ကောင်ကထောင်
-
Dec- 2024 -17 Decemberသတင်း
ပူတာအိုမြို့မှာ ဆိုင်ကယ်လမ်းကြုံခေါ်တင်ရာကနေ ဆိုင်ကယ်လုယက်မှုဖြစ်
ကချင်ပြည််နယ် ပူတာအိုမြို့ ကောင်ကထောင်ရပ်ကွက်မှာ အမျိုးသားတစ်ဦးကို ဆိုင်ကယ်လမ်းကြုံခေါ်တင်ရာကနေ ဆိုင်ကယ်လုယက်မှုဖြစ်ခဲ့တယ်လို့ ပူတာအိုဒေသခံတွေဆီကနေ သိရပါတယ်။ ဒီဇင်ဘာလ ၁၅ ရက်နေ့ ည ၉ နာရီဝန်းကျင် ကောင်ကထောင်ရပ်ကွက် စားသောက်ဆိုင်ကနေ နေအိမ်ပြန်လာတဲ့အမျိုးသားတစ်ဦး လမ်းခုလတ်တစ်နေရာမှာ လမ်းလျှောက်နေတဲ့ အမျိုးသားတစ်ဦးကို လမ်းကြုံတင်လာရာကနေ လမ်းခုလတ်တစ်နေရာ ဓာတ်ခုတ်ခံရပြီး ဆိုင်ကယ်၊လက်ကိုင်ဖုန်းနဲ့ငွေသားလုယက်ခံလိုက်ရတယ်လို့ ကောင်ကထောင်ရပ်ကွက်နေအမျိုးသမီးတစ်ဦး KNG ကိုပြောပါတယ်။ “ဓားခုတ်ခံရတဲ့တစ်ယောက်က လူလတ်ပိုင်းအရွယ်ပဲ လုံးစွတ်ကနေ စားသောက်ဆိုင်ထိုင်ပြီး ကောင်ကထောင်ဘက်ကိုအလာ ည ၉ နာရီမှာ ဖြစ်သွားတာ သူလမ်းကြုံတင်လာတဲ့လူက လမ်းတစ်ဝက်ရောက်တော့ ဓားနဲ့ရွယ်ပြီးဆင်းခိုင်းတာ ဆိုင်ကယ်လည်းရပ်ကောဓားနဲ့ခုတ်ပြီးပါတာအကုန်လုပြီးမောင်းပြေးသွားတာတဲ့”လို့ ပြောပါတယ်။ ဓားခုတ်လုယက်ခံရသူဟာ အသက် ၃၀ ခန့်အရွယ် အမည်(စုံစမ်းဆဲ) ဖြစ်ပြီး ဦးခေါင်းဓားခုတ်ရာတစ်ချက်၊ လက်မောင်းဓားခုတ်ရာတစ်ချက်ခုတ်ခံရပြီး ပြင်းထန်ဒဏ်ရာရရှိသွားတာကြောင့် ပူတာအိုပြည်သူ့ဆေးရုံကြီးမှာ ဆေးကုသမှုခံယူနေရတယ်လို့သိရပါတယ်။ “သူက ဓားခုတ်ခံရတော့ အော်ပြီးတော့ဒီဘက်ကုန်းပေါ်(ကောင်ကထောင်)ဘက်ကိုပြေးတက်လာတာ လူတွေထွက်ကြည့်တော့သူကသွေးတွေနဲ့သတိလစ်နေပြီချက်ချင်းဆေးရုံတင်ပေးလိုက်ကြတယ်”လို့ နောက်ထပ် ပူတာအိုမြို့ဒေသခံအမျိုးသမီးတစ်ဦး ကဆက်ပြောပါတယ်။ အခင်းဖြစ်ပွားသွားတဲ့နေရာဟာ ကောင်ကထောင်ရပ်ကွက်နဲ့ လုံးစွတ်ရပ်ကွက်ကြားရှိ အစိုးရ စိုက်ပျိုးခြံ လူပြတ်တဲ့နေရာမှာဖြစ်ပွားခဲ့တာလို့ သိရပြီး ဒီနှစ်အတွင်း လုယက်မှု၊ ခိုးမှုတွေပိုစိပ်လာတယ်လို့ လေယာဥ်ကွင်းရပ်ကွက်နေအမျိုးသားတစ်ဦးက ပြောပါတယ်။ ဒေသခံတွေပြောပြချက်အရ ပူတာအိုဒေသမှာ ခုနောက်ပိုင်း လူစည်ကားတဲ့ စည်ပင်စျေး၊ စားသောက်ဆိုင်တွေမှာ ဆိုင်ကယ်ခိုးခံရတာတွေမကြာခနဖြစ်ပွားတတ်ပြီး ကျေးရွာတွေဘက် အိမ်မွေးတိရိစ္ဆာန်ခိုးယူခံရတဲဲ့ထိ အခြေနေဆိုးရွားနေတယ်လို့သိရပါတယ်။ ပူတာအိုမြို့မှာ ပြီးခဲ့တဲ့ နိုဝင်ဘာလကလည်း ဇမ္ဗူရာဇ်ရွှေဆိုင်ပိုင်ရှင်ကားခုယက်ခံလိုက်ရပြီး ရွှေသုံးပိဿနဲ့ငွေသားတွေလုယက်ခံလိုက်ရပြီး စုစုပေါင်း ကျပ်သိန်းသုံးသောင်းကျော်ဆုံးရှုံးမှုဖြစ်ခဲ့တယ်လို့သိရပါတယ်။ မြန်မာနိုင်ငံမှာ စစ်တပ်က အာဏာသိမ်းလိုက်တဲ့နောက်ပိုင်း ငွေကြေးဖောင်းပွမှု၊ကုန်စျေးနှုန်းမြင့်တက်မှု၊အလုပ်အကိုင်ရှားပါးမှုတွေကြောင့် နေရာတိုင်းလိုလိုခိုးဆိုးလုယက်မှုတွေဟာ ပိုပြီးဆိုးရွားလာနေတာလည်းဖြစ်ပါတယ်။ By – Zaw Zaw
Read More » -
Mar- 2024 -20 Marchသတင်း
ပူတာအိုမှာ ဆိုင်ကယ် ၂ စီးတိုက်မိလို့ ခရစ်ယာန်ဓမ္မဆရာတစ်ဦးသေဆုံး
ပူတာအိုမြို့တွင်းမှာ ဆိုင်ကယ်အချင်းချင်းတိုက်မိရာကနေ ခရစ်ယာန် ဓမ္မဆရာတစ်ဦး သေဆုံးသွားတယ်လို့သိရပါတယ်။ မြို့တွင်းရပ်ဖြစ်တဲ့ ကောင်ကထောင်ရပ်ကွက်နဲ့ ဟိုခိုအောက်ချိုင့်ရပ်ကွက်ကြားမှာ မတ်လ ၁၈ ရက်နေ့ မွန်းလွဲပိုင်းမှာ ဆိုင်ကယ်နှစ်စီးတိုက်မှုဖြစ်ပွားခဲ့ပြီး အဲ့ဖြစ်စဥ်ကြောင့် AG အသင်းတော်ဆရာတစ်ဦး သေဆုံးခဲ့တယ်လို့ ပူတာအိုမြို့နေ အမျိုးသားတစ်ဦးက KNGကိုပြောပါတယ်။…
Read More » -
Oct- 2023 -10 Octoberသတင်း
ပူတာအိုမှာ ဆယ်ကျော်သက် မိန်းကလေး တစ်ဦးကားတိုက်ခံရပြီး သေဆုံး
ကချင်ပြည်နယ် ပူတာအိုမြို့ လုံးစွတ်ရပ်ကွက်နဲ့ ကောင်ကထောင်ရပ်ကွက်ကြားမှာ အမျိုးသမီးငယ်တစ်ဦး ဆိုင်ကယ်စီးနင်လာတဲ့အချိန် ကားနဲ့ဝင်တိုက်သွားတာကြောင့် သေဆုံးသွားတယ်လို့သိရပါတယ်။ မနေ့က ည ၆နာရီခွဲအချိန် လုံးစွတ်နဲ့ ကောင်ကထောင်ရပ်ကွက်ကြား လုံးစွတ်ရပ်ကွက်ထဲက ကုန်းဆင်း(ဒေသအခေါ်ပန်းခြံကုန်းဆင်း)နေရာ မှာဆိုင်ကယ်စီးနင်လာတဲ့ အသက် ၁၇ နှစ်ခန့်အရွယ်ရှိတဲ့ မိန်းခလေးငယ်တစ်ဦးကို…
Read More »
