃ စီး ပျက်စီး

Leave a Reply

Your email address will not be published.