,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ကချင် မြို့နယ်အချို့တွင် စစ်တပ်က ရွေးကောက်ပွဲအတွက် လူဦးရေ စတင်ကောက်ခံနေ

မြစ်ကြီးနား ဆန္ဒပြပွဲတွင် မြင်တွေ့ရသည့် စစ်ကောင်စီ စစ်သားများ

ကချင်ပြည်နယ်ရှိ မြို့ပေါ် ရပ်ကွက် နှင့် ကျေးရွာများတွင် စစ်ကောင်စီတပ်က လာမည့်ရွေးကောက်ပွဲအတွက် လူဦးရေစာရင်း စတင်ကောက်ခံနေပြီဟု ဒေသခံများပြောသည်။

မဲစာရင်းအမှားရှိခဲ့သည်ဟုဆိုကာ အာဏာသိမ်းလိုက်သော စစ်ကောင်စီတပ်သည် လာမည့် ဩဂုတ်လတွင် တစ်နိုင်ငံလုံး အတိုင်းအတာဖြင့် ရွေးကောက်ပွဲ ပြန်လည်ကျင်းပရန် စီစဉ်နေသည့်အလျောက် ကချင်ပြည်နယ်တွင်လည်း လူဦးရေ စာရင်းကို ဇန်နဝါရီလ ၉ ရက်နေ့မှ စတင်‌ကာ ကောက်ခံ‌နေပြီဟုသိရသည်။

သန်းခေါင်စာရင်းက အိမ်တိုင်း မထည့်မနေရလို့ ပြောလို့ မနေ့က သွားထည့်တယ်ဟုမိုးညှင်းမြို့ဒေသခံတစ်ဦးက KNG ကို ပြောသည်။

လက်ရှိတွင် အဓိကအားဖြင့် မိုးညှင်းမြို့၊ မိုးကောင်းမြို့၊ မြစ်ကြီးနားမြို့၊ ပူတာအိုမြို့၊ တနိုင်းမြို့၊ ဆဒုံးမြို့၊ ဝိုင်းမော်မြို့အစရှိသည့် မြို့နယ်များတွင် စစ်ကောင်စီက လူဦးရေ စာရင်း စတင်ကောက်ခံနေပြီဟု ဒေသအသီးသီးမှ ပြည်သူများပြောသည်။

ထိုသို့ လုပ်ဆောင်ရာတွင် လက်ရှိကချင်ပြည်နယ်အတွင်း တိုက်ပွဲဖြစ်ပွားခြင်းမရှိသည့် မြို့ပေါ်ရပ်ကွက် နှင့် မြို့နှင့် နီးသည့် ကျေးရွာများတွင် ဦးစားပေး ကောက်ခံနေခြင်းဖြစ်သည်။

ဗန်းမော်မြို့နယ်အတွင်း လူဦးရေ စာရင်းကောက်ခံရာတွင် ဦးစားပေး နယ်မြေ ၁ အဖြစ် မြို့ပေါ်ရပ်ကွက်၊ ဦးစားပေးနယ်မြေ ၂ အဖြစ် တာမိုင်းလုံမှ နောင်လိုက်အထိသတ်မှတ်ထားကာ၊ ဦးစားပေးနယ်မြေ ၃ အဖြစ် ဗန်းမော်အနောက်ဘက် မြစ်ကမ်းရွာများဖြစ်ကြောင်း သိရသည်။

ရွေးကောက်ပွဲအတွက် လူဦးရေစာရင်းများကို ဇန်နဝါရီလ ၉ ရက်နေ့မှစကာ ၃၁ ရက်နေ့ထိ ကောက်ခံမည်ဟု သိရသည်။

စစ်ကောင်စီတပ်သည် လာမည့် ၂၀၂၃ ရွေးကောက်ပွဲအတွက် လူဦးရေစာရင်း ကောက်ခံရာတွင် ကွန်ပျူတာစနစ်ဖြင့် ကောက်ခံနေသည့်အပြင် စစ်တပ်ပိုင် ရုပ်သံလိုင်းများမှလည်း ရွေးကောက်ပွဲဆိုင်ရာ မဲပေးစနစ်များအား ထုတ်လွှင့်နေသည်။

သို့သော် အဆိုပါရွေးကောက်ပွဲသည် အတုအယောင်ရွေးကောက်ပွဲဖြစ်သည့်အတွက် ပြည်သူတစ်ရပ်လုံး ဆန့်ကျင် တိုက်ဖျက်ကြရန် ဇန်နဝါရီလ ၅ ရက်နေ့ရက်စွဲဖြင့် NUG အစိုးရ ပြည်ထဲရေးနှင့်လူဝင်မူကြီးကြပ်ရေးဝန်ကြီးဌာနမှ ထုတ်ပြန်ချက်တစ်စောင် ထုတ်ပြန်ထားသည်။

NUG အစိုးရ၏ ယင်းထုတ်ပြန်ချက်တွင် ပြည်သူများအနေနှင့် စစ်ကောင်စီ၏ လူဦးရေစာရင်း ကောက်ယူမှုနှင့် ရွေးကောက်ပွဲလုပ်ငန်းစဉ်များတွင် ပူးပေါင်းဆောင်ရွက်ခြင်းမပြုကြရန်နှင့် ခြိမ်းခြောက်မူများရှိပါက သတင်းပေးပို့ တိုင်ကြားနိုင်သည်ဟု ဖော်ပြထားသည်။

ကချင်ပြည်နယ်တွင် ၂၀၁၄ ခုနှစ်သန်းခေါင်စာရင်းအရ လူဦးရေစုစုပေါင်း ၁,၆၈၉,၄၄၁ ရှိခဲ့သော်လည်း ၂၀၂၀ ရွေးကောက်ပွဲတွင်မူ မဲပေးနိုင်သည့် လူဦးရေသည် ၂၀၁၄ သန်းခေါင်စာရင်းထက်ပိုများနေကာ မဲပေးခွင့်ရှိသူ ၁၀ သိန်း ၇ သောင်းထိရှိခဲ့သည်။

Read Previous

Maden Yang တွင် ဖမ်းဆီးခံရသော အရပ်သား ၁၀ ဦး တစ်လကျော်ကြာသည်အထိ မိသားစုဝင်များနှင့် ဆက်သွယ်ခွင့် မရသေး

Read Next

ဖားကန့်တွင် ကချင်ပြည်နယ်နေ့အထိမ်းအမှတ် ဆုတောင်းခြင်းနှင့် အလံလွှင့်ထူ