ရွှေကူ နှင့် ဟူးကောင်းဒေသ KIA နယ်မြေတွင် အာဏာသိမ်းစစ်တပ်က ဗုံးကြဲတိုက်ခိုက်

ရွှေကူမြို့နယ်နှင့် ဟူးကောင်းချိုင့်ဝှမ်းဒေသတွင် အကြမ်းဖက်စစ်ကောင်စီ၏ ဂျက်လေယာဉ်ဖြင့် မေလ ၃၁ရက်‌နေ့ ယနေ့ ညနေပိုင်း ၄နာရီခွဲအချိန်တွင် တစ်ပြိုင်တည်း နေရာ ၂ ခုတွင် ဗုံးကြဲတိုက်နေကြောင်း ဒေသခံများပြောဆိုချက်မှ သိရသည်။

ရွှေကူမြို့နယ်တွင် အာဏာသိမ်းစစ်တပ်၏ စစ်အင်အားသယ် သင်္ဘော မကြာခဏပစ်ခံရသည့် မင်းကျောင်းကုန်းနှင့် သာယာကုန်းကျေးရွာကြားရှိ KIA တပ်စခန်းကို ဗုံးလာကြဲသွားသည်ဟု ရွှေကူဒေသခံတစ်ဦးက KNG သတင်းဌာနကို ပြောဆိုခဲ့သည်။

ရွှေကူမြို့နယ်တွင် စစ်တပ်၏ စစ်အင်အားသယ်ယာဉ် သင်္ဘောကို KIA က မကြာခဏ ပစ်ခတ်တိုက်ခိုက်မှုများပြုလုပ်နေသည်မှာ ၅ကြိမ်ထက်နည်းရှိပြီ ဖြစ်သည်။

ထိုနည်းတူ တနိုင်းသွားလမ်း လီဒိုလမ်းမပေါ်ရှိ ဖားကန့်မြို့နယ် ရှဒူးဇွပ် (Jahtu Zup) ကျေးရွာအနီးရှိသော လောဒ်ဂျာ KIA စခန်းအနီးကိုလည်း အာဏာသိမ်းစစ်တပ်က ဂျက်လေယာဉ်ဖြင့် ၃ကြိမ်ထက်မနည်း လာရောက်ပစ်ခတ်သွားကြောင်း သိရသည်။

ကချင်ပြည်နယ်တွင် အာဏာသိမ်းစစ်တပ်နှင့် ကချင်လွတ်လပ်ရေးတပ်မတော် KIA တို့ကြား ပြည်နယ်အနှံ တိုက်ပွဲ ဖြစ်ပွားနေဆဲဖြစ်သည်။