,

Breaking News :

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

ကန်ရင်းကျေးရွာနှင့် PDF စခန်းတစ်ခုကို စစ်ကောင်စီတပ်မှ အင်အား ၂၀၀ခန့်ဖြင့် စီးနင်း

မိုးမောက်မြို့နယ် စစ်ကောင်စီ တပ်ကြပ်ကြီးတစ်ဦးအပါအဝင် ယောက်ဖဖြစ်သူကို အမည်မသိအဖွဲ့မှ ဖမ်းဆီးသွား

သတင်းပေးမူကြောင့် အရာတော် သစ်ကျင်းကြီးကျေးရွာ နေအိမ် ၅ လုံးကို စစ်ကောင်စီ မီးရှို့ဖျက်ဆီး

မြောက်ဖျားပိုင်း နောင်မွန်မြို့တွင် Covid-19 ပိုးကူးစက်မှု အလွန်များလာ

သတ်မှတ်ချိန်အတွင်း ဖြတ်မောင်းလာသည့် ဆီဘောက်ဆာကား မိုင်းဆွဲခံရ

ပန်ဆိုင်း ရဲစခန်းကို ကိုးကန့်တပ် တိုက်ခိုက်ပြီးနောက် မုံးကိုးဘက်လည်း တိုက်ပွဲ ဆက်လက်ဖြစ်ပွားခဲ့

ပန်ဆိုင်း (ကြူကုတ်) တိုက်ပွဲမှာ အရပ်သား ပြည်သူ ၃ ဦး သေဆုံး

ထီးချိုင့်မြို့နယ် ရပ်ကျေးအုပ်ချုပ်ရေးမှူး အားလုံးနီးပါး နုတ်ထွက်

စစ်ကိုင်းတိုင်း ထီးချိုင့်မြို့နယ်အတွင်း ရပ်ကျေးအုပ်ချုပ်ရေးမှူးများ၊ တာဝန်ခံနှင့် ရာအိမ်မှူးများအားလုံးနီးပါးခန့် နုတ်ထွက်သွားပြီဖြစ်ကြောင်း ဒေသခံများထံမှ သိရသည်။

“အမှတ် (၁) ဥက္ကဌ ဦးကျော်ထူးကို local pdf အဖွဲ့ကနေ ရှင်းလင်းပြီးတော့ သတိပေးလိုက်တဲ့ နောက်နေ့ကစပြီးထွက်ကြတာဘဲ ခုကုန်သလောက်ရှိနေပြီ” လို့ ဒေသခံတစ်ဦးက ပြောသည်။

ထီးချိုင့် မြို့နယ်တွင် ကျောက်ပေါက်ချောင်းရွာ၊ ကွမ်းဘောင်၊‌ လေသာကုန်း၊ ချိတ်သင်၊ ရေသိမ်၊ အောင်ဇေယျ၊ ကျက်သရေချောင်း ၊ ဆင်ဖြူဆိပ်၊ ဇီးသောင် ၊ ကျောက်မှော်၊ ဆပ်ကျ၊ ကွင်းကြီး၊ ပေါက်နက်၊ နီတာ၊ စစ်တန်း၊ ကမ်းနီ၊ ကြက်တကောင် ၊ ကမ်းနီ ၊ ရေဝ ၊ သခွတ်‌ချောင် ကျေးရွာအုပ်စုများအပါအဝင် ကျေးရွာပေါင်း (၁၁၉) ရွာရှိကာ ကျေးရွာအုပ်စုပေါင်း (၂၉)စု ရှိသည့်အနက် နုတ်ထွက်ခြင်းမရှိသေးသည့် ကျေးရွာ (၂)ရွာနှင့် မြို့ပေါ်ရပ်ကွက် (၁)ခုသာ ကျန်ရှိတော့ကြောင်း သိရသည်။

“ခုကျောက်အိုက်နဲ့မုတ်ဝကျန် ရွာ (၂) ရွာ ကျန်တယ်။ ကျန်တာတော့ အကုန်ထွက်ပြီ” ဟု နီးစပ်သူများက ပြောသည်။

ထီးချိုင့်မြို့နယ်တွင် Local PDF မှ ရပ်ကျေးအုပ်ချုပ်ရေးမှူးများအား ရာထူးမှ နုတ်ထွက်ကြရန် စက်တင်ဘာလ (၁၇)ရက်နေ့ ရက်စွဲဖြင့် သတိပေးထုတ်ပြန်ထားသည်။

အဆိုပါ ထုတ်ပြန်ချက်တွင် ထီးချိုင့်မြို့နယ်အတွင်းရှိ အုပ်ချုပ်ရေးမှူးများအနေဖြင့် အမှတ် (၁)အုပ်ချုပ်ရေးမှူး ကျော်ထူးကဲ့သို့ အသက်မရင်းလိုပါက အုပ်ချုပ်ရေးမှူးရာထူးမှ အမြန်နုတ်ထွက်ကြရန် သတိပေးထားသည်။

ဒေသခံများ၏ ပြောချက်အရ လက်ရှိ ထီးချိုင့်မြို့နယ်အတွင်း အုပ်ချုပ်ရေးမှူးများ နုတ်ထွက်ကုန်သည့်အတွက် စစ်ကောင်စီ၏အုပ်ချုပ်ရေးယန္တရား ပျက်စီးနေပြီဖြစ်ကြောင်း ပြောသည်။

စစ်အာဏာသိမ်းပြီးနောက် မြန်မာနိုင်ငံတစ်ဝှမ်းရှိ အချို့ဒေသများတွင် ရပ်ကျေးအုပ်ချုပ်ရေးမှူးများ သတ်ခံရမူများလည်း များစွာ ရှိနေဆဲဖြစ်သည်။

Read Previous

COVID-19 ကာကွယ်ဆေးနဲ့ ပတ်သက်ပြီး ကချင်နယ်လှည့်ကျန်းမာရေးလုပ်သားအဖွဲ့ဖြင့် မေးမြန်းခြင်း

Read Next

ကုန်စျေးနှုန်းတက်မှုကြောင့် ကချင်ပြည်သူများ အခက်အခဲ ကြုံနေရ

Leave a Reply

Your email address will not be published. Required fields are marked *