ပညာရေး

  • Jun- 2024 -
    17 June

    ကန်မိန်းမှာ အထက်တန်ကျောင်းဖွင့်ဖို့ KIA နဲ့ကိုးကန့်တပ်ညှိနှိုင်းနေဆဲ

    ရှမ်းပြည်နယ်မြောက်ပိုင်း ကန်မိန်းကျေးရွာမှာရှိတဲ့ အထက်တန်းကျောင်းဖွင့်နိုင်ဖို့  ကချင်လွတ်လပ်ရေးတပ်မတော် KIA နဲ့ ကိုးကန့်တပ် MNDAA တပ်တို့အကြား ညှိနှိုင်းနေဆဲဖြစ်တယ်လို့ ကန်မိန်းဒေသခံတွေကပြောပါတယ်။ ဇွန်လ ၁၁ ရက်နေ့ ကန်မိန်းကျေးရွာမှာရှိတဲ့ အခြေခံပညာအထက်တန်းကျောင်းကို KIO/ KIA အစိုးရအောက်ဖွင့်ဖို့ ပြင်ဆင်နေချိန် ကိုးကန့်တပ်တွေရောက်လာပြီး ကန်မိန်းအထက်တန်းကျောင်းကို ကိုးကန့်လက်အောက်မှာသာဖွင့်ဖို့ လာရောက်တားမြစ်ခဲ့တာလို့ သိရပါတယ်။ အဲဒီနောက် ဇွန်လ ၁၂ ရက်နေ့ကစပြီး  ရပ်ကျေးတာဝန်ခံတွေအပါအဝင် KIO/KIA ဘက်က မြို့နယ်အဆင့်အုပ်ချုပ်ရေးအဖွဲ့နဲ့ ကိုးကန့်တပ်တို့အကြား ဆွေးနွေးညှိနှိုင်းတာတွေလုပ်ခဲ့ပေမယ့် နှစ်ဖက်တပ်တို့အကြား ဆုံးဖြတ်ချက်မချနိုင်တာကြောင့် မြို့နယ်အဆင့်ကနေ ဌာနချုပ်ကိုတင်ပြထားဆဲဖြစ်တယ်လို့ ဒေသခံတစ်ဦးက KNG ကို ခုလိုပြောပါတယ်။ “ဟိုနေ့က နှစ်ဖက်ညှိနှိုင်းကြတာ မြို့နယ်အဆင့်အနေနဲ့အဆင်မပြေလို့ ဌာနချုပ်ကိုတင်ပြထားတဲ့အခြေနေဖြစ်တယ်။ လောလောဆယ်တော့ ကျောင်းလည်းမဖွင့်သေးဘူး နှစ်ဖက်စလုံးညှိနှိုင်းနေတဲ့အခြေနေဘဲမို့”လို့ပြောပါတယ်။ ကန်မိန်းကျေးရွာဟာ လားရှိုးကနေ မိုင်အားဖြင့် ၂၀၀ ဝန်းကျင်ဝေးတဲ့နေရာမှာရှိပြီး အိမ်ခြေ ၇၀၀ ဝန်းကျင်ရှိတဲ့ရွာဖြစ်ကာ ကချင်၊ရှမ်း၊တရုတ်လူမျိုးတွေနေထိုင်ကြတဲ့ရွာဖြစ်ပြီး အထက်တန်းကျောင်းဖွင့်လာတာဟာ ခေတ်အဆက်ဆက်ရှိခဲ့ပြီလို့ ဒေသခံတွေက ဆိုပါတယ်။ ဒါပေမယ့် ၁၀၂၇ စစ်ဆင်ရေးအပြီးနောက်ပိုင်း ကချင်လူမျိုးတွေအများစုနေထိုင်တဲ့ဘက်ကို KIO/KIA အောက် အုပ်ချုပ်ရေးယန္တာရားနဲ့အုပ်ချုပ်နေပြီး တရုတ်အများစုနေထိုင်တဲ့ဘက်မှာတော့ ကိုးကန့်တပ်က အုပ်ချုပ်နေကာ ရှမ်းလူမျိုးအများစုကိုတော့ ကိုးကန့်တပ်ထဲ တပ်သားလုပ်ခိုင်းပြီး ကိုးကန့်ဘက်အုပ်ချုပ်နေတာ ဖြစ်ပါတယ်။ တရုတ်အများစုနေထိုင်တဲ့ဘက်မှာ တရုတ်စာသင်ကျောင်း အလယ်တန်းအထိသင်ကြားနေတာဖြစ်ပြီး KIO/ KIA အုပ်ချုပ်တဲ့ဘက်မှာတော့ အထက်တန်းကျောင်းရှိတယ်လို့ဒေသခံတွေကပြောပါတယ်။ အဲဒီ အထက်တန်းကျောင်းကို KIO/KIA နဲ့ NUG ချိတ်ဆက်ပြီး ကျောင်းဆရာ၊ဆရာမ ၁၀ ဦးခန့်ထားတဲ့အပြင် ကျေးရွာအတွင်း နဂိုရှိရင်းစွဲ CDM ဆရာမတွေနဲ့သင်ကြားဖို့ပြင်ဆင်နေတာဖြစ်ပါတယ်။ သို့သော် ဇွန်လ ၁၁ ရက်နေ့မှာတော့ ကိုးကန့်  MNDAA တပ်ဟာ ကချင်၊ရှမ်းတွေနေထိုင်တဲ့ဘက်က အထက်တန်းကျောင်းကိုလည်း ကိုးကန့်လက်အောက်မှာသာဖွင့်ဖို့  ကြိုးပမ်းလာပြီး ကျောင်းတက်ဖို့ရောက်ရှိလာတဲ့ ကျောင်းသား၊သူတွေကိုလည်း စာသင်ခွင့်ပိတ်ပင်ခဲ့တယ်လို့ ကန်မိန်းဒေသခံတစ်ဦးက ခုလိုပြောတယ်။ “သူတို့က တရုတ်စာရောသင်မယ် သူတို့လက်အောက်မှာဘဲ ရှိရမယ်ဆိုတဲ့ပုံစံလုပ်နေတာ မနေ့ကတောင် ကိုးကန့်တပ်က ကျောင်းဆရာ၊မ ၉ ယောက်ကိုခေါ်လာတယ်”လို့ ပြောပါတယ်။ လက်ရှိ ကန်မိန်းအထက်တန်းကျောင်းမှာ  NUG ခန့်ထားတဲ့ ပညာရေးဝန်ထမ်း ၁၀ ဦး၊ ကိုးကန့်ဘက်က ခေါ်လာတဲ့ပညာရေးဝန်ထမ်း ၉ ဦး အပြင် ရှိရင်းစွဲ CDM ဆရာ၊မတွေရှိတယ်လို့ သိရပြီး ကျောင်းမဖွင့်သေးပေမယ့် နှစ်ဖက်စလုံးက ပညာရေးဝန်ထမ်းတွေအဆင်သင့်ရှိနေပြီလို့ သိရပါတယ်။  ကန်မိန်းမှာရှိတဲ့ ကချင်လူထုအားလုံးကတော့ ကန်မိန်းအထက်တန်းကျောင်းကို  NUG နဲ့သေချာချိတ်ဆက်ပြီး ကလေးတွေကို သင်ရိုးညွှန်းတန်းတွေနဲ့အညီ ကောင်းမွန်စွာစာသင်ယူစေချင်တယ်လို့ ဒေသခံအမျိုးသားတစ်ဦးက ခုလိုပြောပါတယ်။ “ကျနော်တို့ကတော့ ဖြစ်နိုင်ရင် KIA နဲ့ NUG ချိတ်ပြီးသင်စေချင်တယ် ခုကိုးကန့်က အဓိကစာသင်ပေးဖို့ထက် သူတို့နေရာဦးထားချင်တဲ့သဘောဘဲ သူတို့ခေါ်လာတဲ့ကျောင်းဆရာ၊မတွေလည်း သင်ကြားရေးအပိုင်းကျွမ်းကျင်တဲ့သူတွေပါတာမတွေ့ရဘူး။ ကိုးကန့်တပ်က စာလည်းသေချာသင်ပေးနိုင်မှာမဟုတ်ဘူး ကြားမှာ ကလေးတွေ ကြားညှပ်တယ်”လို့ ပြောပါတယ်။ ကန်မိန်းရွာမှာ အာဏာမသိမ်းခင် ၁၂ တန်းအထိ သင်ကြားတာဖြစ်ပေမယ့် ဒီနှစ်မှာတော့ ၉ တန်းအထိသာ သင်ကြားပေးဖို့ စီစဉ်နေတာကြောင့် အထက်တန်းကျောင်းသား၊သူတွေဟာ လားရှိုးဘက်ကိုပြောင်းရွှေ့သွားကြတာရှိပြီး  ငွေကြေးမတတ်နိုင်တဲ့သူတွေက ကျောင်းဆက်မတက်ရမယ့်အခြေနေနဲ့ရင်ဆိုင်နေကြရတယ်လို့ ကျောင်းသားမိဘတွေက ပြောပါတယ်။ ဒါကြောင့် ဒေသခံတောင်းဆိုတာကတော့ ကန်မိန်းအထက်တန်းကျောင်းကို KIA နဲ့ NUG အောက်မှာသာ ဖွင့်စေချင်ပြီး ကျောင်းအမြန်ဆုံးဖွင့်ပေးကြဖို့ကိုလည်း မျှော်လင့်နေကြပါတယ်။ By – CJ

    Read More »
  • 13 June

    CEC ကျောင်းမှာ ကျောင်းသားဦးရေတိုးလာတာကြောင့် စာသင်ခန်းနေရာအခက်အခဲကြုံနေ

    ကွတ်ခိုင်မြို့ထဲက ရပ်မိရပ်ဖတွေနဲ့ပူးပေါင်းပြီးဖွင့်လှစ်ထားတဲ့ Kachin Education Center ( CEC) ကျောင်းမှာ ဒီနှစ်ကျောင်းသားဦးရေတိုးလာတာကြောင့် စာသင်ခန်းနေရာအခက်အခဲကြုံနေတယ်လို့ သိရပါတယ်။ ဒီကျောင်းကို စတင်ဖွင့်လှစ်ခဲ့ချိန်ကစပြီး မနှစ်ကအထိ ကျောင်းသားဦးရေ ၁၀၀ ဝန်းကျင်ထိသာရှိခဲ့ပေမဲ့ ၂၀၂၄–၂၀၂၅ ပညာသင်နှစ်မှာတော့ ကျောင်းသားဦးရေ ၅၀၀ ခန့်တိုးလာတာကြောင့် စာသင်ဖို့နေရာထိုင်ခင်းအခက်အခဲကြုံနေတယ်လို့ ကျောင်းကော်မတီအဖွဲ့ဝင်တွေက ကချင်သတင်းဌာန Kachin News Group(KNG) ကို ပြောပါတယ်။ “ကျောင်းခန်းအခက်ဖြစ်နေတယ် ကျနော်တို့ ၁ ပတ်အတွင်းမှာပဲ ဘယ်မှာဘယ်လိုသင်ကြမယ်ဆိုတာ ပြင်ဆင်လိုက်နိုင်တော့ ကျောင်းခန်းတွေကဆက်လက်လိုနေတယ်။ ကျနော်တို့ခန့်မှန်းထားတာက ကျောင်းသားဦးရေ ၃၀၀ ကျော်၊ ၄၀၀ တောင်မရောက်လောက်ဘူးလို့ထင်ပြီး အဲလောက်စာပဲ ကျောင်းခန်းစီစဉ်ထားတာ အခုက ၅၀၀ လောက်ရောက်လာတော့ ကျောင်းခန်းအခက်ကြုံနေရတယ်။” လို့ Kachin Education Center ( CEC) ကျောင်းကော်မတီဝင်တစ်ဦးက ပြောပါတယ်။ ကပ်ကာလနဲ့နိုင်ငံရေးအခြေအနေအမျိုးမျိုးကြောင့် ကလေးတွေပညာရေးနောက်ကျသွားမှာကိုစိုးရိမ်တဲ့ ကျောင်းသားမိဘတွေနဲ့ ကချင်ရိုးရာယဉ်ကျေးမှုအဖွဲ့အပါအဝင် အသင်းတော်အဖွဲ့အစည်းနဲ့ ဒေသတွင်းရှိ CSO အဖွဲ့အစည်းတွေပူးပေါင်းကာ ကွတ်ခိုင် Christian Education Centre (CEC) ကို ပြီးခဲ့တဲ့ ၂၀၂၂ ခုနှစ်ကတည်းကစပြီး စတင်သင်ကြားဖွင့်လှစ်ခဲ့တာဖြစ်ပါတယ်။ လက်ရှိ  KG ကနေ ၉ တန်းထိကို စစ်ရှောင်စခန်း ကွတ်ခိုင်စစ်ဘေးရှောင်စခန်း KBC Camp ၁ က လွတ်တဲ့နေရာမှာနေရာထိုင်ခင်းပြင်ဆင်ပေးပြီး သင်ကြားပေးနေရပြီး ၁၀ တန်းကနေ ၁၂ တန်းကိုတော့ ကွတ်ခိုင် KTC ဓမ္မကောလိပ်ကျောင်းဝင်းဘက် နေရာပြင်ဆင်ထားပေးကာ ကျောင်းသုံးပစ္စည်း၊ ထိုင်ခုံတွေလိုအပ်နေတယ်လို့ ဆိုပါတယ်။ “ကျမတို့ CEC ကျောင်းဖွင့်လိုက်တော့ အားလုံး တက်တက်ကြွကြွနဲ့ ဘယ်သူမဆို အများကြီး ကျောင်းနာမည်စရင်းတွေ ထည့်သွင်းလာတာက ထူးခြားပြောင်းလဲမှုတစ်ခုဖြစ်တယ်။ TNLA ဘက်ကလည်း အရင်အစိုးရကျောင်းတွေမှာ သူတို့ကျောင်းအဖြစ် ဖွင့်လှစ်နေပြီ။ သူတို့ဆီမှာ တက်တဲ့သူလည်းတက်တယ်။ ဒီကျောင်းကိုလည်း လူမျိုးမရွေး၊ ဘာသာမရွေး အများကြီး ရောက်လာကြတာကတော့ ဒီနှစ်ရဲ့ ပြောင်းလဲမှုတစ်ခုဖြစ်တယ်။” လို့ ကွတ်ခိုင်ဒေသခံအမျိုးသမီးတစ်ဦးက ပြောပါတယ်။…

    Read More »
  • 12 June

    စစ်ရေးတင်းမာနေတဲ့ ဝိုင်းမော်မြို့အခြေံပညာစာသင်ကျောင်းတွေမှာ ကျောင်းတက်ရောက်သူ ပိုလျော့နည်းလာ

    ကချင်ပြည်နယ် ဝိုင်းမော်မြို့မှာ အခြေခံပညာစာသင်ကျောင်းတွေကို ဖွင့်လှစ်ထားပေမယ့် ကျောင်းတက်ရောက်တဲ့သူတဖြည်းဖြည်း လျှော့နည်းသွားတယ်လို့ ဝိုင်းမော်မြို့ ဒေသခံတွေက ပြောပါတယ်။  ၂၀၂၄– ၂၀၂၅ ပညာသင်နှစ်အတွက် ဝိုင်းမော်မြို့ထဲမှာ အခြေံပညာစာသင်ကျောင်းတွေကို မေလ ၂၈ ရက်နေ့ကတည်းကနေ ကျောင်းအပ်လက်ခံပြီး ဇွန်လ ၃ရက်နေ့မှာ ကျောင်းတက်ရောက်နေပြီဖြစ်ပါတယ်။  သို့သော် လတ်တလောမှာ ဝိုင်းမော်မြို့နယ်ထဲမှာ စစ်ရေးအခြေအနေပိုတင်းမာလာနေတဲ့အပြင် ဝိုင်းမော်မြို့ပေါ်ရပ်ကွက်ဖြစ်တဲ့ အမှတ် ၁ ရပ်ကွက် သိမ်ကြီးစုရွာနဲ့ မြို့အနိီးမှာရှိတဲ့ ခတ်ချိုကျေးရွာတွေမှာ လက်နက်ကြီးကျပေါက်ကွဲပြီး အရပ်သားထိခိုက်သေဆုံးတာတွေ များလာတကြောင့် ကလေးတွေကို ကျောင်းပို့ဖို့ စိုးရိမ်တယ်လို့ ကျောင်းသားမိဘ တစ်ဦးက ခုလိုပြောပါတယ်။ “ကျောင်းကတော့ဖွင့်နေဆဲ ဒါပေမယ့် တချို့မိဘတွေကတော့ကြောက်လို့ မသွားအပ်ရဲတာမပို့တာဟုတ်တယ်။ သူတို့ဘက်က တရားဝင်ပိတ်တာမျိုးတော့မရှိသေးဘူး တက်တဲ့သူတွေကတော့ တော်တော်လျှော့သွားပြီ”လို့ ဒေသခံတစ်ဦးက ပြောပါတယ်။ တစ်ဖက်မှာတော့ ဝိုင်းမော်မြို့ ဒေသခံတစ်ချို့ကတော့ ပြီးခဲ့တဲ့ မေလကတည်းကနေ နေရပ်စွန့်ခွာထွက်ပြေးနေကြပြီဖြစ်ပါတယ်။  ခုလို ထွက်ပြေးတိမ်းရှောင်နေရတဲ့အတွက်ကလေးတွေအနေနဲ့လည်း ကျောင်းတက်ဖို့အတွက်ခက်ခဲကြုံတွေ့နေရတယ်လို့. ထွက်ပြေးတိမ်းရှောင်နေတဲ့ အမျိုးသမီးတစ်ဦးက ခုလိုပြောပါတယ်။ “ကလေးတွေ ကျောင်းတက်ဖို့အတွက်ကတော့ ဒီနှစ်ရဲ့အခြေအနေတွေကြောင့် ဘယ်လိုလုပ်ရမယ်ဆိုတာလဲ မသိသေးဘူး အခြေအနေလည်း အရမ်းမကောင်းတော့ ခက်ခဲတဲ့ အရာတွေကတော့ အများကြီးရှိနေတာပေါ့”လို့ ဆိုပါတယ်။ ဝိုင်းမော်မြို့နယ် ဟာ၂၀၁၉ ခုနှစ် သန်းခေါင်စာရင်းအရ မြို့ပေါ်ရပ်ကွက် ရက်ကွက် ၁၃ ခု၊ ကျေးရွာအုပ်စု ၄၀ စု၊ ကျေးရွာ ၁၇၀ စုစုပေါင်း ၂၀၀ ဝန်းကျင်နဲ့ ဖွဲ့စည်းထားပြီး လူဦးရေ ၁၂၀၀၀၀ ကျော်နေထိုင်တဲ့မြို့နယ်ဖြစ်ပါတယ်။ အခြေခံပညာအထက်တန်းကျောင်း (၁၁)ကျောင်း၊ အထက်တန်းကျောင်း (ခွဲ) (၆) ကျောင်း၊ အခြေခံပညာအလယ်တန်းကျောင်း (၁၀)ကျောင်း၊ အလယ်တန်းကျောင်း (ခွဲ) (၁၂) ကျောင်း၊ အခြေခံပညာမူလတန်းလွန်ကျောင်း (၁၄) ကျောင်း၊ အခြေခံ ပညာမူလတန်းကျောင်း (၈၁) ကျောင်းနဲ့ မူလတန်းကျောင်း (ခွဲ) (၁၇) ကျောင်းရှိတယ်လို့ မြန်မာနိုင်ငံ ပြန်ကြားရေး ဝန်ကြီးဌာနက ဖော်ပြထားပါတယ်။ By – Hope

    Read More »
  • 5 June

    စစ်ရေးတင်းမာနေဆဲဖြစ်တဲ့ ဝိုင်းမော်မြို့မှာ စာသင်ကျောင်းဖွင့်ပေမယ့် လုံခြုံရေးစိုးရိမ်နေရတယ်လို့ဆို

    ကချင်ပြည်နယ် ဝိုင်းမော်မြို့မှာ ၂၀၂၄– ၂၀၂၅ ပညာသင်နှစ်အတွက် အခြေခံစာသင်ကျောင်းတွေ အားလုံးကိုဖွင့်လှစ်ထားပြီဖြစ်ပေမယ့် စစ်ရေးတင်းမာနေဆဲကြောင့် စိုးရိမ်ပူပန်မှုတွေရှိနေတယ်လို့ ကျောင်းသားမိဘတွေ ကပြောပါတယ်။ ဝိုင်းမော်မြို့က စာသင်ကျောင်းတွေမှာ  မေလ ၂၈ရက်နေ့ ကတည်းကနေ ကျောင်းအပ်တာတွေကို လက်ခံနေတာ ဖြစ်ပြီး ဇွန်လ ၃ရက်နေ့…

    Read More »
  • May- 2024 -
    27 May

    KIO ထိန်းချုပ်ထားတဲ့နယ်မြေမှာ NON-CDM ပညာရေးဝန်ထမ်းတွေကို အသုံးပြုမယ့်အပေါ် ကန့်ကွက်မှုတစ်ချို့ရှိနေ

    ကချင်လွတ်လပ်ရေး အဖွဲ့ KIO သိမ်းပိုက်ထိန်းချုပ်နယ်မြေတွေမှာ NON-CDM ဆရာ/မ ပညာရေးဝန်ထမ်းတွေကို အသုံးပြုဖို့ ပြင်ဆင်နေတဲ့အပေါ်  CDM ဆရာ/မတွေ ကန့်ကွက်နေကြပါတယ်။ ကချင်လွတ်လပ်ရေးတပ်မတော်KIA  သိမ်းပိုက်ရရှိထားတဲ့ နေရာဒေသတွေဖြစ်တဲ့ လွယ်ဂျယ်၊ မိုးမောက်နဲ့ မန်ဝင်းကြီး တွေမှာ ရှိတဲ့ စာသင်ကျောင်းတွေမှာ NON- CDM  ဆရာ/မတွေကို ပြန်လည် အသုံးပြုဖို့ ပြင်ဆင်နေတယ်လို့ ပညာရေးဘုတ်အဖွဲ့ဝင်တွေနဲ့ နီးစပ်သူတွေက ဆီကနေ   CDM ဆရာ/မ တွေက သိကြရတာလို့ ဆိုပါတယ်။ အခုလို တာဝန်ရှိပညာရေးဌာနက လူကြီးတွေ အနေနဲ့ non-cdm ဆရာ/မတွေကို ပြန်လည် အသုံးပြုဖို့ ပြင်ဆင်နေမှု အပေါ် cdm ဆရာမ တစ်ဦးကခုလိုပြောပါတယ်။ “CDMတွေကိုဘာပစ်မှုပစ်ဒဏ်မှမပေးဘဲလက်တွဲလက်ဆောင်တာကတော့အချိန်မတန်သေးဘူးထင်ပါတယ်ဖြစ်လဲမဖြစ်သင့်ဘူပေါ့တော်လှန်ရေးအတွက်ပေးဆပ်ခဲ့သူတွေအတွက်တရားမျှတမှုပုံဖော်ပေးကြဖို့လိုပါတယ်။ဒီလိုNON CDMတွေကို ခုလိုခုချိန်မှာသင်ကြားရေးတွေမှာ အသုံးပြုခြင်းက CDMတွေရဲ့ပေးဆပ်မှုတွေ၊တော်လှန်ရေးမှာအနစ်နာခံမှုတွေတိုင်းပြည်အတွက်ထားတဲ့‌စေတနာ‌တွေကိုမျက်ကွယ်ပြုလိုက်ခြင်းဖြစ်တဲ့အတွက်ပြည်နယ်တွင်းမှာရှိကြတဲ့CDMများက များစွာစိတ်မကောင်းဖြစ်ရပါတယ်” အာဏာသိမ်းတဲ့ အချိန်တွေကနေ စပြီး လွတ်မြောက်နယ်မြေတွေထဲက စာသင်ကျောင်းတွေမှာ CDM  ဆရာ/မတွေကဘဲ အခက်အခဲအမျိုးမျိုးကြားက သင်ကြားပေးနေတာဘဲ ဖြစ်ပါတယ်။  အခုလို KIO  ပညာရေးဌာနဘက်ကနေ NON- CDM ဆရာ/မတွေကို ပြန်လည်အသုံးပြုဖို့ ပြင်ဆင်နေတာနဲ့ ပက်သက်ပြီး KIO ပြန်ကြားရေး တာဝန်ခံဗိုလ်မှူးကြီးနော်ဘူကို မေးမြန်းကြည့်ရာ အခုလိုပြောပါတယ်။ “စာသင်ကျောင်းတွေ ပြန်ဖွင့်ဖို့ ကိစ္စကတော့ ပညာရေးဌာနကနေ စီစဉ်ပြီးမှ ဖွင့်ဖို့ ကျွန်တော်တို့ အစီအစဉ်ရှိပါတယ် ကျောင်းဆရာတွေကို ဘယ်လိုသုံးမယ် ဘယ်လို အဖွဲ့အစည်းတွေကို အကူအညီတောင်းမယ်ဆိုတာကိုတော့ ကျွန်တော်တို့သတင်းဌာနကနေပြီးတော့ မကြားသိရပါဘူး ဒါကတော့ ပညာရေးဌာနကနေပြီးတော့မှ စီစဉ်တာ ဖြစ်ပါတယ်”လို့ ပြောပါတယ်။ စစ်ကောင်စီ အာဏာသိမ်းစဉ်ကတည်းကနေ CDM  ဆရာ/မတွေ အပေါ် စစ်ကောင်စီအနေနဲ့ ပြည်ပထွက်ခွင့် ပိတ်ပင်မှုတွေအပြင် မတရားသဖြင့်လိုက်လံဖမ်းဆီး ထောင်ချတာတွေစတဲ့ လူအခွင့်အရေး ချိုးဖောက်တာတွေကို များစွာလုပ်ခဲ့တာဘဲ ဖြစ်ပါတယ်။ CDM  ဆရာ/မတွေဟာ မိမိရဲ့ ဘဝအလုပ်အကိုင်တွေကို စွန့်ပြီးရောက်ရာအရပ်ကနေ လက်မလျှော့ဘဲ CDM လုပ်ပြီး စစ်ကောင်စီရဲH ယန္တယားတွေကို ရပ်တန့်စေဖို့ လုပ်ဆောင်ခဲ့ကြတဲ့အပြင် CDM  ကျောင်းဆရာတွေထဲမှာ တချို့ကတော့ လက်နက်ကိုင်တော်လှန်တဲ့သူတွေရှိသလို တချို့ကြတော့လည်း လွတ်မြောက်နယ်မြေတွေထဲမှာ စစ်ရှောင်ပြည်သူတွေကို စာသင်ကြားပေးရင်းနဲ့ ပါဝင်နေကြတာဘဲ ဖြစ်ပါတယ်။ လက်ရှိချိန်ထိ ဖမ်းဆီးခံရတဲ့ CDM  ဆရာ/မဟာ ၂၉၉ဦးထိရှိနေပြီ ဖြစ်တယ်လို့ နိုင်ငံရေးအကျဥ်းသားများကူညီစောင့်ရှောက်ရေးအသင်း AAPP ကရဲ့ မတ်လ ၂၈ရက်နေ့အထိ ထုတ်ပြန်ချက်မှာဖော်ပြပါတယ်။ By…

    Read More »
  • 24 May

    KIA ထိန်းချုပ်ထားတဲ့နယ်မြေတွေမှာ ကျောင်းဆရာ/ မ တာဝန်ထမ်းဆောင်ချင်သူ မည်သူကိုမဆိုခွဲခြားခြင်းမရှိဘဲ ခန့်အပ်သွားမယ်လို့  KIO ပညာရေးအဖွဲ့ဆို

    ကချင်လွတ်လပ်ရေးတပ်မတော် KIA သိမ်းပိုက်ထားတဲ့ မြို့၊ ရွာတွေမှာ ပညာရေးကျောင်းဖွင့်လှစ်သွားဖို့ပြင်ဆင်နေပြီး  ကျောင်းဆရာ၊ဆရာမ တာဝန်ထမ်းဆောင်ချင်သူ မည်သူကိုမဆိုခွဲခြားခြင်းမရှိဘဲ ခန့်အပ်သွားဖို့ပြင်ဆင်ထားတယ်လို့ KIO ပညာရေးအဖွဲ့က ပြောပါတယ်။ လက်ရှိ KIO/KIA သိမ်းပိုက်ထားတဲ့နယ်မြေတွေမှာ ပညာရေးယန္တရားလည်ပတ်နိုင်ဖို့ ဝန်ထမ်းစားရင်းနဲ့ ကျောင်းသားစားရင်းကောက်ယူတာတွေကို မြို့နယ်အလိုက် ပညာရေးဦးစီးရုံးတစ်ခုချင်းစီကတာဝန်ယူသွားဖို့ ပြင်ဆင်နေတယ်လို့ သိရပါတယ်။ “ကျောင်းအတွက် ဝန်ထမ်းကို နဂိုကတည်းက အဲဒီမှာတာဝန်ထမ်းဆောင်နေတဲ့ ကျောင်းဆရာ၊ဆရာမတွေ၊ ဆက်လက်ပြီး တာဝန်ထမ်းဆောင်ချင်တယ်၊တာဝန်ထမ်းဆောင်ရဲတဲ့သူတွေ၊ Non-CDM ဖြစ်ဖြစ် CDM ဖြစ်ဖြစ် ဘယ်သူ့ကိုမဆို ဒီကျောင်းမှာပဲဆက်လက်တာဝန်ထမ်းဆောင်ချင်တယ်ဆိုတဲ့သူတွေကိုတော့ ကျနော်တို့က ကျနော်တို့ရဲ့ ဝန်ထမ်းအဖြစ်ပြောင်းလဲသတ်မှတ်လိုက်ပြီး တာဝန်ထမ်းဆောင်ခိုင်းမယ်။ ပြီးတော့ ဆရာ မလောက်တဲ့ကျောင်းကိုတော့ အပြင်ကနေကျောင်းဆရာထပ်ဖြည့်ပေးတာတို့၊ ဒီက ကျနော်တို့ IED ကကျောင်းဆင်းတွေလည်းရှိတယ်။ အဲလိုလူတွေနဲ့ အားလုံးလက်တွဲပြီး ပြုလုပ်သွားဖို့ပြင်ဆင်နေတယ်။” လို့ KIOပညာရေးဦးစီးချူပ် လက်ထောက်တာဝန်ခံက Kachin News Group(KNG) ကချင်သတင်းဌာနကို ပြောပါတယ်။  KIA သိမ်းပိုက်ထားတဲ့ လွယ်ဂျယ်မြို့၊ မန်ဝိန်းကြီးနဲ့ မိုင်းခေါင် စတဲ့နေရာဒေသက ကျောင်းတွေကိုတော့ KIO ဗဟိုဌာနချူပ်ပညာရေးဌာနကဦးစီးကာ ကျောင်းဖွင့်လှစ်ဖို့ ပြင်ဆင်နေတာဖြစ်ပါတယ်။ အလားတူ ရှမ်းမြောက်နဲ့ ကချင်ပြည်နယ် ဆင်ဘိုမြို့၊ ဆွမ်ပရာဘွမ်မြို့ စတဲ့ နေရာတစ်ချို့တွေမှာလည်း ကျောင်းဆရာ၊ဆရာမ ခန့်အပ်တာ၊ စားရင်းကောက်တာ၊ ကျောင်းသားစားရင်းယူတာတွေကို မြို့နယ်အလိုက် ပညာရေးဌာနရုံးတစ်ခုချင်းစီက တာဝန်ယူလုပ်ဆောင်နေတယ်လို့ ပြောပါတယ်။ လက်ရှိ ပညာရေးဝန်ထမ်းစာရင်း ကောက်ယူပြီးပါက လာမယ့်ဇွန်လ လဆန်းကစပြီး လိုအပ်တဲ့ ကျောင်းဆရာ၊ဆရာမတွေကို မွမ်းမံသင်တန်းပြုလုပ်ပေးသွားမှာဖြစ်တယ်လို့ ဆိုပါတယ်။ KIA ဘက်ကသိမ်းပိုက်ထားတဲ့နေရာဒေသတွေမှာ ကျောင်းစတင်ဖွင့်လှစ်သွားဖို့  ကျောင်းဆရာ၊ဆရာမခန့်အပ်ဖို့ ပြင်ဆင်ရာမှာ CDM ဆရာ၊ဆရာမတွေကို ဦးစားပေး ခေါ်ယူခန့်အပ်စေချင်တယ်လို့ CDM ဝင်နေတဲ့ ကျောင်းဆရာမတချို့က ပြောပါတယ်။ “CDM တွေကိုအရင်ဆုံး ဦးစားပေးစေချင်တယ်။ ဆွဲခေါ်စေချင်တယ်။ CDMကြောင့် အပြင်ရောက်နေတဲ့ ပညာရှင်တွေအများကြီးရှိတယ်။ တက္ကသိုလ်ပြီးစီးအောင်မတက်လိုက်နိုင်ပဲ CDM ဝင်သွားတဲ့ ကျောင်းသားတွေလည်း အများကြီးရှိတယ်။ ဒါတွေကို ပြန်ပြီးမွမ်းမံပျိုးထောင်ပေးပြီး ပြန်အကျိုးပြုနိုင်မယ်။ ဒီလိုဆိုရင်ပိုသင့်တော်မယ်လို့ ခံစားမိတယ်။” လို့ CDM ဆရာမတစ်ဦးက ပြောပါတယ်။ KIO/KIA  ထိန်းချူပ်နယ်မြေတွင်းများရှိတဲ့ ပုံမှန်ဖွင့်နေတဲ့ ကျောင်းတွေကတော့ မေလ ၂၅ ရက်နေ့က စပြီး ကျောင်းသားနာမည်စားရင်းလက်ခံတော့မှာဖြစ်ပေမဲ့ KIA သိမ်းပိုက်ထားတဲ့ မြို့ရွာ၊တွေမှာတော့ KIO ပညာရေးယန္တရားလည်ပတ်ဖို့ ပြင်ဆင်စရာများ ရှိနေသေးတာကြောင့် ကျောင်းဖွင့်နောက်ကျမယ်လို့ ဆိုပါတယ်။ ကချင်လွတ်လပ်ရေးတပ်မတော် KIA ဟာ ပြီးခဲ့တဲ့ မတ်လ ၇ ရက်နေ့ကစပြီး စစ်ဆင်ရေးအရှိန်မြှင့်တင်လိုက်ရာ လက်ရှိထိဆိုရင် မြစ်ကြီးနား – ဗန်းမော် ကားလမ်းပိုင်းအာလုံး ထိန်းချူပ်လိုက်နိုင်ပြီဖြစ်ပြီး မြို့ပေါင်း ၆ မြို့ခန့် သိမ်းပိုက်ရရှိထားတာဖြစ်ပါတယ်။ By – ဂျာဘောက်ရာ

    Read More »
  • Jan- 2024 -
    31 January

    ရွှေကူမြို့နယ်မှာ NUG ထိန်းချုပ်မှုအောက် အခြေခံစာသင်ကျောင်းပေါင်း ၅၀ကျော်ဖွင့်လှစ်ထား

    ကချင်ပြည်နယ် ရွှေကူမြို့နယ်မှာ အမျိုးသားညီညွတ်ရေးအစိုးရ NUG ပညာရေးဝန်ကြီးဌာနအောက်ကနေဖွင့်လှစ်ထားတဲ့ အခြေခံစာသင်ကျောင်းပေါင်း ၅၀ ကျော်ရှိတယ်လို့ ရွှေကူမြို့နယ်ပညာရေးဌာနက သိရပါတယ်။

    Read More »
  • Jul- 2023 -
    4 July

    ကိုယ်ထူကိုယ်ထဖွင့်ထားတဲ့စာသင်ကျောင်း စစ်တပ်ရဲ့ခြိမ်းခြောက်မှုကြောင့် ပြောင်းရွေ့လိုက်ရ

    ဖားကန့်မြို့နယ် ဟောင်ပါးကျေးရွာမှာ ဖွင့်လှစ်ထားတဲ့ ကိုယ်ထူကိုယ်ထစာသင်ကျောင်းကို စစ်ကောင်စီတပ်ရဲ့ခြိမ်းခြောက်မှုကြောင့် တခြားနေရာကို ရွေ့ပြောင်းလိုက်ရတယ်လို့ ဒေသခံတွေကပြောပါတယ်။ ဇွန်လ လကုန်ပိုင်းကနေ ကျောင်းသားမိဘ၊ စေတနာ့ဝန်ထမ်း CDM ကျောင်းဆရာ/မ များ ပူးပေါင်းဆောင်ရွက်မှုကြောင့် ဖွင့်လှစ်ထားတဲ့ ဟောင်းပါးကျေးရွာက ကိုယ်ထူကိုယ်ထစာသင်ကျောင်းကို စစ်ကောင်စီသတင်းပေးတိုင်ကြားသူများကြောင့် စစ်တပ်ဘက်က ခြိမ်းခြောက်လာတာဖြစ်တယ်လို့ ကျောင်းသားမိဘတစ်ဦးက KNG ကိုအခုလိုပြောပါတယ်။ ”သူများကတိုင်လိုက်တာတိုင်တဲ့ အချိန်ကျတော့ ရပ်ရွာလူကြီးတွေကိုစစ်တပ်ကခေါ်သွားတယ် ရွာလူကြီးတွေလည်း ကိုယ့်ဘက်ကမဟုတ်တော့ NUG ကျောင်းဘာညာဆိုပြီးပြောလိုက်တာနေမှာ အဲ့ကျတော့အားလုံးရှုပ်ကုန်တာ ဆရာ ဆရာမတွေလည်း စိတ်ကမလုံမခြုံဖြစ်သွားတာ ကျောင်းကိုလည်းဗုံးလာကျဲမယ်ဖြစ်လာတော့ အားလုံးကကြောက်ကြတော့ကျွန်မတို့ပဲကျောင်းကိုရွေ့ပေးလိုက်တယ်တခြားနေရာကို”လို့ တာမခံကျေးရွာနေအမျိုးသမီးတစ်ဦးကပြောပါတယ်။ ဟောင်ပါးကိုယ်ထူကိုယ်ထကျောင်းဟာ KG တန်းကနေ (၁၀) တန်းအထိ ကျောင်းသားကျောင်းသူပေါင်း…

    Read More »
Back to top button