ပညာရေး

တရုတ်နိုင်ငံ တက္ကသိုလ်တွေမှာ ပညာသင်ယူချင်တဲ့လူငယ်တွေကို ကူညီပေးမယ့် Hpaji Mahkrai 

၂၀၂၁ ဖေဖော်ဝါရီ ၁ ရက်နေ့ မြန်မာနိုင်ငံကို အာဏာသိမ်းပြီးနောက် တိုင်းပြည်အတွင်း လူငယ်တွေအများစုရဲ့ အနာဂတ်နဲ့ ပညာရေးအခွင့်အလမ်းတွေလည်း နည်းပါးသွားခဲ့ပါတယ်။ အဲဒီအချိန်ကနေစပြီး မြန်မာနိုင်ငံမှာရှိတဲ့ လူငယ်တွေဟာ မိမိရဲ့အနာဂတ်အတွက် ပညာရေးအခွင့်အလှမ်းတွေရှာဖွေဖို့ နိုင်ငံရပ်ခြားအိမ်နီးချင်းနိုင်ငံတွေကို ထွက်ခွာပြီးပညာသင်ကြားကြသူတွေ ပိုမိုများပြားလာခဲ့တာဘဲ ဖြစ်ပါတယ်။ ခုလိုနိုင်ငံရပ်ခြားမှာပညာသင်ကြားသူတွေ များပြားလာတာကြောင့် နိုင်ငံခြားကျောင်းတွေမှာတတ်ရောက်နေကြတဲ့ စီနီယာကျောင်းသားတွေကနေပြီးတော့ ကျောင်းသားအချင်းချင်းကူညီဖေးမဖို့အတွက် ကျောင်းသားအဖွဲ့အစည်းတချို့ကို ဖွဲ့စည်းလာကြပါတယ်။ အဲဒီထဲမှာ လက်ရှိတရုတ်နိုင်ငံမှာတက်ရောက်နေကြတဲ့ ကချင်ကျောင်းသားတွေ ဖွဲ့စည်းထားတဲ့ Hpaji Mahkrai ဆိုတဲ့ ကျောင်းသားအဖွဲ့အစည်းလည်း တစ်ခုအပါအဝင်ဖြစ်ပါတယ်။ Hpaj Mahkrai အဖွဲ့ကိုတော့ တရုတ်ပြည်မှာကျောင်းတက်နေတဲ့ ကချင်ကျောင်းသား ၉ ဦးကနေပြီးတော့ ၂၀၂၄ မေလ၂၆ရက်နေ့ ဖွဲ့စည်းတည်ထောင်ခဲ့တာဖြစ်ပြီး စက်တင်ဘာ၂၈ရက်နေ့မှာတော့ Hpaji Mahkrai အဖွဲ့အစည်း မိတ်ဆက်ပွဲနဲ့ ကျောင်းသားသစ်ကြိုဆိုပွဲကို ကျင်းပခဲ့တာဘဲဖြစ်ပါတယ်။ Hpaji Mahkrai ကျောင်းသားအဖွဲ့အစည်းအနေနဲ့ လက်ရှိဘာတွေလုပ်ဆောင်နေလဲ အနာဂတ်ပန်းတိုင်ရည်မှန်းချက်တွေက ဘာတွေဖြစ်မလဲဆိုတာနဲ့ ပက်သက်ပြီး Hpaji Mahkrai အဖွဲ့အစည်းရဲ့ အတွင်းရေးမှူး ကိုဂျန်မော်ဂမ်ဖန်( Jangmaw Gam Hpang)ကို KNG ကဆက်သွယ်မေးမြန်းထားပါတယ်။ မေး–ကျေးဇူးပြုပြီး မိတ်ဆက်ပေးပါအုံးဗျ။ ဖြေ–ကျွန်တော်နာမည်ကတော့ဂမ်ဖန်ဖြစ်ပါတယ်..ကျွန်တော်က Hpaji Mahkraiကျောင်းသား အဖွဲ့အစည်းရဲ့ အတွင်းရေးမှူးအဖြစ် တာဝန်ယူနေပြီးတော့ လက်ရှိကူမင်း ယူနန်တက္ကသိုလ်မှာ International Relationship ဘာသာရပ်နဲ့ပက်သက်ပြီး အဓိကသင်ယူနေတာဘဲ ဖြစ်ပါတယ်”။ မေး-Hpaji Mahkrai ရဲ့ ရည်ရွယ်ချက်နဲ့ စတင်ဖွဲ့စည်းဖြစ်ခဲ့တဲ့အကြောင်းလေး ပြောပေးပါအုံး။ ဖြေ–ဒီအဖွဲ့အစည်းကိုမလုပ်ခင်ကတည်းကနေ ကျွန်တော်တို့စိတ်ထဲမှာကိုက တရုတ်ပြည်ကကျောင်းတွေမှာ ပညာဆက်လက်သင်ကြားနိုင်ဖို့အတွက် ဆက်သွယ်ကူညီပေးနိုင်မယ့် အဖွဲ့အစည်းတစ်ခုကတော့လိုနေပြီလို့အကုန်လုံးကတွေးမိကြတဲ့အတွက် လက်ရှိHpaji…

Read More »

ချင်းမိုင်ရောက် ကချင်တက္ကသိုလ်ကျောင်းသား၊သူတွေရဲ့ အခက်ခဲကိုကူညီဖြေရှင်းပေးမယ့်  KUSA

“ကျွန်တော်တို့ ဆက်လက်ပြီး ပညာရေးနဲ့ တိုင်းပြည်ပြန်လည်တည်ဆောက်တဲ့အချိန်တွေမှာ (Hpaji Hte Myu Hpe Shalawt)“ပညာရေးဖြင့်လွတ်မြောက်ခြင်း” [MOU1] ဆိုတဲ့ ပန်းတိုင်အလျောက် ကျွန်တော်တို့အနေနဲ့ ပညာရေးကို ပိုမိုထိရောက်အောင် ကြိုးစားပြီး ကျွန်တော်တို့ တတ်မြောက်ထားတဲ့ပညာတွေကို တိုင်းပြည်နဲ့ လူမျိုးအတွက် ဆပ်ကပ်ပါဝင်သွားဖို့ စဉ်းစားထားပါတယ်“ဆိုပြီး  Kachin University Student Association (KUSA) ဦးဆောင်သူ Lakum Brang Lat (ကို လကွမ်းဘရန်လတ်) က ပြောပါတယ်။ KUSA အဖွဲ့ကို ထိုင်းနိုင်ငံ ချင်းမိုင်ကို ပညာသင်ဖို့ရောက်လာကြတဲ့ ကချင် လူငယ် တက္ကသိုလ်ကျောင်းသား၊ သူတွေရဲ့အခက်ခဲတွေကို ကူညီဖြေရှင်းပေးဖို့ ရည်ရွယ်ပြီး ဖွဲ့စည်းထားတဲ့အဖွဲ့ဖြစ်တယ်လို့ သိရပါတယ်။ အဖွဲ့အစည်းကို ချင်းမိုင်မြို့ တက္ကသိုလ်ကနေ ဘွဲ့ရ စီနီယာကျောင်းသားတွေနဲ့ လက်ရှိကျောင်းတက်နေကြတဲ့ ကျောင်းသားတွေ ကနေ ပြီးတော့ အခုနှစ် ၂၀၂၄ ဧပြီလလောက်က ဖွဲ့စည်းခဲ့တာလို့ သိရပါတယ်။ KUSA အဖွဲ့အစည်းထဲမှာ အဓိက Chiang Mai ၊ Rajabhat၊  Payap၊ Maejo၊  Mae Fah Lung စတဲ့ တက္ကသိုလ်တွေက ကျောင်းသား/သူတွေလည်း ပါဝင်တယ်လို့ အစည်းအဝေးမှာ ပါဝင်ခဲ့တဲ့ စီနီယာကျောင်းသား Sumlut Seng…

Read More »

KIO ထိန်းချုပ်ထားတဲ့ ဆင်ဘိုမြို့ မှာ ကိုယ်ထူကိုယ်ထကျောင်း ၇ ကျောင်းဖွင့်လှစ်ထား

ကချင်လွတ်လပ်ရေးအဖွဲ့ KIO ထိန်းချုပ်ထားတဲ့ ဆင်ဘိုမြို့ မှာ ကိုယ်ထူကိုယ်ထကျောင်းတွေကို ဖွင့်လှစ်သင်ကြားနေပြီဖြစ်တယ်လို့ ဆင်ဘိုဒေသခံပြည်သူတွေက KNG ကို ပြောပါတယ်။ ကိုယ်ထူကိုယ်ထ ဖွင့်လှစ်ထားတဲ့ ကျောင်းတွေကအထက်တန်းကျောင်းတစ်ကျောင်းအပါအဝင် မူလတန်းနဲ့အလယ်တန်းစုစုပေါင်း  ၇ ကျောင်းထိရှိတယ်လို့ ဒေသခံတွေက ပြောပါတယ်။ နိုင်ငံရေး အခြေအနေတွေကြောင့် စာသင်ကြားပေးနေတဲ့ ဆရာ/မတွေ ပြောင်းရွေ့သွားကြတဲ့အတွက် KIO ပညာ‌ရေးဌာနအောက်က ဆရာ/မအချို့နဲ့ ဒေသခံစေတနာ့ဝန်ထမ်း ဆရာ/မတွေက  ဆက်လက်သင်ကြားပေးနေတယ်လို့ ဆရာမတစ်ဦးက ပြောပါတယ်ဆိုပါတယ်။ “များသောအားဖြင့်လူငယ်တွေပိုများတာပေါ့ ဒီဒေသထဲက ဆယ်တန်းအောင်ထားတဲ့သူတွေ တက္ကသိုလ်တက်နေတဲ့သူတွေ ပြီးတော့လောလောဆယ်သူတို့ကို သင်တန်းတွေပေးဖို့လဲ အဆင်မပြေသေးတော့ သူတို့အနေနဲ့ အွန်လိုင်းပလက်ဖောင်းတွေကနေလေ့လာပြီး သင်ပေးနေတာပေါ့”လို့ ပြောပါတယ်။ အထက်တန်းကျောင်းအပါအဝင် ကျောင်းပေါင်း ၇ ကျောင်းရှိတဲ့ထဲမှာ အထက်တန်းကျောင်းမှာတက်ရောက်နေတဲ့ကျောင်းသား၊သူ ၃၀၀ ကျော်ရှိပြီး၊ စာသင်ကြားပေးနေတဲ့ ဆရာ၊မ ၁၀ ဦးကျော်ရှိတယ်လို့ သိရပါတယ်။ ကိုယ်ထူကိုယ်ထကျောင်းတွေအားလုံးမှာ သင်ရိုးဟောင်းအတိုင်းသင်နေတာဖြစ်ပြီး KIO ပညာရေးဌာနက ရေးဆွဲထားတဲ့ သင်ရိုးအသစ်ကိုတော့မသင်ကြားနိုင်သေးဘူးလို့ ပြောပါတယ်။ ဒါ့အပြင် တစ်ဖက်မှာ ဒေသခံတွေက ကိုယ်ထူကိုယ်ထဖွင့်လှစ်ထားတဲ့ကျောင်းဖြစ်တဲ့အတွက် လိုအပ်ချက်တစ်ချို့တော့ ရှိနေသေးတယ်လို့ ဆက်ပြောပါတယ်။ “အဓိကတော့ ကျွန်မတို့က ငွေရေးကြေးရေးလိုအပ်နေတာပေါ့ အခုလောလောဆယ်က ဒီမှာ လိုအပ်တဲ့ကျောင်းသုံးပစ္စည်းတွေက မရှိနေတော့ သင်ကြားတဲ့နေရာမှာ အခက်အခဲတွေဖြစ်နေတာ‌ပေါ့” လို့ ဆိုပါတယ်။ KIO ပညာရေးဌာနဘက်ကနေပြီးတော့ လိုအပ်တဲ့အရာတွေကို လာရောက်စစ်ဆေးသွားပြီး မကြာခင်ကူညီပေးဖို့ ပြင်ဆင်နေတယ်လို့လည်း ဆိုပါတယ်။ ဆင်ဘိုမြို့ ဒေသခံပြည်သူတွေဟာ လယ်ယာလုပ်ငန်းတွေ ပြန်လည်လုပ်ကိုင်နေကြပြီဖြစ်ပေမယ့်လည်း  တစ်ဖက်မှာတော့ စစ်ကောင်စီရဲ့လေကြောင်းရန်ကိုတော့ စိုးရိမ်နေရသေးတယ်လို့ ဆင်ဘိုမြို့ ရွာလူကြီးတစ်ဦးက ခုလိုပြောပါတယ်။ “အခုဒီမှာတော့ တခြားတော့ မစိုးရိမ်ရပေမယ့် ပြည်သူတွေက လေယာဉ်ဘဲကြောက်နေရတယ် အမြဲတမ်းနေ့ရောညရော ပျံသန်းနေတာဆိုတော့“လို့ ပြောပါတယ်။ ဆင်ဘိုမြို့ကို ကေအိုင်အေနဲ့PDFပူးပေါင်းတပ်တွေက ၂၀၂၄ ခုနှစ် ‌ဧပြီ ၂၉ ရက်နေ့မှာ တိုက်ခိုက်သိမ်းယူထားတာဖြစ်ပြီး အုပ်ချုပ်ရေးယန္တယားတွေလည်း စတင်လည်ပတ်နေပြီဖြစ်တယ်လို့ ဒေသခံတွေက ပြောပါတယ်။ ဆင်ဘိုမြို့မှာ ရွာပေါင်း ၁၃ ရွာနဲ့ ဖွဲ့စည်းထားတာဖြစ်ပြီး အိမ်ခြေတစ်ထောင်ကျော်ရှိတဲ့ မြို့တစ်မြို့ဖြစ်သလို ကချင်၊ ဗမာ၊ရှမ်း စတဲ့ တိုင်းရင်းသားတွေနေထိုင်ကြပြီး ရှမ်းနီတိုင်းရင်းသားတွေကတော့ အများစုဖြစ်ပါတယ်။ By –…

Read More »

ကချင်ပြည်နယ် ပညာရပ်စုံ KSCU တက္ကသိုလ်က ကျောင်းပေါင်း ၆ ကျောင်းထိတိုးချဲ့ဖွင့်လှစ်

ကချင်လွတ်လပ်ရေးအဖွဲ့ KIO အစိုးရနဲ့ အမျိုးသားညီညွတ်ရေးအစိုးရ  NGU ပူးပေါင်းဖွင့်လှစ်ထားတဲ့ ကချင်ပြည်နယ် ပညာရပ်စုံ  KSCU တက္ကသိုလ်ကနေ  ကျောင်း ၆ ကျောင်းထိတိုးချဲ့ဖွင့်လှစ်ထားနိုင်ပြီဖြစ်တယ်လို့ KSCU ကျောင်းရဲ့ ဒုအဓိပတိဖြစ်သူ ဒေါက်တာဦးအောင်နိုင်သူက KNG ကိုပြောပါတယ်။ စစ်တပ်အာဏာသိမ်းပြီးနောက် ပေါ်ပေါက်လာတဲ့ ကချင်ပြည်နယ် ပညာရပ်စုံတက္ကသိုလ် Kachin State Comprehensive University (KSCU)ကို ၂၀၂၂ ပညာသင်နှစ် ဝိဇ္ဇာ သိပ္ပံ၊ ၂၀၂၃ ပညာသင်နှစ်မှာ School of Medical Sciences နှင့် School of Nursing Sciences၊ ၂၀၂၄ ပညာသင်နှစ်  School of Technology နှင့် School of Economic  ဖွင့်လှစ်နိုင်ခဲ့ပြီး၂၀၂၅ ပညာသင်နှစ်မှာတော့ School of Agriculture ကို ထပ်တိုးဖွင့်လှစ်မှာဖြစ်တဲ့အတွက် စုစုပေါင်းကျောင်း ၆ ကျောင်းထိ တိုးချဲ့ဖွင့်လှစ်ထားပြီ ဖြစ်ပါတယ်။…

Read More »

KIO ထိန်းချုပ်ထားတဲ့ ဖားကန့် ဟောင်ပါးအုပ်စုမှာ အခြေခံပညာစာသင်ကျောင်းပေါင်း ၂၀ ကျော်ဖွင့်ထား

ကချင်ပြည်နယ် ဖားကန့်မြိို့နယ်  KIO ထိန်းချုပ်ထားတဲ့ ဟောင်ပါးကျေးရွာအုပ်စုမှာ အခြေခံပညာရေးစာသင်ကျောင်းပေါင်း ၂၀ ကျော်ဖွင့်ထားတယ်လို့ ရပ်ကျေးတာဝန်ခံတွေဆီကနေ သိရပါတယ်။ KIA|KPDF သိမ်းပိုက်ထားတဲ့ ဟောင်ပါးကျေးရွာအုပ်စုထဲက တာမခံ၊ခိုမ၊ဟွေဆိုင်း၊ နတ်ရေတောင်၊ရွှေတောင်ကျော်၊နန့်ပါဟုတ်၊ နန့်စပိန်း စတဲ့ကျေးရွာတွေမှာ ကျောင်းပေါင်း ၂၀ ကျော်အထိဖွင့်လှစ်ထားနိုင်ပြီလို့ တာမခန်ကျေးရွာ အရပ်ဘက်အုပ်ချုပ်ရေးတာဝန်ရှိသူတစ်ဦးက KNG ကိုပြောပါတယ်။  “ဖွင့်တယ်ကျောင်းတွေအားလုံး ဇွန်လ ၅ရက်နေ့ကနေစပြီးအားလုံးဖွင့်တယ် စုစုပေါင်းဆိုရင်ကျောင်းပေါင်း ၂၃ ကျောင်းလောက်ရှိမယ် အုပ်စုထဲမှာပေါ့။ ဒီတာမခံအထက်တန်းကျောင်းကတော့ ဒေသကျောင်းကော်မတီနဲ့ ရပ်မိရပ်ဖတွေနဲ့ကျောင်းသားမိဘတွေပေါင်းပြီးဖွင့်တာ ကော်မတီကျောင်း”လို့ သူကပြောပါတယ်။ လက်ရှိဖွင့်ထားတဲ့ကျောင်းတွေအားလုံး KIO ရဲ့ထိန်းချုပ်မှုအောက်မှာရှိပြီး NUG နဲ့ချိတ်ဆက်တဲ့ကျောင်း၊ ရပ်ကျေးနဲ့ကျောင်းသားမိဘတွေပေါင်းပြီးဖွင့်ထားတဲ့ကျောင်း၊ KIO တိုက်ရိုက် သင်ကြားတဲ့ကျောင်းဆိုပြီး ကျောင်းအမျိုးအစားသုံးမျိုးရှိတယ်လို့ အထက်ဖော်ပြပါတာဝန်ရှိသူက ဆက်ပြောပါတယ်။  “ကျောင်းကပုံစံက သုံးမျိုးကွဲနေတာ  NUG ကျောင်းရှိတယ် KIO ပညာရေးကျောင်းရှိတယ် ပြီးတော့ ခုနပြောတဲ့ ဒေသကော်မတီတွေကဦီးဆောင်ဖွင့်တဲ့ဒေသပညာရေးကော်မတီကျောင်းတွေရှိတယ် ဒါပေမယ့်သင်ရိုးအားလုံးက နဂိုသင်းရိုးတွေပဲ”လို့သူကဆက်ပြောပါတယ်။ အထက်မှာဖော်ပြခဲ့တဲ့ NUG အစိုးရနဲ့တိုက်ရိုက်ချိတ်ဆက်ဆောင်ရွက်တဲ့ NUG ကျောင်း၊ ဒေသကော်မတီကတိုက်ခိုက်စီမံခန့်ခွဲတဲ့ ဒေသပညာရေးကော်မတီကျောင်းနဲ့ KIO ကတိုက်ရိုက်စီမံတဲ့ KIO ပညာရေးကျောင်းသုံးမျိုးထဲမှာ အများပိုင်းက ဒေသပညာရေးကော်မတီကျောင်းတွေဖြစ်ပြီး ကျောင်းအားလုံး KIO ရဲ့ ထောက်ပံ့မှုအောက်မှာရှိတယ်လို့ သိရပါတယ်။ လက်ရှိဖွင့်လှစ်နေတဲ့ကျောင်းပေါင်း ၂၃ ကျောင်းထဲမှာ တက်ရောက်နေတဲ့ကျောင်းသားကျောင်းသူပေါင်း ၅၀၀၀ ကျော်၊သင်ကြားရေးဆရာ ဆရာမပေါင်း ၂၀၀ ဝန်းကျင်ရှိပြီး မူလတန်း နဲ့အလယ်တန်းအဆင့်အတွက်သင်ကြားရေးပိုင်းမှာ အဆင်ပြေပေမယ့်် grade 11 နဲ့ Grade 12  အတွက် သင်ကြားရေးပိုင်းမှာ အတိုင်းတာတစ်ခုထိရောက်ဖို့ လိုအပ်ချက်တွေရှိနေတယ်လို့ ဟောင်ပါးကျေးရွာနေအထက်တန်းကျောင်းသားမိဘတစ်ဦးက KNG ကိုပြောပါတယ်။  “ကျွန်မတို့ဟောင်ပါးမှာက NUG ကျောင်းနဲ့ ဒေသကော်မတီကျောင်းရှိတယ် ကျွန်မကလေးကိုက ဒေသကော်မတီကျောင်းမှာထားတယ်။ သင်ကြားရေးပိုင်းတော့သိပ်အားမရဘူး အထက်တန်းပိုင်းမှာပေါ့လေ အခု Grade 12 ကသင်ကြားရေးမှာက ကျောင်းမပီးသေးတဲ့ဘွဲ့မရသေးတဲ့နှစ်ယောက်ပါတော့ လိုအပ်ချက်တွေရှိနေတယ်”လို့ ပြောပါတယ်။  လက်ရှိ သင်ကြားပေးနေတဲ့ကျောင်းတွေမှာ CDM ကျောင်းဆရာ/မ တွေ၊ စေတနာ့ဝန်ထမ်းတွေနဲ့ KIO ကတိုက်ရိုက်ချပေးတဲ့သင်ကြားရေးဆရာ ဆရာမတွေနဲ့ သင်ကြားပေးနေပြီး တစ်ချို့ကျောင်းတွေမှာဆရာ/မ မလုံလောက်မှုတွေရှိနေတယ်လို့သိရပါတယ်။  ဖားကန့်မြို့နယ်ထဲက အထက်ဖော်ပြပါကျေးရွာတွေအပါအဝင်ဖားကန့် ကာမိုင်းလမ်းပိုင်းထဲက နန့်ယား၊ နန့်တိန်းကျေးရွာတွေမှာ ဒီနှစ်ဖေဖော်ဝါရီလနောက်ပိုင်းကစလို့ KIA/KIO ထိန်းချုပ်မှုအောက်ရောက်သွားခဲ့တာ ဖြစ်ပြီး နန့်ယား နန့်တိန်းအုပ်စုတွေမှာလည်း KIO ကျောင်းတွေ အများအပြားဖွင့်လှစ်နေပြီဖြစ်ပါတယ်။  ဒါ့အပြင် ဖားကန့်မြို့နယ်ထဲမှာ ၂၀၂၂ –၂၀၂၃ ခုနှစ် ပညာ သင်နှစ်မှာ NUG စာသင်ကျောင်းတွင်ဖွင့်လှစ်နိုင်ခဲ့ပြီး ကျောင်းသားကျောင်းသူ ၆၀၀၀ ဝန်းကျင်ရှိခဲ့တယ်လို့သိရပါတယ်။ ကချင်လွတ်လပ်ရေးအဖွဲ့  KIO ထိန်းချုပ်နယ်မြေအသစ်တွေမှာ ၂၀၂၄– ၂၀၂၅ ခုနှစ်…

Read More »

ဂါလိုင်(Galeng)စာသင်ကျောင်းဖွင့်ဖို့ ကျောင်းကော်မတီနဲ့ TNLA တို့ညှိနှိုင်းနေဆဲ

ရှမ်းပြည်နယ်မြောက်ပိုင်း ကွတ်ခိုင်မြို့နယ် ဂါလိုင်ကျေးရွာမှာရှိတဲ့ အလယ်တန်းကျောင်းဖွင့်ဖို့ ဒေသခံကျောင်းသားမိဘတွေ နဲ့ TNLA ဆက်ပြီးဆွေးနွေးနေဆဲဖြစ်တယ်လို့ ကျောင်းတာဝန်ရှိသူတွေထံကနေ သိရပါတယ်။ တအာင်းလွတ်မြောက်ရေးတပ်မတော် TNLA ဘက်က ဇွန်လ ၂၃ ကျောင်းကိုအတင်းပိတ်ပေးလိုက်ပြီးနောက်  ဇွန်လ ၂၆ ရက်နေ့မှာတော့ TNLA အထက်အရာရှိတွေနဲ့ ကျောင်းတာဝန်ခံတွေ တွေ့ဆုံဆွေးနွေးရာ ဂါလိုင်ကျောင်းဖွင့်ဖို့ TNLA ရဲ့ပညာရေးကောင်စီ TLEC ထံခွင့်တောင်းစာတင်ပြီး TLEC ချပေးတဲ့ စည်းမျဉ်းစည်းကမ်းအတိုင်း လိုက်နာနိုင်မှ ကျောင်းဖွင့်ခွင့်ပေးမယ်လို့ ပြောဆိုခဲ့တာကြောင့် ကျောင်းတာဝန်ခံတွေနဲ့ KIO ဘက်က ဆက်လက်ညှိနှိုင်းဖို့လိုအပ်နေသေးတာဖြစ်တယ်လို့ ပြောပါတယ်။   နောက်ဆုံးညှိနှိုင်းထားတဲ့အခြေနေမှာတော့ နမ့်ဖတ်ကာမှာ KIA ရဲ့ခွင့်ပြုချက်နဲ့ TNLA ကျောင်း ၂ ကျောင်းဖွင့်ထားတာကြောင့် ကွတ်ခိုင်မြို့နယ် ဂါလိုင်မှာလည်း ပညာရေးကျောင်းဖွင့်ချင်ပါက TNLA ရဲ့ ပညာရေးဌာနဖြစ်တဲ့  TELC ကနေ ခွင့်ပြုမှဖွင့်ရမယ်ဆိုတဲ့အကြောင်း ပြောဆိုထားတယ်လို့ ဂါလိုင်အလယ်တန်းကျောင်းတာဝန်ခံတစ်ဦးက Kachin News Group ( KNG) ကို ပြောပါတယ်။ “ကျနော်တို့အတွက်က ဒီကျောင်းကအရင်ကတည်းက KIO အစိုးရအောက်သင်ကြားနေပြီးသားကျောင်းဖြစ်တာကြောင့် ဟိုကကျောင်းနဲ့ နှိုင်းယှဉ်လို့မရနေတာနဲ့ ကျနော်တို့လည်းအခု ဘယ်လိုလုပ်ရင်ကောင်းမလဲလို့ ညှိနေရတုန်းဖြစ်တယ်။ ပုဂ္ဂလိကကျောင်းဆိုရင်တော့ တစ်မျိုးပေါ့။ ဒါကြောင့် ဒီဟာနဲ့ပတ်သက်ပြီး ညှိနှိုင်းရအုံးမယ်။ သူတို့ပြောသလို စာတင်တာတွေတော့ မလုပ်သေးဘူး” လို့ ပြောပါတယ်။  ဂါလိုင်ကျေးရွာ အလယ်တန်းကျောင်းကို ဇွန်လ ၂၃ ရက်နေ့ညက TNLA ဘက်က အင်အား ၄၀ ဝန်းကျင်နဲ့ကျောင်းကိုရောက်လာပြီး ကျောင်းတံခါးအားလုံးကို သစ်ပြား နဲ့ ရိုက်ပြီးပိတ်လိုက်တဲ့အပြင် ကျောင်းဝင်းထဲက ဆရာ၊ ဆရာမိသားစုတွေကိုလည်း အပြင်ကို မောင်းထုတ်ကာ ကျောင်းရှေ့မှာလည်း လွှင့်ထူထားတဲ့ ကချင်အမျိုးသားအလံကိုလည်း ဖြုတ်သိမ်းပေးလိုက်တယ်လို့ ဆိုပါတယ်။…

Read More »

စစ်ရေးတင်းမာနေတဲ့ အင်းတော်ကြီးဒေသထဲမှာ ကျောင်းပေါင်း ၃၀ ကျော်ပိတ်ထား

စစ်ရေးတင်းမာနေတဲ့ ကချင်ပြည်နယ် မိုးညှင်းမြို့နယ်ထဲက အင်းတော်ကြီးဒေသမှာ ကျောင်းပေါင်း ၃၀ ကျော်ပိတ်ထားရတယ်လို့သိရပါတယ်။ KIA၊ KPDF ပူးပေါင်းတပ်တွေက အင်းတော်ကြီး–ဝှေခါကားလမ်းပိုင်းမှာရှိတဲ့ ဝှေလုံစစ်ကောင်စီတပ်စခန်း၊ ညောင်ပင်တပ်စခန်းနဲ့ အင်းတော်ကြီးအနောက်ဘက် က ချောင်းဝစစ်ကောင်စီတပ်စခန်းကုန်းသုံးခုကို ထိုးစစ်စတင်လိုက်တဲ့ ဇွန်လ ၂၂ ရက်နေ့ကနေ ဒီကနေ့အထိ စစ်ရေးတင်းမာနေဆဲဖြစ်တာကြောင့် အင်းတော်ကြီးဒေသထဲက ကျောင်းပေါင်း ၃၀ ကျော်ပိတ်ထားရတယ်လို့ အသက် ၄၀ ကျော်အရွယ် အင်းတော်ဒေသခံတစ်ဦးကKNGကိုပြောပါတယ်။ “အကုန်လုံးပိတ်ထားပြီ ပိတ်ထားတာ လေးရက်လောက်ရှိပြီ မဖွင့်ရဲကြဘူးလေ ကျောင်းပေါင်း ၃၀ ကျော်တယ်လောက်ရှိမှာပေါ့ အထက်တန်းကျောင်းတောင် ၅ ကျောင်း၊ ၆ ကျောင်းလောက်ပါတယ်”လို့ သူကပြောပါတယ်။ လက်ရှိ စစ်ရေးခြေနေကြောင့် ပိတ်ထားရတဲ့ကျောင်းတွေထဲမှာ မိုင်းနောင်၊ လုံးတုံ၊ နန့်မွန်း၊ ချောင်းဝ၊ လုံးစခန်း၊ ညောင်ပင် စတဲ့အထက်တန်းကျောင်းတွေအပြင် အင်းတော်–ဝှေခါကားလမ်းပိုင်းက ရွာတွေနဲ့အင်းတော်ကြီးကန်အနောက်ဘက်ပိုင်းကကျေးရွာစာသင်ကျောင်းတွေအားလုံးပိတ်ထားရတာကြောင့် စုစုပေါင်းကျောင်းပေါင်း ၃၅ ကျောင်းအထက်ရှိတယ်လို့သိရပါတယ်။ အင်းတော်ကြီးဒေသမှာ အခြေခံးပညာကျောင်းတွေကို ပြီးခဲ့တဲ့ ဇွန်လ ၂၃ ရက်နေ့ နောက်ပိုင်း စကပြီးပိတ်ထားရကြတယ်လို့သိရပြီး ခုလိုစစ်ရေးတင်းမာနေတာကြောင့် ကျေးရွာအများက ဒေသခံတွေလည်းထွက်ပြေးတိမ်းရှောင်နေကြတယ်လို့ ဒေသခံ အမျိုးသားတစ်ဦးကပြောပါတယ်။ “လောလောဆယ်က နန့်မွန်းကနည်းနည်းတင်းမာသလိုဖြစ်နေတာ အခြေအနေက နည်းနည်းမလှဘူး ပြောင်းခိုင်းတာတော့မရှိပါဘူးကြောက်လို့ပြောင်းကြတာတော့ရှိတယ် သူတို့(စစ်ကောင်စီစစ်သား)တွေရှိတဲ့အခါကြတော့ပြောင်းကြတာပေါ့ ရွာအတိအကျတော့မသိဘူးအင်းအနောက်ဘက်ကတော့ ရွာ၂၀ ကျော်လောက်ရှိမယ် ရွာလုံးကျွတ်တိမ်းတာမျိုးတော့မဟုတ်ဘူး”လို့သူကပြောပါတယ်။ အင်းတော်ကြီးဒေသထဲက နန့်မွန်း၊ လုံးတုံ၊ ချောင်းဝ၊ဝှေလုံ၊…

Read More »

ဂါလိုင်ရွာက စာသင်ကျောင်းကို TNLA က ချိတ်ပိတ်လိုက်ပြီး ဆရာ၊မတွေကိုလည်း ကျောင်းကနေမောင်းထုတ်ထား

ကွတ်ခိုင်မြို့နယ် ဂါလိုင်(Galeng Jawng)ကျေးရွာမှာဖွင့်ထားတဲ့ စာသင်ကျောင်းကို TNLA လက်နက်ကိုင်တပ်ဖွဲ့က ပိတ်ပေးလိုက်ပြီး ကျောင်းမှာနေတဲ့ ဆရာ၊ဆရာမတွေကိုလည်းမောင်းထုတ်လိုက်တယ်လို့ ကျောင်းတာဝန်ရှိသူတွေဆီကနေ သိရပါတယ်။ ဇွန် ၂၃ ရက်နေ့ မနေ့ည ၉ နာရီခွဲအချိန်လောက်မှာ တအာင်းလွတ်မြောက်ရေးတပ်မတော် TNLA တပ်ဖွဲ့တွေဟာ အင်အားအလုံးအရင်းနဲ့ ကျောင်းကိုရောက်လာပြီး  ကျောင်းဝင်းထဲရှိနေတဲ့ဆရာ၊ဆရာမတွေကို မောင်းထုတ်ခဲ့သလို စာသင်ခန်းအားလုံးကိုလည်း သစ်သားပြားတွေနဲ့ချိတ်ပိတ်ပေးလိုက်တယ်လို့  ကျောင်းတာဝန်ရှိသူတစ်ဦးက Kachin News Group(KNG) ကချင်သတင်းဌာနကို ပြောပါတယ်။ “မနေ့ညက သူတို့က အင်အားနဲ့လာပြီး ကျောင်းထဲနေတဲ့ ဆရာ၊ဆရာမတွေကိုမောင်းထုတ်လိုက်တယ်။ သူတို့က ဆရာ၊ဆရာမတွေကို ဖမ်းခေါ်သွားဖို့တောင် လုပ်တယ်။ ဒါပေမဲ့ ဆရာမတွေက ကလေးအငယ်တွေနဲ့ ဘာနဲ့ဆိုတော့ အပြင်ကိုပဲ မောင်းထုတ်ထားလိုက်တာ။ ပြီးတော့ ကျောင်းစာသင်ခန်း အားလုံး သစ်ပြားတွေနဲ့ ရိုက်ပြီးပိတ်လိုက်တယ်။ ကျောင်းရှေ့က အလံကိုလည်း ဖြုတ်သိမ်းသွားတယ်။” လို့ ဂါလိုင်ကျေးရွာ အလယ်တန်းကျောင်းတာဝန်ရှိသူတစ်ဦးက ပြောပါတယ်။ တအာင်းလွတ်မြောက်ရေးတပ်မတော် TNLA တပ်ဖွဲ့က ကား ၃ စီး၊ အင်အား ၄၀ ခန့်နဲ့ စာသင်ကျောင်းထဲရောက်လာကာ ကျောင်းဝင်းထဲနေတဲ့ ဆရာ၊ဆရာမ မိသားစု ၃ စုလုံးကို ကျောင်းထဲကနေ မောင်းထုတ်လိုက်ပြီး ကျောင်းတံခါးအားလုံးပိတ်ကာ ကျောင်းရှေ့လွှင့်ထူထားတဲ့ ကချင်အမျိုးသားအလံကိုလည်းဖြုတ်သိမ်းသွားတယ်လို့ ဆိုပါတယ်။ ဂါလိုင်အလယ်တန်းကျောင်းမှာ TNLA တပ်ဖွဲ့ဝင်တွေက အစကတည်းကနေရာယူတပ်စွဲထားတာဖြစ်ပြီး ဇွန်လ ၂၃ ရက်ည ကျောင်းကိုပိတ်ပေးလိုက်ပြီးနောက်မှာတော့ ကျောင်းဝင်းထဲ TNLA မရှိတော့ဘူးလို့ ဒေသခံတွေက ပြောပါတယ်။ ဇွန် ၂၄ ဒီမနက်မှာတော့ ကျောင်းသား၊ကျောင်းသူများအားလုံး ကျောင်းခန်းထဲမဝင်နိုင်ပဲ ကျောင်းဘောလုံးကွင်းမှာပဲစုနေကြရပြီး ကျောင်းတာဝန်ရှိသူတွေနဲ့ TNLA တပ်ဖွဲ့ကကျောင်းနဲ့ပတ်သက်ပြီး ညှိနှိုင်းတွေ့ဆုံတာတွေလုပ်ဆောင်ဖို့ ပြင်ဆင်နေတယ်လို့လည်း သိရပါတယ်။ “ကျနော်တို့က ဒီကျောင်းကို အရင်းကတည်းက ဖွင့်နေပြီးသားဖြစ်တယ်။ ဒါပေမဲ့ သူတို့ပြောတာက အရင်ကဖွင့်တာ သူတို့နဲ့မဆိုင်ဘူးတဲ့။ အခု ကွတ်ခိုင်ကိုသူတို့သိမ်းထားတာဖြစ်တာကြောင့် သူတို့အောက်မှာရှိရမယ်တဲ့။ ဘာပဲလုပ်လုပ် သူတို့ထံ ညှိနှိုင်းတိုင်ပင်ရမယ်တဲ့။ ကျနော်တို့ ပြောချင်တာက ဒီကျောင်းက အရင်ကတည်းက KIO အစိုးရအောက်ဖွင့်လှစ်နေပြီးသား ကျောင်းဖြစ်တယ်။ ဒါကြောင့် ကျနော်တို့ ကျောင်းတာဝန်ရှိသူတွေ ဘာမှဆုံးဖြတ်ပိုင်ခွင့်မရှိဘူး။ KIO အစိုးရနဲ့ပဲဆိုင်တယ်။ ” လို့ ကျောင်းတာဝန်ခံက ဆက်ပြောပါတယ်။   ဂါလိုင်ရွာက စာသင်ကျောင်းကို TNLA တပ်ဖွဲ့ က ခွင့်ပြုချက်နဲ့အတူ ၎င်းတို့ချပေးတဲ့စည်းမျဉ်းစည်းကမ်းတွေကို လိုက်နာနိုင်မှကျောင်းဖွင့်ခွင့်ပေးရမယ်ဆိုတဲ့အကြောင်းနဲ့ TNLA ထံ ခွင့်တောင်း၊ ညှိနှိုင်းခြင်းမရှိပါက ဂါလိုင်ကျောင်းကို ဇွန်လ ၁၀ ရက်နေ့နောက်ဆုံးထား ကျောင်းပိတ်လိုက်ဖို့ ပြီးခဲ့တဲ့ ဇွန်လ ၈ ရက်နေ့မှာ  TNLA တပ်က ကျောင်းသက်ဆိုင်သူတွေထံ စာပို့ထားတာဖြစ်ပါတယ်။ စာပို့ခဲ့ပြီးနောက် ဇွန်လ ၁၂ ရက်နေ့လောက်မှာ TNLA တပ်ဖွဲ့က ကျောင်းဝင်းထဲရောက်လာပြီး  ကျောင်းသားစာရင်း ၊ကျောင်းဆရာ၊ဆရာမ စာရင်းနဲ့ ကျောင်းကော်မတီဝင်တွေနဲ့ နာမည်စာရင်းတွေရဲ့ နေရပ်လိပ်စာ၊ ဓါတ်ပုံတွေပေးရန် လာရောက်တောင်းဆိုတာတွေရှိခဲ့ပေမယ့် ကျောင်းဆရာ၊ဆရာမတွေကတော့ မပေးခဲ့ဘူးလို့ ဆိုပါတယ်။ လက်ရှိ တအာင်းလွတ်မြောက်တပ်မတော် TNLA ဟာ နမ့်ဖတ်ကာကျေးရွာမှာ TNLA ကျောင်းဖွင့်ဖို့ KIA ကို ခွင့်တောင်းခဲ့သလို ကွတ်ခိုင်ကိုလည်း TNLA က သိမ်းထားတာကြောင့် TNLA ဆီ ခွင့်တောင်းရမယ်ဆိုတဲ့သဘောနဲ့ အကြပ်ကိုင်နေတယ်လို့ ကျောင်းတာဝန်ရှိသူတွေက ပြောပါတယ်။။ နမ့်ဖတ်ကာကျေးရွာမှာ TNLAအောက် TLEC ကျောင်း ၃ ကျောင်း စတင်ဖွင့်လှစ်ဖို့ TNLA က KIA ထံခွင့်တောင်းခဲ့ပြီး  KIA ရဲ့ခွင့်ပြုချက်နဲ့ ကျောင်း ၂ ကျောင်းဖွင့်လှစ်နေပြီဖြစ်ပါတယ်။ ဒေသခံတွေပြောပြချက်အရ TNLA က အကြပ်ကိုင်နေပေမယ့် ဂါလိုင်ဇွပ်အောင်ကျေးရွာဟာ အရင်ကတည်းက အစိုရလက်လှမ်းမမှီတဲ့နေရာတစ်ခုဖြစ်သလို  KIO တပ်မဟာ ၄ နယ်မြေ ဖြစ်တာကြောင့် KIO အစိုးရအောက် စာသင်ကျောင်းအဖြစ် ဖွင့်လှစ်နေခဲ့တာလို့ ပြောပါတယ်။ လက်ရှိ ကွတ်ခိုင်မြို့ပြင် ဂါလိုင်ကျေးရွာ အလယ်တန်းကျောင်းမှာ ကျောင်းသားပေါင်း ၂၀၀ ကျော်၊ ဆရာ၊ဆရာမ ၂၀ ခန့်နဲ့ ပညာသင်ကြားနေတာဖြစ်ပါတယ်။ “ဒီနယ်မြေဟာ ဘယ်သူပစ်ယူထားတာပဲဆိုပါစေ ပညာရေးဟာ စစ်ရေး၊နိုင်ငံရေးလုပ်နေတာမဟုတ်ဘူး။ ကလေးတွေရဲ့ ရှေ့ရေးအတွက်ပဲ ကြိုးပမ်းနေကြတာဖြစ်တာကြောင့် ဘယ်သူပဲ အုပ်စိုးပါစေ ကျောင်းဖွင့်နေတာကိုတော့  အနှောက်အယှက်မပေးပဲ ကျောင်းဖွင့်ခွင့်ပေးထားပြီး လိုအပ်တာတွေကို အချင်းချင်း ညှိနှိုင်းဆွေးနွေးရင်းနဲ့ပဲ ကျောင်းဆက်လက်ဖွင့်လှစ်နိုင်ရေးအတွက် ဝိုင်းဝန်းကြိုးစားပေးစေချင်တယ်။” လို့ ဂါလိုင်ကျေးရွာ ကျောင်းတာဝန်ရှိသူတစ်ဦးက ပြောပါတယ်။ တစ်ဖက်မှာ တအာင်းပညာရေးကောင်စီ Ta’ang Land Education…

Read More »

ဖားကန့်ဒေသ KIO ဖွင့်လှစ်ထားတဲ့ ကျောင်းတွေမှာ ကျောင်းဆရာ၊ ဆရာမ လုံလောက်မှုမရှိဖြစ်နေ

ဖားကန့်မြို့နယ်ထဲ ကချင်လွတ်လပ်ရေးတပ်မတော် KIA တပ် သိမ်းပိုက်ထားပြီဖြစ်တဲ့ ကျေးရွာနေရာတွေမှာ စာသင်ကျောင်းတွေဖွင့်လှစ်ထားပေမယ့် စာသင်ကြားပေးမယ့် ဆရာ/ဆရာမ လုံလောက်မှုမရှိတဲ့ အခက်အခဲဖြစ်နေတယ်လို့ သိရပါတယ်။ ပြီးခဲ့တဲ့ ဖေဖော်ဝါရီကနေ ဖားကန့်သွားလမ်း နန့်ယား၊ နမ်တိန့်နဲ့ ဟောင်ပါးအုပ်စု တာမခံကျေးရွာတွေကို KIA…

Read More »

ကန်မိန်းမှာ အထက်တန်ကျောင်းဖွင့်ဖို့ KIA နဲ့ကိုးကန့်တပ်ညှိနှိုင်းနေဆဲ

ရှမ်းပြည်နယ်မြောက်ပိုင်း ကန်မိန်းကျေးရွာမှာရှိတဲ့ အထက်တန်းကျောင်းဖွင့်နိုင်ဖို့  ကချင်လွတ်လပ်ရေးတပ်မတော် KIA နဲ့ ကိုးကန့်တပ် MNDAA တပ်တို့အကြား ညှိနှိုင်းနေဆဲဖြစ်တယ်လို့ ကန်မိန်းဒေသခံတွေကပြောပါတယ်။ ဇွန်လ ၁၁ ရက်နေ့ ကန်မိန်းကျေးရွာမှာရှိတဲ့ အခြေခံပညာအထက်တန်းကျောင်းကို KIO/ KIA အစိုးရအောက်ဖွင့်ဖို့ ပြင်ဆင်နေချိန် ကိုးကန့်တပ်တွေရောက်လာပြီး ကန်မိန်းအထက်တန်းကျောင်းကို ကိုးကန့်လက်အောက်မှာသာဖွင့်ဖို့ လာရောက်တားမြစ်ခဲ့တာလို့ သိရပါတယ်။ အဲဒီနောက် ဇွန်လ ၁၂ ရက်နေ့ကစပြီး  ရပ်ကျေးတာဝန်ခံတွေအပါအဝင် KIO/KIA ဘက်က မြို့နယ်အဆင့်အုပ်ချုပ်ရေးအဖွဲ့နဲ့ ကိုးကန့်တပ်တို့အကြား ဆွေးနွေးညှိနှိုင်းတာတွေလုပ်ခဲ့ပေမယ့် နှစ်ဖက်တပ်တို့အကြား ဆုံးဖြတ်ချက်မချနိုင်တာကြောင့် မြို့နယ်အဆင့်ကနေ ဌာနချုပ်ကိုတင်ပြထားဆဲဖြစ်တယ်လို့ ဒေသခံတစ်ဦးက KNG ကို ခုလိုပြောပါတယ်။ “ဟိုနေ့က နှစ်ဖက်ညှိနှိုင်းကြတာ မြို့နယ်အဆင့်အနေနဲ့အဆင်မပြေလို့ ဌာနချုပ်ကိုတင်ပြထားတဲ့အခြေနေဖြစ်တယ်။ လောလောဆယ်တော့ ကျောင်းလည်းမဖွင့်သေးဘူး နှစ်ဖက်စလုံးညှိနှိုင်းနေတဲ့အခြေနေဘဲမို့”လို့ပြောပါတယ်။ ကန်မိန်းကျေးရွာဟာ လားရှိုးကနေ မိုင်အားဖြင့် ၂၀၀ ဝန်းကျင်ဝေးတဲ့နေရာမှာရှိပြီး အိမ်ခြေ ၇၀၀ ဝန်းကျင်ရှိတဲ့ရွာဖြစ်ကာ ကချင်၊ရှမ်း၊တရုတ်လူမျိုးတွေနေထိုင်ကြတဲ့ရွာဖြစ်ပြီး အထက်တန်းကျောင်းဖွင့်လာတာဟာ ခေတ်အဆက်ဆက်ရှိခဲ့ပြီလို့ ဒေသခံတွေက ဆိုပါတယ်။ ဒါပေမယ့် ၁၀၂၇ စစ်ဆင်ရေးအပြီးနောက်ပိုင်း ကချင်လူမျိုးတွေအများစုနေထိုင်တဲ့ဘက်ကို KIO/KIA အောက် အုပ်ချုပ်ရေးယန္တာရားနဲ့အုပ်ချုပ်နေပြီး တရုတ်အများစုနေထိုင်တဲ့ဘက်မှာတော့ ကိုးကန့်တပ်က အုပ်ချုပ်နေကာ ရှမ်းလူမျိုးအများစုကိုတော့ ကိုးကန့်တပ်ထဲ တပ်သားလုပ်ခိုင်းပြီး ကိုးကန့်ဘက်အုပ်ချုပ်နေတာ ဖြစ်ပါတယ်။ တရုတ်အများစုနေထိုင်တဲ့ဘက်မှာ တရုတ်စာသင်ကျောင်း အလယ်တန်းအထိသင်ကြားနေတာဖြစ်ပြီး KIO/ KIA အုပ်ချုပ်တဲ့ဘက်မှာတော့ အထက်တန်းကျောင်းရှိတယ်လို့ဒေသခံတွေကပြောပါတယ်။ အဲဒီ အထက်တန်းကျောင်းကို KIO/KIA နဲ့ NUG ချိတ်ဆက်ပြီး ကျောင်းဆရာ၊ဆရာမ ၁၀ ဦးခန့်ထားတဲ့အပြင် ကျေးရွာအတွင်း နဂိုရှိရင်းစွဲ CDM ဆရာမတွေနဲ့သင်ကြားဖို့ပြင်ဆင်နေတာဖြစ်ပါတယ်။ သို့သော် ဇွန်လ ၁၁ ရက်နေ့မှာတော့ ကိုးကန့်  MNDAA တပ်ဟာ ကချင်၊ရှမ်းတွေနေထိုင်တဲ့ဘက်က အထက်တန်းကျောင်းကိုလည်း ကိုးကန့်လက်အောက်မှာသာဖွင့်ဖို့  ကြိုးပမ်းလာပြီး ကျောင်းတက်ဖို့ရောက်ရှိလာတဲ့ ကျောင်းသား၊သူတွေကိုလည်း စာသင်ခွင့်ပိတ်ပင်ခဲ့တယ်လို့ ကန်မိန်းဒေသခံတစ်ဦးက ခုလိုပြောတယ်။ “သူတို့က တရုတ်စာရောသင်မယ် သူတို့လက်အောက်မှာဘဲ ရှိရမယ်ဆိုတဲ့ပုံစံလုပ်နေတာ မနေ့ကတောင် ကိုးကန့်တပ်က ကျောင်းဆရာ၊မ ၉ ယောက်ကိုခေါ်လာတယ်”လို့ ပြောပါတယ်။ လက်ရှိ ကန်မိန်းအထက်တန်းကျောင်းမှာ  NUG ခန့်ထားတဲ့ ပညာရေးဝန်ထမ်း ၁၀ ဦး၊ ကိုးကန့်ဘက်က ခေါ်လာတဲ့ပညာရေးဝန်ထမ်း ၉ ဦး အပြင် ရှိရင်းစွဲ CDM ဆရာ၊မတွေရှိတယ်လို့ သိရပြီး ကျောင်းမဖွင့်သေးပေမယ့် နှစ်ဖက်စလုံးက ပညာရေးဝန်ထမ်းတွေအဆင်သင့်ရှိနေပြီလို့ သိရပါတယ်။  ကန်မိန်းမှာရှိတဲ့ ကချင်လူထုအားလုံးကတော့ ကန်မိန်းအထက်တန်းကျောင်းကို  NUG နဲ့သေချာချိတ်ဆက်ပြီး ကလေးတွေကို သင်ရိုးညွှန်းတန်းတွေနဲ့အညီ ကောင်းမွန်စွာစာသင်ယူစေချင်တယ်လို့ ဒေသခံအမျိုးသားတစ်ဦးက ခုလိုပြောပါတယ်။ “ကျနော်တို့ကတော့ ဖြစ်နိုင်ရင် KIA နဲ့ NUG ချိတ်ပြီးသင်စေချင်တယ် ခုကိုးကန့်က အဓိကစာသင်ပေးဖို့ထက် သူတို့နေရာဦးထားချင်တဲ့သဘောဘဲ သူတို့ခေါ်လာတဲ့ကျောင်းဆရာ၊မတွေလည်း သင်ကြားရေးအပိုင်းကျွမ်းကျင်တဲ့သူတွေပါတာမတွေ့ရဘူး။ ကိုးကန့်တပ်က စာလည်းသေချာသင်ပေးနိုင်မှာမဟုတ်ဘူး ကြားမှာ ကလေးတွေ ကြားညှပ်တယ်”လို့ ပြောပါတယ်။ ကန်မိန်းရွာမှာ အာဏာမသိမ်းခင် ၁၂ တန်းအထိ သင်ကြားတာဖြစ်ပေမယ့် ဒီနှစ်မှာတော့ ၉ တန်းအထိသာ သင်ကြားပေးဖို့ စီစဉ်နေတာကြောင့် အထက်တန်းကျောင်းသား၊သူတွေဟာ လားရှိုးဘက်ကိုပြောင်းရွှေ့သွားကြတာရှိပြီး  ငွေကြေးမတတ်နိုင်တဲ့သူတွေက ကျောင်းဆက်မတက်ရမယ့်အခြေနေနဲ့ရင်ဆိုင်နေကြရတယ်လို့ ကျောင်းသားမိဘတွေက ပြောပါတယ်။ ဒါကြောင့် ဒေသခံတောင်းဆိုတာကတော့ ကန်မိန်းအထက်တန်းကျောင်းကို KIA နဲ့ NUG အောက်မှာသာ ဖွင့်စေချင်ပြီး ကျောင်းအမြန်ဆုံးဖွင့်ပေးကြဖို့ကိုလည်း မျှော်လင့်နေကြပါတယ်။ By – CJ

Read More »