မိုးမောက်တွင် အမျိုးသားတစ်ဦး မျှစ်ချိုးသွားစဉ် မိုင်းနင်းမိ၍ ခြေတစ်ဖက် ဖြတ်လိုက်ရ

ကချင်ပြည်နယ်၊ မိုးမောက်မြို့နယ်၊ လုံဂျာကျေးရွာမှ အမျိုးသားတစ်ဦး တောထဲသို့ မျှစ်ချိုးသွားစဉ် မိုင်းနင်းမိပြီး ခြေထောက်တစ်ဖက် ဖြတ်ပစ်လိုက်ရကြောင်း ဒေသခံများထံမှ သိရသည်။ ဖြစ်စဉ်သည် ဇွန်လ ၅ ရက်နေ့ညပိုင်းကဖြစ်ပွားခဲ့ပြီး လုံဂျာကျေးရွာမှ ဦးအိုက်ခန့် 'အသက် (၃၉) နှစ်သည် လုံဂျာတောင်ခြေသို့ မျှစ်ချိုးသွားစဉ် မိုင်းနင်းမိရာမှ ညာဘက်ခြေထောက်ဖြတ်ပစ်လိုက်ရကြောင်း ၎င်းနှင့် ရင်းနှီးသူတစ်ဦးက KNG သတင်းဌာနသို့ပြောသည်။ "မိုင်းကဘယ်ဘက်ကဘယ်သူ ဘယ်ဝါထောင်ထားတာဆိုတာတော့မသိရဘူး။ သူကတောင်ပေါ်မှာ မျှစ်သွားချိုးရင်းနဲ့ဖြစ်ခဲ့တာတဲ့ သူပြောတဲ့ပုံစံအရဆိုရင်သူက မိုင်းနင်းမိပြီးမှသူတစ်ယောက်ထဲပြန်ဆင်းခဲ့တယ်။ ခြေမျက်စိအောက်ကနေပြတ်သွားတယ်။