မြစ်ကြီးနား

မြစ်ကြီးနားမှာ ညမထွက်ရ အမိန့်ကြောင့် တစ်ပတ်ကျော်အတွင်း ဖမ်းဆီးခံရသူ ၃၀ ဝန်းကျင်ရှိလာ

ကချင်ပြည်နယ် မြစ်ကြီးနားမြို့မှာ အရပ်သားဖမ်းဆီးခံရမှု ခပ်စိပ်စိပ်ဖြစ်လာပြီး တစ်ပတ်ကျော်အတွင်းဖမ်းဆီးခံရသူ ၃၀ ထက်မနည်းရှိပြီဖြစ်တယ်လို့ ဖမ်းဆီးခံရသူတွက ပြောပါတယ်။ ‌စစ်ကောင်စီတပ်ဟာ ဇွန်လ လဆန်းပိုင်းကစပြီး မြစ်ကြီးနားမြို့ ရမ်ပူ၊ လယ်ကုန်း၊ ရှမ်းစုတောင်၊ ကြက်ပေါင်ခြံ၊ ခေမာသီရိ၊ မြို့သစ်ကြီး၊ အောင်နန်းစတဲ့ ရပ်ကွက်တွမှာ ည ၉ နာရီနောက်ပိုင်း လိုက်လံဖမ်းဆီးနေတာဖြစ်တယ်လို့ မြစ်ကြီးနားမြို့ခံပြည်သူတစ်ဦးက ဆိုပါတယ်။ “ကျနော့်ညီဖမ်းခံရတာ အိမ်ကသွားထုတ်လာတာ ၄ သိန်းကျော်ကုန်တယ်ပြောတယ်။ ခေမာသိီရိဘက်မှာဖမ်းခံရတာ အဲဒီညထဲမှာဘဲ အယောက် ၂၀ လောက်ဖမ်းခံရတာလို့ပြောတယ်။ အထဲမှာလည်း အများကြီးရှိသေးတယ် ထွက်လာလို့မရသေးတဲ့သူတွေ”လို့ ဆိုပါတယ်။ ဖမ်းဆီးခံရတဲ့သူတွကို ညမထွက်ရအမိန့်ကျူးလွန်တယ်ဆိုတဲ့အကြာင်းပြချက်နဲ့ ရဲစခန်းမှာဖမ်းထားပြီး ခံဝန်ကတိရေးထိုးစေကာ အာမခံကြေး၊ရှေ့နေငှားရမ်းခ အပြီးအစီး တစ်ဦးလျှင် ပျှမ်းမျှ ၄ သိန်းကျော်ကုန်ကျပြီး ထုတ်ခဲ့တာဖြစ်တယ်လို့ သူက ပြောပါတယ်။  လက်ရှိ မြစ်ကြီးနားမြို့မရဲစခန်းမှာလည်း ဖမ်းဆီးခံရသူ ၂၀ ဦးထက်မနည်းရှိတဲ့အပြင် ပလနကျေးရွာ နယ်မြေရဲစခန်းဘက်မှာလည်း ဖမ်ဆီးခံထားရသူ ၁၀ ဦးထက်မနည်းရှိတယ်လို့ နောက်ထပ် မြစ်ကြီးနားမြို့ခံတစ်ဦးကလည်း  ဆက်ပြောပါတယ်။ “ဟုတ်တယ် သူက ဖမ်းတဲ့နယ်မြေမှာဘဲချုပ်ထားတာ ဥပမာ မြစ်ကြီးနားမြို့တွင်းဆိုရင် ရဲစခန်းမှာချုပ်ထားတယ်။ ကျမအသိတစ်ယောက် ပလန ဘက်ဖမ်းခံရတာ။ အလုပ်ကိစ္စနဲ့ ည ၉ နာရီလောက်ပြန်လာတာ လမ်းမှာဖမ်းခံရတာဟုတ်တယ်။ ခုတော့ ထုတ်ခဲ့ပြီ”လို့ပြောပါတယ်။ ဖမ်းဆိီးခံရသူတွေကို စစ်ကောင်စီတပ်တွေက ဖုန်းစစ်ဆေးတာတွေပြုလုပ်ပြီး မသင်္ကာတဲ့သူတွေကလွှဲလို့ ကျန်တဲ့သူတွေကို ရုံးထုတ်စစ်ဆေးကာပြန်လွှတ်ပေးနေတယ်လို့လည်း သိရပါတယ်။ ဒီကိစ္စနဲ့ပတ်သက်ပြီး မြစ်ကြီးနားမြို့တွင်း တော်လှန်ရေးအဖွဲ့ကို ဆက်သွယ်မေးမြန်းကြည့်ရာမှာတော့ ခုလိုပြောပါတယ်။ “သူတို့က တစ်ချက်ခုတ် နှစ်ချက်ပြတ်သဘောလုပ်နေတာ ပိုက်ဆံလည်းရ တစ်ဖက်မှာ တော်လှန်ရေးတပ်ဖွဲ့တွေကိုလည်း စစ်ဆေးပြီးသားသဘော ဟုတ်တယ်။ မြစ်ကြီးနားမှာ လုံခြုံရေးခေါင်းစဉ်နဲ့ညတိုင်း ကင်းပတ်တယ် ကင်းပုန်းဝပ်တာပုံမှန်ရှိတယ် အဲဒါကြောင့် ပြည်သူတွေအနေနဲ့ အရေးမကြီးရင် အပြင်မထွက်ဖို့ပြောချင်တယ်”လို့ မြစ်ကြီးနားမြို့တော်လှန်ရေးတပ်ဖွဲ့ခေါင်းဆောင်တစ်ဦးက ပြောပါတယ်။ ဒါ့အပြင် မြစ်ကြီးနားမြို့ပေါ် ရပ်ကွက်တစ်ချို့မှာ ဧည့်စာရင်းလိုက်လံစစ်ဆေးတာတွေလည်း  ပုံမှန်ရှိနေတယ်လို့လည်း သိရပါတယ်။  မြစ်ကြီးနားမြို့ဟာ ကချင်ပြည်နယ်ရဲ့မြို့တော်ဖြစ်ပြီး လက်ရှိ မြို့ရဲ့ တစ်ဖက်ကမ်းမှာရှိတဲ့ ဝိုင်းမော်မြို့နယ်ဘက်ကို စစ်ရေးပြင်းထန်လာတာနဲ့အမျှ မြစ်ကြီးနားမြို့မှာလည်း စစ်ဆေးတင်းကြပ်တာတွေပိုများလာနေတယ်လို့လည်း မြစ်ကြီးနားမြို့ခံတွေကပြောပါတယ်။ မြစ်ကြီးနားမြို့မှာ စစ်ကောင်စီက ည ၁၀ နာရီနောက်ပိုင်းအပြင်ထွက်မရ အမိန့်ကို ပြီးခဲ့တဲ့မေလမှာ တစ်ဖန်ထုတ်ပြန်ထားပြီး လမ်းသွားလမ်းလာ ပြည်သူတွေကို စစ်ဆေးဖမ်းဆီးမှုတွေ ပြုလုပ်နေတယ်လို့ သိရပါတယ်။ By – CJ

Read More »

ကုန်ကား ၁၄ စီး ပူတာအိုရောက်ရှိ

ကချင်ပြည်နယ် ပူတာအိုမြို့နယ်ကိုတက်သွားတဲ့ ကုန်ကားတစ်ချို့ မနေ့က ဇွန်လ ၁၀ ရက်နေ့ ညနေပိုင်း ၄ နာရီလောက်မှာပဲ ပူတာအိုမြို့ကိုရောက်ရှိသွားပြီလို့ မြစ်ကြီးနား–ပူတာအို ကားပြေးဆွဲတဲ့ကားဆရာတွေဆီက သိရပါတယ်။ တင်ပို့လိုက်တဲ့ကုန်ပစ္စည်းတွေကတော့ အခြေခံစားသောက်ကုန်တွေဖြစ်တဲ့ ဆန်၊ဆီ၊ ဆား၊ ငရုတ်၊ ကြက်သွန် ကိုအဓိကထားတင်ပို့ခဲ့တာဖြစ်ပြီး မြစ်ကြီးနား–ပူတာအိုကားလမ်းကို အပြီးသတ်ဖွင့်ပေးတာမျိုးမဟုတ်ဘဲ ကုန်ကားတစ်ချို့သာတက်ခွင့်ရသေးတာလို့ဆိုပါတယ်။ ပြီးခဲ့တဲ့ ဇွန်လ ၈ ရက်နေ့ ညနေပိုင်းကတည်းက မြစ်ကြီးနားမြို့ကနေ အခြေခံစားသောက်ကုန်တင်ထားတဲ့ ကုန်ကား ၁၄ စီးလောက် ပူတာအိုမြို့ ကိုထွက်ခွာသွားတာဖြစ်ပြီး မနေ့က ညနေပိုင်းမှာပဲရောက်ရှိသွားတာ လို့ မြစ်ကြီးနား–ပူတာအို ကားပြေးဆွဲသူတစ်ယောက်ကပြောပါတယ်။ “မနေ့ကညနေပိုင်းလောက်ရောက်သွားတယ်။ အခြေနေက စစ်ဆေးရေးတွေတော့နည်းနည်းစစ်တယ်တဲ့ အဲ့လောက်ပါပဲ မူလာရှီးဒီးဂိတ်မှာတော့ စစ်ဆေးရေးကြမ်းတယ်တဲ့။ လမ်းမှာကတော့ နှစ်ဖက်အဖွဲ့တွေ များတယ်ပြောတယ်။ “ လို့ပြောပါတယ်။ မြစ်ကြီးနား–ပူတာအိုသွား ကားလမ်းမကို ပြီးခဲ့တဲ့ မတ်လ ၉ ရက်နေ့က စစ်ကောင်စီတပ်နဲ့ KIA ပူးပေါင်း တပ်တွေအကြား တိုက်ပွဲကြောင့် နှစ်ဖက်တပ်တွေဘက်က ကားလမ်းကိုပိတ်ခဲ့တာဖြစ်ပြီး ၃ လကျော်အကြာမှာ အခုလိုကုန်ပစ္စည်းတွေတင်ပို့နိုင်ခဲ့တာဖြစ်ပါတယ်။ ကုန်ပစ္စည်းကားတွေ ပူတာအိုမြို့ကိုရောက်ပြီဆိုတဲ့သတင်းသာ ကနဦးသိရသေးပြီး ရောက်ရှိလာတဲ့ အခြေခံစားသောက်ကုန်တွေကို ဘယ်လိုပုံစံမျိုးနဲ့ရောင်းချပေးမလဲဆိုတာတော့ ပူတာအိုမြို့မှာ ဖုန်းလိုင်းတွေ ပြတ်တောက်နေတဲ့အတွက် KNG ကအတည်မပြုနိုင်သေးပါဘူး။ ဒီအခြေနေမှာ ရောက်ရှိသွားတဲ့ ကုန်ပစ္စည်းတွေက ကုန်ပစ္စည်းလှောင်တဲ့သူတွေဆီသာရောက်ရှိသွားရင် ကုန်ပစ္စည်းသာရောက်လာပြီး ဈေးနှုန်းကတော့ကျမယ့်အနေအထားမရှိဘူးလို့ ကားဆရာ တစ်ယောက်က သုံးသပ်ပါတယ်။ “ ပစ္စည်းဈေးနှုန်းကတော့ကျမှာမဟုတ်ဘူးကျနော်တို့ထင်တာ။ ဘာကြောင့်ဆိုတော့ အခုကပူတာအိုမှာ ပိုက်ဆံရှိလည်းဝယ်လို့မရဘူးလေ။ အခုက ပစ္စည်းရောက်သွားတယ် ပိုက်ဆံရှိရင်ဝယ်လို့ရမယ် အဲ့လောက်ပဲ ဈေးကတော့ကြီးနေအုံးမယ်ထင်တယ်။ ကုန်တွေလှောင်တဲ့အဖွဲ့တွေပစ္စည်းရောက်သွားရင်ဘာမှထူးမှာ မဟုတ်ဘူး”  လို့ပြောပါတယ်။ ဒါ့ကြောင့် မြစ်ကြီးနား–ပူတာအိုလမ်းမဖွင့်ခင်မှာ ရောက်ရှိသွားတဲ့ကုန်စည်တွေကို အဖွဲ့အစည်းတစ်ခုခုက တာဝန်ယူပေးပြီး အကန့်အသတ်နဲ့ ရောင်းချပေးရင်တော့ အဆင်ပြေနိုင်မယ်ထင်တယ်လို့ သူကဆက်ပြော ပါတယ်။ ပူတာအိုမြို့ကို ပုံမှန်ဆိုရင် မြစ်ကြီးနားကနေ ၁၂ နာရီဝန်းကျင်ခန့်သာမောင်းရပြီး ဒီတစ်ကြိမ်တော့ လမ်းခရီး မှာ နှစ်ဖက်တပ်တွေရဲ့စစ်ဆေးရေးတင်းကြပ်တာ၊ ရာသီဥတုကြောင့်မြေပြိုတာ စတဲ့အခက်အခဲတွေကြောင့် ၂ ညအိမ် ၃ ရက် ကြာမြှင့်ခဲ့ရတယ်လို့ ကားသမားတွေကပြောပါတယ်။ ပြီးခဲ့တဲ့ ဇွန်လ ၈ ရက်နေ့ကစလို့ ကချင်ငြိမ်းချမ်းရေးအကျိုးဆောင်အဖွဲ့ PCG ရဲ့ အကူအညီနဲ့ ပူတာအိုမြို့ကို ကုန်ပစ္စည်းတစ်ချို့တင်ပို့ဖို့ကြိုးစားခဲ့တာဖြစ်ပြီး ဇွန်လ ၁၀ ရက်နေ့မနေ့ကပဲ ကုန်ပစ္စည်းတွေရောက်ရှိခဲ့တာ ဖြစ်ပါတယ်။ By – အမိုး

Read More »

လယ်ကုန်းရပ်ကွက်မှာ မူးယစ်ဆေးဝါးရောင်းဝယ်သုံးစွဲသူများလာတဲ့အတွက် ရပ်ကွက်နေပြည်သူတွေ လုံခြုံရေးအတွက်စိုးရိမ်နေရ

ကချင်ပြည်နယ် မြစ်ကြီးနားမြို့ လယ်ကုန်းရပ်ကွက် နယ်မြေ (၂) ဘုရားကျောင်းလမ်းပတ်ဝန်းကျင်တစ်လျှောက် မူးယစ်ဆေးဝါးရောင်းဝယ်သုံးစွဲသူတွေပိုများလာနေတယ်လို့ ရပ်ကွက်နေပြည်သူတွေဆီကနေ သိရပါတယ်။ ဧပြီလလောက်ကနေ ဘုရားကျောင်းသွားတဲ့လမ်းတစ်လျှောက်မှာ မူးယစ်ဆေးဝါးလာရောက်ရောင်းဝယ်သုံးစွဲသူတွေ အုပ်စုလိုက်ဖွဲ့ပြီး ဆေးထိုးအပ်တန်းလန်းနဲ့ လမ်းဘေးမှာပေါ်တင်လုပ်နေကြတာဖြစ်တယ်လို့ ရပ်ကွက်နေပြည်သူတွေက KNGကို ပြောပါတယ်။ ”ကျွန်မတို့က သူတို့ကို မြင်တာနဲ့‌ ကြောက်တယ်လေ သူတို့က နှစ်ယောက်သုံးယောက်အုပ်စုဖွဲ့ပြီး ရှိနေတာဆိုတော့ ပြီးတော့ သူတို့ကလက်မှာဘဲ ထိုးတာမဟုတ်ဘူးလေ မြင်လို့ မသင့်တော်တဲ့နေရာတွေမှာလည်း ထိုးတော့ ရှက်ကြောက်တာပေါ့”လို့ ဆိုပါတယ်။ လက်ရှိ မူးယစ်ဆေးဝါးရောင်းဝယ်သုံးစွဲသူတွေအများဆုံးလာရောက်လုပ်နေတဲ့နေရာဟာ လယ်ကုန်းရပ်ကွက် နယ်မြေ ၂ ဗက်လင်နှစ်ခြင်း ဘုရားကျောင်း၊ လီဆူဘုရားကျောင်း၊ ICM ဘုရားကျောင်းနဲ့ ကက်သလစ်ဘုရားကျောင်းရှိတဲ့လမ်းမှာဖြစ်ပြီး အရင်ကထက်နှစ်ဆပိုများလာနေတယ်လို့ သူကဆက်ပြောပါတယ်။ ခုလို မူးယစ်ဆေးဝါးတွေကို လူသွားလမ်းနဲ့ ဘုရားကျောင်းလမ်းကြားတွေမှာ အုပ်စုလိုက်ပေါ်ပေါ် တင်တင် ရောင်းဝယ်သုံးစွဲနေတာကြောင့် ရပ်ကွက်နေပြည်သူတွေအနေနဲ့ သွားရေးလာရေးအတွက်  စိုးရိမ်ပူပန်နေရတယ်လို့ လယ်ကုန်းရပ်ကွက် နယ်မြေ ၂က အမျိုးသမီး တစ်ဦးက ခုလိုပြောပါတယ်။ ဒါ့အပြင် မူးယစ်ဆေးဝါးရောင်းဝယ်သုံးစွဲတဲ့သူတွေထဲမှာ အသက် ၁၈ နှစ်ကနေ ၂၇နှစ်အောက် အရွယ်လူငယ်တွေ အများဆုံးပါဝင်တယ်လို့သိရပြီး များသောအားဖြင့် မနက်ပိုင်းနဲ့ ညနေပိုင်းအချိန်တွေမှာ အများဆုံးလာသုံးနေကြတယ်လို့ သိရပါတယ်။ လက်ရှိ ဘုရားကျောင်းလမ်းတစ်လျှောက်လမ်းကြိုလမ်းကြား နေရာ ၃ နေရာလောက်မှာ နေ့တိုင်းလို အုပ်စုလိုက်ရှိနေတဲ့အပြင် တစ်ခါတစ်ရံ ရပ်ကွက်နေတာဝန်ရှိသူတွေမောင်းထုတ်ချိန် လမ်းသွယ် ၂ ဘုရားကျောင်းလမ်းထဲက အရက်ဆိုင်မှာခေတ္တအရက်ဝယ်တဲ့ပုံစံမျိုးနဲ့ ပုန်းရှောင်လေ့ရှိတယ်လို့ လယ်ကုန်းရပ်ကွက်နေ အမျိုးသားတစ်ဦးက ခုလိုပြောပါတယ်။ “ရပ်ကွက်ထဲက မူးယစ်ဆေးဝါးနှိမ်နှင်းတဲ့အဖွဲ့တွေ လှုပ်ရှားမှုတွေ လုပ်တော့ မူးယစ်ဆေးဝါးရောင်းဝယ်တဲ့ သူတွေက အဲ အရက်ဆိုင်ထဲကိုဘဲ ကာဗာယူပြီး ပြန်ပြေးဝင်သွားကြတယ် ဆိုင်ကိုသွားပြောတော့လည်း သူတို့လာခဲ့ပါလို့ ခေါ်တာ မဟုတ်ဘူးပေါ့ သူတို့ဆိုင်ကလည်း တရားဝင်ဖွင့်ထားတဲ့ အရက်ဆိုင်ပြန်ဖြစ်နေတော့ ခက်နေတယ်”လို့ဆိုပါတယ်။ အခုလို ရပ်ကွက်အတွင်း မူးယစ်ဆေးဝါးရောင်းဝယ်သုံးစွဲတဲ့အခြေအနေတွေ အလွန်ဆိုးရွားလာနေပြီး လမ်းတစ်လျှောက်ရောင်းဝယ်သုံးစွဲသူတွေ ပြည့်နက်နေတဲ့အတွက် ရပ်ကွက်နေပြည်သူတွေဟာတစ်ဦးတည်း လမ်းသွားလမ်းလာဖို့တောင် ခက်ခဲနေတာဘဲ ဖြစ်ပါတယ်။  ဒါအပြင် အခုလိုအခြေအနေတွေကြောင့် လယ်ကုန်းနယ်မြေ ၂က လူငယ်တော်တော်များများလည်း မူးယစ်ဆေးဝါးသုံးစွဲသူတွေများလာနေတယ်လို့ သိရပါတယ်။လယ်ကုန်းရပ်ကွက်ဟာ မြစ်ကြီးနားမြို့စျေးကြီးကနေ ဆိုင်ကယ်နဲ့ ၁၀ မိနစ်ခန့်သွားတဲ့နေရာမှာရှိပြီး စစ်ကောင်စီတပ်ရဲ့ ရဲတပ်ရင်း ၃၀ ရှိတဲ့ရပ်ကွက်လည်းဖြစ်ပါတယ်။ အလားတူ လယ်ကုန်းရပ်ကွက်အပြင် မြစ်ကြီးနားမှာအဆိုးဆုံးမူးယစ်ဆေးဝါးရောင်းဝယ်သုံးစွဲနေတဲ့ ရပ်ကွက်တွေဟာ ရမ်ပူ၊ခေမာသိရိ၊တပ်ကုန်း၊ထွယ်ဆန်၊ကြာရာပါတီး ၊ အေးမြသာယာ၊ကြက်ပေါင်ခြံ ရပ်ကွက်တွေဘဲဖြစ်ပါတယ်။ အရင်က မူးယစ်ဆေးဝါး ရောင်းဝယ်သုံးစွဲတဲ့သူတွေကို ရပ်ကွက်ထဲမှာရှိတဲ့ အရပ်ဘက်အဖွဲ့အစည်းတွေက လိုက်လံဖမ်းဆီးအရေးယူတာတွေကိုလုပ်နိုင်ခဲ့ပေမယ့် အာဏာသိမ်းပြီးနောက်ပိုင်း နိုင်ငံရေးအခြေအနေတွေကြောင့် တွင်တွင်ကျယ်ကျယ်လုပ်ဖို့ အဆင်မပြေတော့တဲ့အတွက် ရပ်နားထားရတာဘဲ ဖြစ်ပါတယ်။ စစ်ကောင်စီ အာဏာသိမ်းပြီးနောက်ပိုင်း ကချင်ပြည်နယ်အနှံ့မှာလည်း လောင်းကစားရုံတွေအပြင်၊ မူးယစ်ဆေးဝါးရောင်းဝယ်သုံးစွဲမှုတွေ များလာတာနဲ့ အတူ ခိုးဆိုးလုနှိုက်တွေ များပြားလာတာဘဲ ဖြစ်ပါတယ်။ ဒါအပြင်  မြန်မာနိုင်ငံဟာ ဘိန်းစိုက်ထုတ်မှု အများဆုံး‌ ရှမ်းပြည်နယ်ဖြစ်ပြီး တစ်နိုင်ငံလုံးက စိုက်ပျိုးမှုနှုန်း ၈၈ ရာခိုင်နှုန်းက ရှမ်းပြည်နယ်က ဖြစ်တယ်လို့ UNODC မှာဖော်ပြထားပါတယ်။  အဲဒီထဲမှာတော့ ကချင်နဲ့ချင်းပြည်နယ်တို့က အများဆုံးစိုက်ပျိုးပြီး UNODC ရဲ့ ၂၀၂၃ ဒီဇင်ဘာ ၁၂ရက်နေ့ရဲ့ ထုတ်ပြန်ချက်မှာတော့ မြန်မာနိုင်ငံက ကမ္ဘာပေါ်မှာ ဘိန်းစိုက်ပျိုးမှုအများဆုံးနိုင်ငံဖြစ်တယ်လို့ထုတ်ပြန်ထားပါတယ်။ By…

Read More »

ပူတာအိုကို ကုန်ကားတစ်ချို့တက်ခွင့်ရမယ်လို့သိရ

ကချင်ပြည်နယ် ပူတာအိုမြို့နယ်ကို ကချင်ငြိမ်းချမ်းရေးအကျိုးဆောင် PCG ရဲ့အကူအညီနဲ့ ကုန်ပစ္စည်းတစ်ချို့တင်ပို့ဖို့အတွက် ကုန်ကားတစ်ချို့တက်ခွင့်ရမယ်လို့ မြစ်ကြီးနား–ပူတာအို ကားပြေးဆွဲတဲ့ကားသမားတွေဆီက သိရပါတယ်။ မြစ်ကြီးနား–ပူတာအိုသွား ကားလမ်းမကြီးကို ပြီးခဲ့တဲ့ မတ်လ ၉ ရက်နေ့ကစ ဆွမ်ပရာဘွမ်မြို့မှာဖြစ်ပွားခဲ့တဲ့ချိန် KIA ပူးပေါင်းတပ်နဲ့စစ်ကောင်စီတပ်ရဲ့တိုက်ပွဲအခြေနေတွေကြောင့် နှစ်ဖက်တပ်တွေက အဲ့ဒီကားလမ်းပိုင်းသွားလာခွင့်ကို ပိတ်ထားခဲ့တာဖြစ်ပါတယ်။ ကားလမ်းပိတ်ထားတဲ့ ၃ လဝန်းကျင်ကြာလာချိန် ပူတာအိုမြို့နယ်မှာတော့ ကုန်ပစ္စည်းတွေပြတ်လပ်နေပြီဖြစ်တာကြောင့်  ပူတာအိုမြို့နယ်ဒေသခံတွေအတွက်လိုအပ်တဲ့အခြေခံစားသောက်ကုန်တွေကို ကုန်ကားတစ်ချို့နဲ့ တင်ပို့မှာဖြစ်တယ်လို့ သိရပါတယ်။ သို့သော် ဒီအခြေနေဟာ ကားလမ်းကို တရားဝင်လွတ်လပ်စွာသွားလာခွင့်ဖွင့်ပေးတာမျိုးမဟုတ်ဘဲ အကန့်အသတ်နဲ့သာသွားခွင့်ရတာဖြစ်တယ်လို့ မြစ်ကြီးနား–ပူတာအို ကားပြေးဆွဲတဲ့ကားသမားတစ်ဦးကအခုလိုပြောပါတယ် “ လမ်းက ဖွင့်တာမျိုးတော့မဟုတ်ဘူး ငြိမ်းချမ်းရေးအကျိုးဆောင်အဖွဲ့တွေပေါင်းပြီးတော့ ကားအသေးတစ်ချို့ရယ် ကုန်ကားတစ်ချို့သွားလို့ရအောင်ပေါ့ ကားတွေဘာတွေကတော့ပြင်ဆင်ပြီးသွားပြီ တစ်ကြောင်းတက်သွားမှာပေါ့ တင်ရမယ့်ကုန်တွေကလည်းအကန့်အသတ်ရှိတယ် အဓိကက စားသောက် ကုန်တွေပေါ့ ပြောချင်တာကတော့ ပူတာအိုကို ရိက္ခာသွားပို့ပေးတဲ့သဘောမျိုးပဲ တစ်ကြောင်းစာ ပုံစံမျိုးပဲ” ပူတာအိုဒေသခံတွေအတွက် လိုအပ်တဲ့အခြေခံစားသောက်ကုန်တစ်ချို့သာတင်ပို့မယ်လို့သိရပြီး စက်သုံးဆီတွေတော့တင်ပို့မယ့်အခြေနေမတွေ့ရသေးဘူးလို့ ကားသမားတွေကပြောပါတယ်။ တစ်ဖက်မှာ လက်ရှိပူတာအိုကိုတက်မယ့်ကုန်ကားတစ်ချို့အတွက်လည်း စစ်ကောင်စီရဲ့ လုံခြုံရေးနဲ့ နယ်စပ်ရေးရာဝန်ကြီး လက်မှတ်နဲ့အတူတင်ပို့ရမယ့်အခြေနေဖြစ်တယ်လို့သိရပါတယ်။ “နယ်လုံတွေဘာတွေတောင်းပြီးသွားလို့ရမယ်ပြောတယ် ဒါပေမဲ့ တက်ခွင့်ပေးပေမဲ့စာတွေတော့ ရောက်မလာ သေးဘူး စာတွေတော့တောင်းထားတာ မနေ့ကတော့မကျသေးဘူးတဲ့ ဒီနေ့ညနေ ပိုင်းတော့ကျမလား မသိဘူး “အထက်မှာဖော်ပြတဲ့ ကားသမားက ဆက်ပြောပါတယ်။ ဒီအခြေနေနဲ့ပတ်သက်လို့ ငြိမ်းချမ်းရေးအကျိုးဆောင် PCG ကို KNG ကဆက်သွယ်ချိန်မှာတော့ PCG ရဲ့တာဝန်ရှိသူ တစ်ဦးကအခုလိုပြောပါတယ်။ “ဘယ်လိုအခြေနေမှန်းလည်းသိသေးဘူး အခုလောလောဆယ်ကတော့ ဘာမှပြောလို့တော့မရသေးဘူး အခြေနေအရထွက်သွားတဲ့အခါမှာပဲပြောလို့ရမယ် ကြိုးစားနေတာတော့မှန်ပါတယ်။ ဒါပေမဲ့လည်း ဘယ်နေ့ဘယ်အချိန် ဘာဖြစ်မယ် ဘယ်လိုထွက်သွားဘယ်လိုလုပ်မယ်ဆိုတာပြောလို့မရသေးဘူး”လို့ပြောပါတယ်။ မြစ်ကြီးနား–ပူတာအို လမ်းပိုင်းကို ပြီးခဲ့တဲ့ မတ်လ ၉ ရက်နေ့က ဖြစ်ပွားခဲ့တဲ့ ကချင်လွတ်လပ်ရေးတပ်မတော် KIA ပူးပေါင်းအဖွဲ့ရဲ့ ဆွမ်ပရာဘွမ်မြို့သိမ်းတိုက်ပွဲကြောင့် နှစ်ဖက်တပ်တွေက မြစ်ကြီးနား – ပူတာအိုလမ်းပိုင်းကိုပိတ်ထားခဲ့တာဖြစ်ပါတယ်။ ဒါပေမဲ့ ပြီးခဲ့တဲ့ ဧပြီလနောက်ဆုံးအပတ်မှာတော့ ကချင်လွတ်လပ်ရေးတပ်မတော် KIA ပူးပေါင်းတပ်ဘက်က မြစ်ကြီးနား–ပူတာအိုလမ်းပိုင်းကို ဖွင့်ဖို့အတွက် စစ်ကောင်စီတပ်နဲ့ ညှိနှိုင်းခဲ့ပေမဲ့ စစ်ကောင်စီတပ်ဘက်က လက်မခံဘဲ ဒီကနေ့ ၃ လနီးပါးကြာသည်အထိ လမ်းပိုင်းကပိတ်နေခဲ့တာဖြစ်ပါတယ်။ By – အမိုး

Read More »

မြစ်ကြီးနားမြို့ ယာဉ်တိုက်မှုဖြစ်စဉ်တွေမှာ လူငယ်အများဆုံး ပါဝင်

ကချင်ပြည်နယ် မြစ်ကြီးနားမြို့အတွင်း ဖြစ်ပွားခဲ့တဲ့ ယာဉ်တိုက်မှု ဖြစ်စဉ်တွေမှာ လူငယ်အများဆုံးပါဝင်တယ်လို့ မြစ်ကြီးနားမြို့ အခြေစိုက် လူမှုကယ်ဆယ်ရေးအသင်းတွေ ဆီကနေ သိရပါတယ်။ ယာဉ်တိုက်မှုဖြစ်တဲ့ထဲမှာ အသက် ၂၀ ကျော် ကနေ ၃၅ နှစ်အောက်လူငယ်အရွယ်တွေ အများဆုံးဖြစ်ပြီး အရက်‌သေစာ သောက်စားမူးယစ်ကာ ယာဉ်မောင်းနှင်တာ‌ကြောင့်ဖြစ်တယ်လို့ မြစ်ကြီးနား…

Read More »

တရားဝင်ရောင်းဝယ်သုံးစွဲခွင့်ရနေတဲ့ ရမ်ပူရပ်ကွက် မူးယစ်ဈေးတန်း

ရမ်ပူရပ်ကွက်ဟာ မြစ်ကြီးနားမြို့စျေးကြီးနဲ့ ၁၅ မိနစ်ခန့်သာဝေးတဲ့ မြို့ပေါ်ရပ်ကွက်လို့ပြောလို့ရတဲ့ ရပ်ကွက်တစ်ခုဖြစ်ပေမယ့် မူးယစ်ဆေးဝါးရောင်းဝယ်တဲ့နေရာတွေထဲမှာ အဆိုးဆုံးနေရာဖြစ်ပြီး ရဲတပ်ဖွဲ့ဝင်တွေကလည်းမူးယစ်ဆေးဝါးရောင်းဝယ်နေသူတွေကိ သိသိရက်နဲ့ ဥပက္ခာပြုနေတဲ့ ရပ်ကွက်ဖြစ်ပါတယ်။

Read More »

မြစ်ကြီးနားမှာ ဧရာဝတီမြစ်ရေမြင့်တက်လာလို့ လူဦးရေ ၄၀၀ ကျော် ညတွင်းချင်းနေရာရွှေ့ပြောင်းရ

ကချင်ပြည်နယ် မြစ်ကြီးနားမြို့မှာ ဧရာဝတီမြစ်ရေမြင့်တက်လာတဲ့အတွက် မြို့ပေါ်ကမြေနိမ့်ပိုင်းရပ်ကွက်တွေမှာ ရေဝင်ရောက်နေလို့ နေအိမ်တစ်ချို့ဘေးလွှတ်ရာကိုရွှေ့ပြောင်းနေရတယ်လို့ လူမှုကူညီရေးအသင်း အဖွဲ့တွေဆီကသိရပါတယ်။ ဧရာဝတီမြစ်ရေဟာ ပြီးခဲ့တဲ့ မေလ ၂၈ ရက်နေ့ကစလို့တစ်ဖြည်းဖြည်းမြင့်တက်နေတာဖြစ်ပြီး မနေ့ကညပိုင်း ၁၀ နာရီလောက်မှာတော့ ရေတက်နှုန်းမြန်လာတဲ့အတွက် ညတွင်းချင်းဒေသခံတွေနေရာပြောင်းရွှေ့ခဲ့ရတယ်လို့ ဧရာဝတီဂရုဏာအခမဲ့လူမှုကူညီရေးအသင်းက တာဝန်ရှိသူတစ်ယောက်က ပြောပါတယ်။ “ရွှေ့ပြောင်းရတာကတော့ လူနေအိမ်တော်တော်များတယ် လူအရေအတွက်က ၄၀၀ လောက်ရှိတယ်/ ဒီရပ်ကွက်တွေက မြေနိမ့်ပိုင်းတွေ ကျနော်တို့စကယ်တုန်းက ခါးလောက်ရှိတယ်အဲ့ဒီကနေ ရင်ဘတ်လောက် ထိရောက်လာတာ “ လို့ပြောပါတယ်။ ဧရာဝတီဂရုဏာလူမှုကူညီရေးအသင်းအဖွဲ့အပါအဝင် မြစ်ကြီးနားမြို့မှာရှိတဲ့ လူမှုကူညီရေးအသင်းတော် တော်များများကညတွင်းချင်းကယ်ဆယ်ရေးတွေလုပ်ခဲ့ရပြီး ၅ နာရီကြာကယ်ဆယ်ရေးလုပ်ဆောင်ခဲ့ရတယ် လို့သိရပါတယ်။ ရေဝင်ရောက်တဲ့ရပ်ကွက်တွေကတော့ အနောက်လယ်ကုန်းရပ်ကွက်၊ ရမ်ပူရပ်ကွက် နဲ့ ကြက်ပေါက်ခြံ ရပ်ကွက်တို့ဖြစ်ပြီး နှစ်စဥ်ရေကြီးလေ့ရှိတဲ့မြေနိမ့်ပိုင်းရပ်ကွက်တွေဖြစ်ပါတယ်။ အခုလို မြေနိမ့်ပိုင်းရပ်ကွက်တွေမှာ ရေဝင်လေ့ရှိတာ နှစ်စဥ်ပုံမှန်ဖြစ်နေပြီဖြစ်ပြီး ဒီနှစ်မှာတော့ လူနေအိမ်ခြေတွေ မြင့်တက်လာတဲ့အတွက် ရွှေ့ပြောင်းကယ်ဆယ်ရတာပိုကြာသွားတာဖြစ်တယ်လို့ ပြောပါတယ်။ ဒီကနေ့ မေလ ၃၀ ရက်နေ့မှာတော့ မြစ်ရေကအနည်းငယ်ပြန်ကျသွားပြီဖြစ်ပြီး လက်ရှိအခြေနေကို မြစ်ကြီးနားမြို့ခံတစ်ယောက်ကအခုလိုပြောပါတယ်။ “ တစ်နေ့ကတည်းကမြစ်ရေကစတက်တာ မနေ့ကတော့တော်တော်လေးတက်လာတာ ကျနော်တို့ မန်ခိန် ဘက်မှာ တောင် ကမ်းပါးရောက်ဖို့တောင်လူတစ်ရပ်လောက်ပဲလိုတယ်။ ဒီနေ့တော့နည်းနည်းကျသွား တယ်။ မနေ့ကတော့ မြို့ထဲမြေနိမ့်ပိုင်းရပ်ကွက် တိရစ္ဆာန်တွေရောဆွဲထုတ်ခဲ့ရတယ်ကြားတယ်။”လို့ပြောပါတယ်။  ဧရာဝတီမြစ်ရေမြင့်တက်လာတာနဲ့အတူ မြစ်ကြီးနားမြို့မှ ရေဝင်နိုင်တဲ့လမ်းကြောင်း ၈ ခုထိရှိတာ ဖြစ်ပြီး လယ်ကုန်း၊ ဇီးလွန်၊ ကျွန်းပင်သာ၊ ကြက်ပေါင်ခြံ၊ မြို့သစ်ကြီး၊ကွက်သစ်၊ စီတာပူ စတဲ့ရပ်ကွက် တွေပဲဖြစ်ပါတယ်။ တစ်ဖက်မှာတော့ ကချင်ပြည်နယ်ချီဖွေမြို့မှာလည်း ရေကြီးရေလျှံဖြစ်ပေါ်နေပြီး ရေဘေးအန္တရာယ် ကြုံတွေ့နေရတဲ့ စစ်ရှောင်ပြည်သူများအတွက် အကူအညီများလိုအပ်နေတယ်လို့ သိရပါတယ်။ ဒါ့အပြင် စစ်ကိုင်းနဲ့ကချင်အစပ် နာဂဒေသ လဟယ်မြို့နယ်တွေမှာလည်း မိုးသည်းထန်စွာရွာသွန်းပြီး လမ်းပြိုတာတွေကြောင့် နေအိမ်မျှောပါသွား တဲ့အခြေနေတွေပါဖြစ်နေတယ်လို့ သိရပါတယ်။ By – အမိုး

Read More »

ပူတာအိုမြို့နယ်ထဲမှာ ဆန်ပြတ်လပ်နေပြီး ပြည်သူတွေတစ်ချို့ဆန်ပြုတ်သောက်နေရပြီလို့ဆို

မြစ်ကြီးနား- ပူတာအိုလမ်းမကြီး သွားလာခွင့်ပိတ်ထားတာ၂ လကျော်ကြာလာတာနဲ့အမျှ ပူတာအိုမြို့နယ်ထဲမှာ ဆန်ပြတ်လပ်မှုကြုံတွေ့နေကြရပြီး ဒေသခံတစ်ချို့ ဆန်ပြုတ်သာစားနေရကြတယ်လို့ ဒေသခံတွေက ပြောပါတယ်။ လက်ရှိ ပူတာအိုမှာ ဆန်ပြတ်လပ်မှုတွေရှိနေတဲ့အပြင် ဒေသထွက်ဆန်တွေဟာဆိုရင်လည်း ဈေးကြီးပေးဝယ်စားနေရတဲ့အတွက် ဆန်ပြုတ်ကိုသာစားနေရတဲ့ ဒေသခံတွေရှိနေပြီဖြစ်တယ်လို့ ပူတာအိုဒေသခံအမျိုးသားတစ်ယောက်က ပြောပါတယ်။ “တစ်ချို့ကျတော့လည်း ရှိတဲ့ဟာလေးတွေကိုရောင်းပြီး ဆန်ဝယ်စားတာတွေ ခက်ခက်ခဲခဲဖြေရှင်းနေကြတာ တွေရှိတယ်။ တစ်ချို့တစ်ချို့ဆိုရင်တော့ ထမင်းတောင်မချက်စားနိုင်တော့ဘူးလေ၊ ဆန်ပြုတ်လေးတွေ ချက်ပြီးမှ ဆန်ပြုတ်တွေသောက်ပြီး ဖြတ်သန်းနေကြတာတွေလည်းရှိတယ်လေ၊ အဓိကတော့ ဒီလမ်းမြန်မြန် ဖွင့်ပေးစေချင်တာပေါ့” လို့ပြောပါတယ်။ ပူတာအိုမှာ လက်ရှိဒေသဆန် တစ်ပုံး ၁ သိန်းခွဲ၊ ဓာတ်ဆီတစ်ပုလင်း ၈ သောင်းဝန်းကျင်၊  အိုင်အိုဒင်းဆားတစ်ထုပ် ၅ထောင်ကျပ်၊ မာမီးခေါက်ဆွဲတစ်ထုတ် ၂ထောင်ကျပ်ထိရှိနေတဲ့အပြင် ကျန်တဲ့ကုန်စိမ်းပစ္စည်းတွေဖြစ်တဲ့ ခရမ်းချဉ်သီး၊ ကြက်သွန်နီ၊ ကြက်သွန်ဖြူ၊ ဂျင်းတွေလည်း ဈေးတွေသာတက်နေပြီး ဝယ်ယူလို့မရတော့ဘူးလို့ ဆိုပါတယ်။ အခုလို ကုန်ဈေးနှုန်းတွေ မြင့်တက်နေတဲ့အပြင် ကုန်စည်တွေပြတ်လပ်မှုတွေလည်း ရှိနေတဲ့အတွက် ငွေကြေးတတ်နိုင်ပေမယ့် ဝယ်လို့မရတော့ဘူးလို့ မချမ်းဘော့က ဒေသခံအမျိုးသားတစ်ယောက်က ခုလိုပြောပါတယ်။ “ပိုက်ဆံကလည်း တန်ဖိုးမရှိတော့ဘူးလေ၊ အခုဆို ဆိုင်တွေမှာ တစ်ထောင်နှစ်ထောင်နဲ့ ဘာမှမရတော့ဘူးလေ အကုန် တစ်သောင်းနှစ်သောင်းအထက်ဘဲဖြစ်ကုန်ပြီလေ၊ ကလေးတွေအတွက် မုန့်ဆိုတာတောင် မရှိတော့ဘူး။ ဆန်တွေဆိုရင်လည်း ၁ သိန်းနဲ့တောင်မရတော့ဘူး၊ မချမ်းဘော့မှာဆို…

Read More »

မြစ်ကြီးနားအကျဉ်းထောင်ဆူပူမှုမှာ  နိုင်ကျဉ်းသား ၁၃ ဦးကို ပြစ်ဒဏ်ထပ်ပြီးချမှတ်နေတယ်လို့ PPNMပြော

မြစ်ကြီးနားအကျည်းဦးစီးထောင် ဆူပူမှုမှာ နိုင်ငံရေးအကျဉ်းသားအပါအဝင်အကျဉ်းသား ၁၃ ဦးကို ထောင်ဒဏ်ပြန်လည်တိုးမြင့်ချမှတ်တာဟာ လူအခွင့်အရေးကို ချိုးဖောက်နေတာဖြစ်တယ်လို့ မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက် (PPNM)မှ ကိုသိုက်ထွန်းဦးက KNG ကိုပြောပါတယ်။ ဧပြီလ ၁၈ ရက် ညနေ ၄ နာရီဝန်းကျင် မြစ်ကြီးနားအကျဉ်းထောင်…

Read More »

မြစ်ကြီးနား စီတာပူရပ်ကွက်မှာ လူနေအိမ် မီးလောင်မှုဖြစ်

ကချင်ပြည်နယ် မြစ်ကြီးနား မြို့ စီတာပူရပ်ကွက်မှာ နေအိမ်မီးလောင်မှုထပ်မံဖြစ်ပွားခဲ့တယ်လို့ စီတာပူရပ်ကွက်နေပြည်သူတွေ ဆီကနေ သိရပါတယ်။ မေလ ၂၄ ရက်နေ့  ဒီမနက် ၆နာရီခွဲဝန်းကျင်လောက်က စီတာပူနယ်မြေ (၃) ဖားကန့်သူ စားသောက်ဆိုင်လမ်းကြား ၊ စီတာပူမိုတယ်မျက်နှာချင်းဆိုင်မှာရှိတဲ့ အိမ်နှစ်လုံးမီးလောင်သွားတာဖြစ်တယ်လို့ မြင်တွေ့ခဲ့ရတယ်လို့ စီတာပူရပ်ကွက်နေ ပြည်သူတစ်ဦးက ခုလိုပြောပါတယ်။ “ကျွန်တော်တို့ရောက်တဲ့ အချိန်ကလောင်နေပြီး ၆ ခွဲ ၇ နာရီဝန်းကျင်လောက်တော့ ရှိပြီး နောက်တစ်အိမ်ကိုတောင် မီးကကူးနေပြီ ဟုတ်တယ်”လို့ ဆိုပါတယ်။ မီးလောင်တဲ့ အိမ်နှစ်လုံးထဲမှာ တစ်လုံးကတော့ ပျဉ်ထောင်အိမ် ဖြစ်ပြီး နောက်ထပ်တစ်လုံးကတော့ အုတ်တက်ထားတဲ့အိမ်ဖြစ်တယ်လို့ သူကဆက်ပြောပါတယ်။ “မီးသတ်ကားရောက်တဲ့ အချိန်က အိမ်တစ်လုံးတော့ ပြာကျသွားပြီး နောက်တစ်လုံးကတော့  အကုန်တော့မပါဘူး တစ်ဝက်ပါသွားတာ ဟုတ်တယ်”လို့ပြောပါတယ်။ မီးလောင်တဲ့အကြောင်းအရင်းနဲ့ပက်သက်ပြီး မီးဖိုချောင်က စလောင်တာဆိုပြီးပြောဆိုနေကြသလို  သစ်ပင်အောက်က အမှိုက်မီးလောင်ရာကန ကူးစက်လောင်တာဖြစ်တယ်ဆိုပြီး သတင်းအမျိုးမျိုးထွက်ပေါ်နေပါတယ်။ အလားတူ စီတာပူရပ်ကွက် ၅မှာလည်း ပြီးခဲ့တဲ့ ဇန်နဝါရီလ ၁၅ရက်နေ့တုန်းကလည်း မီးလောင်ကျွမ်းမှုဖြစ်ပွားခဲ့တာ ဘဲ ဖြစ်ပါတယ်။ ၂၀၂၄ ခုနှစ်အတွင်း မြစ်ကြီးနား မြို့မှာ ပြီးခဲ့တဲ့ လေးအတွင်း မီးလောင်မှု သုံးကြိမ်တိတိ ဖြစ်ပွားခဲ့တာ ဘဲ ဖြစ်ပါတယ်။ မြန်မာတစ်နိုင်ငံလုံးမှာ ၂၀၂၃ ခုနှစ်၊ ဇန်နဝါရီ ၁ ရက်မှ နိုဝင်ဘာ ၂၁ ရက်အထိ မီးလောင်မှု အကြိမ်ပေါင်း ၁,၂၄၅ ကြိမ်ဖြစ်ပွားခဲ့ပြီး ဆုံးရှုံးမှုတန်ဖိုး ကျပ်သန်းပေါင်း ၁၆,၈၆၉ ကျော် ရှိခဲ့တယ်လို့ မြန်မာနိုင်ငံမီးသတ်တပ်ဖွဲ့ရဲ့ ဖော်ပြချက်အရ သိရပါတယ်။ By – Hope

Read More »