ဖားကန့်
-
Jul- 2025 -31 Julyသတင်း
ဖားကန့်မှာလက်နက်ကြီးကျလို့ မိခင်ဖြစ်သူသေဆုံး၊ ကလေးငယ် ၂ ဦးဒဏ်ရာပြင်းထန်
ကချင်ပြည်နယ် ဖားကန့်မြို့ လုံးခင်းအုပ်စုမှာ မနေ့ညက လက်နက်ကြီးကျရောက်ပေါက်ကွဲလို့ အသက် ၃၇နှစ်အရွယ် ကလေးနှစ်ယောက်ရဲ့ မိခင်သေဆုံးခဲ့ရပါတယ်။ လုံးခင်းကျေးရွာအုပ်စု မှော်စီစာကျေးရွာအပိုင်ဖြူစင်ကုန်းက နေအိမ်တချို့ပေါ်ကျရောက်ပေါက်ကွဲခဲ့တာဖြစ်ပြီး အသက် ၁၅ နှစ်အရွယ်သမီးဖြစ်သူရဲ့လက်လည်းဖြတ်လိုက်ရသလို ၁၃ နှစ်အရွယ်သားဖြစ်သူကတော့ အပြင်းအထန်ဒဏ်ရာရရှိခဲ့တယ်လို့သိရပါတယ်။ ဖြစ်စဥ်ကတော့ မနေ့ကညပိုင်း…
Read More » -
25 Julyသတင်း
ဖားကန့်ကို ထိန်းချုပ်နိုင်ဖို့ စစ်ကောင်စီတပ် လေကြောင်းအပြင် မြေပြင်လမ်းပိုင်းပိတ်ဆို့မှုအပြင်းအထန်လုပ်ဆောင်နေ
ပြီးခဲ့တဲ့ ဧပြီလ ၂၃ ရက်ကစလို့ စစ်ကောင်စီတပ်ဟာ ဖားကန့်ဒေသတစ်ခုလုံးကိုပြန်လည်ထိန်းချုပ်နိုင်ဖို့အတွက် မြေပြင်စစ်ကြောင်းအပြင် ဝေဟင်လေကြောင်းအကူနဲ့အဆက် မပြတ် ဗုံးကြဲတိုက်ခိုက်ပြီး တန်ပြန်ထိုးစစ်ဆင်နေတာ ခုဆိုနှစ်လကျော်ဝန်းကျင်ရှိလာပြီဖြစ်ပါတယ်။
Read More » -
21 Julyသတင်း
ဖားကန့်မှာ မြေစာပြိုကျလို့ ရေမဆေးသမား နှစ်ဦးသေဆုံး
ဖားကန့်မှာ ကျောက်စိမ်းလုပ်ကွက်တစ်ခု မြေစာပြိုကျလို့ ကျောက်ရှာဖွေတဲ့ရေမဆေးသမား ၂ ဦးသေဆုံးသွားတယ်လို့ ဖားကန့်မှာနေထိုင်သူတွေဆီကနေ သိရပါတယ်။ ဇူလိုင်လ ၂၁ ရက် မနက် ၁၀ နာရီဝန်းကျင် မှော်စီစာကျေးရွာ၊သာယာကုန်းအောက်နားမှာရှိတဲ့ (ဒေသအခေါ်)စိန်စိန်လုပ်ကွက်ဟောင်းမှာ ရေမဆေးသမားနှစ်ဦး လက်ကျင်းတူးနေချိန် ခေါင်းပေါင်းမြေစာပြိုကျခဲ့တာဖြစ်တယ်လို့ ဖားကန့်မှာနေထိုင်သူတွေပြောပါတယ်။ …
Read More » -
16 Julyသတင်း
ဖားကန့်မှာ စစ်တပ်က လေကြောင်းနဲ့ ဆက်တိုက်ဗုံးကြဲတိုက်ခိုက်နေ
ဖားကန့်မှာ စစ်ကောင်စီတပ်က ထိုးစစ်ဆင်တိုက်ခိုက်နေတဲ့ကျေးရွာအနီးတဝိုက်ကို လေကြောင်းပစ်ကူနဲ့ ဗုံးကြဲတိုက်ခိုက်သွားတယ်လို့ သိရပါတယ်။ ဇူလိုင်လ ၁၆ ရက်နေ့ နေ့လည်ပိုင်း ၁၂ နာရီဝန်းကျင်မှာ စစ်ကောင်စီတပ် ဂျက်လေယာဉ်တစ်စီးနဲ့ မှော်ဝမ်းကလေး၊ မှော်ဝမ်းကြီ နဲ့ ဆွတ်ငိုင်ယန်ကျေးရွာအနီးတဝိုက်ကို ဗုံးလာကြဲသွားတယ်လို့ ဖားကန့်ဒေသခံ အမျိုးသားတစ်ဦး KNG ကို ပြောပါတယ်။ “ဗုံး ၂ ကြိမ်လာကြဲသွားတယ်။ ဖားကန့် စုပေါင်း သင်္ချိုင်းနေရာတစ်ဝိုက် မှော်စတင် သင်္ချိုင်းရဲ့ အောက်ဘက်ခြမ်းမှာ ကျကွဲတယ်တဲ့။ မှော်ဝမ်းကလေး၊ မှော်ဝမ်းကြီး ၊ ဆွတ်ငိုင်ယန် အဲ့ဒီကျေးရွာ ၃ ခုဆုံတဲ့ နေရာကို လာကြဲသွားတာ”လို့ပြောပါတယ်။ ဗုံးကြဲတိုက်ခိုက်ခံရမှုကြောင့် ထိခိုက်ပျက်စီးမှုရှိမရှိ အခြေအနေကို အသေးစိတ်စုံစမ်းနေဆဲဖြစ်ပါတယ်။ စစ်ကောင်စီတပ်တွေက မနေ့က မနက်ပိုင်း ၁၁ နာရီဝန်းကျင်အချိန်မှာလည်း စစ်ကြောင်းထိုးနေတဲ့ မော်မောလယန် ဘက်ကို ဂျက်လေယာဉ်နဲ့ နှစ်ကြိမ်ထက်မနည်း ဗုံးကြဲတိုက်ခိုက်သွားတာဖြစ်ပါတယ်။ လေကြောင်းတိုက်ခိုက်ပြီးနောက် ဖားကန့် ဗျူဟာကုန်းဘက်ကနေ စစ်ကြောင်းထိုးလာတဲ့ စစ်ကြောင်းတွေ မှော်ဝမ်းကလေး ဘုရားဝင်းအတွင်းနေရာယူထားတဲ့ စစ်ကြောင်းတွေကို KIA နဲ့ တော်လှန်တပ်ဖွဲ့တွေ ဒရုန်းနဲ့ သွားရောက်ပစ်ခတ်ခဲ့တယ်လို့ သိရပါတယ်။ KIA ရဲ့ ပစ်ခတ်ခံရမှုမှာ စစ်ကောင်စီတပ်ဘက်က ၆ ဦးသေဆုံးခဲ့တယ်လို့ KIA ရှေ့တန်းသတင်းအရင်းအမြစ် တစ်ဦးကပြောပါတယ်။ “မှော်ဝမ်းကလေး ဘုရားကျောင်းမှာ ရှိနေတဲ့ စစ်ကြောင်းတွေကို KIA ဘက်က ၁၂၀ မမ ရှိတဲ့ ဒရုန်းနဲ့ သွားပစ်ခဲ့တယ်။ အဲထဲမှာ ၆ ယောက်သေတယ်၊ ၇ ယောက်က ဒဏ်ရာသွားတယ်။ နောက်ပြီး မှော်ဝမ်းကလေးကျေးရွာ တဝိုက်မှာပဲ စစ်ကောင်စီတပ်တွေရဲ့ သေဆုံးနေတဲ့ ရုပ်အလောင်း ၁၉ လောင်းကောက်ရတယ်”လို့ပြောပါတယ်။ ယခုရက်ပိုင်းအတွင်း စစ်ကောင်စီတပ်တွေ မော်မောဘွမ့်၊ လမောင်ကုန်း တောင်းကုန်းနေရာတွေကို ဦးတည်ပြီး စစ်ကြောင်းထိုးနေတဲ့အတွက် KIA နဲ့ တော်လှန်ရေးတပ်ဖွဲ့ရဲ့ ပိတ်ဆို့တိုက်ခိုက်ခံရမှုကြောင့် သေဆုံးသွားတဲ့ ရုပ်အလောင်း ၁၉ လောင်းအထိ KIA ဘက်က ကောက်ယူရခဲ့တယ်လို့ ဆိုပါတယ်။ ဖားကန့်ဒေသမှာ လက်လွတ်လိုက်ရတဲ့ နေရာတွေကို ပြန်ရဖို့ စစ်ကောင်စီတပ်တွေ စစ်အင်အားအလုံးအရင်းနဲ့ စစ်မျက်နှာ နှစ်ခုနဲ့ စစ်ကြောင်းထိုး တိုက်ခိုက်နေတာဖြစ်ပါတယ်။ ဖားကန့် ဗျူဟာကုန်းရဲ့ ညာဘက်ခြမ်းမှာရှိတဲ့ ဆွတ်ဘွမ့်(အမှိုက်ပုံ) ကျေးရွာနဲ့ ဘယ်ဘက်ခြမ်းမှာရှိတဲ့ မော်မောလယန်၊ ရှရော်ခ ညောင်ပင်းကုန်း ကျေးရွာဘက် စစ်ကြောင်းထိုး တိုက်ခိုက်နေတာဖြစ်ပါတယ်။ လက်ရှိ စစ်ကောင်စီတပ်တွေ သိမ်းပိုက်ဖို့ ကြိုးပမ်းနေတဲ့ လမောင်ကုန်းနဲ့ မော်မောဘွမ့် တောင်ကုန်း နှစ်ခုဟာ ဖားကန့် ဗျူဟာကုန်းအတွက်အလွန်အရေးပါတဲ့ နေရာဖြစ်သလို ဖားကန့် မြို့တွင်း၊ မြို့ပြင် နေရာအားလုံးကို လှမ်းထောက်နိုင်တဲ့ နေရာတွေဖြစ်ပါတယ်။ ဖားကန့်တိုက်ပွဲ စစ်တပ်က ပြီးခဲ့တဲ့ ဇွန်လကတည်းက ဇူလိုင် ၁၀ ရက်ကျော်အထိ မြေပြင်စစ်ကြောင်းထိုး တိုက်ခိုက်တဲ့ အထိသာရှိခဲ့ပေမယ့် ဇူလိုင် ၁၅ ရက်နေ့ကစပြီး လေကြောင်းအသုံးပြုတိုက်ခိုက်လာတာလည်းဖြစ်ပါတယ်။ စစ်တပ်က ဖားကန့်ဒေသကို ထိန်ချုပ်နိုင်ဖို့ လေကြောင်းအသုံးပြုတိုက်ခိုက်လာတာကြောင့် ဖားကန့်ပြည်သူလူထုတွေဟာ စိုးရိမ်ထိပ်လန့်မှုတွေလည်းရှိနေပါတယ်။ လမောင်ကုန်းနဲ့ မော်မောဘွမ့်ဘက်ကို စစ်ကြောင်းထိုး ကြိုးပမ်းနေတဲ့ စစ်ကြောင်းတွေဟာ KIA နဲ့ တော်လှန်ရေးပူးပေါင်းတပ်တွေရဲ့ ပိတ်ဆို့ တိုက်ခိုက်ခံနေရတာကြောင့် ဆက်မတိုးနိုင်ဘဲ မော်မောလယန်၊ မှော်ဝမ်းကလေး၊ ဆွတ်ဘွမ့်(အမှိုက်ပုံ) ကျေးရွာတွေမှာ သောင်တင်နေဆဲဖြစ်ပါတယ်။ By – နော်ထွယ့်(ဟူးကောင့်)
Read More » -
16 Julyသတင်း
ကားမိုင်း – ဖားကန့်လမ်း KIA ပြန်လည်ဖွင့်ပေး
ကားမိုင်း – ဖားကန့်လမ်းကို ကချင်လွတ်လပ်ရေးတပ်မတော် KIA နဲ့ တော်လှန်ရေးတပ်ဖွဲ့တွေပိတ်ထားတဲ့ လမ်းပိုင်းနေရာတစ်ချို့ ရှင်းလင်းရေးဆောင်ရွက်ကာ ဒီကနေ့ ဇူလိုင် ၁၆ ရက်နေ့ကတင်ပြီး ပြန်လည်ဖွင့်လှစ်လိုက်ပြီလို့ သိရပါတယ်။ မြစ်ကြီးနား – မိုးကောင်းဘက်ကနေ ဖားကန့်ကိုတက်လို့ရတဲ့ ကားလမ်းမကြီးကို ပြီးခဲ့တဲ့ ဧပြီလကုန်ပိုင်း စစ်ကောင်စီတပ်တွေ စစ်ကြောင်းထိုးဝင်ရောက်လာကတည်းက စစ်ကောင်စီတပ်နဲ့ ကချင်လွတ်လပ်ရေးတပ်မတော် KIA တပ် နှစ်ဖက်စလုံးက လမ်းပိုင်းအားလုံးကို ပိတ်ဆို့ခဲ့တာဖြစ်ပါတယ်။ ဒါပေမယ့် KIA နဲ့ တော်လှန်ရေးတပ်ဖွဲ့တွေ ပိတ်ထားတဲ့ ကားမိုင်း– မအူပင်ကျေးရွာအကျော် အွမ်ကထောင်ကျေးရွာကနေ နန့်ယား၊ ဆိုင်းဖရာ၊ ခွန်စိုင်ဇွပ်၊ ကပ်မှော်၊ တံတားညီနောင်၊ နန့်တိန့် အနီးတဝိုက်အထိ လမ်းကြောင်းအားလုံးကို ဒီကနေ့က စတင်ပြီး ပြန်လည်ဖွင့်လှစ်ပေးလိုက်ပြီလို့ ဖားကန့်ဒေသခံ အမျိုးသားတစ်ဦးက KNG ကိုပြောပါတယ်။ “ကျနော်သိရသလောက်ဆို ဒီမနက်ကစပြီး လမ်းတွေဖွင့်ပြီ။ ကပ်မှော်၊ ဆိုင်းဖရာ တစ်ကြော တပ်ရင်း ၄၄ နေရာတဝိုက် မိုင်းရှင်းလင်းရေးတွေ လုပ်နေကြပြီ။ အထက်အမိန့်ကမနေ့ကရတယ်လို့ ကြားတယ်။ KIA ဘက်က ဂိတ်ထိုင်ပြီး အရမ်းကြီး စစ်ဆေးမေးမြန်းဖို့ အရမ်းကြီးတော့ လုပ်ဖို့ အနေအထားတော့မတွေ့ရဘူး။ အဓိကတော့ မှတ်ပုံတင်၊ ကိုယ်နေထိုင်တဲ့နေရာက အချက်အလက် ထောက်ခံစာပြရင် ရပြီလို့ထင်ပါတယ်”လို့ပြောပါတယ်။ ကားမိုင်း – ဖားကန့်လမ်းကို အသုံးပြုပြီး စစ်ကောင်စီတပ်တွေ စစ်ကြောင်းထိုးနေတာကြောင့် KIA နဲ့ စစ်ကောင်စီတပ်တွေကြား လမ်းပိုင်းတစ်လျှောက် စစ်ရေးတင်းမာမှုဖြစ်နေတာ တစ်လခန့်ကြာမြင့်လာပြီဖြစ်ပါတယ်။ ဒါ့အပြင် ဖားကန့်မြို့ထဲ ဆွတ်ဘွမ့်(အမှိုက်ပုံ) ၊ မော်မောလယန် နဲ့ ရှရော်ခ စတဲ့ ကျေးရွာတွေမှာ တိုက်ပွဲအရှိုန်မြင့်မားနေဆဲဖြစ်ပါတယ်။ အခုလို ဖားကန့်ဒေသထဲ စစ်ရေးတင်းမာနေဆဲဖြစ်တဲ့အချိန် KIA ဘက်က လမ်းပိုင်းဖြေလျှော့လိုက်တဲ့ ပတ်သက်ပြီး အသေးစိတ် မသိရသေးတာလည်းဖြစ်ပါတယ်။ ဖားကန့်မှာ တိုက်ပွဲစတင်ဖြစ်ပွားလာကတည်းက လဝါး – ကားမိုင်းကနေ မအူပင်အထိ ၊ နန့်တိန့် ကျေးရွာကနေ ဖားကန့်မြို့ဝင် ယမ်းချက်စက်ရုံနဲ့ လုံးခင်းကျေးရွာအထိ လမ်းပိုင်းအားလုံးကို စစ်ကောင်စီတပ်တွေ လမ်းပိုင်းထိန်းချုပ်ခဲ့တာဖြစ်ပါတယ်။ KIA နဲ့ တော်လှန်ရေးတပ်ဖွဲ့တွေက နန့်ယားကျေးရွာကနေ နန့်တိန့်အနီးတဝိုက်အထိ လမ်းပိုင်းထိန်းချုပ်ခဲ့တာဖြစ်ပါတယ်။ စစ်ကောင်စီတပ်တွေ ထိန်းချုပ်ခဲ့တဲ့ လမ်းပိုင်းနေရာတွေကို ပြီးခဲ့တဲ့ မေလကတည်းက ဖြေလျှော့ ထားတယ်လို့လည်း ဆက်သိရပါတယ်။ ဖားကန့်ဒေသထဲကို ကုန်စည်အဓိက စီးဆင်းနေတဲ့ ကားမိုင်း – ဖားကန့်လမ်းကို နှစ်ဖက်စစ်တပ်ရဲ့ ပိတ်ဆို့မှုတွေကြောင့် အင်းတော်ကြီး – ဂွေခါလမ်းတစ်ခုတည်းသာ ကုန်းကားအဝင်အထွက်ရှိနေခဲ့တာဖြစ်ပါတယ်။ ဒါပေမယ့် ယခုရက်ပိုင်းအတွင်းမှာ အင်းတော်ကြီး – ဖားကန့် ဂွေခါလမ်းပိုင်းမှာလည်း စစ်ကောင်စီတပ်၊ ရှမ်းနီ SNA ပူးပေါင်းတပ်တွေနဲ့ KIA တပ်တွေကြား တိုက်ပွဲဖြစ်နေတာဖြစ်ပါတယ်။ ဒါကြောင့် ကားမိုင်း – ဖားကန့်လမ်းကို ပြန်လည်အသုံးပြုဖို့ KIA ဘက်က ဖွင့်လိုက်တာဖြစ်နိုင်တယ်လို့ ပြည်သူတွေက သုံးသပ်နေကြပါတယ်။ By – နော်ထွယ့်(ဟူးကောင့်)
Read More » -
14 Julyသတင်း
ဖားကန့်တိုက်ပွဲပြင်းထန်နေဆဲဖြစ်ပြီး စစ်တပ်က ဂျက်လေယာဉ်နဲ့ ဗုံးကြဲတိုက်ခိုက်
ဖားကန့်မှာ စစ်ကောင်စီတပ် ဂျက်လေယာဉ်နဲ့ဗုံးကြဲတိုက်ခိုက်သွားတဲ့အတွက် မော်မောကုန်းကျေးရွာက စာသင်းကျောင်းထိခိုက်ပျက်စီးသွားသလို တိုက်ပွဲကြောင့်စစ်ကောင်စီတပ်ဘက်က ထိခိုက်သေဆုံးတာတွေလည်းရှိနေတယ်လို့ သိရပါတယ်။ ဇူလိုင်လ ၁၃ ရက်နေ့ ညနေပိုင်း ၅ နာရီခွဲဝန်းကျင်အချိန် မော်မောကုန်း စာသင်ကျောင်းနေရမှာ ဂျက်လေယာဉ်တစ်စီးနဲ့ ဗုံးနှစ်ကြိမ်ပစ်ခတ်သွားပြီး တပြိုင်နက် စစ်ကောင်စီတပ်တွေရှိတဲ့ မော်မောလယန်ဘုန်းကြီးကျောင်းနဲ့ မှော်ဝမ်းကလေး စာသင်ကျောင်း နှစ်နေရာကိုသွားရောက်တိုက်ခဲ့တယ်လို့ ဖားကန့်ဒေသခံ တစ်ဦးက KNG ကိုပြောပါတယ်။ “စစ်ကောင်စီတပ်ရဲ့ ရည်ရွယ်ချက်ကတော့ မော်မောဘွမ့်၊ လမောင်ကုန်း တောင်ကုန်းနေရာတွေကို ရဖို့လုပ်နေတယ်။ မနေ့ညနေလည်း လေယာဉ်နဲ့ လာကြဲနေတဲ့အချိန်ထဲမှာပဲ တော်လှန်ရေးတပ်ဖွဲ့တွေဘက်ကလည်း စစ်ကောင်စီတပ်ရဲ့ မော်မောလယန်က ဘုန်းကြီးကျောင်းထဲမှာ နေရာယူထားတဲ့အဖွဲ့၊ ပြီးတော့ မှော်ဝမ်းလေးစာသင်ကျောင်း ရှိတဲ့ စစ်ကောင်စီတပ်တွေကို သွားရောက် တိုက်ခိုက်တာတွေလုပ်ခဲ့တော့ ပစ်ခတ်မှုတွေရှိခဲ့တယ်။ တိုက်ပွဲက အပြန်အလှန် နာရီဝက်လောက်ဖြစ်ခဲ့ပါတယ်”လို့ပြောပါတယ်။ မော်မောလယန်နဲ့ မှော်ဝမ်းကလေး နှစ်နေရာမှာတပ်စွဲထားတဲ့ စစ်ကောင်စီတပ်ဖွဲ့တွေ တိုက်ခိုက်ခံရတာကြောင့် ထိခိုက်သေဆုံးမှုရှိခဲ့တယ်လို့ သိရပါတယ်။ ဒါ့အပြင် ပြီးခဲ့တဲ့ ဇွန်လကတည်းကနေ မော်မောဘွမ့်နဲ့ မမောင်ကုန်းနေရာကိုရယူဖို့ ဆွတ်ဘွမ့်(အမှိုက်ပုံ) နဲ့ မော်မောလယန် ကျေးရွာအနီးတဝိုက်မှာ ဇူလိုင် ၁၁ ရက်နေ့ကနေ ၁၃ ရက်နေ့အထိ သုံးရက်တာအတွင်းဖြစ်ခဲ့တဲ့တိုက်ပွဲမှာလည်း စစ်တပ်ဘက်က ၁၀ ဦးထက်မနည်း ထိခိုက်သေဆုံးမှုများခဲ့တယ်လို့လည်း ဆက်သိရပါတယ်။ ဇူလိုင်လ ၁၃ ရက် မနေ့က စစ်ကောင်စီတပ် လာရောက်ဗုံးကြဲတိုက်ခိုက်ခဲ့တဲ့ နောက် တိုက်ပွဲဧရိယာနယ်မြေတွေဖြစ်တဲ့ မော်မောလယန် နဲ့ ဆွတ်ဘွမ့်(အမှိုက်ပုံ) စတဲ့ နေရာတွေမှာ မနေ့ည ၉ နာရီဝန်းကျင်အထိ တိုက်ပွဲပြင်းထန်ခဲ့ပြီး ဒီကနေ့ မနက်ပိုင်းအထိ လက်နက်ကြီးတွေသံတွေ ကြားနေရဆဲဲဖြစ်တယ်လို့ ဖားကန့်ဒေသခံတွေ ပြောပါတယ်။ လက်ရှိ စစ်ကောင်စီတပ်ဟာ ဖားကန့် ဗျူဟာကုန်းကနေ လမ်းကြောင်းနှစ်ခုနဲ့ စစ်ကြောင်းထိုး တိုက်ခိုက်နေတဲ့အတွက် မှော်ဝမ်းကနေ ဆွတ်ဘွမ့်(အမှိုက်ပုံ) ၊ အင်မားယန် ကျေးရွာတဝိုက်နဲ့ ရှရော်ခ ညောင်ပင်ကုန်း၊ မော်မောလယန်ကျေးရွာ အနီးတဝိုက်မှာ တိုက်ပွဲဖြစ်နေတယ်လို့ သိရပါတယ်။ စစ်ကောင်စီတပ်တွေ မော်မောကုန်းကျေးရွားက စာသင်ကျောင်းကို ဗုံးကြဲတိုက်ခိုက်တာနဲ့ ပတ်သက်ပြီး KIA နဲ့ တော်လှန်ရေးတပ်ဖွဲ့တွေရှိနေတယ်လို့ယူဆပြီး တိုက်ခိုက်ခဲ့တာဖြစ်တယ်လို့ ဖားကန့်ပြည်သူတွေ သုံးသပ်နေကြပါတယ်။ မော်မောကုန်းကျေးရွာနေပြည်သူတွေဟာ ပြီးခဲ့တဲ့ ရက်ပိုင်းအတွင်းကနေ စစ်ကောင်စီတပ်နဲ့ KIA ပူးပေါင်းတပ်တွေကြား စစ်ရေးတင်းမာမှုဖြစ်ပွားခဲ့ပြီးနောက် စစ်ဘေးတိမ်းရှောင်ထားတာကြောင့် အရပ်သားပြည်သူတွေ ထိခိုက်သေဆုံးမှု မရှိခဲ့ဘူးလို့ ဆိုပါတယ်။ ဒါ့အပြင် စစ်ကောင်စီတပ်တွေဟာ မနေ့ည ၉ နာရီဝန်းကျင်အချိန်မှာ မှော်ဝမ်းကျေးရွာရှိ မူရင်းနှစ်ခြင်းအသင်း တော်ဘုရားကျောင်းဝင်းထဲမှာ စစ်အင်အားအလုံးအရင်း ဝင်ရောက်လာပြီး စစ်ဆေးမေးမြန်းတာတွေ လုပ်ဆောင်သွားတယ်လို့ ဆိုပါတယ်။ “အစပိုင်းတော့ စစ်ကြောင်းမှာပါတဲ့ တပ်သားတွေ သုံး၊ လေးယောက်နဲ့ ဖြည်းဖြည်းချင်းဝင်လာကြတယ်။ သူတို့ စစ်ဆေးမေးမြန်းတာတွေ လုပ်ချင်တယ်ပေါ့။ တာဝန်ရှိသူတွေနဲ့ တွေ့ချင်တယ်လို့အရင်ပြောတယ်။ ဘုရားကျောင်းထဲမှာ အမျိုးသား ဘယ်နှစ်ယောက်ရှိတာလဲမေးတယ်။ သော့ဖွင့်ထားတဲ့ရုံးခန်းတွေ အကုန်လုံးဝင်ကြည့်ကြတယ်။ သူတို့က ဒီတိုင်းလာစစ်မေးမြန်းတာလို့တော့ ပြောတယ်။ ဒါပေမယ့် ဘာမှတော့ လုပ်ဆောင်သွားတာမျိုးတော့မရှိဘူး”လို့ စစ်ဆေးခံရတဲ့ မှော်ဝမ်းမူရင်းနှစ်ခြင်းအသင်းတော်တာဝန်ရှိသူတွေနဲ့ နီးသူတစ်ဦးက ပြောပြပါတယ်။ ပြီးခဲ့တဲ့ ဇွန်လအတွင်းကနေ စစ်ကောင်စီတပ်တွေက လမောင်ကုန်းနဲ့ မော်မောဘွမ့်တောင်ကုန်းနေရာတွေကို သိမ်းပိုက်နိုင်ဖို့ရန်အတွက် ထိုးစစ်ဆင်တိုက်ခိုက်နေတာဖြစ်ပြီး ကချင်လွတ်လပ်ရေးတပ်မတော် KIA နဲ့ တော်လှန်ရေးပူးပေါင်းတပ်တွေက စစ်ကောင်စီတပ်တက်လာတဲ့ လမ်းကြောင်းတွေကို ပိတ်ဆို့တိုက်ခိုက်နေတာဖြစ်ပါတယ်။ စစ်ကြောင်းထိုးထားတဲ့ ဆွတ်ဘွမ့်(အမှိုက်ပုံ) နဲ့ မော်မောလယန် ကျေးရွာတွေမှာလည်း အရပ်သားပြည်သူတွေ အကြောင်းမဲ့ ပစ်သတ်ခံရတဲ့ ဖြစ်စဉ်တွေလည်း နေ့စဉ်ဖြစ်ပွားနေတာဖြစ်ပါတယ်။ ဇူလိုင်လ ၁၂ ရက်နေ့မှာ ဖားကန့်၊ မရှီကထောင်ရပ်ကွက် ရွှေမြန်မာ ရွှေဆိုင်ရှေ့ စစ်ကြောင်းသွားလာလှုပ်ရှားနေချိန် စစ်ကြောင်းမှာပါလာတဲ့ ယခင် ဆွတ်ဘွမ့်(အမှိုက်ပုံ) ကျေးရွာက ဥက္ကဋ္ဌဟောင်း မင်းစိုးဦး နဲ့ ဂွေခါ အုပ်ချုပ်ရေးမှူး ဦးဘရန်မွန်းဆိုသူ နှစ်ဦးပစ်သတ်ခံလိုက်ရတယ်လို့ သိရပါတယ်။…
Read More » -
10 Julyသတင်း
ဖားကန့်မှာ အချဉ်ပေါင်းသည်တစ်ဦး ပစ်သတ်ခံရ
ဖားကန့်မြို့နယ်၊ မှော်ဆီစာကျေးရွာရှိ Sky ဟော်တည်ရှေ့မှာ အချဉ် ပေါင်းသည်တစ်ဦး ပစ်သတ်ခံရတယ်လို့ ဖားကန့်ပြည်သူတွေ ပြောပါတယ်။ ဇူလိုင်လ ၁၀ ရက်နေ့ နေ့လည် တစ်နာရီဝန်းကျင်မှာ ပစ်သတ်ခံရတယ်လို့ သိရပေမယ့် သတ်ခံရတဲ့အကြောင်းရင်းကို သေချာမသိရဘူးလို့ ဖားကန့်ပြည်သူ အမျိုးသားတစ်ဦး…
Read More » -
9 Julyသတင်း
ဖားကန့်တိုက်ပွဲမှာ နှစ်ဖက်စစ်တပ်ရဲ့ပိတ်ဆို့မှုတွေကြား စစ်ရှောင်ပြည်သူတွေ အဖက်ဖက်ကကြပ်တည်းလာ
ဖားကန့်မှာ စစ်ကောင်စီတပ်နဲ့ ကချင်လွတ်လပ်ရေးတပ်မတော် KIA ပူးပေါင်းတပ်ကြား တိုက်ပွဲပြင်းထန်နေတဲ့အတွက် တိုက်ပွဲဧရိယာအတွင်းနေထိုင်တဲ့ ကျေးရွာ ၁၀ ရွာခန့်က ထောင်နဲ့ချီတဲ့ စစ်ရှောင်တွေဟာ နှစ်ဖက်လက်နက်ကိုင်တပ်ဖွဲ့ရဲ့ လမ်းပိုင်းပိတ်ဆို့ထားမှုတွေကြောင့် အစားအသောက်အကူညီတွေ လိုအပ်နေတယ်လို့ သိရပါတယ်။ ဇူလိုင်လ ၄ ရက်နေ့ကနေစတင်ပြီး ဖားကန့်ဗျူဟာကုန်းနဲ့ အနီးကပ်ဆုံး ရှရော်ခ(Sharaw Hka) ညောင်ပင်ကုန်း၊ မော်မောလယန်နဲ့ ဆွတ်ဘွမ့်(အမှိုက်ပုံ)ကျေးရွာ စတဲ့ စစ်မျက်နှာ ၃ နေရာမှာ တိုက်ပွဲဖြစ်နေတာကြောင့် ရှရော်ခ၊ ဆွတ်ရာ(ကျောက်ဖြူ) ၊ မှော်ဝမ်းကလေး၊ မော်မောလယန်၊ ဆွတ်ဘွမ့်(အမှိုက်ပုံ) ၊ ဆိုင်းကြိုင်၊ မှော်ဝမ်းကလေး၊ ဆွတ်ငိုင်ယန်၊ အင်းမိုင်းယန် စတဲ့ ကျေးရွာတွေက ပြည်သူတွေ စစ်ဘေးတိမ်းရှောင်နေရတာဖြစ်ပါတယ်။ “လက်ရှိမှာက ဆွတ်ဘွမ့်(အမှိုက်ပုံ) ၊ မှော်ဝမ်းကြီး၊ မှော်ဝမ်းကလေး၊ ဆွတ်ငိုင်ယန်၊ အင်းမိုင်းယန် ဒီကျေးရွာတွေကတော့ လောလောဆယ် အလောတကြီး ပြေးနေရတာပေါ့။ အဲဒီကျေးရွာတွေက စစ်ကြောင်းတိုက်ရိုက်ထိုးနေတော့ မရှောင်လို့လည်း မရတော့ဘူး။ တစ်ချို့ပြည်သူတွေက တိုက်ရိုက်ကြီး စစ်ကြောင်းထိုးတာမရှိပေမယ့် လက်နက်ကြီး အပြန်အလှန် ပစ်ခတ်မှုကြောင့် လက်နက်ကြီးကျတာတွေဖြစ်တော့ မရှောင်ချင်ဘဲ ရှောင်ကြရတာတွေရှိနေတယ်။ ဖားကန့် ဘာသာရေးဘုန်းကြီးကျောင်းနဲ့ ဘုရားကျောင်းတွေမှာဆိုရင် စစ်ရှောင်တွေ ပြည့်လျှံနေကြပြီ။ အခုချိန်မှာဆို အဓိကတော့ အစားအသောက်ပိုပြီးခက်ခဲတယ်လေ။ လောလောဆယ်က သက်ဆိုင်ရာ အဖွဲ့အစည်းတွေကနေပဲ ရသလောက်လုပ်ပေးနေတာပေါ့”လို့ဖားကန့်ဒေသခံအမျိုးသားတစ်ဦးက ပြောပါတယ်။ တိုက်ပွဲကြောင့် ထွက်ပြေးတိမ်းရှောင်လာတဲ့ စစ်ရှောင်ပြည်သူတွေဟာ လက်ရှိ တိုက်ပွဲနေရာမဟုတ်တဲ့ ဖားကန့်မြို့နဲ့ ဆိုင်းတောင်၊ လုံးခင်းကျေးရွာရှိ ဘုန်းကြီးကျောင်း၊ ကချင်နှစ်ခြင်းခရစ်ယာန် KBC ၊ ကက်သလစ် RC နဲ့ ဆွေမျိုးအိမ်တွေမှာ ခက်ခက်ခဲခဲတိမ်းရှောင်နေကြတယ်လို့သိရပြီး ဒီစစ်ဘေးရှောင်ပြည်သူတွေကို ဖားကန့်ဒေသက အရပ်ဖက်လူမှုကူညီရေးအဖွဲ့စည်းနဲ့ သက်ဆိုင်ရာ ဘာသာရေးကျောင်းအသီးသီးက တာဝန်ရှိသူတွေရဲ့ ကြီးကြပ်မှုအောက်မှာ သွားနေတယ်လို့ ဆိုပါတယ်။ သို့သော် ဘုန်းကြီးကျောင်းနဲ့ ဘုရားကျောင်းဝင်းနေရာတွေမှာ စစ်ရှောင်ပြည့်လျှံသွားတဲ့အတွက် နေရာအခက်အခဲကြောင့် စစ်ရှောင်တစ်ချို့က သစ်ပင်အောက်တွေမှာ မိုးကာတဲထိုးကာ တိမ်းရှောင်နေကြတယ်လို့သိရပါတယ်။ ဇူလိုင်လ ၄ ရက်နေ့ကစတင်ပြီး တိုက်ပွဲကြောင့် စစ်ဘေးတိမ်းရှောင်ကြတဲ့ ရှရော်ခ၊ ဆွတ်ရာ(ကျောက်ဖြူ) မှော်ဝမ်းကလေး၊ မော်မောလယန်၊ ဆွတ်ဘွမ့်(အမှိုက်ပုံ)၊ ဆိုင်းကြိုင် စတဲ့ ကျေးရွာ ၇ ရွာထဲကနေ ကချင်နှစ်ခြင်းခရစ်ယာန်အသင်းတော် KBC ရဲ့ လက်အောက်မှာ စစ်ရှောင်ပြည်သူ စုစုပေါင်း အိမ်ထောင်စု ၂၀၄ ခု၊ လူဦးရေ ၇၀၀ ကျော်အထိရှိတယ်လို့ စစ်ရှောင်တာဝန်ခံတွေဆီကနေ သိရပါတယ်။ ဒါပေမယ့် KBC လက်အောက်ထဲမှာ ပြီးခဲ့တဲ့ မေလအတွင်း ကားမိုင်း – ဖားကန့်လမ်း စစ်ကောင်စီတပ် ပထမအကြိမ် စစ်ကြောင်း စတင်ဝင်ရောက်လာချိန်ကတည်းက နန့်ယား၊ ဆိုင်းဖရာ၊ ခွန်စိုင်ဇွပ်၊ တံတားညီနောင်၊ ကပ်မှော်၊ ပျားအုံး စတဲ့ ကျေးရွာတွေထဲကနေ စစ်ရှောင်ပြည်သူတစ်ချို့ ဖားကန့် ဘက်ကို ထွက်ပြေးတိမ်းရှောင်လာတာကြောင့် လက်ရှိ စစ်ရှောင်ပြည်သူ ၁၄၀၀ ကျော်အထိရှိနေပါတယ်။ အဲဒီစစ်ရှောင်ပြည်သူတွေဟာ ကားမိုင်း – ဖားကန့် လမ်းဘက်ကို စစ်ကောင်စီတပ် စစ်ကြောင်းထိုး ဝင်ရောက်နေဆဲဖြစ်တဲ့အတွက် နေရပ်ပြန်နိုင်ခြင်းမရှိဘဲ ဖားကန့်ထဲမှာ တိမ်းရှောင်နေကြဆဲဖြစ်ပါတယ်။ KBC အသင်းတော် အောက်မှာရှိတဲ့ စစ်ရှောင်ပြည်သူတွေ စုစုပေါင်း စစ်ရှောင်လူဦးရေ ၂ ထောင်ခန့်ရှိနေပြီး နောက်ထပ် ဘာသာရေးကျောင်းအသီးသီးမှာ တိမ်းရှောင်နေကြတဲ့ စစ်ရှောင်ပြည်သူတွေအပါဆိုရင် ဖားကန့်ဒေသမှာ စစ်ရှောင်ပြည်သူ ၅၀၀၀ ကျော်ခန့်အထိ ရှိနိုင်တယ်လို့ ဖားကန့် ပြည်သူတွေ ဆီကနေ သိရပါတယ်။ ယခုလို ဖားကန့်ဒေသထဲမှာ တိုက်ပွဲကြောင့် စစ်ဘေးတိမ်းရှောင်ခိုလုံနေကြတဲ့ စစ်ရှောင်ပြည်သူတွေ များပြားလာသလို တစ်ဖက်မှာ စစ်ကောင်စီတပ်နဲ့ ကချင်လွတ်လပ်ရေးတပ်မတော် KIA ပူးပေါင်းတပ်တွေကြား တိုက်ပွဲတွေ နေ့စဉ်ဖြစ်ပွားနေသလို လမ်းပိုင်း ပိတ်ဆို့ မှုတွေလည်းရှိနေပါတယ်။ ဖာကန့်ဒေသဘက်ကို တိုက်ရိုက်သွားလာလို့ရတဲ့ မြစ်ကြီးနား – ကားမိုင်းကားလမ်းပိုင်းကို တိုက်ပွဲကြောင့် စစ်တပ်နဲ့ KIA နှစ်ဖက်က ပိတ်ဆို့ထားတာဖြစ်ပါတယ်။ လက်ရှိမှာ အင်းတော်ကြီး – ဖားကန့် ဂွေခါလမ်းတစ်ခုတည်းသာ ကုန်းစည် စီးဆင်းနေပြီး အဲ့ဒီလမ်းပိုင်းကိုလည်း စစ်တပ်က ဆန်သယ်ယူမှုကို ကန့်သတ်ထားတာ တစ်လခန့် ကြာမြင့်လာပြီလို့ ဖားကန့်ဒေသခံတွေ ဆီကနေ သိရပါတယ်။ ဒါကြောင့် လက်ရှိ စစ်ဘေးရှောင် ပိုမိုများပြားလာတဲ့ ဖားကန့်ဒေသမှာ ဆန်ပြတ်လပ်မှုတွေဖြစ်လာပြီး စစ်ရှောင်ပြည်သူတွေအတွက် အခက်အခဲဖြစ်နေတယ်လို့ KBC လက်အောက်မှာရှိတဲ့ စစ်ရှောင်ပြည်သူတွေကို ကူညီပေးနေတဲ့ နောက်ထပ် ဖားကန့် ဒေသခံ အမျိုးသားတစ်ဦးက အခုလိုပြောဆိုလာပါတယ်။…
Read More » -
8 Julyသတင်း
ဖားကန့်မြို့နယ်ထဲ စစ်တပ်ကဆန်သယ်ယူခွင့်ပိတ်ဆို့တာ တစ်လဝန်းကျင်ရှိလာ
ကချင်ပြည်နယ် ဖားကန့်မြို့နယ်ထဲကို စစ်ကောင်စီတပ်ကဆန်သယ်ယူခွင့်ပိတ်ဆို့တာ တစ်လဝန်းကျင်ရှိလာတာကြောင့် ဒေသခံတွင်း ဆန်ဝယ်ယူရတာခက်ခဲလာတယ်လို့ဒေသခံတွေကပြောပါတယ်။ ဖားကန့်မြို့နယ်ကို အဓိကကုန်စည်စီးဆင်းရာ ကာမိုင်း – ဖားကန့်လမ်းကြောင်းမှာတော့ စစ်ကောင်စီတပ်နဲ့ KIA ပူးပေါင်းတပ် တွေအကြားတိုက်ပွဲကြောင့် သွားလာခွင့်တွေကိုနှစ်ဖက်တပ်တွေကပိတ်ဆို့ထားတယ်လို့သိရပါတယ်။ တစ်ခုတည်းသော ကုန်စည်စီးဆင်းရာလမ်းကြောင်းဖြစ်တဲ့ အင်းတော်ကြီး–ဝှေခါ လမ်းကြောင်းမှာတော့…
Read More » -
7 Julyသတင်း
ဖားကန့်မှာ စစ်တပ်က တိုက်ပွဲဆက်ဖော်ဆောင်နေတဲ့အတွက် နေရာ ၃ ခုမှာ တိုက်ပွဲဖြစ်
ဖားကန့်မှာ စစ်တပ်ဗျူဟာကုန်းနဲ့ အနီးကပ်ဆုံးနေရာတွေဖြစ်တဲ့ ဆွတ်ဘွမ့်(အမှိုက်ပုံ)၊ မော်မောလယန်နဲ့ ရှရော်ခ ညောင်ပင်ကုန်းစတဲ့ စစ်မျက်နှာပြင် ၃ နေရာမှာ စစ်ကောင်စီတပ် နဲ့ ကချင်လွတ်လပ်ရေးတပ်မတော် KIA ပူးပေါင်းတပ်တွေကြား တိုက်ပွဲပြင်းထန်နေဆဲဖြစ်တယ်လို့ သိရပါတယ်။ စစ်ကောင်စီတပ်တွေဟာ လမောင်ကုန်း(Lamawng Kawng) နဲ့ မော်မောဘွမ့်(Mawmaw Bum)စတဲ့နေရာတွေကို ပြန်ထိန်းချုပ်နိုင်ဖို့ ဦးတည်ပြီး ဖြည်းဖြည်းချင်း ထိုးစစ်ဆင်တိုက်ခိုက်နေတာကြောင့် ဒီကနေ့ ဇူလိုင်လ ၇ ရက်နေ့အထိ အရေးပါတဲ့ ၃ နေရာမှာ တိုက်ပွဲဖြစ်နေဆဲဖြစ်တယ်လို့ ဖားကန့် ဒေသခံ အမျိုးသားတစ်ဦးက KNG ကိုပြောပါတယ်။ “အခု စစ်တပ်က သူတို့ရဲ့ မိန်းနေရာဖြစ်တဲ့ ဗျူဟာကုန်းကို အရင်လုံခြုံမှုရှိအောင် အရင်လုပ်နေတယ်လို့မြင်တယ်။ နောက်တစ်ခုက ဒေသကို လွမ်းမိုးချင်နေတာတစ်ပိုင်း။ လက်လွတ်လိုက်ရတဲ့ စခန်းကုန်းတွေကို မရရအောင် ယူမယ့် သဘောမျိုးရှိတယ်။ အခုတိုက်ပွဲဖြစ်နေတဲ့ အမှိုက်ပုံနေရာ၊ မော်မောလယန် ၊ ရှရော်ခ ညောင်ပင်ကုန်းနေရာတွေက ဖားကန့်ဗျူဟာကုန်းနဲ့ အနီးကပ်ဆုံးနေရာတွေဖြစ်တယ်။ အဲလိုနေရာတွေ လုံခြုံသွားပြီဆိုရင် အခုပြောနေတဲ့ လမောင်ကုန်း၊ မော်မောဘွမ့်ဆိုတာတွေက ရဖို့ အရမ်းလွယ်သွားပြီ။ အဲ့ကြောင့် သူတို့က ဖြည်းဖြည်းချင်းနဲ့ လုပ်နေတာ”လို့ပြောပါတယ်။ လက်ရှိ တိုက်ပွဲဖြစ်နေတဲ့ ဆွတ်ဘွမ့်(အမှိုက်ပုံ၊ မော်မောလယန်၊ ရှရော်ခ ညောင်ပင်ကုန်း စတဲ့ နေရာတွေမှာ စစ်ကောင်စီတပ်က အလုံးစုံထိန်းချုပ်ခြင်းမရှိသေးဘဲ ဆက်လက် ထိုးစစ်ဆင်တိုက်ခိုက်နေဆဲဖြစ်တဲ့အတွက် တိုက်ပွဲပြင်းထန်နေဆဲဖြစ်တယ်လို့ သိရပါတယ်။ KIA နဲ့ တော်လှန်ရေးတပ်ဖွဲ့တွေဘက်က တပ်စခန်းအနေနဲ့ လက်လွတ်ဆုံးရှုံးလိုက်တာတွေမရှိသေးပေမယ့် သွားလာလှုပ်ရှားနေတဲ့ လမ်းကြောင်းတစ်ချို့ကို ဆုတ်ခွာလိုက်ရတာတွေရှိတယ်လို့ ဖားကန့်ဒေသခံ အမျိုးသားက ဆက်ပြောပါတယ်။ “KIA နဲ့ တော်လှန်ရေးအဖွဲ့တွေက သူတို့စိုးမိုးထားတဲ့ နယ်မြေဒေသအရ ပြောရမယ်ဆိုရင် နယ်မြေကျဉ်းလာတယ်လို့တော့ ပြောလို့ရပါတယ်။ ပြောရမယ်ဆိုရင် လုံးခင်း မှော်ဆီစာကနေ အမှိုက်ပုံကျေးရွာတစ်ကြော တော်လှန်ရေးအင်အားစုတွေ အသုံးပြုတဲ့ လမ်းတွေဖြစ်တယ်။ ဒီလမ်းကြောင်းတွေက စစ်တပ်က ပြန်လည် ထိန်းချုပ်လိုက်တဲ့ အနေအထားမှာရှိသွားတာပေါ့နော်။ ဒီလမ်းတွေကနေ အရင်က စိတ်ကြိုက် သွားနေရာကနေ စိတ်ကြိုက်သွားလို့မရတော့ဘူးပေါ့။ ပြောရမယ်ဆိုရင် ဆက်သွယ်ရေးလမ်းကြောင်းတွေကို ပြန်ဆုတ်လိုက်ရတဲ့သဘောပါ”လို့ပြောပါတယ်။ တိုက်ပွဲဖြစ်နေတဲ့ မော်မောလယန် ကျေးရွာအဝင်ပေါက်ရှိ တာဝါတိုင် အနီးတဝိုက်မှာ ဒီကနေ့ နေ့လည် ၁၂ နာရီဝန်းကျင်အထိ တိုက်ပွဲပြင်းထန်နေပြီး အလားတူ ဆွတ်ဘွမ့်နဲ့ ရှရော်ခ ညောင်ပင်ကုန်းနေရာတွေမှာလည်း တိုက်ပွဲဖြစ်နေတယ်လို့ သိရပါတယ်။ ဆွတ်ဘွမ့်(အမှိုက်ပုံ)ကျေးရွာဟာ ဖားကန့်ဗျူဟာကုန်းရဲ့ ညာဘက်ခြမ်းမှာ တည်ရှိပြီး မော်မောလယန်နဲ့ ရှရော်ခ ညောင်ပင်ကုန်းကျေးရွာ နှစ်ခုက ဘယ်ဘက်ခြမ်းမှာ တစ်ဆက်တည်း တည်ရှိနေတာဖြစ်ပါတယ်။ လက်ရှိ စစ်ကောင်စီတပ်တွေ ထိန်းချုပ်ဖို့ ကြိုးစားနေတဲ့ မော်မောဘွမ့်ဟာ ဆွတ်ဘွမ့်ကျေးရွာ ဘက်ခြမ်းမှာရှိပြီးတော့ လမောင်ကုန်း တပ်စခန်းက မော်မော်လယန်နဲ့ ရှရော်ခကျေးရွာဘက်ခြမ်းမှာ တည်ရှိနေတာဖြစ်ပါတယ်။ ဒါကြောင့်စစ်ကောင်စီတပ်တွေက ဖားကန့် ဗျူဟာကုန်းရဲ့ ညာဘက်ခြမ်းနဲ့ ဘယ်ဘက်ခြမ်း လမ်းကြောင်း နှစ်ခုစလုံးကနေ စစ်အင်အားအလုံးအရင်းနဲ့ ထိုးစစ်ဆင်တိုက်ခိုက်နေတာဖြစ်ပြီး အရေးပါတဲ့ ၃ နေရာမှာ တိုက်ပွဲဖြစ်နေတာပါတယ်။ ဆွတ်ဘွမ့်၊ မော်မောလယန်၊ ရှရော်ခစတဲ့ ကျေးရွာတွေမှာ တိုက်ပွဲပြင်းထန်နေတဲ့အတွက် ကျေးရွာ ၁၅ ရွာလောက်ရှိတဲ့ ဒေသခံပြည်သူထောင်နဲ့ချီဘေးလွတ်ရာကို ထွက်ပြေးတိမ်းရှောင်နေကြတယ်လို့လည်းဆိုပါတယ်။ အခုလို တိုက်ပွဲကြောင့် ပြည်သူတွေဟာ ဘေးလွတ်ရာကို ထွက်ပြေးတိမ်းရှောင်နေရတဲ့အချိန် တစ်ဖက်မှာ စစ်ကောင်စီတပ်တွေက လူငယ်တွေကို အဓိကဖမ်းဆီးပြီး လူသားဒိုင်းအသုံးပြုနေတယ်လို့ တော်လှန်ရေးမှာပါဝင်တဲ့ တပ်ဖွဲ့ဝင်တစ်ဦးက အခုလိုပြောပြလာပါတယ်။ “တိုက်ပွဲအခြေအနေက မော်မောလယန်၊ ရှရော်ခ ၊ ကျောက်ဖြူတို့မှာ တိုက်ပွဲတွေဆက်ဖြစ်နေတယ်။ ၃ နေရာလောက်မှာ တိုက်ပွဲဖြစ်နေတာပေါ့။ အဲ့ဒါကြောင့်လည်း ပြည်သူတွေကို စစ်ရှောင်ခိုင်းတယ်။ ပြီးရင် ဒီရက်ပိုင်း လူငယ်တွေကို အဓိကထားပြီး ပေါ်တာဆွဲတာတွေ ဆက်တိုက်လုပ်နေတယ်။ တိုက်ပွဲတွေဖြစ်တဲ့ နေရာမှာပဲဖြစ်နေတာ။ ဆွတ်ဘွမ့်နဲ့ မော်မောလယန်မှာ လူသားဒိုင်း ဖမ်းဆီးခံထားရတဲ့သူတွေကိုတောင် ပြန်မလွတ်သေးဘူးတဲ့။ တိုက်ပွဲပြန်ပြင်းထန်လာတဲ့ ဒီ ၃ ရက်အတွင်းမှာ ဖမ်းဆီးခံရတဲ့သူ ၂၀၀ လောက်ရှိမယ်ဗျာ။ ဘယ်မှပြန်မလွတ်လာသေးဘူးလို့ကြားတယ်”လို့ပြောပါတယ်။ စစ်ကောင်စီတပ်တွေဟာ ထိုးစစ်ဆင်တိုက်ခိုက်နေတဲ့ ဆွတ်ဘွမ့်၊ မော်မောလယန်၊ ရှရော်ခ စတဲ့ကျေးရွာမှာ တွေ့ရာလူငယ်တွေကို အဓိကဖမ်းဆီးထားပြီး စစ်တပ်ရှိတဲ့နေရာမှာ လူသားဒိုင်းအသုံးပြုနေတယ်လို့ သိရပါတယ်။ ဖားကန့်မှာ တိုက်ပွဲပိုမိုပြင်းထန်လာတဲ့ ဇူလိုင်လ ၄ ရက်နေ့နောက်ပိုင်း ဖားကန့်ဒေသထဲကို ကုန်ကားတွေ သွားလာခွင့်ရနေတဲ့တစ်ခုတည်းသော ဂွေခါလမ်းမှာ စစ်တပ်က ဆန်သယ်ယူခွင့် ပိတ်လိုက်တယ်လို့လည်း ဆက်သိရပါတယ်။ ဒါကြောင့် လက်ရှိ ဖားကန့်မြို့တွင်းမှာ ပြည်သူတွေလူထုတွေက စျေးဆိုင်တွေမှာ ဆန်အလုအယက် ဝယ်ယူနေကြပြီး တစ်ချို့စျေးဆိုင်တွေမှာ ဆန်ပြတ်လပ်မှုတွေရှိနေပြီလို့ ဖားကန့်ဒေသခံတွေပြောပါတယ်။ စစ်ကောင်စီတပ်ဘက်ကနေ အကြောင်းပြချက်မရှိဘဲ ဖားကန့်ဒေသထဲကို ဆန်သယ်ယူခွင့် ပိတ်လိုက်တဲ့အတွက် ပြည်သူလူထု စစ်ပွဲကြား ပိုပြီးကြပ်တည်းလာမှာကို စိုးရိမ်နေကြပါတယ်။ ယခုရက်ပိုင်းအတွင်း စစ်ကောင်စီတပ်နဲ့ KIA ကြားတိုက်ပွဲပြင်းထန်နေတဲ့အတွက် အပြန်အလှန်ပစ်ခတ်ရာကနေ လက်နက်ကြီးတစ်ချို့က ဆွတ်ဘွမ့်၊ မော်မောလယန်၊ ရှရော်ခ စတဲ့ကျေးရွာရှိ လူနေအိမ်၊ ဘုန်းကြီးကျောင်းနေရာတွေမှာ လက်နက်ကြီး ကျမှန်ပေါက်ကွဲ ခဲ့တဲ့အတွက် အရပ်သားပြည်သူတွေ သေဆုံးမှုရှိသလို လူနေအိမ်ထိခိုက်ပျက်စီးမှုတွေ ဆက်တိုက်ဖြစ်ပွားနေပါတယ်။…
Read More »
