-
Oct- 2025 -7 Octoberသတင်း
ပူတာအိုမှာ လန်ဆယ်ထိုးစစ်ထောက်ခံကြောင်းနဲ့ KIA အလိုမရှ်ိကြောင်း လူတစ်စုဆန္ဒထုတ်ဖော်
စစ်ကောင်စီတပ်နဲ့ခေါင်လန်ဖူး ဌာနေပြည်သူ့စစ်ပူးပေါင်းတပ်တွေက လက်ရှိဆင်နွှဲနေတဲ့ လန်ဆယ်ဒေသထိုးစစ်ကိုထောက်ခံကြောင်းနဲ့ ပူတာအိုဒေသမှာ KIA၊KPDF တွေအလိုမရှိကြောင်း လူတစ်စုက ဒီကနေ့ပူတာအိမြို့ပေါ်မှာဆန္ဒထုတ်ဖော်ပွဲ ပြုလုပ်သွားပါတယ်။ စက်တင်ဘာ ၁၉ ရက်နေ့ကတည်းကနေစတင်နေတဲ့ စစ်ကောင်စီတပ်တွေနဲ့ ခေါင်လန်ဖူးပြည်သူ့စစ်၊တန်ဂူးတန်ပြည်သူ့စစ်ပူးပေါင်းတပ်တွေဆင်နွဲနေတဲ့ လန်ဆယ်ဒေသထိုးစစ်ကိုထောက်ခံကြောင်း၊ ရဝမ်လူမျိုးစုရဲ့ဘိုးဘွားပိုင်မြေဖြစ်တဲ့လန်ဆယ်ဒေသမှာKIA ထိန်းချုပ်မှုအလိုမရှိကြောင်း၊ပူတာအို၊ခေါင်လန်ဖူးဒေသတွေမှာ KIA၊KPDF အဖွဲ့တွေအလိုမရှိကြောင်းစတဲ့ကြွေးကြော်သံတွေနဲ့…
Read More » -
6 Octoberသတင်း
မြစ်ကြီးနားမြို့မှာ စလော့ဂိမ်းနဲ့လောင်းကစားရုံများကြောင့် လူငယ်အများစုပျက်စီး
အာဏာသိမ်းပြီးနောက်ပိုင်း ကချင်ပြည်နယ် မြစ်ကြီးနားမြို့မှာ လူငယ်အများစု စလော့ဂိမ်းနဲ့လောင်းကစားရုံတွေကြောင့်လူငယ်အများပိုင်းပျက်စီးနေကြပြီလို့ မြစ်ကြီးနားဒေသခံပြည်သူတွေ ပြောပါတယ်။ ဒီစလော့ဂိမ်းတွေကို ဖုန်းကနေအင်တာနက်ချိတ်ပြီး အလွယ်တကူဆော့လို့ရသလို အပြင်လောင်းကစားဝိုင်းတွေမှာလည်း လွယ်လွယ်ကူကူဝင်ဆော့လို့ရနေပြီး ငါးပစ်ဂိမ်း၊ အန်စာတုံးလိမ့်၊ ဖဲနဲ့ ဘော်လုံး၊ မောင်းလောင်းခြင်းစတဲ့ စကားနည်းတွေအပါအဝင် ဂိမ်းအမျိုးအစားပေါင်း ၅၀၀ ကျော်ပါဝင်တယ်လို့ သိရပါတယ်။ “ခုနောက်ပိုင်း လိုင်းကဆော့တဲ့သူတွေထက် ဂိမ်းဆိုင်မှာပိုများလာတယ်။ တစ်ချို့ဂိမ်းဆိုင်တွေလိုက်ကြည့်လိုက် ကျောင်းသားအရွယ်တွေများတယ်။ ပြီးတော့ လက်လုပ်လက်စားတွေလည်းပါကြတယ်”လို့ မြစ်ကြီးနားတပ်ကုန်းရပ်ကွက်နေ အမျိုးသားတစ်ဦးပြောပါတယ်။ ဂိမ်းကစားတဲ့သူတွေထဲမှာတော့ အသက် ၁၃ နှစ်အရွယ်ကနေ အသက်ကြီးပိုင်း ၆၀ ဝန်းကျင်အရွယ်အထိပါဝင်တယ်လို့ သိရပြီး သာမန်လက်လုပ်လက်စား အခြေခံလူတန်းစားတွေလည်း ကစားကြတာတွေ့နေရတယ်လို့ ဆိုပါတယ်။ ခုလို လောင်းကစားဂိမ်းတွေကြောင့် လူငယ်တွေပိုမိုပျက်စီးလာတာကို မြင်တွေ့နေရတဲ့အတွက် စိတ်မကောင်းဖြစ်မိတယ်လို့ မြစ်ကြီးနားဒေသခံ အမျိုးသမီးတစ်ဦးက ခုလိုပြောပါတယ်။ “ကျွန်မတို့အိမ်က ကလေးတစ်ယောက်လည်းလောင်းကစားလုပ်တယ် အိမ်က 125 ဆိုင်ကယ်ယူသွားပြီး ဒီနေ့ထိ ၃ လလောက်ရှိလာပြီ ဘယ်မှာဘဲနေနေလဲ မသိဘူး။ လူငယ်တွေဂိမ်းကြောင့်တော်တော်ပျက်စီးနေကြပြီ”လို့ဆိုပါတယ်။ ဒါ့အပြင် တချို့လောင်းကစားရုံတွေမှာ အသက်မပြည့်သေးတဲ့ ကလေးတွေကို ဆော့ကစားခွင့်ပေးထားကြတယ်လို့ NBPDF တာဝန်ခံက ခုလိုပြောပါတယ်။ “တစ်ချို့ စလော့ဂိမ်း နေရာတွေက ကလေးတွေ ၁၃ နှစ်အရွယ်လေးတွေ ဝင်ဆော့နေတာ တွေ့ရတယ်။ ဒါတောင်မှ လုံးဝ ရာချီ ထောင်ချီလောင်းတဲ့ ဝိုင်းကြီးတွေမှာ။ မိန်းကလေးတွေဆို ၁၄ ၁၅နှစ်အရွယ်တွေ ဖဲဝင်ရိုက်နေတာ ပိုက်ဆံတွေ ဘယ်ကရလဲမသိဘူး အပုံလိုက် အပုံလိုက်နဲ့”လို့ ဆိုပါတယ်။ လက်ရှိ မြစ်ကြီးနားမှာဆိုရင် အင်ဂျန်ဒုံရပ်ကွက် ထင်းစည်းချိုး(သားဖ၃ယောက်) ရဲ့ ဘယ်ဘက်လမ်းကြား KTV ကလပ်၊ကချင်ပြည်နယ် လွှတ်တော်ရုံးအနောက်ဘက်လမ်း ကြာရာပတီး (B) Nayang Buga ကျေးလက် ကမ္ဘာ လောင်းကစားဝိုင်း ၊ ရွှေလမ်းမကြီးဘက်သွားတဲ့လမ်း Dream Land 5D KTV၊ မြစ်ဆုံဟော်တယ်နောက်လမ်းကြား လောင်းကစားဝိုင်း၊ ရှမ်းစု မြစ်ကမ်းနားလမ်းအနီး၊ ကျွန်းပင်သာရပ်ကွက်၊တပ်ကုန်းရပ်ကွက်မြစ်ဖျားဧရာကားကြီးကွင်းအနီးလောင်းကစားရုံတွေမှာ စလော့ဂိမ်းလွယ်လွယ်ကူကူ ဆော့ကစားနိုင်တယ်လို့ သိရပါတယ်။ ခုလိုစလော့ဂိမ်းနဲ့လောင်းကစားဝိုင်းတွေကြောင့် မြစ်ကြီးနားမြို့မှာ ခိုးဆိုးလုယက်သူတွေများလာသလို မူးယစ်ဆေးဝါးသုံးစွဲသူတွေလည်း ပိုများလာနေတယ်လို့ ဒေသခံတွေပြောပါတယ်။ မြစ်ကြီးနားမြို့မှာ အာဏာသိမ်းပြီးနောက်ပိုင်း လောင်းကစားဝိုင်းနဲ့ လောင်းကစားရုံအားလုံးပေါင်းရင် ၃၀ ဝန်းကျင်ထိရှိလာပြီး တစ်ချို့ လောင်းကစားရုံကြီးတွေမှာတော့ မူးယစ်ဆေးဝါးသုံးစွဲလို့ရတဲ့ အခန်းနဲ့ သီချင်းဆိုလို့ရတဲ့ ကာရာအိုကေအခန်းတွေကို တွဲထားပေးတယ်လို့ ဆိုပါတယ်။ လက်ရှိမူးယစ်ဆေးဝါးရောင်းဝယ်သုံးစွဲမှုမှာတော့ ရမ်ပူရပ်ကွက်နဲ့ ခေမာသီရိရပ်ကွက်ကတော့ အဆိုးဆုံးအခြေအနေကို ရောက်ရှိနေတာ ဖြစ်ပါတယ်။ လောင်းကစားဝိုင်းနဲ့ မူးယစ်ဆေးဝါးရောင်းဝယ်သုံးစွဲသူတွေများလာရတဲ့ နောက်ဆက်တွဲ အကျိုးဆက်အနေနဲ့ မြစ်ကြီးနားမြို့မှာ ခိုးဆိုးလုယက်မှုတွေ ခပ်စိပ်စိပ် ဖြစ်လာခဲ့တာဘဲ ဖြစ်ပါတယ်။ KNG စုစည်းထားတဲ့စာရင်းအရ မြစ်ကြီးနာမြို့မှာ ၂၀၂၅ ခုနှစ် ဇန်နဝါရီလမှာ ခိုးဆိုးလုယက်မှု ၈ ကြိမ်၊ဖေဖော်ဝါရီလ ၁၄ ကြိမ်၊ မတ်လ ၁၀ ကြိမ်နဲ့ ဧပြီလ ၁၂ ကြိမ်၊မေလ ၆ ၊ ဇွန် ၅ ကြိမ်၊ ဇူလှိုင်လ ၄ကြိမ်နဲ့ ဩဂုတ်လမှာတော့ ၅ကြိမ်ဖြစ်ပွားခဲ့ပြီး သေဆုံးသူ၁ဦးရှိခဲ့တာ ဖြစ်ပါတယ်။…
Read More » -
6 Octoberသတင်း
ဗန်းမောက်မြို့ကို စစ်တပ်နဲ့ SNA ပူးပေါင်းတပ်ပြန်ထိုးစစ်ဆင်၊ မြို့နဲ့ ၅ မိုင်အကွာကိုရောက်ရှိလာ
တော်လှန်ရေးအင်အားစုတွေသိမ်းပိုက်ထားတဲ့ဗန်းမောက်မြို့ကို စစ်ကောင်စီတပ်နဲ့ ရှမ်းနီအမျိုးသားတပ်မတော် SNA ပူးပေါင်းတပ်တွေ ပြန်လည်ထိုးစစ်ဆင်လာနေပြီး နှစ်ဖက်တပ်တွေတိုက်ပွဲပြင်းထန်နေတယ်လို့ စစ်ရေးသတင်းရင်းမြစ်တွေကပြောပါ တယ်။ ပြီးခဲ့တဲ့ အောက်တိုဘာလ ၄ ရက်နေ့ကစလို့ ဟုမ္မလင်းမြို့နယ်မှာရောက်ရှိနေတဲ့ တပ်မ ၃၃ လက်အောက်ခံစစ်ကောင်စီတပ်ဖွဲ့တွေ နဲ့ နယ်မြေခံ SNA…
Read More » -
6 Octoberသတင်း
နမ္မတူမြို့ကို စစ်တပ်က ဒုတိယအကြိမ်လေကြောင်းနဲ့ဗုံးကြဲတိုက်ခိုက်လို့ နေအိမ် ၅ လုံးထိခိုက်ပျက်စီး
ရှမ်းမြောက် နမ္မတူမြို့ကို စစ်တပ်က လေကြောင်းနဲ့ထပ်မံဗုံးကြဲလို့ လူနေအိမ် ၅ လုံးပျက်စီးသွားပြီး မှန်လုံကား ၂ စီးပျက်စီးသွားတယ်လို့ ဒေသခံတွေဆီကနေ သိရပါတယ်။ တအာင်းလွတ်မြောက်ရေးအဖွဲ့ PSLF/TNLA ထိန်းချူပ်ထားတဲ့ နမ္မတူမြို့၊ ပန်ဟိုက်ရပ်ကွက် ( ၂ ) စျေးအနောက်ဘက်ကို စစ်ကောင်စီတပ်က အောက်တိုဘာလ ၆ ရက်နေ့ ဒီနေ့မနက် ၇ နာရီဝန်းကျင်မှာ လေယာဉ်နဲ့ လာရောက်ဗုံးကြဲခဲ့တာဖြစ်တယ်လို့ နမ္မတူဒေသခံတစ်ဦးက အခုလို ပြောပါတယ်။ “နမ္မတူမီးသတ်ရုံးရှေ့က အိမ်တွေဟုတ်တယ်။ လူတွေတော့ ထိခိုက်တာမရှိဘူး။ ဟိုနေ့က ဗုံးလာကြဲကတည်းက အိမ်ရှင်တွေက အားလုံးရှောင်ကုန်တာကြောင့် လူထိခိုက်မှုတော့ မရှိဘူး အိမ်က ၅ လုံးထိတယ်။ လုံး၀ ရစရာမရှိ ဖြစ်သွားတာက ၃ အိမ်ဟုတ်တယ်။ မှန်လုံကား ၂ စီးထိတယ်။” လို့ နမ္မတူဒေသခံအမျိုးသားတစ်ဦး KNG ပြောပါတယ်။ စစ်ကောင်စီတပ်ဟာ နမ္မတူမြို့ကို ပြီးခဲ့တဲ့ အောက်တိုဘာလ ၂ ရက်နေ့မှာလည်း လေကြောင်းနဲ့ဗုံးကြဲခဲ့လို့ ကလေးငယ်တွေအပါအဝင် အရပ်သား ၁၀ ဦးထက်မနည်း ထိခိုက်သေဆုံးမှုရှိခဲ့ပြီး တစ်လကျော်အကြာ ဒီနေ့မနက်မှာ ဒုတိယအကြိမ် နမ္မတူမြို့ကိုထပ်မံလေကြောင်းဗုံးကြဲတာဖြစ်ပါတယ်။ ခုလို စစ်တပ်လေကြောင်းဗုံးကြဲမှုကြောင့် နမ္မတူမြို့ ဒေသခံပြည်သူတချို့လည်း အောက်တိုဘာလကစပြီး တိမ်းရှောင်သူတွေရှိသလို ဒီနေ့မနက် ဒုတိယအကြိမ် ထပ်မံဗုံးကြဲခံရပြီးနောက် လက်ရှိ နမ္မတူမြို့က ဘာသာရေးအဖွဲ့စည်းတွေအပါအဝင် ပြည်သူအများပိုင်းတိမ်းရှောင်ဖို့ရန် ပြင်ဆင်နေပြီလို့ ပြောပါတယ်။ စစ်ကောင်စီတပ်ဟာ အောက်တိုဘာလ ၁ ရက်နေ့က စပြီး ကျောက်မဲမြို့ကို TNLA လက်ထဲကနေ အပြီးပြန်လည်တိုက်ခိုက်သိမ်းပိုက်လိုက်ပြီးနောက် နမ္မတူမြို့ ၊ မန်တုံမြို့ ၊ နမ့်ဆန်မြို့ကိုတွေလည်း ဖိအားပေးတဲ့ပုံစံနဲ့ ချက်ချင်းဗုံးကြဲတိုက်ခိုက်လာတာဖြစ်ပါတယ်။ “စစ်တပ်က TNLA ကို နမ္မတူ၊ မန်တုံမြို့တွေအထိ ဖယ်ပေးဖို့ ပြောထားခဲ့တာဟုတ်တယ်။ သူတို့နေနေသရွေ့ ဘယ်မှာဖြစ်ဖြစ် ဗုံးကြဲနေမှာပဲဖြစ်တာကြောင့် အခုအခြေအနေအရဆို စစ်တပ်က ဆက်တိုက်ဗုံးကြဲဖိအားပေးသွားမဲ့အနေအထားပဲ။ နောင်ချိုပြီးတာနဲ့ သူတို့ညိနှိုင်းခဲ့စဉ်က ကျောက်မဲ၊ သီပေါ၊ နမ္မတူတွေကို ဖယ်ပေးဖို့ နဲ့ PSLF/TNLA အတွက်က မန်တုံနဲ့ နမ့်ဆန်ကို ယူပေါ့။ အဲလိုစစ်တပ်ဘက်က ညှိခဲ့တယ်လို့ သိရတယ်။ အခုက ကျောက်မဲကို စစ်တပ်တိုက်ခိုက်နိုင်ပြီဆိုတော့ ထပ်ဆွေးနွေးစရာမရှိဘူး။ ဒါတွေကိုလည်း သူတို့တိုက်ခိုက်ပြီး အနိုင်ရနိုင်တယ်လို့ ခြိမ်းခြောက်လာတဲ့ အနေအထားဖြစ်တယ်။” လို့ နမ္မတူဒေသခံအမျိုးသားက ဆက်ပြောပါတယ်။ အလားတူ စစ်တပ်က အောက်တိုဘာလ ၄ ရက်နေ့ မနက်မှာလည်း နမ့်ဆန်မြို့ကို လေကြောင်းဗုံးကြဲခဲ့ရာ လူထိခိုက်မှုတော့ မရှိခဲ့ပေမယ့် အောက်တိုဘာလ ၂ ရက်နေ့နဲ့ ၄ ရက်နေ့ သီပေါမြို့ဗုံးကြဲခံရမှုမှာ အရပ်သား ၂ ဦးသေဆုံးမှုရှိခဲ့ပါတယ်။ အဲဒီနောက် အောက်တို ၆ ရက်နေ့ ဒီနေ့မနက်မှာလည်း နမ္မတူမြို့ဗုံးကြဲပြီးနောက် ၆ မိနစ်အကြာမှာပဲ သီပေါမြို့ကိုပါ ထပ်မံလေကြောင်းဗုံးကြဲခဲ့တာဖြစ်ပါတယ်။ ပြီးခဲ့တဲ့ ဩဂုတ်လကုန်ပိုင်းကစပြီး စစ်ကော်မရှင်တပ်တွေဟာ ကျောက်မဲမြို့ကို TNLA လက်ထဲကနေ ပြန်လည်ရယူဖို့ ထိုးစစ်ဆင်ခဲ့ကြတာဖြစ်ပြီး တစ်လကျော်ကြာကာလအတွင်းမှာ ကျောက်မဲမြို့ကို အပြီး သိမ်းပိုက်ထိန်းချုပ်လိုက်နိုင်တာဖြစ်ပါတယ်။ ဒါကြောင့် လက်ရှိမှာ TNLA ထိန်းချုပ်ထားတဲ့ နမ္မတူ၊ မန်တုံ၊ နမ့်ဆန်၊ မိုင်းလုံ၊ မိုင်းငေါ့နဲ့ မိုးကုတ်တွေကို ပစ်မှတ်ထား ခြိမ်းခြောက်လာနိုင်တယ်လို့ ဒေသခံတွေက သုံးသပ်ပြောဆိုနေကြပါတယ်။ စစ်ကောင်စီတပ်နဲ့ တအာင်းအမျိုးသားလွတ်မြောက်ရေးတပ်မတော် (PSLF/TNLA) နှစ်ဖက်တပ်တွေဟာ တရုတ်ကြားခံမှုနဲ့ တရုတ်နိုင်ငံ ကူမင်းမြို့မှာ ဩဂုတ်လနောက်ဆုံးပတ်က စတုတ္တအကြိမ် တွေ့ဆုံဆွေးနွေးညှိနှိုင်းခဲ့ကြတာဖြစ်ပေမဲ့ သဘောတူညီမှု မရရှိခဲ့ဘူးလို့ သိရပါတယ်။ နှစ်ဖက်လက်နက်ကိုင်တပ်တို့ ၄ ကြိမ်တိတိ တွေ့ဆုံဆွေးနွေးမှုမှာ သဘောတူညီမှုတစ်စုံတစ်ရာမရရှိတဲ့နောက် စစ်ကောင်စီတပ်က TNLA ထိန်းချုပ်ထားတဲ့မြို့တွေကို လေကြောင်းနဲ့ဗုံးကြဲတိုက်ခိုက်ကာ ဖိအားပေးနေတာဖြစ်ပြီး ကျောက်မဲ၊ မိုးကုတ်နဲ့ နောင်ချိုဘက်မှာ လေကြောင်းဗုံးကြဲတိုက်ခိုက်မှုဆက်တိုက်လုပ်နေပါတယ်။ စစ်တပ်ရဲ့လေကြောင်းတိုက်ခိုက်မှုကြောင့် ကလေးငယ်တွေနဲ့ အမျိုးသမီးတွေအပါအဝင် အရပ်သားပြည်သူ ထိခိုက်သေဆုံးမှု ဆက်တိုက်မြင့်တက်နေတာလည်း ဖြစ်ပါတယ်။ By – ဂျာဘောက်ရာ
Read More » -
6 Octoberသတင်း
မန္တလေး-မြစ်ကြီးနားလမ်းမပေါ်မှာ ကုန်သွယ်ခွင့်ကန့်သတ်မှုကြောင့် ကားသမားတွေ အခက်တွေ့
မန္တလေး–ကချင်ပြည်နယ်ကို ပြေးဆွဲတဲ့ယာဥ်မှန်သမျှကို နှစ်ဖက်လက်နက်ကိုင်တွေက ကုန်သယ်ယူခွင့် ကန့်သတ်မှု နဲ့ စစ်ဆေးရေး တင်းကြပ်မှုတွေကြောင့် ကားသမားတွေ ခရီးစဥ်ပုံမှန်ပြေးဆွဲဖို့ အခက်တွေ့လာရတယ်လို့ သိရပါတယ်။ မန္တလေး–မြစ်ကြီးနား ကားလမ်မပေါ် စစ်ကောင်စီတပ်ဂိတ်တွေမှာ ကန့်သတ်ထားတဲ့ ထုတ်ကုန်တွေကတော့ အိမ်သုံးဆေးဝါး၊ စက်သုံးဆီ၊ အင်ဗာတာ၊ ဆိုလာ အစရှိတဲ့ လျှပ်စစ်ပစ္စည်းတွေ ဖြစ်တယ်လို့ သိရပါတယ်။ “သူတို့ကန့်သတ်ထားတဲ့ အဓိကပစ္စည်းတွေပါရင်…
Read More » -
4 Octoberသတင်း
စစ်တပ်နဲ့ လက်တွဲပြီး KIA နဲ့ PDF များကို ချေမှုန်းသွားမယ်လို့ ဝါရာဇွပ်ပြည်သူ့စစ်အဖွဲ့ ပြော
စစ်တပ်အာဏာတည်မြဲအောင် KIA အပါအဝင် PDF များကို ချေမှုန်းသွားမှာဖြစ်တယ်လို့ ဖားကန့်မြို့နယ် ဝါရာဇွပ်ပြည်သူ့စစ်ခေါင်းဆောင် မင်းဇေသန့်က ပြောဆိုလိုက်ပါတယ်။ အောက်တိုဘာလ ၁ ရက်နေ့မှာ ဝါရာဇွပ်ဌာနေ ပြည်သူ့စစ်တပ်ဖွဲ့ရဲ့ အမျိုးသားစစ်သည် တပ်သားသစ်သင်တန်း အမှတ်စဉ် (၈) နဲ့ အမျိုးသမီးအခြေခံ အမှတ်စဉ် (၂) စစ်သင်တန်းဆင်းပွဲမှာ ဝါရာဇွပ်ပြည်သူ့စစ် ခေါင်းဆောင် မင်းဇေသန့်က မိန့်ခွန်းပြောဆိုခဲ့တာ…
Read More » -
4 Octoberသတင်း
MMA ကစားသမားဘဝကို အနိုင်နဲ့ အဆုံးသတ်သွားတဲ့ အောင်လအင်ဆန် (Aung La N’sang)
MMA သိုင်းပေါင်းစုံ ချန်ပီယံဆိုပြီး နာမည်ကြီးတဲ့ အားကစားဖိုက်တာ ကချင်တိုင်းရင်းသား အောင်လအင်ဆန်ဟာ နောက်ဆုံးပွဲအဖြစ် ထိုးသတ်တဲ့ပွဲမှာ ဆွီဒင်ဖိုက်တာ ဇဘက်ဇရှန် ကာဒက်စတမ်ကို အနိုင်ရရှိခဲ့ပြီး ကစားသမားဘဝကို အဆုံးသတ်လိုက်ပြီဖြစ်ပါတယ်။ အောက်တိုဘာလ ၄ ရက်နေ့မှာ ထိုင်းနိုင်ငံ၊ ဘန်ကောက်မြို့ လူပီနီအားကစားကွင်း (Lumpinee Stadium) ၊ One Fight Night: 36 ခေါင်းစဉ်ဖြင့် ကျင်းပခဲ့တဲ့ ထိုးသတ်ပွဲမှာ အောင်အင်ဆန်က ပြိုင်ဘက်ဖြစ်တဲ့ ဆွီဒင်နိုင်ငံသားကို ဒုတိယအချီ ၂ မိနစ် အတွင်းမှာပဲ မျက်နှာကို အချက်ပေါင်းများစွာနဲ့ ထိုးသတ်အနိုင်ရရှိခဲ့တာဖြစ်ပါတယ်။ ဒီအနိုင်ရရှိမှုဟာ အောင်လအင်ဆန်အတွက် နောက်ဆုံးကစားပွဲလည်းဖြစ်ခဲ့သလို အောင်လနဲ့ မြန်မာပြည်သူတွေအတွက်ပါ ဆန္ဒပြည့်ဝစေခဲ့ပါတယ်။…
Read More » -
3 Octoberသတင်း
ဗန်းမော် ရှေ့တန်းကာကင်း တပ်စခန်းတစ်ချို့ပြန်သိမ်းနိုင်ပြီး ဗျူဟာမြောက်တဲ့ တပ်နေရာတွေမှာ တိုက်ပွဲဆက်ဖြစ်နေ
ဗန်းမော်မှာ ကချင်လွတ်လပ်ရေးတပ်မတော် KIA က လက်လွတ်ထားတဲ့ ရှေ့တန်းကာကင်းတပ်စခန်းတစ်ချို့ကို ပြန်လည်နေရာရယူနိုင်ပြီး အရေးပါတဲ့ ဗျူဟာမြောက်တပ်နေရာ ၃ နေရာလောက်မှာ တိုက်ပွဲဆက်ဖြစ်နေသေးတယ်လို့ KIO ပြောပါတယ်။ စက်တင်ဘာလ ၂၉ ရက်နေ့ နောက်ပိုင်းဖြစ်တဲ့ တိုက်ပွဲမှာ ခလရ ၄၇ တပ်ရင်းရဲ့ အနောက်ဘက်ခြမ်း လုံခြုံရေးရယူထားတဲ့…
Read More » -
3 Octoberသတင်း
မြန်မာ့ဂုဏ်ဆောင် ကချင်ဖိုက်တာအောင်လအင်ဆန် နောက်ဆုံးနှုတ်ဆက်ပွဲ မနက်ဖြန်ထိုးသတ်မယ်
မြန်မာ့စပါးအုံးလို့ နာမည်ကျော်တဲ့ MMA ဖိုက်တာ အောင်လအင်ဆန်ဟာ သူ့ရဲ့ဖိုက်တာဘဝ နောက်ဆုံးပွဲအဖြစ် မနက်ဖြန် မြန်မာ စံတော်ချိန် မနက်ပိုင်း ၉ နာရီလောက်မှာဘဲ ထိုးသတ်သွားဖို့ရှိနေပါတယ်။ One Fight Night 37 ပြိုင်ပွဲရဲ့ ဒုခေါင်ပွဲအဖြစ်…
Read More » -
2 Octoberသတင်း
အထိနာတဲ့ စစ်တပ် ခြေလျင်စစ်ကြောင်းပြန်ထိုးလာလို့ တိုက်ပွဲပြန်ဖြစ်
ကချင်ပြည်နယ် ဝိုင်းမော်မြို့နယ် လမြန်ကျေးရွာအထိ စစ်ကောင်စီတပ်နဲ့ ပြည်သူ့စစ်တပ်ဖွဲ့တွေက ပြန်ပြီးစစ်ကြောင်းထိုးလာတဲ့အတွက် ဒီကနေ့ အောက်တိုဘာလ ၂ ရက် နေ့လည် ၁ နာရီခွဲဝန်းကျင် နှစ်ဖက်တပ်တိုက်ပွဲပြင်းထန်နေတယ်လို့ သိရပါတယ်။ “လမြန်ဘက်မှာ စစ်တပ်နဲ့ ပြည်သူ့စစ်အဖွဲ့တွေက ခြေလျင်နဲ့ ပြန်တက်လာလို့…
Read More »
