အင်တာနက်
-
Aug- 2024 -20 Augustသတင်း
ကချင်ပြည်နယ် မြို့နယ်တစ်ချို့မှာ အော်ရီဒူးဖုန်းလိုင်းပြန်ရ
ကချင်ပြည်နယ် မြို့နယ်တစ်ချို့မှာ ဒီနေ့ကစပြီး အော်ရီဒူး ( Oredoo) ဖုန်းလိုင်းတွေ ပြန်ရနေပြီဖြစ်တယ်လို့ မြစ်ကြီးနားဒေသခံတွေကပြောပါတယ်။ ဇူလိုင်လ ၂၁ ရက်နေ့စ ဖုန်း၊အင်တာနက်၊ဝိုင်ဖိုင်လိုင်းပြတ်တောက်နေတဲ့ ကချင်ပြည်နယ်မှာ ဇူလိုင်လ ၂၉ ရက်နေ့စပြီး မြစ်ကြီးနားမြို့တွင်း MPT ဖုန်းလိုင်း အကန့်အသတ်နဲ့ရနေပြီး ဩဂုတ်လ ၂၀ ရက်နေ့ အော်ရီဒူးဖုန်းလိုင်းပြန်ရပြီဖြစ်တယ်လို့ မြစ်ကြီးနားဒေသခံတစ်ဦးက KNG ကို ခုလိုပြောပါတယ်။ “အော်ရီဒူးဖုန်းလိုင်းက ခုနေ့လည်လောက်ကတည်းက ရနေတယ် ဖုန်းလိုင်းလည်းတော်တော်ကောင်းတယ်။ အင်တာနက်လိုင်းတော့မရသေးဘူးဗျ”လို့ ပြောပါတယ်။ အလားတူ မိုးညှင်းမြို့နယ်နဲ့ မိုးကောင်းမြို့နယ်တွေမှာလည်း ဩဂုတ်လ ၇ ရက်နေ့ကစ MPTဖုန်းလိုင်းရခဲ့ပြီး ဩဂုတ်လ ၂၀ ရက် ဒီနေ့ကစ အော်ရီဒူး ( Oredoo) ဖုန်းလိုင်းရနေပြီဖြစ်တယ်လို့ သိရပါတယ်။ လက်ရှိ ကချင်ပြည်နယ်အတွင်း မြို့နယ် ၁၈ မြို့နယ်အနက် မြစ်ကြီးနားမြို့မှာ MPTနဲ့ Ooredoo ဖုန်းလိုင်းရနေပြီး၊ မိုးကောင်းမြိို့နယ်မှာ MPT လိုင်းအကန့်အသတ်နဲ့ Oredoo ဖုန်းလိုင်းနေရာတစ်ချို့ ၊ မိုးညှင်းမြို့နယ်မှာ Oredoo ဖုန်းလိုင်း၊ချီဖွေမြို့နယ်မှာ တယ်လိီနော ( Telenor) ၊ ဆင်ဘိုမြို့မှာ တယ်လီနော၊ MPT ၊ နောင်မွန်းမြို့နယ်မှာ MPT၊ MEC ဖုန်းလိုင်းတွေရနေပြီး ကျန်တဲ့မြို့နယ်တွေမှာတော့ ဖုန်းလိုင်းတွေ မရရှိသေးပါဘူး။ ဖုန်းလိုင်းမရသေးတဲ့ ဖားကန့်မြို့ထဲမှာ တစ်နာရီ ကျပ် ၃၀၀၀ ဝန်းကျင်အထိ ပေးပြီး အင်တာနက်လိုင်းသုံးနေရသလို တိုက်ပွဲဇုန်အနီးမှာရှိတဲ့ ဗန်းမော်မြို့နယ်မှာ စစ်တပ်လက်အောက် ဆက်သွယ်ရေးရုံးကနေ ပြည်သူတစ်ဦး ၃ မိနစ်နဲ့ဖုန်းပြောခွင့်ရနေတာလို့ သိရပါတယ်။ “ဖားကန့်မှာ မရသေးဘူး ကျနော့်ဖုန်းထဲမှာ အော်ရီဒူးကဒ်ထည့်ထားတယ် ဖုန်းလိုင်းမရသေးပါဘူး။ ဒီမှာက အင်တာနက်ကို ဆိုင်မှာသုံးနေရတုန်းပါ”လို့ ပြောပါတယ်။ အထက်ဖော်ပြပါ အချက်လက်တွေဟာ KNG ကစုစည်းထားတဲ့ အချက်လက်သာဖြစ်ပြီး မြို့နယ်တစ်ချို့ရဲ့ ဖုန်း၊အင်တာနက်လိုင်းအခြေနေအသေးစိတ်တော့ မသိရသေးပါဘူး။ ကချင်ပြည်နယ်တစ်ပြည်နယ်လုံးအတိုင်းတာနဲ့ ဇူလိုင်လ ၂၁ ရက်နေ့စလို့ ဖုန်း၊အင်တာနက်၊ဝိုင်ဖိုင်လိုင်းအားလုံးပြတ်တောက်သွားတာဖြစ်ပြီး တစ်လအကြာမှာ အော်ရီဒူးလိုင်းပြန်ရရှိလာတာလည်းဖြစ်ပါတယ်။ ခေတ်မီတိုးတက်လာတာနဲ့အမျှ လူတွေဟာ ပညာရေး၊ကျန်းမာရေ၊ စစ်ရေးသတင်းအချက်လက်သိရှိဖို့ ဆိုရှယ်မီဒီယာကို သုံးစွဲလာကြသလို သတင်းအချက်အလက် ရယူပိုင်ခွင့်ကလည်း အပြည်ပြည်ဆိုင်ရာ လူ့အခွင့်အရေးတစ်ရပ်ဖြစ်ပါတယ်။ သို့သော် စစ်တပ်ကအာဏာသိမ်းလိုက်တဲ့နောက်ပိုင်း မြန်မာနိုင်ငံအတွင်း ဖုန်းနဲ့အင်တာနက်သုံးစွဲမှုတွေကို ကန့်သတ်တာ၊ ဖြတ်တောက်တာပိုမိုလုပ်ဆောာင်လာနေတာဘဲဖြစ်ပါတယ်။ အမေရိကန်အခြေစိုက် Freedom House အဖွဲ့ရဲ့ ပြီးခဲ့တဲ့နှစ် အောက်တိုဘာ ၄ ရက်နေ့က ထုတ်ပြန်တဲ့အစီအရင်ခံစာမှာ ကမ္ဘာ့နိုင်ငံတွေထဲမှာ မြန်မာနိုင်ငံဟာ အင်တာနက်လွတ်လပ်ခွင့် ဖိနှိပ်ချိုးဖောက်မှု အဆိုးဆုံးခံနေရတဲ့ တရုတ်ပြီးရင် ဒုတိယ အဆိုးဆုံးနိုင်ငံဖြစ်တယ်လို့ ဖော်ပြထားပါတယ်။ By – zami
Read More » -
19 Augustသတင်း
ကချင်ပြည်နယ်အတွင်း မြို့တစ်ချို့မှာ ဖုန်းလိုင်းအကန့်သတ်နဲ့ပြန်ရ
တစ်လဝန်းကျင် ဖုန်းနဲ့အင်တာနက်လိုင်းဖြတ်တောက်ခံထားရတဲ့ ကချင်ပြည်နယ်အတွင်း မြို့တစ်ချို့မှာ ဖုန်းလိုင်းအကန့်အသတ်နဲ့ ပြန်ရနေပြီလို့ ဒေသခံတွေနဲ့ကချင်ပြည်နယ် ပြင်ပရောက်ပြည်သူတွေဆီက သိရပါတယ်။ ခရိုင် ၄ ခု၊ မြို့နယ် ၁၈ မြို့နယ်၊ မြို့ ၃၃ မြို့၊ လူဦးရေ တစ်သန်းကျော်ရှိတဲ့ ကချင်ပြည်နယ်မှာ ဇူလိုင်လ ၂၁ ရက်နေ့စ မြို့အားလုံးနီးပါး ဖုန်း၊အင်တာနက်၊ဝိုင်ဖိုင်လိုင်း ပြတ်တောက်သွားခဲ့ပေမယ့် ချီဖွေမြို့နဲ့ ဆင်ဘိုမြို့မှာ ဖုန်းလိုင်းတွေရရှိနေတယ်လို့ ဒေသခံတွေကပြောပါတယ်။ ကချင်လွတ်လပ်ရေးတပ်မတော် KIA သိမ်းပိုက်ထားတဲ့ ဆင်ဘိုမြို့မှာ ဖုန်း၊အင်တာနက်လိုင်းပြတ်တောက်သွားခြင်းမရှိဘဲ တယ်လီနော၊ MPT ဖုန်းရောအင်တာနက်လိုင်း နှစ်ခုလုံးရနေပြီး စက်သုံးဆီလိုအပ်ချက်ကြောင့်သာ တစ်ခါတစ်ရံ လိုင်းပြတ်တောက်တာတွေရှိတယ်လို့ ဆင်ဘိုဒေသခံတစ်ယောက်ကပြောပါတယ်။ “ဆင်ဘိုမှာကတော့ KIA သိမ်းထားတဲ့နေရာဆိုတော့ သူတို့ရဲ့ထိန်းချုပ်မှုအောက်မှာပဲပြည်သူတွေနေနေကြ ပါတယ်။ ဖုန်းလိုင်းက တယ်လီနောရတယ် MPT ရတယ် တစ်ခါတစ်လေ ဆီကုန်သွားရင်တော့ လိုင်းမရဘူး ပေါ့။ အင်တာနက်ရောရတယ်”လို့ ပြောပါတယ်။ ဒါ့အပြင် ချီဖွေမြို့နယ်မှာလည်း တယ်လီနောဖုန်းလိုင်း၊အင်တာနက်ပါ အသုံးပြုလို့ရနေတယ်လို့သိရပြီး တစ်ခြားသော ဖုန်းအော်ပရေတာတွေကတော့ အားလုံးပြတ်တောက်နေတယ်လို့ ဒေသခံတွေကဆိုပါတယ်။ ကချင်သတင်းဌာန KNG ပြုစုထားတဲ့စာရင်းတွေအရ ဇူလိုင်လ ၂၉ ရက်နေ့စပြီး မြို့တော် မြစ်ကြီးနားမြို့မှာဆိုရင် ဌာနဆိုင်ရာရုံးတွေရှိတဲ့ရပ်ကွက်တွေ၊ MPT ရုံးအနီး တစ်ဝှိုက် နဲ့ လယ်ကုန်းရပ်ကွက်၊ ပလနရပ်ကွက် ရဲ့နေရာတစ်ချို့တွေမှာဖုန်းလိုင်းရရှိတယ်လို့ဒေသခံတွေကပြောပါတယ်။ သို့သော် ကချင်ပြည်နယ်ရဲ့ ဒုတိယမြို့တော် ဗန်းမော်မြို့နယ်အတွင်းမှာတော့ စစ်တပ်လက်အောက် ဆက်သွယ်ရေးရုံးမှာသာ ပြည်သူ တစ်ဦးကို ၃ မိနစ်ဖုန်းပြောခွင့်ပြုနေတယ်လို့ သိရပါတယ်။ ဒါ့အပြင် မြန်မာပြည်ရဲ့ကျောက်စိမ်းမြေ ဖားကန့်မြို့နယ်မှာတော့ ဖုန်းရောအင်တာနက်လိုင်းပါလုံးဝမရရှိပဲ တစ်မိနစ် ၂၀၀၀ ပေးပြီးဖုန်းဆက်လို့ရတဲ့ ဆိုင် ၂ ဆိုင်၊ တစ်နာရီကို ကျပ် ၃ သောင်းပေးပြီး IP Star နှင့် Star link အင်တာနက်ကိုအသုံးပြုလို့ရတယ်လို့ ဒေသခံတွေကပြောပါတယ်။ “လိုင်းကတော့ကောင်းပါတယ်။ Starlink က VPN လည်းမလိုဘူး ဆိုင်တွေက မနက် ၇ နာရီလောက်က နေ ည ၉ နာရီအထိရတယ်။ IP Star ကတော့ ဖုန်း လေးငါးလုံးပဲ သုံးလို့ရတာ။ Facebook အတွက်ဆို VPN လိုတယ်”လို့ဖားကန့်ဒေသခံတစ်ဦးကပြောပါတယ်။ မိုးကောင်းမြို့နယ်အတွင်းမှာ ဩဂုတ်လ ၇ ရက်နေ့ကစပြီး ကျွန်းတောတံတား၊ ဆားမှော်တံတားအနီးတစ်ဝှိုက်တို့မှာ ဖုန်းလိုင်းရရှိနေပြီး မိုးညှင်းမြို့မှာ ဩဂုတ်လ ၁၃ ရက်နေ့ MPT ရုံးနီးပတ်ဝန်းကျင်ဖုန်းလိုင်းရနေတယ်လို့ သိရပါတယ်။ ပြီးခဲ့တဲ့ မတ်လ ကချင်လွတ်လပ်ရေးတပ်မတော် KIA နဲ့ စစ်ကောင်စီတပ်တို့အကြားတိုက်ပွဲတွေကြောင့် လမ်းပိုင်းပိတ်ဆို့မှုခံခဲ့ရတဲ့ ပူတာအိုမြို့မှာလည်း MPT ဖုန်းလိုင်းတစ်ချို့ရရှိသလို မြစ်ကြီးနား–ပူတာအို လမ်းပိုင်းပေါ်က နောင်မွန်မြို့အနီးတစ်ဝှိုက်မှာလည်း MEC ဖုန်းလိုင်းတစ်ချို့ရရှိနေတယ်လို့သိရပါတယ်။ စစ်ကောင်စီတပ်ဟာ ကချင်ပြည်နယ်တစ်ပြည်နယ်လုံးအတိုင်းအတာနဲ့ ဖုန်းနဲ့အင်တာနက်လိုင်းတွေကို ပြီးခဲ့တဲ့ဇူလိုင်လ ၂၁ ရက်နေ့ကတည်းက ရုတ်တရက်ဖြတ်တောက်ခဲ့တာဖြစ်ပြီး အခုဆိုရင် လိုင်းတွေပြတ် တောက်နေတာ တစ်လနီးပါးရှိလာပြီဖြစ်ပါတယ်။ စစ်ကောင်စီတပ်ဟာ အာဏာသိမ်းပြီးတဲ့နောက်ပိုင်း မြန်မာနိုင်ငံတစ်ဝှမ်းတိုက်ပွဲတွေပြင်းထန်နေတဲ့ ဒေသတွေမှာ သတင်းစီးဆင်းမှုပိတ်ဆို့တဲ့အနေနဲ့ ဖုန်းအင်တာနက်လိုင်းတွေကိုဖြတ်တောက်လေ့ရှိပါတယ်။ ကချင်ပြည်နယ်အတွင်း ဖုန်းနဲ့အင်တာနက်လိုင်းပြတ်တောက်နေတာကတော့ စစ်ကိုင်းတိုင်းထဲက တိုက်ပွဲတွေကြောင့် ကေဘယ်လ်ကြိုးပြတ်တောက်တာတွေရှိတဲ့အတွက် လိုင်းမရတာလို့ ကချင်ပြည်နယ်ဝန်ကြီး ဦးခက်ထိန်နန်က ပြီးခဲ့တဲ့ ဇူလိုင် ၃၁ ရက်နေ့က KNG ကိုဖြေကြားခဲ့ပါတယ်။ စစ်တပ်အာဏာသိမ်းပြီးတဲ့နောက် မြန်မာနိုင်ငံဟာ အိမ်နီးချင်း တရုတ်နိုင်ငံနည်းတူ ဒစ်ဂျစ်တယ်အခွင့် အရေး ချိုးဖောက်မှုမှာ ကမ္ဘာ့အဆိုးရွားဆုံးနိုင်ငံတွေထဲက တစ်နိုင်ငံဖြစ်လာတယ်လို့ ၂၀၂၂ ခုနှစ် အောက်တိုဘာ ၁၈ ရက်နေ့ထုတ်တဲ့ Free Expression…
Read More » -
13 Augustအင်တာဗျူး
ဖုန်း၊အင်တာနက်ပြတ်တောက်နေတဲ့ မြစ်ကြီးနားမြို့မှာ ဘာတွေဖြစ်နေလဲ
ကချင်ပြည်နယ်တစ်ခုလုံးအတိုင်းအတာနဲ့ ဖုန်း၊အင်တာနက်လိုင်းပြတ်တောက်နေတာဟာ ၃ပတ်ကျော်ကြာမြင့်လာပြီ ဖြစ်ပါတယ်။ မြို့တော် မြစ်ကြီးနားမြို့အပါအဝင် တစ်ပြည်နယ်လုံးအတိုင်းတာနဲ့ ဇူလိုင်လ၂၁ရက်နေ့ကစပြီး ဖုန်းနဲ့အင်တာနက်လိုင်းအားလုံးပြတ်တောက်သွားခဲ့ပြီး ဇူလိုင်လ ၂၉ ရက်နေ့ မြစ်ကြီးနားမြို့ လယ်ကုန်း၊ ကျွန်းပင်တာ၊ ဒူကထောင်၊ စီတာပူ၊ အစိုးရရုံးပတ်ဝန်းကျင်နဲ့ MPT အော်ပရီတာရုံးအနီးနားတွေမှာ MPT ဖုန်းလိုင်းရရှိခဲ့တာဖြစ်ပါတယ်။ ဒါပေမယ့် MPT ဖုန်းလိုင်းကလည်း မြို့တွင်းနေရာ အကန့်အသတ်နဲ့သာရရှိနေပြီး ကျန်တဲ့ဖုန်းလိုင်းအော်ပရီတာလိုင်းတွေအားလုံးပြတ်တောက်နေဆဲဖြစ်တာကြောင့် ပြည်သူတွေဟာ အဖက်ဖက်ကနေ လူမူစီးပွားဆိုင်ရာ အခက်ကြုံနေကြတယ်လို့လည်း သိရပါတယ်။ ခုလို အင်တာနက်လိုင်းပြတ်တောက်နေတဲ့ မြစ်ကြီးနားမြို့မှာ ဘာတွေဖြစ်နေလဲဆိုတာနဲ့ပက်သက်ပြီး မြစ်ကြီးနားဒေသခံပြည်သူတွေကို KNGသတင်းဌာနကနေပြီးတော့ မေးမြန်းထားပါတယ်။ အွန်လိုင်းကနေ ဈေးရောင်းဈေးဝယ်လုပ်ငန်းလုပ်ကိုင်တဲ့ အမျိုးသမီးတစ်ဦး “စားဖို့သောက်ဖို့လည်း ခက်ခဲနေတယ် အလုပ်ကလည်းအွန်လိုင်းနဲ့ဘဲလုပ်တာဆိုတော့ အခုကဖုန်းလိုင်းလည်းမရ ဟိုသွားဒီသွားလုပ်ဖို့ အရေးပေါ်ဖုန်းဆက်မယ်ဆိုရင်တောင် အရမ်းကိုခက်ခဲတယ်။သတင်းတွေကတော့ တီဗီကလာတဲ့ဟာတွေဘဲနားထောင်နိုင်တာပေါ့ သတင်းတွေကလည်း မှန်လားမှားလားမသိရဘူး။ Kpay ကပိုက်ဆံတွေဆိုရင်လည်း လိုင်းမရတော့ ထုတ်လို့မရဘူးပေါ့ ပြီးတော့သူများတွေလိုင်းရတယ်လို့ပြောတဲ့နေရာတွေမှာလည်း လိုက်သွားကြည့်တော့ မိုးကရွာဆီကကုန်နဲ့ဒုက္ခတွေရောက်ရတယ်။ ကြာအုံးမယ်ဆိုရင်တော့ အွန်လိုင်းရှိတဲ့နေရာကိုပြောင်းဖို့တွေးနေတယ် ဒီမှာဘဲနေနေရင်တော့ အွန်လိုင်းကနေ အလုပ်လုပ်တဲ့သူတွေအတွက်တော့ အဆင်မပြေဘူး ဘာမှလည်း မတတ်နိုင်တော့ဘူး အခုကစောင့်တော့စောင့်နေတာပေါ့ ဟိုတစ်ခေါက်တုန်းကလည်း အဲလိုလိုင်းပြတ်ပြီး ခနလေးနဲ့ပြန်ရတာဆိုတော့ ဒါပေမယ့်လည်း ဒီတစ်ခေါက်တော့ အရမ်းကြာသွားတာပေါ့ ဒုက္ခရောက်တဲ့အချိန်လည်း လူကဘယ်ကိုထွက်ပြေးပြီး ဘယ်ကိုသွားရမလဲဆိုတာ တွေးနေတဲ့လူတွေအရမ်းများတယ်” စီတာပူဒေသခံအမျိုးသားတစ်ဦး “ကုန်ဈေးနှုန်းကတော့ နှစ်ဆသုံးဆလောက်ရှိလာပြီ ဟင်းရည်တစ်ခွက်ချက်စားမယ်ဆိုရင်တောင်မှ ၅ထောင်လောက်ကုန်နေပြီ အရင်တုန်းကနေ ၂၀၀၊ ၃၀၀ ရာလောက်ဘဲ အခုက ၅ထောင်လောက်ရှိနေပြီ ကြက်ဥတစ်လုံးလည်း ၅၀၀ ရှိသွားပြီ မနေ့ကလည်း ပိုက်ဆံ ၃ သောင်းယူပြီးဈေးသွားလိုက်တာ ဘာမှတောင်မဝယ်လိုက်ရဘူးပိုက်ဆံကကုန်သွားပြီ။ အမဲသားတွေဆိုရင်လည်းအရင်တုန်းက ၁ သောင်း၂ထောင် ၁သောင်း ၆ထောင်လောက်ကနေ ၂ သောင်း ၄ထောင် ဒါတောင်မှမိုခိုသားမဟုတ်ဘူးရိုးရိုးအသားဘဲ အခုလိုဘဲတက်နေပြီဆိုရင် ကိုယ်ရတဲ့အလုပ်လုပ်နေတဲ့သူတွေတောင် တစ်နေ့ထက်တစ်နေ့စားမလောက် ပြီးတော့ပြေးရမယ်အခြေအနေမျိုးဆိုရင်တောင် ပြင်ဆင်ထားဖို့ပြောခဲ့ရင်တောင် ပိုက်ဆံကသိတဲ့အတိုင်းဘဲ စားတာနဲ့သုံးတာကမကိုက်နေတော့ ဘာမှတောင်မစုဆောင်းထားနိုင်ဘူးဖြစ်နေတယ်” ကုန်စုံဆိုင်ရောင်းတဲ့အမျိုးသမီးတစ်ဦး အခုကဖုန်းလိုင်းမရတဲ့အတွက် ကျွန်မတို့ ငွေထုတ်ဖို့လည်း အရမ်းခက်ခဲတယ် ပြီးတော့ ဘာသတင်းမှလဲမကြားတော့ဘူး ဘယ်သူနဲ့မှလည်း အဆက်အသွယ်မရတော့ဘူး ဘာမလုပ်ဘဲလုပ်လုပ်အဆင်မပြေဘူး။ ဒါပေမယ့်လည်း ဒီနှစ်ရက်သုံးရက်ကတော့ လျှပ်စစ်မီးပုံမှန်လာနေတော့ ဖုန်းအားလေးတော့သွင်းလိုက်ရတယ်။ ဟိုရက်တုန်းကတော့ လျှပ်စစ်မီးရော ဖုန်းလိုင်းရောဘာမှ ကိုအဆင်မပြေဘူးဖြစ်သွားတယ် အင်တာနက်ကတော့ ပြောမနေနဲ့ အင်တာနက်လိုင်းမရှိတော့ ငွေထုတ်ဖို့လည်းအရမ်းခက်တယ် အခုလောလောဆယ် စစ်ရေးနဲ့ပက်သက်ပြီးတော့လည်း ဘာမသံမှမကြားဘူး။ ဒါပေမယ့်လည်း ညတိုင်းလက်နက်ကြီးသံကြားရတယ် ည ၉ နာရီ ၁၀ နာရီလောက်ဆိုအမြဲကြားရတယ်။ ဒီလိုဘဲဆက်ဖြစ်နေမယ်ဆိုရင်ကျွန်မတို့က ရူးလာမယ်ထင်တယ် လို့ခံစားနေရတယ် သွားရမလိုလာရမလို ထိုင်ရမလိုနဲ့ ဈေးလည်းဝယ်ရမလိုမဝယ်ရမလိုလိုဖြစ်နေတယ်” လယ်ကုန်းကလူငယ်တစ်ဦး “ငွေထုတ်ငွေလွှဲကတော့ အရမ်းခက်နေတာပေါ့ တစ်ဆင့်ခံဖြစ်သွားပြီ သူတို့ကရန်ကုန်မှာရှိတဲ့အတွက် ပြောရမယ်ဆိုရင်သူတို့ဆိုင်က ရန်ကုန်မှာလည်း ဒီမှာလည်းရှိတဲ့အတွက် ရန်ကုန်ကဆိုင်မှာငွေလွှဲလိုက်လို့ရှိရင်ကျွန်တော်တို့က ဒီကဆိုင်မှာ ပြန်ထုတ်လို့ရတာပေါ့ တစ်ဆင့်ခံပေါ့။ မြစ်ကြီးနားမှာက အင်တာနက်လိုင်းမရတော့ ထုတ်ကိုထုတ်လို့မရဖြစ်နေတာ မြစ်ကြီးနားမှာလည်း လေဆိပ်ပိတ်မယ်ဆိုပြီး ကောလဟာလထွက်နေတယ် ၁၈ ရက်နေ့အထိဘဲဖွင့်ပြီး အဲဒီနောက်တော့ လေယာဉ်အတက်အဆင်းမရှိတော့ဘူးဆိုပြီး မှန်လားမှားလားဆိုတာကိုတော့ အတည်မပြုနိုင်သေးဘူး။ ကျွန်တော်တို့က သတင်းတွေလည်း ဘာမှမရဘူး SKY NETတို့ မြဝတီ တို့ကသတင်းတွေဘဲလာတယ် သူတို့ရဲ့သတင်းတွေက ကျွန်တော်တို့ကပြန်မကြည့်ချင် LAIZA FM ကသတင်းတွေတော့ ရေဒီယိုက နားထောင်တယ်” လယ်ကုန်းရပ်ကွက်က မိခင်တစ်ဦး “ဖုန်းလိုင်းမရတော့တဲ့အတွက် ဟိုဘက်ကမ်းဒီဘက်ကမ်း ဝိုင်းမော်ဘက်ကိုအထိဘဲဆက်သွယ်မယ်ဆိုရင်တောင် တကူးတက ဝိုင်းမော်ထိသွားပြီးပြောရတယ်။ အရင်တုန်းကလို ဖုန်းလိုင်းမရှိတဲ့ခေတ်ကလိုလိုပြန်နေနေရတယ်။ ကျွန်မတို့ မြစ်ကြီးနားက ပြီးတော့ ဟိုဟိုဒီဒီ ပစ္စည်းတွေမှာပြီးရောင်းတဲ့သူတွေလည်း ပစ္စည်းတွေမှာလို့မရ ဈေးရောင်းစားတဲ့သူတွေလည်း ဖုန်းလည်း မရှိတော့ အရမ်းခက်ခဲသွားတယ်။ ပြီးတော့ ဖုန်းနဲ့အဆက်အသွယ်လုပ်ပြီး အရောင်းအဝယ်လုပ်တဲ့သူတွေနဲ့ အွန်လိုင်းကနေ ဈေးရောင်းစားတဲ့သူတွေလည်း အရမ်းဒုက္ခရောက်သွားတယ် ပြီးတော့ WAVE MONEY နဲ့ KPAY တွေကနေ ငွေထုတ်ချင်တဲ့သူတွေအတွက် ငွေထုတ်ရခက်တော့ အရမ်းကိုဒုက္ခရောက်နေတယ် ကျွန်မတို့မြစ်ကြီးနားကတော့” လူဦးရေ ၁ သန်းကျော်၊ ခရိုင် ၄ ခု၊ မြို့နယ် ၁၈ မြို့နယ်နဲ့ဖွဲ့စည်းထားတဲ့ ကချင်ပြည်နယ်မှာ ၂၀၂၁ ခုနှစ် စစ်တပ်ကအာဏာသိမ်းလိုက်တဲ့နောက် မကြာခနဆိုသလို ဖုန်းအင်တာနက်ပြတ်တောက်တာတွေရှိပေမယ့် ဒီတစ်ကြိမ် ဖုန်း၊အင်တာနက်လိုင်း ပြတ်တောက်တာဟာ အချိန်အကြာဆုံးဖြစ်ပါတယ်။…
Read More » -
13 Augustသတင်း
ဗန်းမော်မှာ သုံးပတ်အတွင်း အရပ်သား ၈ ဦးသေ ၁၀ ဦးဒဏ်ရာရ
ကချင်ပြည်နယ် ဗန်းမော်မြို့နယ်မှာ ဖုန်း၊အင်တာနက်၊ဝိုင်ဖိုင်ပြတ်တောက်နေတဲ့ ၃ ပတ်တာကာလအတွင်း လက်နက်ကြီးကျပေါက်ကွဲတာ၊ လေယာဉ်ဗုံးကြဲတာတွေကြောင့် အရပ်သား ၈ ဦးသေဆုံးပြီး ၁၀ ဦးထက်မနည်းခိုက်ဒဏ်ရာရရှိထားတယ်လို့ ဗန်းမော်မြို့ခံတွေဆီကနေ သိရပါတယ်။ ပြီးခဲ့တဲ့ ဇူလိုင်လ ၂၁ ရက်နေ့ ဖုန်းအင်တာနက်ပြတ်တောက်သွားတဲ့နောက် ၃ ရက်အကြာ ဇူလိုင်လ ၂၄ ရက်နေ့ကစပြီး မိုးမောက် ခမရ ၄၃၇ ကို KIA ပူးပေါင်းတပ် တစ်ကျော့ပြန်ထိုးစစ်ဆင်လာရာကနေ တိုက်ပွဲအတွင်း နှစ်ဖက်လက်နက်ကိုင်တပ် ပစ်ခတ်တဲ့ လက်နက်ကြီးကျပေါက်ကွဲတာ၊ စစ်တပ်ရဲ့လေကြောင်းဗုံးကြဲတိုက်ခိုက်မှုကြောင့် အရပ်သား ၈ ဦးသေဆုံးပြီး နောက်ထပ် ၁၀ ဦးထိခိုက်ဒဏ်ရာရရှိထားတယ်လို့ ဗန်းမော်မြို့ခံတွေဆီကနေ စုစည်းထားတဲ့သတင်းချက်လက်အရ သိရပါတယ်။ “ရက်စွဲ တိတိကျကျပြောဖို့ ခက်တယ် ဖုန်းလိုင်းကမရတာနဲ့ဆိုတော့ နီးစပ်ရာကတစ်ဆင့်သိရတာ တစ်ချို့ကျတော့ ဆေးရုံရောက်လူနာတွေဆီကနေ သိရတာတွေပါ။ ကျနော်တို့သိရတာထက် ပိုများရင်လည်း များနိုင်ပါတယ် ဘာလို့လဲဆိုတော့ လက်နက်ကြီးတွေက မြို့အထဲထိကျတာတွေရှိနေတယ်လေ။ ဗန်းမော်မြို့ပြင် စီဟတ်၊ကောင်ရာ၊ ပြီးတော့ နမ့်ဖိန်း၊တာမိုင်းလုံဘက်လည်း ကျတယ်။ ပြီးတော့ ရှမ်းဝိုင်းထဲက ညီအစ်မ နှစ်ယောက်ဆို ညီမဖြစ်သူက ဆီးစပ်ထိတယ် အစ်မဖြစ်သူက ရင်ညွန့်ထိတယ်။ သိမ်တော်ကြီးဘက်ကလည်း စစ်ရှောင်ကလေးကြီး ၃ ယောက်ထိတယ် တစ်ယောက်က ပွဲချင်းပြီးသေတယ်လို့ သိရတယ်”လို့ ဗန်းမော်ကနေ တစ်ခြားနေရာမှာရောက်နေတဲ့ ဗန်းမော်ဒေသခံတစ်ဦးအမျိုးသားတစ်ဦးက ပြောပါတယ်။ လက်နက်ကြီးနဲ့လေကြောင်းဗုံးကြဲတိုက်ခိုက်မှုကြောင့် ထိခိုက်သေဆုံးသူတွေဟာ နမ့်ဖားကျေးရွာ ၁၉ နှစ်အရွယ် ယောကျာ်းလေးတစ်ဦးသေဆုံး ၊ ၂ မိုင် စာသင်ကျောင်းနား အမျိုးသား ၂ ဦးသေဆုံး၊စီဟတ် လေယာဉ်ဗုံးကြဲ ကိုယ်ဝန်ဆောင်အမျိုးသမီး တစ်ဦးသေဆုံး၊ လယ်ပေါ်ဘုန်းကြီးကျောင်း လက်နက်ကြီးကျ ဥပဇင်း ၂ ပါးဒဏ်ရာရ၊ ၃ မိုင် လက်နက်ကြီးကျ ကလေးတစ်ဦးကျည်ထိမှန်ဒဏ်ရာရ ၊ မင်းလှလက်နက်ကြီးကျ အဖွားအိုတစ်ဦးသေဆုံး၊ နောင်ခိုကျေးရွာ လက်နက်ကြီးကျ အမျိုးသား တစ်ဦးသေ၊ သိမ်တော်ကြီး စစ်ရှောင်စခန်း လက်နက်ကြီးကျ စစ်ရှောင်ကလေး ၃ ဦးထိ တစ်ဦးသေ၊ ရှမ်းဝိုင်း လက်နက်ကြီးကျ ညီိအစ်မ ၂ ဦးကျည်ထိ၊ ပေါက်ကုန်း လက်နက်ကြီးကျ ကလေးတစ်ဦးသေဆုံး အမျိုးသမီးတစ်ဦးထိခိုက်ဒဏ်ရာရ၊တာမိုင်းလုံ လက်နက်ကြီးကျပေါက်ကွဲပြီး အရပ်သား ၃ ဦးထိခိုက်ဒဏ်ရရှိထားတယ်လို့ ဗန်းမော်ပြည်သူတွေ ပေးပို့လာတဲ့ အချက်လက်အရ သိရပါတယ်။ လက်နက်ကြီး၊လေယာဉ်ဗုံးကြောင့် သေဆုံးတဲ့ အရပ်သား ၈ ဦးထဲမှာ ကိုယ်ဝန်ဆောင်အမျိုးသမီးတစ်ဦးအပါ စုစုပေါင်း အမျိုးသမီး ၃ ဦးပါဝင်ပြီး၊ ကျန်တဲ့ ၅ ဦးထဲမှာ ကလေး ၂ ဦးနဲ့ အမျိုးသား ၃ ဦးဖြစ်တယ်လို့ သိရပါတယ်။ ဒါ့အပြင် ခုလိုလက်နက်ကြီးကျပေါက်ကွဲတာ၊ လေယာဉ်ဗုံးကြဲတာအပြင် ဗန်းမော်မြို့ဘက်ကို ဦးတည်လာနေတဲ့တိုက်ပွဲကြောင့် ဗန်းမော်မြို့ခံအများပိုင်း နေရပ်စွန့်ခွာထွက်ပြေးနေကြပေမယ့် ငွေကြေးခက်ခဲတဲ့ ပြည်သူတစ်ချို့နဲ့ ဗန်းမော်မြို့ခရိုင် မံစီ၊မိုးမောက်ဘက်က လာရောက် မြို့တွင်းစစ်ရှောင်သူတွေများနေတာဖြစ်တယ်လို့ သိရပါတယ်။ ဒါ့အပြင် ဖုန်း၊အင်တာနက်လိုင်းပြတ်တောက်နေတဲ့အတွက် ပြည်သူတွေဟာအဖက်ဖက်ကနေ အခက်ခဲမျိုးစုံကြုံတွေ့နေတာကြောင့် စိတ်ပိုင်းဆိုင်ရာထိခိုက်တာတွေအထိ ဖြစ်လာတယ်လို့ ဗန်းမော်မြို့ခံ အမျိုးသမီးတစ်ဦးက KNG ကို ခုလိုပြောပါတယ်။ “အဆက်အသွယ်တွေပြက်တောက်သွားတော့ စီးပွါးရေး လူမှုရေး ပညာရေး အားလုံး နစ်နာရပါတယ်။ ကုန်ဈေးနှုန်းတက် လူမှုရေးအဆက်အသွယ်ပြက်တော့ စိတ်ပိုင်းဆိုင်ရာထိခိုက်လာတယ် အင်တာနက်မရရင်တောင်ဖုန်းလှိုင်းလေးရရင် အဆင်ပြေမှာ”လို့ပြောပါတယ်။ လက်ရှိ ဗန်းမော်ခရိုင်ထဲက မြို့နယ်တစ်ခုဖြစ်တဲ့ မိုးမောက်နယ် ခမရ ၃၄၇ တပ်စခန်းကို KIA ပူးပေါင်းတပ်တွေ ထိုးစစ်ဆင်တိုက်ခိုက်နေဆဲဖြစ်ပြီး နှစ်ဖက်တပ်တို့အကြား တိုက်ပွဲပြင်းထန်နေတာ ၃ ပတ်ကျော်ကြာလာနေတဲ့အပြင် ဖုန်း၊အင်တာနက်၊ဝိုင်ဖိုင်လိုင်းအားလုံးပြတ်တောက်နေတာကြောင့် တိုက်ပွဲနဲ့အနီးဆုံးမှာရှိတဲ့ ဗန်းမော် ပြည်သူတွေဟာ သတင်းစီးဆင်းမှုတွေရပ်တန့်နေပြီး စိုးရိမ်မှုများစွာနဲ့နေနေရတယ်လို့ သူက ဆက်ပြောပါတယ်။ KIA ပူးပေါင်းတပ် ထိုးစစ်ဆင်နေတဲ့ခမရ ၄၃၇ ဟာ ဗန်းမော်မြို့နဲ့ ၇ မိုင်ဝေးတဲ့နေရာမှာရှိပြီး ဗန်းမော်မြို့ကို လုံခြုံရေးယူပေးတဲ့ ဆယ်စုနှစ်တစ်စုကြာ တပ်စခန်းကြီးဖြစ်ပြီး ဒီတပ်စခန်းကြီး ကျသွားပါက ဗန်းမော်မြို့သိမ်းတိုက်ပွဲဆက်ဖော်ဆောင်လာနိုင်တယ်လို့လည်း သတင်းတွေထွက်ပေါ်နေပါတယ်။ ၂၀၂၄ ခုနှစ် မတ်လ ၇ ရက်နေ့ကနေ စတင်လာတဲ့ KIA ပူးပေါင်းတပ်တွေရဲ့ စစ်ဆင်ရေးအရှိန်ဟာ တစ်ဖြည်းဖြည်းမြင့်တက်နေဆဲဖြစ်ပြီး ၅ လကျော်အတွင်း မြို့ ၉ မြို့နဲ့ စစ်တပ်ရဲ့ ဗျူဟာမြောက် စခန်းကြီးငယ်ပေါင်း တစ်ရာကျော်သိမ်းပိုက်ထားပြီဖြစ်ပါတယ်။ By – Zami
Read More » -
Jul- 2024 -31 Julyသတင်း
မြစ်ကြီးနားမှာ ဖုန်း၊ အင်တာနက်လိုင်းပြတ်တောက်နေချိန် စစ်တပ်က စစ်ရေးပြင်ဆင်နေ
ကချင်တစ်ပြည်နယ်လုံ ဖုန်းလိုင်း၊ အင်တာနက်လိုင်းတွေ ပြတ်တောက်နေချိန် စစ်ကောင်စီတပ်ဟာ မြစ်ကြီးနားမြို့တွင်း မြို့ပြင် စစ်ရေးပြင်ဆင်တာတွေလုပ်နေတယ်လို့ ဒေသခံတွေဆီကနေ သိရပါတယ်။ လက်ရှိ မြစ်ကြီးနား – ဆွမ်ပရာဘွမ်လမ်း ပလနကျေးရွာနဲ့ နောင်နန်းကျေးရွာတစ်ဝိုက် စစ်ကောင်စီဘက်က တပ်ချနေရာယူပြီး လက်နက်ကြီးတပ်ဆင်ထားတဲ့အပြင် နောင်နန်းကျေးရွာ ၁၀ မိုင် အထက်တန်းကျောင်းနဲ့ ဂျော်ဘွမ်ဆုတောင်း တောင်မှာလည်း တပ်စွဲထားတယ်လို့ ဒေသခံအမျိုးသမီးတစ်ဦး KNG ကို အခုလိုပြောပါတယ်။ “သူတို့အရင်ဆုံး KTCS ဓမ္မကောလိပ်ကျောင်းထဲကို ဝင်တယ်။ ကျောင်းကတာဝန်ရှိသူတွေက ကျောင်းထဲမှာ လူအရမ်းများပြီး နေရာမရှိကြောင်းပြောလို့ အဲကနေထွက်လာပြီး ၁၀ မိုင်စာသင်ကျောင်း မှာတစ်ဖွဲ့ နေနေတယ်။ ကျောင်းက ဆောက်လုပ်နေဆဲ အဆောင်သစ်ထဲမှာ နေနေတယ်။ ဂျော်ဘွမ်မှာလည်း အင်အား ၂၀ ၊၃၀ လောက်ရှိတယ်။ အားလုံး ၆၀၊ ၇၀ လောက်ရှိမယ်။ ဂျော်ဘွမ်မှာတပ်ချနေတဲ့ အဖွဲ့က သွားလာတဲ့ဆိုင်ကယ်တွေကို ရပ်ခိုင်းပြီး မေးတာမြန်းတာရှိတယ်။ KIA တွေလာမစရင်တော့ဘာမှမဖြစ် လောက်ဘူး။ ဘာစရင်တော့ KTCS ကျမ်းစာကျောင်းကို စစ်တပ်က နှောက်ယှက်လိမ့်မယ်။” လို့ ဒေသခံအမျိုးသမီးတစ်ဦးက ပြောပါတယ်။ ဇူလိုင် ၂၉ ရက်နေ့မနက်ကစပြီး အင်အား ၆၀ ခန့်ရှိတဲ့ စစ်ကောင်စီတပ်ဖွဲ့ဟာ ကချင်နှစ်ခြင်းခရစ်ယာန် ဓမ္မကောလိပ်ကျောင်း KTCS ဝင်းထဲ ဝင်ရောက်လာပြီး တပ်ချနေရာယူဖို့ ပြင်ဆင်လာတာလို့ ဆိုပါတယ်။ ဒါပေမဲ့ KTCS ဓမ္မကောလိပ်ကျောင်းဝင်းထဲ ကျောင်းသား၊သူများတာကြောင့် နေရာမရှိတဲ့အတွက် လက်ရှိ ဂျော်ဘွမ်ဆုတောင်းတောင်မှာတစ်ဖွဲ့ ၊ နောင်နန်း ၁၀ မိုင်အထက်တန်းကျောင်းထဲမှာတစ်ဖွဲ့ စသဖြင့် နှစ်ဖွဲ့ခွဲပြီး တပ်ချနေရာယူထားတယ်လို့ သိရပါတယ်။ လက်ရှိ ၁၀ မိုင်အထက်တန်း စာသင်ကျောင်းမှာ ကလေးတွေကျောင်းတက်နေပေမဲ့ စစ်တပ်က တပ်ချနေရာယူထားပြီး ဂျော်မဆတ်နှစ်ခြင်းဘုရားကျောင်းနဲ့ KTCS ဓမ္မကောလိပ်ကျမ်းစာကျောင်းနဲ့ အနီးဆုံးမှာလည်း နေရာယူထားတယ်လို့လည်း ပြောပါတယ်။ ဒါ့အပြင် စစ်ကောင်စီတပ်ဟာ မြစ်ကြီးနား – ဆွမ်ပရာဘွမ်လမ်း ပလန မရောက်ခင် ရွှေစက်ရပ် ကွက် လမ်းမဘေး ဘုန်းကြီးကျောင်းထဲမှာလည်း လက်နက်တပ်ဆင်ထားပြီး ပလနမီးသတ်ရုံးနဲ့ ရဲစခန်းနေရာတစ် လျှောက် နေရာယူအင်အားဖြည့်ထားတယ်လို့ ဆက်သိရပါတယ်။ လတ်တလော မြစ်ကြီးနားမြို့ထဲမှာ စစ်ကောင်စီတပ်ဟာ ညတိုင်း ကင်းလှည့်လှုပ်ရှားတာတွေ၊ မြို့ပြင်ဘက်တွေမှာ နေရာယူ တပ်ချထားပြီး လုံခြုံရေးတင်းကြပ်ထားတယ်လို့ သိရပါတယ်။ ကချင်တစ်ပြည်နယ်လုံးအတိုင်းအတာ ဖုန်းလိုင်း၊အင်တာနက်အားလုံး ပြတ်တောက်နေတာနဲ့ပတ်သက်ပြီး စစ်ကောင်စီလက်အောက် ကချင်ပြည်နယ်ဝန်ကြီးချူပ် ဦးခက်ထိန်နန်က ကချင်သတင်းဌာန KNG ကိုအခုလိုပြောပါတယ်။…
Read More » -
31 Julyသတင်း
ဖားကန့်မြို့နယ်တစ်ခုလုံး ငွေလွှဲ၊ ငွေထုတ် ဆိုင်တစ်ဆိုင်သာရှိပြီး အကန့်အသတ် နဲ့ သာထုတ်ခွင့်ရ
ကချင်ပြည်နယ် ဖားကန့်မြို့နယ်မှာ ငွေလွှဲငွေထုတ်ဝန်ဆောင်မှုပေးတဲ့ ဆိုင်တစ်ဆိုင်သာရှိပြီး အကန့်အသတ်နဲ့သာထုတ်ပေးနေတာကြောင့် ပြည်သူတွေ ခက်ခဲနေကြတယ်လို့ ဖားကန့်မြို့ခံတွေကပြောပါတယ်။ ဇူလိုင်လ ၂၁ ရက်နေ့ကနေ ဖုန်း၊အင်တာနက်လိုင်းတွေပြတ်တောက်သွားတဲ့နောက် ဖုန်းထဲမှာရှိတဲ့ KPAY နဲ့ wavepay အကောင့်တွေကျသွားတဲ့အတွက် ငွေတွေထုတ်လို့မရဘဲ မြို့တွင်းထဲမှာရှိတဲ့ လေယာဉ်လက်မှတ်အရောင်းဆိုင်တစ်ဆိုင်မှာသာ ငွေလွှဲငွေထုတ်ရနေတယ်လို့ ဖားကန့်မြို့ခံတွေကပြောပါတယ်။ “Sim card လိုင်းပိတ်ထားတော့ လော့ကျကုန်တာ၊ ခု တစ်မြို့လုံးမှာ တစ်နေရာပဲ ငွေထုတ် ငွေလွှဲ ရတယ်။ ဒါတောင် kpay အကောင့်နှစ်ခုပဲ ထုတ်လွှဲရတော့တာတဲ့။ အကောင့် active ဖြစ်လို့ သွားထုတ်ရင်လည်းရတယ် ဒါပေမယ့် မျှထုတ်ပေးတာ လူတစ်ယောက်က ငါးဆယ်ထုတ်ချင်ရင် ထုတ်ပေးလို့မရဘူး တခြားလူလည်း ထုတ်ချင်ကြမှာမို့ ဆိုင်မှာရှိတာ မျှထုတ်ပေးတာ”လို့ ဖားကန့်ဒေသခံအမျိုးသားတစ်ဦးက ပြောပါတယ်။ လက်ရှိ ဖားကန့်မြို့တွင်း လေယာဉ်လက်မှတ်အရောင်းဆိုင်တစ်ခုသာ Kpay အကောင့်သာ ထုတ်လို့ရနေပြီး ငွေလွှဲချင်သူတွေအနေနဲ့ မနက် ၇ နာရီကနေ ၉ နာရီထိ ငွေလွှဲလက်ခံပြီး ၉နာရီနောက်ပိုင်း ငွေထုတ်ပေးတယ်လို့ သူကဆက်ပြောပါတယ်။ ဒါပေမယ့် ငွေထုတ်လိုသူတွေအနေနဲ့ လိုချင်တဲ့ပမာဏာထုတ်လို့မရဘဲ ဆိုင်မှာရှိတဲ့ ငွေပမာဏပေါ်မှုတည်ပြီး ထုတ်ပေးနေတာလို့ သိရပါတယ်။ “Kpay လွှဲတာက မနက် 7 ကနေ 9 အထိပဲ၊ ထုတ်တာက သူတို့လက်ထဲ ထုတ်ပေးနိုင်တဲ့ ပမာဏအထိပဲ မျှထုတ်ပေးတာ ဥပမာ သိန်း ၂၀ ထုတ်ချင်တဲ့သူဆိုရင် ၁၀ သိန်းလောက်ထုတ်ပေးတယ်။ လိုချင်သလောက်မရဘူး အားလုံးက အရမ်းခက်ခဲနေကြတယ်”လို့ ဇူလိုင်လ ၂၉ ရက်နေ့က ငွေထုတ်ခဲ့တဲ့ ဖားကန့်ပြည်သူတစ်ဦးက ပြောပါတယ်။ ခုလို ဖုန်းအင်တာနက်ပြတ်တောက်ပြီး ငွေလွှဲ၊ငွေထုတ်ခက်ခဲသွားတာကြောင့် ကုန်ပစ္စည်းမှာယူသူတွေ နှောင့်နှေးမှုတွေ ပိုများလာတဲ့အတွက် ကုန်ပစ္စည်းပြတ်လပ်တာတွေအပြင် ကုန်စျေးနှုန်းတွေလည်း ပိုမြင့်တက်လာတယ်လို့ သိရပါတယ်။ ကချင်ပြည်နယ်တစ်ပြည်နယ်လုံး ဇူလိုင်လ ၂၁ ရက်နေ့ကစပြီး ဖုန်းအင်တာနက်လိုင်းအားလုံးပြတ်တောက်နေပြီး ဒီကိစ္စနဲ့ပတ်သက်လို့ KNG သတင်းဌာနက ကချင်ပြည်နယ်စစ်ကောင်စီအဖွဲ့နဲ့ စစ်ကောင်စီသတင်းနဲ့ပြန်ကြားရေး ပြောဆိုခွင့်ရှိသူ ဗိုလ်ချုပ်ဇော်မင်းထွန်းကို ဖုန်းနဲ့အကြိမ်ကြိမ်ဆက်သွယ်နေပေမယ့် ဖုန်းလက်ခံဖြေဆိုတာ မရှိသေးပါဘူ။ ဒါ့အပြင် ဖုန်း၊အင်တနက်လိုင်းတွေပြတ်တောက်နေတဲ့အတွက် အင်တာနက်လိုင်းတွေကို IPSTARNတပ်ဆင်ထားတဲ့ ဆိုင် ၂ ဆိုင်မှာ တုံကင်စီစနစ်နဲ့သုံးနေရပြီး တစ်နာရီိကို ကျပ် ၃ သောင်းပေးပြီးသုံးနေရတဲ့အပြင် တုံကင်နံပါတ်ကလည်း တစ်ပတ်စာကုန်နေပြီလို့ ဖားကန့်မြို့ခံတွေကပြောပါတယ်။ မြန်မာနိုင်ငံဟာ ကမ္ဘာမှာ အင်တာနက်လွတ်လပ်ခွင့် ဖိနှိပ်ချိုးဖောက်ခံရမှု ဒုတိယ အဆိုးဆုံး နိုင်ငံဖြစ်နေတယ်လို့ အမေရိကန်အခြေစိုက် Freedom House အဖွဲ့က ၂၀၂၃ အောက်တိုဘာလက ထုတ်ပြန်တဲ့ Freedom on the Net ရဲ့ အစီအရင်ခံစာမှာ ဖော်ပြထားပါတယ်။ အလားတူ အပြည်ပြည်ဆိုင်ရာလူ့အခွင့်အရေးကြေညာစာတမ်း အပိုဒ် ၁၉ အရ လူတိုင်း လွတ်လပ်စွာ ယူဆနိုင်ခွင့်နှင့်လွတ်လပ်စွာ ဖွင့်ဟပြောဆိုပိုင်ခွင့်ရှိသည်။ အဆိုပါအခွင့်အရေးများထဲ အနှောက်အယှက်မရှိဘဲ လွတ်လပ်စွာထင်မြင်ယူဆနိုင်ခွင့် ပါဝင်သည့်အပြင် နယ်နမိတ်များကို ထောက်ထားရန်မလိုဘဲ သတင်းအကြောင်းအရာနဲ့ သဘောတရားများကို တနည်းနည်းဖြင့် လွတ်လပ်စွာပါဝင်ဆည်းပူးနိုင်ခွင့်၊ လက်ခံနိုင်ခွင့်နဲ့ဝေငှဖြန့်ချီနိုင်ခွင့်တို့ပါဝင်ပါတယ်။ By –…
Read More » -
30 Julyသတင်း
ဖားကန့်မှာ အင်တာနက်သုံးဖို့ တစ်ပတ်စာ တုံကင်ပြည့်နေပြီလို့ဆို
ဖားကန့်မြို့မှာ အင်တာနက်သုံးဖို့ တုံကင်စနစ်နဲ့တန်းစီနေရပြီး ဒီတစ်ပတ်စာလုံးအတွက် တုံကင်ပြည့်နေပြီလို့ ဖားကန့်မြို့မှာနေထိုင်သူတွေကပြောပါတယ်။ ဇူလိုင်လ ၃၀ ရက်နေ့ကနေ ဩဂုတ်လ ၆ ရက်နေ့ထိ တစ်ပတ်စာ တုံကင်ပြည့်နေပြီဖြစ်တဲ့အပြင် နောက်ထပ် အင်တာနက်လိုင်းသုံးဖို့ စောင့်နေရတဲ့လူတွေလည်း များစွာရှိနေတယ်လို့ ဖားကန့်ပြည်သူတစ်ဦးက KNG ကိုခုလိုပြောပါတယ်။ “ဖားကန့် လေယာဉ်လက်မှတ်အရောင်းဆိုင် kpay လွှဲထုတ်ရတဲ့ ဆိုင်က လူတစ်ဦးကို နာရီဝက်အထိပဲ သုံးခွင့်ပြုတာ၊ ဒီနေ့ တုံကင်ယူမယ်ဆို နောက်လ ၆ ရက်နေ့ကိုရမှာ ကြားထဲလူအပြည့်ဖြစ်နေလို့တဲ့”လို့ ပြောပါတယ်။ လက်ရှိ ဖားကန့်မြို့တွင်း လေယာဉ်လက်မှတ်ရောင်းတဲ့ဆိုင်နဲ့ ငွေလွှဲ၊ငွေထုတ်လုပ်တဲ့ဆိုင် ၂ ဆိုင်မှာအက်တာနက်သုံးလို့ရနေပေမယ့် ဆိုင် ၂ ဆိုင်စလုံး တစ်ပတ်စာ တုံကင်ပြည့်နေတယ်လို့ သူကဆက်ပြောပါတယ်။ ဒါပေမယ့် တုံကင်ယူထားသူတွေ အိမ်ခနတစ်ဖြုတ်ပြန်သွားတာ၊ တုံကင်အလှည့်ရောက်ချိန် ရှိမနေပါက အစားဝင်သုံးလို့ရနေတယ်လို့ ဖားကန့်ဒေသခံတစ်ဦးက ဆက်ပြောပါတယ်။ “အင်တနက်သုံးဖို့တန်းစီနေတဲ့သူတွေ များတယ် တန်းစီနေတာပဲ လူအုပ်က သွားစောင့်နေပြီး တုံကင်သမားမလာရင်တော့ အဲ့နေရာအစားဝင်သုံးလို့ရတယ်” လို့ပြောပါတယ်။ အာဏာသိမ်းပြီးနောက်ပိုင်း နေ့စဉ်သတင်းတွေကို လူမှုကွန်ရက် Facebook ကနေတဆင့် ပြည်သူတွေ သိရှိနေတာဖြစ်တဲ့အတွက် ဖားကန့်ပြည်သူတွေကလည်း သတင်းအချက်လက်ရဖို့ လူမူစီးပွားအတွက် အင်တာနက်သုံးရဖို့ တစ်နေကုန်လာရောက်စောင့်ဆိုင်းနေသူတွေလည်း များစွာရှိနေတယ်လို့ သိရပါတယ်။ ကချင်ပြည်နယ်တစ်ပြည်နယ်လုံး ဖုန်း၊အင်တာနက်လိုင်းတွေကို ဇူလိုင်လ ၂၁ ရက်နေ့ကစပြီး ပြတ်တောက်နေတာကြောင့် ဒီကိစ္စတွေနဲ့ပတ်သက်ပြီး စစ်ကောင်စီရဲ့ ပြောခွင့်ရသူ ဗိုလ်ချုပ်ဇော်မင်းထွန်းကို KNG က ဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာမရှိပါဘူး။ ဒါ့အပြင် မြန်မာနိုင်ငံဟာ ကမ္ဘာမှာ အင်တာနက်လွတ်လပ်ခွင့် ဖိနှိပ်ချိုးဖောက်ခံရမှု ဒုတိယ အဆိုးဆုံး နိုင်ငံဖြစ်နေတယ်လို့ အမေရိကန်အခြေစိုက် Freedom House အဖွဲ့က ၂၀၂၃ အောက်တိုဘာလက ထုတ်ပြန်တဲ့ Freedom on the Net ရဲ့ အစီအရင်ခံစာမှာ ဖော်ပြထားပါတယ်။ အလားတူ အပြည်ပြည်ဆိုင်ရာလူ့အခွင့်အရေးကြေညာစာတမ်း အပိုဒ် ၁၉ အရ လူတိုင်း လွတ်လပ်စွာ ယူဆနိုင်ခွင့်နှင့်လွတ်လပ်စွာ ဖွင့်ဟပြောဆိုပိုင်ခွင့်ရှိသည်။အဆိုပါအခွင့်အရေးများ၌ အနှောက်အယှက်မရှိဘဲ လွတ်လပ်စွာထင်မြင်ယူဆနိုင်ခွင့် ပါဝင်သည့်အပြင် နယ်နမိတ်များကို ထောက်ထားရန်မလိုဘဲ သတင်းအကြောင်းအရာနဲ့သဘောတရားများကို တနည်းနည်းဖြင့် လွတ်လပ်စွာပါဝင်ဆည်းပူးနိုင်ခွင့်၊ လက်ခံနိုင်ခွင့်နဲ့ဝေငှဖြန့်ချီနိုင်ခွင့်တို့ပါဝင်ပါတယ်။ By – CJ
Read More » -
29 Julyသတင်း
ဖားကန့်မှာ တုံကင်စနစ်နဲ့ တစ်နာရီမှာ ကျပ် ၂ သောင်းကျပ်ပေးပြီး အင်တာနက်သုံးနေရ
ကချင်ပြည်နယ် ဖားကန့်မြို့မှာ အင်တာနက်လိုင်းသုံးရဖို့ တုံကင်စနစ်နဲ့တန်းစီနေရပြီး တစ်နာရီ ကျပ် ၂ သောင်းပေးပြီး သုံးနေရတယ်လို့ ဖားကန့်မြို့ခံတွေကပြောပါတယ်။ ဇူလိုင်လ ၂၁ ရက်နေ့ကစပြီး ကချင်ပြည်နယ်တစ်ပြည်နယ်လုံး ဖုန်း၊အင်တာနက်လိုင်းပြတ်တောက်သွားတဲ့နောက် ဖားကန့်မြို့နယ် ပြည်သူတွေ IP Star နဲ့ Star link တပ်ဆင်ထားတဲ့ဆိုင်တွေမှာ တုံကင်စနစ်နဲ့တန်းစီနေပြီး တစ်နာရီကို ကျပ် ၂ သောင်းပေးပြီးသုံးနေရတယ်လို့ ဖားကန့်မြို့ခံတစ်ဦးက KNG ကိုပြောပါတယ်။ “ဆိပ်မူမှာက နာရီဝက် တစ်နာရီ တန်းစီစောင့်ရင်ရတယ် တုံကင်နံပါတ်နဲ့ ဘယ်နေ့ ဘယ်အချိန်ရမယ် မသိဘူး။ နာရီဝက် သုံးမိနစ်နောက်ကျတာနဲ့ တခြားလူ နေရာဝင်ယူပဲ”လို့ပြောပါတယ်။ ပြည်သူတွေဟာ အင်တာနက်လိုင်းသုံးရဖို့ တုံကင်နံပါတ်နဲ့တန်းစီစောင့်နေရပြီး တစ်ခါတစ်လေ အလှည့်ရောက်ဖို့ ၂ရက်ခန့်စောင့်ရတဲ့သူတွေလည်းရှိနေတယ်လို့ သိရပါတယ်။ လက်ရှိ ဖားကန့်မြို့တွင်း အင်တာနက်လိုင်းသုံးရတဲ့ ဆိုင်တွေဟာ လုံးခင်းမှာတစ်ဆိုင်၊ ဆိပ်မှုနဲ့ ငှက်ပျောတောရပ်ကွက်တွေမှာ သုံးလို့ရနေတယ်လို့ ဖားကန့်ပြည်သူတစ်ဦးက ဆက်ပြောပါတယ်။ ခုလို ဖုန်း၊အင်တာနက်ဖြတ်တောက်ခံထားရတဲ့အတွက် ငွေလွှဲ၊ငွေထုတ်ခက်ခဲသွားပြီး ကုန်သည်များ ကုန်ပစ္စည်းမှာယူဖို့ခက်ခဲနေကြတာကြောင့် ကုန်အဝင်နည်းပြီး ကုန်စျေးနှုန်းတွေလည်း ပိုတက်လာနေတယ်လို့ သိရပါတယ်။ “လုပ်ငန်းလုပ်သူတွေ မန်းလေး ရန်ကုန်ကိုငွေလွှဲပစ္စည်းမှာဖို့မရဘူး၊ ကျောက်သမားတွေ ကျောက်ကယ်ရီ ရောက်မရောက် ဖုန်းဆက်လို့မရဘူး၊ ကျောက်ပွဲစားတွေ အစရှိသဖြင့် ပြည်သူတွေ လုပ်ငန်းတွေ အဆင်မပြေကြတော့ဘူး”လို့ပြောပါတယ်။ ဒါ့အပြင် ကျောက်အရောင်းအဝယ်လုပ်သူတွေ၊အွန်လိုင်းကနေ ပညာလေ့လာနေတဲ့ကျောင်းသားတွေ၊အွန်လိုင်းစျေးသည်များအပါအဝင် ပြည်သူတွေအဖက်ဖက်ကနေ ခက်ခဲနေပြီး သတင်းသိရှိဖို့လည်း ခက်ခဲသွားပြီဖြစ်တယ်လို့ ဖားကန့်ပြည်အမျိုးသားတစ်ဦးက ခုလိုပြောပါတယ်။ ဖားကန့်မြို့မှာ၂၀၂၁ ခုနှစ် ဖေဖော်ဝါရီလ စစ်တပ်ကအာဏာသိမ်းတဲ့နောက် ၇ လအကြာ ဩဂုတ်လကစပြီး ဖုန်းအင်တာနက် Mobile Data နှင့် Wifi များ၊ ဖုန်းအော်ပရေတာလိုင်းအားလုံးပြတ်တောက်သွားတာဖြစ်ပါတယ်။ ဒါပေမယ့် စစ်တပ်ပိုင် Mytel မိုဘိုင်းအင်တာနက်လိုင်း ၂၀၂၂ ခုနှစ် ဧပြီလ ၅ ရက်နေ့ကနေ ၁၅ ရက်နေ့ထိ ၁၀ ရက်သာဖုန်းလိုင်းဖွင့်ပေးခဲ့တာလည်းဖြစ်ပါတယ်။ အဲဒီနောက် ဖုန်းနဲ့အင်တာနက်လိုင်းတွေဟာ ဖားကန့်မြို့တွင်း၊မြို့ပြင် နေရာတစ်ချို့မှာသုံးလို့ရနေရာကနေ ဇူလိုင်လ ၂၁ ရက်နေ့မှာတော့ ဖုန်း၊အင်တာနက်လိုင်း အားလုံးထပ်ပြီးပြတ်တောက်သွားပြီဖြစ်ပါတယ်။ ခေတ်မီတိုးတက်လာတာနဲ့အမျှလူတွေဟာ သတင်းအချက်လက်ရဖို့၊ လူမူစီးပွားရေး ကိစ္စအဝဝအတွက် အင်တာနက်လိုင်းကို အသုံးပြုနေကြတာလည်းဖြစ်ပါတယ်။ ဒါ့အပြင် အပြည်ပြည်ဆိုင်ရာလူ့အခွင့်အရေးကြေညာစာတမ်း အပိုဒ် ၁၉ အရ လူတိုင်း လွတ်လပ်စွာ ယူဆနိုင်ခွင့်နှင့်လွတ်လပ်စွာ ဖွင့်ဟပြောဆိုပိုင်ခွင့်ရှိသည်။အဆိုပါအခွင့်အရေးများ၌ အနှောက်အယှက်မရှိဘဲ လွတ်လပ်စွာထင်မြင်ယူဆနိုင်ခွင့် ပါဝင်သည့်အပြင် နယ်နမိတ်များကို ထောက်ထားရန်မလိုဘဲ သတင်းအကြောင်းအရာနဲ့သဘောတရားများကို တနည်းနည်းဖြင့် လွတ်လပ်စွာပါဝင်ဆည်းပူးနိုင်ခွင့်၊ လက်ခံနိုင်ခွင့်နဲ့ဝေငှဖြန့်ချီနိုင်ခွင့်တို့ပါဝင်ပါတယ်။ By – CJ
Read More » -
Dec- 2023 -15 Decemberသတင်း
မြစ်ကြီးနားမြို့မှာ အင်တာနက်လိုင်းပြတ်တောက်ခဲ့တဲ့ တစ်ပတ်အတွင်း လူသေမှု ၄ ခု ယာဉ်တိုက်မှုပေါင်း အကြိမ် ၂၀ ထက်မနည်းဖြစ်ပွား
ကချင်ပြည်နယ် မြစ်ကြီးနားမြို့နေရာအနှံ့ မှာ ဖုန်းလိုင်းနဲ့ အင်တာနက်လိုင်း တွေပြတ်တောက်သွားတဲ့ ဒီဇင်ဘာ ၇ ရက်နေ့ကနေ ဒီဇင်ဘာ ၁၃ ရက်နေ့အထိ ယာဉ်တိုက်မှုကြောင့် လူသေဆုံးမှု ၄ ကြိမ်နဲ့ ယာဉ်တိုက်မှုပေါင်း အကြိမ် ၂၀ ထက်မနည်း ဖြစ်ခဲ့တယ်လို့ မြစ်ကြီးနားမြို့ မှာရှိတဲ့ လူမှုကယ်ဆယ်ရေးအသင်းတွေဆီကနေ သိရပါတယ်။ “တစ်ပတ်အတွင်းမှာဘဲ သေတာ သုံးလောင်းတောင်မှ ကားကြိတ်သတ်ခံရပြီး သေတဲ့ မိန်းကလေးတစ်ယောက် နဲ့ မူးယစ်ဆေးဝါးသုံးပြီးသေတာက…
Read More »