,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

ပူတာအို ဒေသသို့ စစ်ကောင်စီတပ် လေယာဉ်ဖြင့် အင်အား ပို့ဆောင်

မြစ်ကြီးဆန္ဒပြ ပြည်သူများကို ပိတ်ပင်ခဲ့သော စစ်ကောင်စီ တပ်သားများ ( ဖေဖော်ဝါရီလ ၂၀၂၁)

စစ်ရေး တင်းမာနေတဲ့ ကချင်ပြည်နယ် ပူတာအိုဒေသကို စစ်ကောင်စီက စစ်အင်အားတွေကို လေယာဉ်နဲ့ ပို့ဆောင်နေတာကြောင့် တိုက်ပွဲ ပိုမိုပြင်းထန်လာနိုင်တယ်လို့ ဒေသခံတွေက ပြောပါတယ်။

ဖေဖော်ဝါရီလ ၂၀ ရက်နေ့ မနေ့က ပူတာအိုမြို့ လေဆိပ်မှာ လေယာဉ် ၁ စီးနဲ့ ၂ ခေါက် စစ်ကောင်စီ တပ်သားတွေကို လာရောက်ပို့ဆောင်ခဲ့ပြီးတော့ အဲဒီကနေ ကား ၅ စီးနဲ့ ခလရ ၄၆ တပ်ရင်းဘက်ကို ခေါ်သွားတယ်လို့ သိရပါတယ်။ ဒါ့အပြင် စစ်ကားအချို့ကတော့ တိုက်ပွဲတွေ ဖြစ်နေတဲ့ ဖတ်မာဘက်ကို သွားနေပြီ ဖြစ်တာကြောင့် တိုက်ပွဲကြီး ဖြစ်လာနိုင်တယ်လို့ ပူတာအိုဒေသခံတစ်ဦးက အခုလိုပြောပါတယ်။

“တို့ ပတအ ဘက်ကို စစ်ကောင်စီတပ်သား လေယာဉ်အပြည့်နဲ့ ၂ ကြိမ် လာပို့ထားပြီ။ သူတို့ စစ်ဆင်ရေးပြန်ပြင် နေပြီထင်တယ်။ စုစုပေါင်း အင်အား ၁၂၀ လောက်ရှိမယ်ထင်တယ်။ yx လေယာဉ်နဲ့။ ဒါကြောင့် ပြည်သူတွေက စစ်ပွဲကြီး ပြန်ဖြစ်လာရင် အရမ်းစိုးရိမ်ရတယ်။ အစားအသောက်က အစပေါ့။”

 ပူတာအိုမြို့ပြင် ၁၀ မိုင်လောက်ဝေးတဲ့ ဖတ်မာကျေးရွာမှာ စစ်ကောင်စီက နေရာယူထားပြီးတော့ ဖတ်မာနဲ့ လုံန်ရှာယန်ကျေးရွာကြားမှာရှိတဲ့ ကချင်လွတ်လပ်ရေးတပ်မတော်KIA နဲ့ PDF တပ်ဖွဲ့တွေကို ရှင်းလင်းဖို့ အခုလို ပြင်ဆင်နေတာဖြစ်တယ်လို့ ဒေသခံတွေက ပြောဆိုနေကြပါတယ်။ ဒီဒေသမှာ ဖေဖော်ဝါရီလ ၇ ရက်နေ့က တစ်ကြိမ်နဲ့ ၁၅ ရက်နေ့က တစ်ကြိမ် တိုက်ပွဲဖြစ်ပွားခဲ့ပါတယ်။

ဖေဖော်ဝါရီလ ၁၈ ရက်နေ့မှာတော့ လုန်ရှာယန်နှင့် ဆွမ်ပီယန်ကျေးရွာကြားက ရှိန်ဂတ်တောင် စခန်းကို KIA နှင့် PDF တို့ စတင်တိုက်ခိုက်နေတာ ဒီနေ့အထိဖြစ်ပါတယ်။

ပူတာအိုဒေသကို စစ်ကောင်စီက အခုလို လေယာဉ်နှင့် စစ်အင်အားတိုးချဲ့နေသလို ခေါင်လန်ဖူးအခြေစိုက် ဌာနေပြည်သူ့စစ်အဖွဲ့ကိုလည်း တပ်ကူအဖြစ် ခေါ်ယူထားသောကြောင့် ပူတာအိုတွင် တိုက်ပွဲ ဆက်ဖြစ်လာနိုင်ကြောင်း KIO ဗဟိုဌာနချုပ် ပြန်ကြားရေးတာဝန်ခံ ဗိုလ်မှူးကြီး နော်ဘူက ပြောပါတယ်။

“စခန်းသိမ်းတိုက်ပွဲလား၊ အနှောက်အယှက်ပေးတဲ့သဘောလား ပူတာအိုဘက်မှာ ကျနော်တို့ ပိုမိုလှုပ်ရှားလာတဲ့အတွက် တိုက်ပွဲ ဆက်ဖြစ်နိုင်ပါတယ်။ မနေ့ ဒီနေ့ တိုက်ပွဲအခြေအနေကို ကြည့်ပြီးပြောတာမဟုတ်ဘူး ။ လက်ရှိအခြေအနေအရ တိုက်ပွဲပိုဖြစ်လာနိုင်တယ်ဆိုတာ ပြောချင်တာပါ။”

ပူတာအိုဒေသမှာ ဖေဖော်ဝါရီလ ၁ ရက်နေ့က စတင်ပြီး တိုက်ပွဲပြန်လည် ပြင်းထန်လာတာကြောင့် လုံရှာန်ယန်၊ ဆွမ်ပီယန် ၊ အင်စီယန် နှင့် အခြားကျေးရွာအငယ်များမှ ဒေသခံ ထောင်ချီ တောထဲ ထွက်ပြေးနေရတာဖြစ်ပါတယ်။

ဆွမ်ပီယန်ကျေးရွာဒေသခံ ၁၀၀၀ ကျော် နှင့် လုန်ရှာယန်ဒေသခံ ၆၀၀ ကျော်ဟာ မြို့ပေါ် ထွက်ပြေးဖို့ ဆွေမျိုးမရှိတာကြောင့် တောထဲ တဲဆောက်ကာ ထွက်ပြေးနေရတာဖြစ်ပြီး သူတို့အတွက် အရေးအကြီးဆုံးကတော့ မိုးကာ နဲ့ ဆေးဝါးနဲ့ အစားအသောက်ဖြစ်တယ်လို့ ပြောပါတယ်။

Read Previous

မိုးမောက်တွင် တိုက်ပွဲဆက်ဖြစ်လာနိုင်သဖြင့် ဒေသခံများ နေရပ်မပြန်သေး

Read Next

မြစ်ကြီးနားမြို့နယ်တွင် ယခုလအတွင်း covid-19 ကြောင့် သေဆုံးသူ ရှိ