ကာမိုင်း
-
Apr- 2024 -12 Aprilသတင်း
ကားမိုင်းမှာ အမျိုးသားတစ်ဦးကို ပြည်သူ့စစ်အဖွဲ့ ပစ်သတ်ထား
ဖားကန့်မြို့နယ် ကားမိုင်းမြို့ လမောင်ကထောင်(Lamawng Kahtawng)ရွာအဝင်မှာ စစ်တပ်လက်အောက်ခံပြည်သူ့စစ်အဖွဲ့က ကချင်အမျိုးသားတစ်ဦးကို ဧပြီလ ၁၁ ရက်နေ့ ည ၇ နာရီလောက်မှာပစ်သတ်ခံရတယ်လို့ ဒေသခံတွေက ပြောပါတယ်။ ပစ်သတ်ခံရတဲ့ အသက် ၄၃ နှစ်ရွယ် ဦးဂျန်မော်တူးအောင်ဆိုသူဟာ လယ်ခင်းကိုသွားတဲ့ လမ်းခုလပ်မှာ ပြည်သူ့စစ်အဖွဲ့တွေက ဖမ်းဆီးပြီးပစ်သတ်ပေးလိုက်တာဖြစ်တယ်လို့ မိသားစုနဲ့ နီးတဲ့ ကားမိုင်းဒေသခံအမျိုးသားတစ်ဦးက KNG ကိုပြောပါတယ်။ “မနေ့ည ၇ နာရီလောက်မှာ အိမ်ကနေ လယ်ခင်းကိုထွက်သွားတာ လမ်းမှာဖမ်းဆီးသွားတာထင်တယ်။ ပြည်သူ့စစ်ဂိတ်နားမှာ ပစ်သတ်ထားတယ်။ ပစ်သတ်ထားတာတောင် ထိုင်ထားခိုင်းပြီးပစ်သတ်ထားတာ။ သေနတ်ဒဏ်ရာ ၅ နေရာတွေ့တယ်”လို့ပြောပါတယ်။ ဦးဂျန်မော်တူးအောင်ရဲ့ကိုယ်ပေါ် သေနတ်ဒဏ်ရာ ၅ နေရာလောက်တွေ့ရတဲ့အပြင် ခြေထောက်တစ်ဖက်နဲ့ လည်ပင်းနေရာတွေမှာသေနတ်ကျည်ပွင့်ထွက်သွားတဲ့ဒဏ်ရာတွေနဲ့သေဆုံးနေပြီး ရုပ်အလောင်းကို မိသားစုတွေကဒီနေ့မှာသွားရောက်ကောက်ယူခဲ့တယ်လို့ ဆိုပါတယ်။ ပစ်သတ်ခံရတဲ့ ဖြစ်စဉ်နဲ့ ပတ်သက်ပြီးတော့ ကားမိုင်းဒေသခံအမျိုးသားက အခုလို ဆက်ပြောပါတယ်။ “ကားမိုင်းမှာက ည ၆ နာရီနောက်ဆိုသွားလာခွင့်ပိတ်ထားတာတော့ဟုတ်တယ်။ ဒါပေမယ့် သူက ဂိတ်နေရာဘက်ကနေ သွားတာမဟုတ်ဘူး။ တခြားလမ်းကနေ သူရဲ့ အခင်းကိုသွားတာ။ ကြည့်ရသလောက်က ဖမ်းဆီးသွားတာက ရွာအနီးမှာ ဖမ်းဆီးသွားပြီး ပြည်သူ့စစ်ဂိတ်အနီးမှာ ပစ်သတ်ထားတာဟုတ်တယ်။ ဖမ်းသွားတာက ရွာကလူတွေလည်း တွေ့လိုက်တယ်လို့ပြောတယ်”လို့ပြောပါတယ်။ ဦးဂျန်မော်တူးအောင်ဟာ လမောင်ကထောင်ကျေးရွာအဝင်ကားမိုင်းပြည်သူ့စစ်ဂိတ်နားမှာ ပစ်သတ်ခံထားရတာဖြစ်ပြီး ဒေသခံပြည်သူတွေရဲ့ ပြောဆိုချက်အရ ညအချိန်သွားလာတာကြောင့် KIA နဲ့ ဆက်နွယ်ပတ်သက်မှုရှိတယ်လို့ယူဆပြီး ပစ်သတ်ခံရတာဖြစ်နိုင်တယ်လို့ သိရပါတယ်။ ကားမိုင်းမြို့မှာ ည ၆ နာနရီနောက်ပိုင်း မြို့တွင်း မြို့ပြင် ဒေသခံပြည်သူတွေကို သွားလာခွင့်ကန့်သတ်ထားတယ်လို့ လည်း သိရပါတယ်။ ကားမိုင်းမြို့ဟာ မြစ်ကြီးနား၊ မိုးကောင်းမြို့နယ်ဘက်ကနေ ဖားကန့်ကိုတက်သွားတဲ့လမ်းမပေါ်မှာရှိတဲ့ မြို့တစ်ခုဖြစ်ပြီးတော့ ဒီရက်ပိုင်းအတွင်း မြို့တွင်းတိုက်ပွဲဖြစ်လာမှာကိုစိုးရိမ်တဲ့အတွက် စစ်ကောင်စီတပ်နဲ့ ပြည်သူ့စစ်အဖွဲ့တွေက လုံခြုံရေးတင်းကြပ်ထားတာလည်းဖြစ်ပါတယ်။ ကားမိုင်းမြို့ပေါ်မှာ ပြီးခဲ့တဲ့ နှစ်ဆန်းပိုင်းလောက်ကနေ မြို့သိမ်းတိုက်ပွဲဆင်နွှဲတော့မယ်လို့ သတင်းတွေထွက်ပေါ်နေတဲ့ နောက်ပိုင်း ဒေသခံပြည်သူတွေကားမိုင်းမြို့တွင်းထဲကနေ ယာယီတိမ်းရှောင်နေကြတာတွေလည်း ရှိနေပါတယ်။ ဒါ့အပြင် ဧပြီလ ၁၁ ရက်နေ့မှာလည်း ကားမိုင်းမြို့ကနေ ဖားကန့်ကို တက်သွားတဲ့ လမ်းကြောင်းပေါ်နန့်ယားစစ်ကောင်စီတပ်စခန်းကို KIA ပူးပေါင်းတပ်တွေက တိုက်ခိုက်သိမ်းပိုက်လိုက်တာဖြစ်ပါတယ်။ ဒါကြောင့် လက်ရှိမှာ မြစ်ကြီးနားဘက်ကနေ ဖားကန့်ကို တက်လာတဲ့လမ်းကြောင်းပေါ်မှာ ကားမိုင်းဗျူဟာကုန်း တစ်ခုသာ ကျန်ရှိနေတော့တာကြောင့် ကားမိုင်းမှာ တိုက်ပွဲဖြစ်ပွားလာမှာကို ဒေသခံတွေကပြောဆိုနေကြပါတယ်။ By – နော်ထွယ့်(ဟူးကောင့်)
Read More » -
Mar- 2024 -14 Marchသတင်း
ကားမိုင်းမြို့အဝင်အထွက်အားလုံး စစ်တပ်ကပိတ်ဆို့ထား
ဖားကန့်သွားလမ်း ကားမိုင်းမြို့မှာ ဒေသခံပြည်သူတွေက တိုက်ပွဲဖြစ်ပွားလာမှာကို စိုးရိမ်တဲ့အတွက် ဘေးလွတ်တဲ့နေရာကို ထွက်ပြေးတိမ်းရှောင်ကြဖို့ စီစဉ်နေချိန် စစ်တက်က မြို့အဝင်အထွက်အားလုံးကို ပိတ်လိုက်ပြီဖြစ်တယ်လို့ သိရပါတယ်။ ကားမိုင်းမြို့မှာ ပြီးခဲ့တဲ့ ရက်ပိုင်းအတွင်းကနေ ကချင်လွတ်လပ်ရေးတပ်မတော် KIA က ကားစစ်တပ်ဗျူဟာကုန်းကို ရှင်းလင်းဆောင်ရွက်မယ်လို့…
Read More » -
Feb- 2024 -13 Februaryသတင်း
ယာယီစစ်ရှောင်စခန်းနဲ့ နေထိုင်ဖို့ပြင်ဆင်နေတဲ့ မအူပင်စစ်ရှောင်တွေ အကူအညီလိုအပ်နေ
“အစားအသောက်တွေလည်း လိုအပ်ပါတယ်။ အခုအရေးတကြီးလိုအပ်နေတာက ဆေးဝါးတွေလည်းဖြစ်တယ်။ ဒီမှာနေတာ တစ်ပတ်လောက်ရှိလာပြီ ဖျားနာတဲ့သူတွေ အရမ်းများလာတယ်။ ပြီးရင် ခြင်ထောင်တွေလည်း လိုအပ်တယ်။ နောက်ပြီး အဝတ်အထည်တွေလည်း လိုအပ်ပါတယ်”လို့ပြောပြပါတယ်။
Read More » -
9 Februaryဆောင်းပါး
မအူပင်ရွာ ဘာကြောင့် မီးရှို့ဖျက်ဆီးခံရသလဲ
ဖားကန့်မြို့နယ်ထဲက အရေးပါတဲ့ တပ်စခန်းတွေကို လက်လွှတ်ဆုံးရှုံးလိုက်ရပြီးနောက် အခုလို ကချင်အများစုနေထိုင်တဲ့ ကျေးရွာတွေကို မီးရှို့ခဲ့တာလို့ မအူပင်ဒေသခံ အမျိုးသားက KNG ကို ပြောဆိုပါတယ်။
Read More » -
7 Februaryသတင်း
မအူပင်ကျေးရွာတစ်ခုလုံး မီးရှို့ဖျက်ဆီးခံရ
ဖားကန့်သွားလမ်း ကားမိုင်းအထက်မှာရှိတဲ့ မအူပင်ကျေးရွာကို စစ်ကောင်စီတပ်နဲ့ ပြည်သူ့စစ်တွေပူးပေါင်းတပ်တွေ အင်အားအလုံးအရင်းနဲ့ ဝင်ရောက်လာပြီး ရွားလုံးကျွတ်မီးရှို့ဖျက်ဆီးပေးလိုက်တယ်လို့ ဒေသခံတွေဆီကနေ သိရပါတယ်။ ရှဒူးဇွပ် ခလရ ၂၉၇ တပ်ရင်းနဲ့ မင်းဇေသန့် ဦးဆောင်တဲ့ ပြည်သူ့စစ်တပ်ဖွဲ့တွေနဲ့ ပူးပေါင်းပြီး ဖေဖော်ဝါရီလ ၇…
Read More » -
Jan- 2024 -22 Januaryသတင်း
ကားမိုင်းဗျူဟာကုန်းကနေ ပစ်လိုက်တဲ့ လက်နက်ကြီးကြောင့် လဝါးဒေသခံတစ်ဦး ပြင်းထန်ဒဏ်ရာရ
ဖားကန့်သွားလမ်း ကားမိုင်းမြို့မှာ စစ်ကောင်စီပစ်ခတ်လိုက်တဲ့ လက်နက်ကြီးထိမှန်ခဲ့တာကြောင့် လဝါးဒေသခံ အမျိုးသားတစ်ယောက် ပြင်းထန်ဒဏ်ရာရရှိခဲ့တယ်လို့ ဒေသခံတွေကပြောပါတယ်။ လက်နက်ကြီးထိမှန်ခဲ့တဲ့သူဟာ အသက် ၅၀ နှစ်အရွယ် ဦးအင်ခွန်ဇော်လွန်(N-hkum Zau Lawn) ဆိုသူဖြစ်ပြီးတော့ လဝါးကနေ ကားမိုင်းဘက်ကို လာတဲ့လမ်းတစ်ဝက်မှာ ကားမိုင်းဗျူဟာကုန်းကနေ…
Read More » -
Oct- 2023 -24 Octoberသတင်း
ကားမိုင်း ပြည်သူ့စစ်ဂိတ် ၂ နေရာမှာ ကားသမားတွေဆီက ခြိမ်းခြောက်ငွေတောင်းခံနေ
ဖားကန့်သွားလမ်းမပေါ်မှာရှိတဲ့ ကားမိုင်းမြို့မှာ စစ်ကောင်စီလက်အောက်ခံ ပြည်သူ့စစ်တပ်ဖွဲ့တွေက ဂိတ်နေရာတွေ ထပ်တိုးချဲ့ထားပြီး ကားသမားတွေကို ခြိမ်းခြောက်ငွေတောင်းခံနေတာကြောင့် ကားသမားများ သွားလာရေးအခက်အခဲဖြစ်နေတယ်လို့ သိရပါတယ်။ ပြည်သူ့စစ်တပ်ဖွဲ့တွေဟာ ကားမိုင်းမြို့ ကောင်ရာရပ်ကွက်မှာရှိတဲ့ စာသင်ကျောင်းအနီး ရွာခန်းမဆောင်နဲ့ ကားမိုင်းမြို့အဝင် အရင်စုပေါင်းဂိတ် စတဲ့ ၂ နေရာမှာ ပြီးခဲ့ ဩဂုတ်လ လောက်ကနေ ဂိတ်စခန်းအသစ်တွေ ထပ်မံတိုးချဲ့ထားပြီး ငွေကြေးကောက်ခံနေတာလို့ ကားသမားတွေကပြောပါတယ်။…
Read More » -
Sep- 2023 -20 Septemberသတင်း
ရွာခန်းမဆောင်မှာတပ်စွဲနေတဲ့ ပြည်သူ့စစ်တပ်ဖွဲ့များ ဒရုန်းနဲ့တိုက်ခိုက်ခံရ
ကချင်ပြည်နယ် ကားမိုင်းမြို့ ကောင်ရာရပ်ကွက်မှာရှိတဲ့ ရွာခန်းမဆောင်မှာ လာရောက်တပ်စွဲနေထိုင်ထားတဲ့ စစ်ကောင်စီလက်အောက်ခံ ပြည်သူ့စစ်အဖွဲ့ကို ကချင်လွတ်လပ်ရေးတပ်မတော် KIA နဲ့ PDF အဖွဲ့က ဒီနေ့ မနက် ၁၁ နာရီလောက်မှာ ဒရုန်းနဲ့သွားရောက်တိုက်ခိုက်ခဲ့တယ်လို့ ကားမိုင်းဒေသခံတွေဆီကနေ သိရပါတယ်။ အင်အား ၅၀ လောက်ရှိတဲ့ ပြည်သူ့စစ်တပ်ဖွဲ့တွေဟာ စက်တင်ဘာလ ၁၅ ရက်နေ့ကတည်းကနေ ကောင်ရာရပ်ကွက်…
Read More » -
Aug- 2023 -22 Augustသတင်း
ကားမိုင်းကျေးရွာဒေသခံ ၅ ဦးကို စစ်ကောင်စီစစ်ကြောင်းက ဖမ်းဆီးခေါ်ဆောင်သွား
ဖားကန့်မြို့နယ် ကားမိုင်းမြို့က ဒေသခံအမျိုးသား ၅ ဦးကို စစ်ကောင်စီစစ်ကြောင်းက ဒီနေ့ မနက်အစောပိုင်း ၂ နာရီလောက်မှာ လူသားဒိုင်းအနေနဲ့ ဖမ်းဆီးခေါ်ဆောင်သွားတယ်လို့ ဒေသခံတွေဆီကနေ သိရပါတယ်။ အင်အား ၁၀၀ လောက်ရှိတဲ့ စစ်ကောင်စီစစ်ကြောင်းဟာ ဒေသခံနေအိမ်အထိ ဝင်ရောက်ဖမ်းဆီးသွားပြီး…
Read More » -
22 Augustတိုက်ပွဲ
ကားမိုင်းအထွက် ကျောက်ထုရွာမှာ စစ်ကောင်စီစစ်ကြောင်း တိုက်ခိုက်ခံရ
ကားမိုင်းကနေ ဖားကန့်လမ်းအတိုင်းတက်လာတဲ့ စစ်ကောင်စီတပ်ဖွဲ့က ကားမိုင်းမြို့အထွက် ကျောက်ထုကျေးရွာ အနားမှာ ကချင်လွတ်လပ်ရေးတပ်မတော် KIA တပ်နဲ့ အပြန်အလှန် တိုက်ပွဲပြင်းထန်နေတယ်လို့ ဒေသခံတွေဆီကနေ သိရပါတယ်။ စစ်အင်အား ၁၀၀ ကျော်လောက်ရှိတဲ့ စစ်ကောင်စီတပ်ဖွဲ့ဟာ ဒီကနေ့ မနက် ၉ နာရီလောက်မှာ ကားမိုင်းမြိို့က နေ ဖားကန့်ဘက်ကို ထွက်လာအချိန်မှာပဲ ကျောက်ထုကျေးရွာအရောက် ကချင်လွတ်လပ်ရေးတပ်မတော် KIA က စောင့်ကြိုတိုက်ခိုက်ခဲ့တယ်လို့ KIA နဲ့ နီးစပ်တဲ့ ဒေသခံတစ်ယောက်က ပြောပါတယ်။ “စစ်ကောင်စီစစ်သားတွေက ကားမိုင်းကနေ ထွက်လာတဲ့အချိန် လမ်းတစ်လျှောက်ကြောက်လို့ လက်နက်ငယ်တွေ ပစ်ပြီးတက်လာကြတာဟုတ်တယ်။ မအူပင်လည်း ကျော်သွားပြီး ကျောက်ထုနားရောက်တော့ ကျနော်တို့ဘက်က စောင့်နေတာ အဲ့မှာပစ်ကြတာဟုတ်တယ်။ အခု ၁၁ နာရီခွဲလောက်အထိ လက်နက်သံတွေက ဆက်တိုက်ကြားနေတာဖြစ်တယ်”ပြောပါတယ်။ နှစ်ဖက်တပ် အပြန်အလှန်ဖြစ်ပွားတဲ့ တိုက်ပွဲမှာ စစ်ကောင်စီဘက်ကနေ ထိခိုက်သေဆုံးမှုရှိပြီး ထိခိုက်ဒဏ်ရာရရှိသူများကို ကားမိုင်းဘက်ကို သယ်ဆောင်သွားတာတွေရှိတယ်လို့ ဒေသခံတွေကပြောပါတယ်။ ဒါပေမယ့် ၂ ဖက်တပ် ထိခိုက်သေဆုံးမှုနဲ့ ပတ်သက်ပြီးတော့ KNG အနေနဲ့ အတည်ပြုနိုင်တာမရှိသေးပါဘူး။ လက်ရှိ စစ်ကောင်စီတပ်နဲ့ KIA တပ်ဖွဲ့ကြားမှာ တိုက်ပွဲဖြစ်ပွားနေတဲ့အတွက် ဖားကန့်လမ်းတစ်လျှောက်မှာရှိကြတဲ့ ဆိုင်းဖရာ၊ ဂတ်နွယ်၊တံတားညီနောင်နဲ့ ခွမ်စိုင်ဇွပ်ဒေသခံပြည်သူတွေက ထွက်ပြေးတိမ်းရှောင်ဖို့ ပြင်ဆင်နေကြတယ်လို့ သတင်းအရင်းအမြစ်ကပြောပါတယ်။ ဒါပေမယ့် အဲ့ဒီ ကျေးရွာတွေမရောက်မှီ နန့်ယားစစ်တပ်ဂိတ်မှာ စစ်ကောင်စီတပ်က အသွားအလာ အားလုံးပိတ်ဆို့ထားတဲ့အတွက် ထွက်လို့မရပဲ ကျေးရွာထဲမှာသာ ပုန်းရှောင်နေကြတယ်လို့ သိရပါတယ်။ အဲဒီစစ်ကောင်စီတပ်ဟာ ဩဂုတ်လ ၁၇ ရက်နေ့ မိုးကောင်းမြို့နယ်ဘက်ကနေ ဖားကန့်ဘက်ကို စစ်ကား ၃ စီးနဲ့တက်လာတဲ့ စစ်ကြောင်းဖြစ်ပြီး ဒီနေ့မနက် ကားမိုင်းကနေ ပြန်လည်ထွက်ခွာလာတဲ့အချိန် တိုက်ခိုက်ခံရတာဖြစ်ပါတယ်။ ဒါ့အပြင် အဲဒီစစ်ကောင်စီတပ်ဖွဲ့တွေဟာ ဆိုင်းဖရာ၊ ဂတ်နွယ်၊ တံတားညီနောင်နဲ့ ခွမ်စိုင်ဇွပ် စတဲ့ကျေးရွာတွေမှာ တပ်ချဖို့တက်လာတဲ့အဖွဲ့ဖြစ်တယ်လို့သိရပြီး စစ်ကြောင်းတက်လာတဲ့ တစ်လျှောက်မှာ လူသားဒိုင်းအဖြစ် ဖမ်းဆီးခံရတဲ့ ဒေသခံပြည်သူတွေလည်းရှိနေတယ်လို့ သိရပါတယ်။
Read More »
