-
Dec- 2025 -3 Decemberဆောင်းပါး
စွန့်ပစ်ပစ္စည်းဖြင့် ဖက်ရှင်ဖန်တီးသူဖြစ်လာတဲ့ မဆိုင်းအောန်
မြန်မာနိုင်ငံရဲ့ လုပ်ငန်းခွင် အများစုက “ကိုယ်လက်အင်္ဂါ ကျန်းမာသန်စွမ်းရမည်“ လို့ သတ်မှတ်ချက်တွေ ထားတတ်ကြပါတယ်။ ဖျော်ဖြေရေး မီဒီယာတွေက မသန်စွမ်းသူတွေကို သနားစရာအဖြစ်သော်လည်းကောင်း၊ ရယ်စရာအဖြစ်သော်လည်းကောင်း ပုံဖော်တတ်ကြပါတယ်။ ဒါပေမဲ့ ဒီလိုလွှမ်းမိုးနေတဲ့ အယူအဆတွေကို ခိုင်မာတဲ့ စိတ်ဓာတ်နဲ့ ချေဖျက်ပစ်လိုက်တဲ့…
Read More » -
2 Decemberသတင်း
ဗန်းမော်မြို့တစ်ဖက်ကမ်း ရွှေလုပ်ကွက်နေရာ နှစ်ရက်ဆက်တိုက်လေကြောင်းတိုက်ခိုက်ခံရ အရပ်သား ၃ ဦးသေဆုံး
ကချင်ပြည်နယ် ဗန်းမော်မြို့ဧရာဝတီမြစ်ရဲ့တစ်ဖက်ကမ်းရှိ မိုင်းကာနဲ့ မိုးစိမ်းကျွန်းရွာတွေနားက ရွှေလုပ်ကွက်နေရာတစ်ချို့ကို စစ်ကောင်စီတပ်က လေကြောင်းကနေ နှစ်ရက်ဆက်တိုက်ဗုံးကြဲတိုက်ခိုက်ခဲ့တယ်လို့ Banmaw Scout Team ကသတင်းထုတ်ပြန်ချက်အရ သိရပါတယ်။ နိုဝင်ဘာလ ၃၀ ရက်နေ့နဲ့ မနေ့က ဒီဇင်ဘာလ ၁ ရက်နေ့ နှစ်ရက်ဆက်တိုက် ဗန်းမော်မြို့ရဲ့တစ်ဖက်ကမ်းမှာ ရှိတဲ့ ရွှေလုပ်ကွက်နေရာတွေကိုလေကြောင်းအသုံးပြုတိုက်ခိုက်ခဲ့တာဖြစ်ပါတယ်။ နိုဝင်ဘာလ ၃၀ ရက်နေ့က လေကြောင်းတိုက်ခိုက်ခံရမှုမှာ သေဆုံးသူ ၃ ဦးအထိရှိခဲ့ပြီး ထိခိုက်ဒဏ်ရာရရှိသူက လူဦးရေ ၃၀ ခန့်ရှိတယ်လို့ သိရပါတယ်။ ဒါ့အပြင် စက်လှေနဲ့စက်ပစ္စည်းတစ်ချို့လည်းပျက်ဆီးခဲ့ရတယ်လို့ Banmaw Scout Team အဖွဲ့ရဲ့ တာဝန်ရှိသူတစ်ဦးက အတည်ပြုပါတယ်။ “တစ်နေ့ကတော့ကြဲသွားတာကနှစ်စီးပေါ့ အဲ့နှစ်စီးက ဗုံးချတယ် လေယာဥ်မှာပါတဲ့သေနတ်နဲ့ပစ်တယ်။ အဲ့မှာ လူသုံးယောက် သေဆုံးသွားတယ်။ ပြီးသွားရင် စက်ပစ္စည်းတွေပျက်ဆီးသွားတယ်။ ဒဏ်ရာရတဲ့သူကလည်း ၃၀ ဝန်းကျင်လောက်တော့ရှိတယ်”လို့ Banmaw Scout Team တာဝန်ခံအမျိုးသားတစ်ဦးကပြောပါတယ်။ ဒါ့အပြင် မနေ့ကနေ့လည်ပိုင်း ၁ နာရီဝန်းကျင်လောက်မှာလည်း အဆိုပါ မိုးစိမ်းကျွန်းအနီးက ရွှေလုပ်ကွက်တစ်ဝှိုက်ကို လေကြောင်းတိုက်ခိုက်မှုနှစ်ကြိမ်ထပ်မှန်ပြုလုပ်ခဲ့တယ်လို့ပြောပါတယ်။ ဒါပေမဲ့ ဒီတစ်ကြိမ်လေကြောင်းတိုက်ခိုက်မှုမှာတော့ လူထိခိုက်သေဆုံးမှုတစ်စုံတစ်ရာမရှိခဲ့ဘဲ ရွှေဖောင်နှစ်စီးတော့ထိခိုက် ပျက်ဆီးခဲ့ရတယ်လို့ Banmaw Scout Team အဖွဲ့ကသတင်းထုတ်ပြန်ထားပါတယ်။ “မနေ့ကတိုက်ခိုက်မှုလည်းဒီပုံစံပါပဲဗျ။ ဒီရွှေလုပ်ကွက်တစ်ကွက်ကိုပဲတိုက်ခိုက်တာ။ တစ်နေ့ကကြဲခံရတဲ့အနားဝန်းကျင်ပါပဲ။ ဗုံးချတယ်။ သေနတ်နဲ့ပစ်သွားတယ်အဲ့ပုံစံပါပဲ”လို့အထက်ပါ Banmaw Scout Team အဖွဲ့ရဲ့တာဝန်ခံကဆက်ပြောပါတယ်။ စစ်ကောင်စီတပ်နဲ့ ကချင်လွပ်လပ်ရေးတပ်မတော် တို့အကြားကချင်ပြည်နယ်ရဲ့ဒုတိယမြို့တော် ဗန်းမော်အပါအဝင်၊ ကျောက်စိမ်းမြို့တော် ဖားကန့် နဲ့ အချက်အချာကျတဲ့ ဝိုင်းမော်မြို့တွေမှာ ၂၀၂၅ ခုနှစ်နှောင်းပိုင်းကာလတွေမှာ တိုက်ပွဲတွေ ခပ်စိပ်စိပ်ဖြစ်ပွားနေပါတယ်။…
Read More » -
2 Decemberသတင်း
ဖမ်းဆီးထားသူတွေကို ပြန်ရွေးခွင့်ပြုမှာမဟုတ်ပဲ ရွေးဖို့ပြင်နေတဲ့အိမ်ကိုလည်းမီးရှို့မယ်လို့ SNA ခြိမ်းခြောက်
ကချင်ပြည်နယ် မိုးညှင်းခရိုင်၊ မိုးကောင်းမြို့နယ် နန်းခွင်နဲ့ ပင်းဘောရွာတွေမှာ SNA နဲ့စစ်ကောင်စီပူးပေါင်းတပ်တွေဖမ်းဆီးသွားတဲ့ တပ်သားသစ်တွေကို ပြန်ရွေးခွင့်ပြုမှာမဟုတ်သလို ရွေးထုတ်ဖို့ပြင်ဆင်တဲ့အိမ်တွေကို မီးရှို့မယ်လို့ SAN တပ်ကခြိမ်းခြောက်ထားကြောင်း ဒေသခံများထံမှ သိရပါတယ်။ ပြီးခဲ့တဲ့ နိုဝင်ဘာလ ၂၈ ရက်နေ့ မိုးကောင်းမြို့ထဲကို မပခ (မြောက်ပိုင်းတိုင်းစစ်ဌာနချုပ်) တိုင်းမှူး၊နယ်ခြားစောင့်ခေါင်းဆောင်ဦးဇခုန်တိန့်ယိန်းတို့ ရောက်လာပြီး မကြာခင်ကျင်းပမယ့် စစ်တပ်ရဲ့ရွေးကောက်ပွဲအပြင် လက်ရှိစစ်ရေးအခြေနေတွေနဲ့ပတ်သက်ပြီး ဒေသတွင်းတာဝန်ရှိသူများကိုလာတွေ့ဆုံသွားတယ်လို့ ဒေသခံတွေပြောပါတယ်။ အဲဒီနောက် နိုဝင်ဘာလ ၂၉ ရက်နေ့ မိုးကောင်းမြို့နယ် နန်းခွင်နဲ့ပင်းဘောရွာတွေမှာ SNA နဲ့စစ်ကောင်စီပူးပေါင်းတပ်က လူငယ်၊လူလတ်ပိုင်း ၂၀ ကျော်ကိုဖမ်းဆီးသွားတာလို့ ဒေသခံအမျိုးသားတစ်ဦးပြောပါတယ်။ “နန်းခွင်နဲ့ ပင်းဘောမှာ ရှမ်းနီဝင်ဆွဲတာ ၊ တိုင်းမှူးလာပြီးနောက်ရက် အဖမ်းခံရတဲ့ မိသားစုတွေမပြောရဲကြဘူး၊ အိမ်မီးရှို့မယ်လို့ခြိမ်းခြောက်သွားလို့တဲ့”လို့ ပြောပါတယ်။ မြစ်ကြီးနား– ရွှေဘို– မန္တလေးလမ်းမပေါ်ရှိ မိုးညှင်း၊မိုးကောင်းမြို့တွေဟာ ရှမ်းနီအမျိုးသားများတပ်မတော် (SNA) နဲ့စစ်ကောင်စီတပ်တို့ဘက်က နယ်မြေအများပိုင်း စိုးမိုးထားနိုင်ဆဲဖြစ်ပြီး စစ်ရေးလှုပ်ရှားမှု ပုံမှန်ရှိနေတဲ့အပြင် လူသစ်စုဆောင်းမှုအများဆုံးလုပ်နေတဲ့နေရာတွေဖြစ်ပါတယ်။ ပြီးခဲ့တဲ့ နိုဝင်ဘာလ ၁၈ ရက်နေ့မှာ မိုးကောင်းမြို့နယ်၊ နန်းခွင်ရွာအခြေစိုက် ခမရ (၅၂၁) တပ်ရင်းကို KIA နဲ့ပူးပေါင်းအဖွဲ့က သွားရောက်တိုက်ခိုက်ခဲ့ရာ နှစ်ဖက်အပြန်အလှန် ပစ်ခတ်မှုတွေရှိခဲ့တယ်လို့ သိရပါတယ်။ ဒါ့အပြင် နိုဝင်ဘာ တတိယပတ်မှာ ဟိုပင်အထိုင်တပ်ရင်းတွေကနေ KIA၊ KPDF အထိုင်ချထားတဲ့ အရှေ့တောင်ကြောဘက်ကို လက်နက်ကြီး၊ ဒရုန်းအကူအညီနဲ့ တောက်လျှောက်ပစ်နေပြီး စစ်ကြောင်းထိုးလာတာကြောင့် စစ်ရေးတင်းမာနေတဲ့ အခြေအနေရှိတယ်လို့ ဒေသခံတွေပြောပါတယ်။ အလားတူ နိုဝင်ဘာလ ၂၆ ရက်နေ့ နောက်ဆုံးအပတ်မှာတော့ မိုးညှင်း– မိုးကောင်းကြားရှိ ဟိုပင်မြို့ အရှေ့ဘက်ခြမ်းရှိ နန့်ရင်းချောင်းကူးတံတားကိုလည်း SAN ပူးပေါင်းတပ်တွေက မြေတူးဆွကာဖျက်ဆီးလိုက်တယ်လို့ သိရပါတယ်။ အဲဒီနောက် နိုဝင်ဘာလ ၂၉ ရက်နေ့မှာ နန်းခွင်၊ပင်းဘောတစ်လျှောက် လူသစ်စုဆောင်းတာတွေလုပ်သွားတာဖြစ်တယ်လို့လည်း ဒေသခံတွေပြောပါတယ်။ “ခုဒီဘက်မှာ စစ်တင်းမာနေတယ် ဒါကြောင့် SNA ကလည်း ဖမ်းသွားတဲ့သူဆိုရင် ရွေးခွင့်ကိုမပြုတော့တာ။နေရာကွက်ကြားလက်နက်ကြီးသံတွေကြားလာရတယ်”လို့ နန်းခွင်ဒေသခံအမျိုးသားတစ်ဦးပြောပါတယ်။ ဟိုပင်မြို့၊နန်းခွင်ကျေးရွာ၊ပင်းဘောရွာတွေဟာ နယ်မြေအားဖြင့်တစ်ဆက်တည်းရှိတဲ့နေရာတွေဖြစ်ပြီး ဒီလမ်းမတစ်လျှောက်မှာ SNA ပူးပေါင်းတပ်တို့ စစ်ရေးလှုပ်ရှားတာ၊ လူသစ်စုဆောင်းတွေက ခုနောက်ပိုင်း ပိုဆိုးရွားလာနေတယ်လို့ ဒေသခံတွေပြောပါတယ်။ By – CJ
Read More » -
2 Decemberသတင်း
မြစ်ကြီးနားမှာ နယ်ထိန်းရဲတွေက မူးယစ်ဆေးရောင်းသူများကို ဒဏ်ရိုက်ပြီး ပြန်လွတ်နေ
ကချင်ပြည်နယ် မြစ်ကြီးနားမြို့တွင်း မူးယစ်ဆေးဝါးရောင်းချသူတွေကို ဖမ်းဆီးစစ်ဆေးတာတွေလုပ်နေပေမယ့် ဒဏ်ငွေရိုက်ရုံမျှသာလုပ်ပြီး ပြန်လွှတ်ပေးနေတယ်လို့ တပ်နဲ့နီးစပ်သူများထံမှသိရပါတယ်။ မြစ်ကြီးနားမြို့တွင်း နယ်ထိန်းရဲခေါင်းဆောင်တွေဖြစ်တဲ့ ဖြိုးကိုကို၊ ကိုနေဖြိုး ၊ ရဲဒုတပ်ကြပ် မောင်မောင်ကြီး၊ ရဲဒုတပ်ကြပ် ဇော်ဝင်းမိုး၊ တပ်သား ကျော်ထွေးအောင်တို့ဟာ ရမ်ပူ၊ယုဇန၊ခေမာသီရိရပ်ကွက်ရှိ မူးယစ်ဆေးဝါးရောင်းချတဲ့နေအိမ်တွေမှာ ဝင်ရောက်စစ်ဆေးတာတွေလုပ်နေပေမယ့် ပြစ်မှုကျူးလွန်သူတွေကိုဖမ်းဆိးခြင်းမပြုပဲ ပြန်လွတ်ပေးနေတာလို့ တပ်နဲ့နီးစပ်တဲ့အမျိုးသမီးတစ်ဦး KNG ကိုပြောပါတယ်။ “နယ်ထိန်းခေါင်းဆောင် ကိုနေဖြိုးအပါအဝင် ယုနဇ ရပ်ကွက်ထဲက မူးယစ်ရောင်းတဲ့သူစီက သိန်း (၅၀၀) တောင်းသွားတယ် ဟိုနေ့က ။ အရင်လက ရမ်ပူရပ်ကွက်မှာလည်း အတူတူပဲ သိန်း ၂၈၀ ပေးပြီးပြန်လွှတ်ပေးတာ။ အရပ်စကားနဲ့ပြောမယ်ဆိုရင် ဖားရိုက်နေကြတာပေါ့လေ”လို့ ပြောပါတယ်။ အမှတ်(၂) နယ်ထိန်းခေါင်းဆောင် ဖြိုးကိိုကိုအပါအဝင် အထက်မှာဖော်ပြထားတဲ့ ရဲတပ်ဖွဲ့ဝင် ၃ ဦးဟာ ပြီးခဲ့တဲ့ နိုဝင်ဘာလမှာလည်း ရမ်ပူရပ်ကွက် မူးယစ်ဆေးရောင်းတဲ့နေအိမ်တစ်အိမ်ဝင်စစ်ပြီး ငွေသိန်း ၂၈၀၊အိမ်စီးကား၊ ဘိန်းဖြူနဲ့တစ်ခြားမူးယစ်ဆေးဝါးတွေကိုဖမ်းဆီးသွားတယ်လို့ သိရပါတယ်။ ဖမ်းဆီးသိမ်းသွားတဲ့အိမ်စီးကားကို ရပ်ကွက်ထဲမှာစီးနေတဲ့အတွက် ကားပိုင်ရှင်ဘက်မှတိုင်ကြားဖို့ပြင်ဆင်လာချိန် ကားကိုလည်းထပ်ရောင်းလိုက်ပြီဖြစ်တယ်လို့ သိရပါတယ်။ အလားတူ နိုဝင်ဘာလ ၂၀ ရက်နေ့မှာလည်း ခေမာသီရိရပ်ကွက် မူးယစ်ဆေးရောင်းတဲ့နေအိမ်တစ်အိမ်ကို ရဲကား ၃ စီးနဲ့ရောက်လာပြီး ငွေကျပ် သိန်းတစ်ရာဒဏ်ရိုက်သွားတယ်လို့ဆိုပါတယ်။ ဒါ့အပြင် နယ်ထိန်းခေါင်းစဉ်အဖွဲ့တွေဟာ မြစ်ကြီးနားမြို့ထဲ နှစ်လုံး၊ သုံးလုံးရောင်းသူတွေ ၊ မူးယစ်ဆေးဝါးရောင်းသူတွေကို နယ်မြေခံရဲတပ်ရင်း၊ တပ်ရင်း (၃၀) ၊ မူးယစ်တားစီးရေး ရဲတပ်ဖွဲ့တွေပေါင်းပြီး ချဲဒိုင်အသေး၊အကြီးပေါ်မှုတည်ကာ ငွေကြေးတောင်းခံတာတွေလုပ်နေတယ်လို့ သိရပါတယ်။ “မဖမ်းဘူး လုံးဝ မဖမ်းဘူး ကျနော်တို့ဖြစ်စေချင်တာမြစ်ကြီးနားမြို့ထဲက မူးယစ်ဆေးရောင်းတဲ့သူတွေဆိုထိထိရောက်ရောက်ဖမ်းဆီးပေးရမှာလေ ခုသူတို့လုပ်ပုံက ငွေလေးယူလိုက်ပြန်ရောင်းခိုင်းလိုက်နဲ့စီးပွားရှာခိုင်းနေတာ”လို့ ရမ်ပူရပ်ကွက်နေ ဒေသခံအမျိုးသားတစ်ဦးပြောပါတယ်။ မြစ်ကြီးနားမြို့ဒေသခံတွေလိုလားတာက မူးယစ်ဆေးဝါးရောင်းဝယ်သုံးစွဲသူတွေကို ထိထိရောက်ရောက် ဖမ်းဆီးအရေးယူပေးဖို့တောင်းဆိုနေကြတာဖြစ်ပါတယ်။ စစ်တပ်အာဏာသိမ်းပြီးနောက် ကချင်ပြည်နယ်ရဲ့မြို့တော်မြစ်ကြီးနားမြို့မှာ မူးယစ်ဆေးရောင်းဝယ်သုံးစွဲမှု တစ်နေ့ထက်တစ်နေ့ပိုပြီး ဆိုးရွာလာနေသလို မြို့ပေါ်ရပ်ကွက်တွေမှာ လောင်းကစားဝိုင်းအသေး၊အကြီး စုစုပေါင်း ၅၀ ဝိုင်းခန့်ရှိတယ်လို့ တပ်နဲ့နီးစပ်သူကဆက်ပြောပါတယ်။ “လောင်းကစားဝိုင်းက ၅၀ လောက်ရှိတယ်။ အဲဒါကသူတို့ရဲ့ပုံမှန်ဝင်ငွေရတဲ့နေရာတွေလေ အားလုံးပေါင်းပြီးလုပ်စားနေကြတာ”လို့ ပြောပါတယ်။ ခုလိုမူးယစ်ဆေး၊လောင်းကစားဝိုင်းများလာတာနဲ့အတူ ခိုးမှု၊ဓါးပြမှု၊လုယက်မှုတွေကလည်း နေ့စဉ်နဲ့ဖြစ်နေပါတယ်။ ဒါ့အပြင် ရဲ့တပ်ဖွဲ့ဝင်တွေဟာ ည ၈ နာရီဝန်းကျင် လမ်းဆုံ၊လမ်းခွတွေမှာစောင့်နေပြီး လမ်းသွားလမ်းလာလူငယ်တွေကို အကြောင်းမဲ့ခြိမ်းခြောက်ကာ ငွေတောင်းတာတွေလုပ်နေတယ်လို့လည်း သိရပါတယ်။ By – CJ
Read More » -
1 Decemberသတင်း
ဖားကန့်လမ်းနဲ့လီဒိုလမ်းမပေါ်က စစ်ရှောင်တွေအတွက် နေရာထိုင်ခင်းအကူညီလိုအပ်နေ
ကချင်ပြည်နယ် မိုးကောင်းမြို့နယ် နမ္မတီးမြို့ထဲ တိမ်းရှောင်နေကြတဲ့ ဖားကန့်စစ်ဘေးရှောင်တစ်ထောင်ဝန်းကျင်အတွက် နေရာထိုင်ခင်းအကူညီလိုအပ်နေတယ်လို့ စစ်ဘေးရှောင်ကူညီသူတွေက ပြောပါတယ်။ တိုက်ပွဲကြောင့် ဖားကန့်လမ်းနဲ့ လီဒိုလမ်းမပေါ် ကျေးရွာတွေထဲကနေ နမ္မတီးမြို့ထဲထွက်ပြေးတိမ်းရှောင်နေကြရတဲ့ စစ်ရှောင်အများပိုင်း နေရာထိုင်ခင်းအခက်အခဲဖြစ်နေတာကြောင့် ရာသီအကူအပြောင်းတွေကြား ဖျားနာသူတွေနဲ့ အခက်ခဲများစွာ ကြုံနေကြရတယ်လို့ ဆိုပါတယ်။ “မိုးရာသီမှာတောင် အရမ်းကို ဒုက္ခရောက်ကြတာ တစ်ချို့ဆို သစ်ပင်အောက်တွေမှာနေတယ်။ တစ်ချို့က ကွင်းပြင်၊ လယ်ယာပြင်မှာတဲဆောက်ပြီးနေကြတော့ လေတိုက်ပြီဆိုတာနဲ့ အကုန်လွှင့်၊ မိုးပက်ပြီး နေလို့မရကြဘူး။ ဆိုတော့ မိုးရာသီလည်း မိုးရာသီဒုက္ခကို အံတုနေရတယ်။ အခု ဆောင်းရာသီဆိုလည်း ဆောင်းရာသီကို အဲလိုပဲ အံတုရင်း နေကြရမယ်။ ထွေထွေထူးထူး အကူအညီရတာမျိုးတွေလည်း မရှိဘူး။”လို့ စစ်ဘေးရှောင်တွေကို ကူညီပေးနေတဲ့ အမျိုးသမီးတစ်ဦးက ပြောပါတယ်။ ဖားကန့်လမ်းနဲ့ လီဒိုလမ်းမပေါ်ရှိ နန့်ယား၊ ဒွမ်ဘုန်း၊ လဝါး၊ လဂေါင်၊ ကွမ်စိုင်ယန်–စတဲ့ ကျေးရွာတွေထဲက ဒေသခံပြည်သူတစ်ထောင်လောက်ဟာ လက်ရှိ နမ္မတီးမြို့ပေါ် ၆ နေရာလောက်မှာ ခိုလှုံနေကြတာ ဖြစ်ပါတယ်။ ဒီစစ်ရှောင်တွေဟာ စစ်ရှောင်ကာလကြာလာတာနဲ့အမျှ မိုးကာတွေနဲ့သာဆောက်လုပ်ထားတဲ့ မိုးကာတဲတွေလည်း ယိုယွင်းပျက်စီးလာပြီဲဖြစ်တဲ့အတွက် ပြန်လည်ပြုပြင်ဖို့လိုအပ်နေတယ်လို့ သိရပါတယ်။ “အစထွက်ပြေးလာခဲ့ကြတဲ့အချိန်ကလို မဟုတ်တော့ဘူး။ အခု နေရာထိုင်ခင်းရဖို့အတွက်ပဲ အဓိက ဦးစားပေးဖြစ်သွားပြီ။ တခြား ဆောင်းရာသီရောက်ရင်တို့၊ မိုးရာသီရောက်ရင်တို့ ၊ ဟိုဟာနာ ဒီဟာဖျားလာရင်ဆိုပြီး တွေးပူနေရမယ့်အဆင့်တောင် မရောက်နိုင်တော့ဘူး။ နေရာတကာ ခြံတွေ၊ ဝင်းတွေ နည်းနည်းလွတ်တဲ့နေရာတွေ အားလုံးမှာ စုပြုံပြီးနေကြတယ်။ တချို့ကတော့ အဲလိုစစ်ဘေးရှောင်စခန်းမှာ မနေဘဲ ပိုင်ရှင်တွေမရှိတာ ဒါမှမဟုတ် ပိုင်ရှင်ရှိတဲ့ ခြံဝင်းတွေမှာ တဲဆောက်ယူပြီး နေကြတယ်။ ခက်ခက်ခဲခဲနဲ့ ကံလှ၊ မြို့သစ်၊ ညောင်တော၊ ၀အောင် တွေမှာ အပြည့်ပဲ” လို့ သူမက ဆက်ပြောပါတယ်။ ဒါ့အပြင် သက်ဆိုင်ရာအသင်းတော်တွေဘက်ကလည်း စစ်ရှောင်တွေအတွက်လုံလောက်တဲ့ ကူညီထောက်ပံ့မှုတွေမပေးနိုင်ပဲ အရေးပေါ် ခွဲစိတ်ရမယ့်လူနာတွေကိုသာ ကူညီနိုင်တယ်လို့ သိရပါတယ်။ လက်ရှိ နိုင်ငံရေးအခြေအနေကြပ်တည်းမှုတွေကြား လူ့အခွင့်အရေးအတွက် ကူညီထောက်ပံ့တဲ့အဖွဲ့အစည်းတွေလည်း အရင်လိုမရှိတော့တဲ့အတွက် ဒီနှစ်တွေမှာ တိုက်ပွဲကြောင့်တိမ်းရှောင်ရတဲ့ စစ်ရှောင်တွေအဖို့ ကိုယ့်နည်းကိုယ်ဟန်နဲ့ ကိုယ်ထူကိုယ်ထရပ်တည်နေကြရတာလို့ သိရပါတယ်။ ပြီးခဲ့တဲ့ ဧပြီလ ဖားကန့်တိုက်ပွဲကြောင့် တိမ်းရှောင်နေကြရတဲ့ ဖားကန့်စစ်ဘေးရှောင်တွေအပြင် နောက်ထပ် ဝိုင်းမော်တိုက်ပွဲကြောင့် ဧရာ၀တီမြစ်ကမ်းဘေးတွေမှာ တိမ်းရှောင်ခိုလှုံနေကြရတဲ့ နောင်းချိန်းစစ်ဘေးရှောင်တွေအတွက်လည်း ကူညီမှုတွေလိုအပ်နေတယ်လို့ သိရပါတယ်။ ၂၀၂၅ ခုနှစ် ဇန်နဝါရီလ ကုလသမဂ္ဂဒုက္ခသည်များ ဆိုင်ရာမဟာမင်းကြီးရုံး UNCHR ရဲ့ ထုတ်ပြန်ချက်တွေအရ စစ်တပ်အာဏာသိမ်းပြီးနောက် ကချင်ပြည်နယ်အတွင်း စစ်ရှောင် တစ်သိန်းကျော် ထပ်တိုးလာတယ်လို့ သိရပါတယ်။…
Read More » -
1 Decemberသတင်း
မိုးမိတ်ဘက်စစ်ကြောင်းထိုးလာတဲ့ စစ်ကောင်စီယာဉ်တန်း KIA ပူးပေါင်းတပ်တိုက်ခိုက်လို့ ယာဉ်တန်းပြန်ဆုတ်ခွာ
ရှမ်းမြောက် မိုးမိတ်မြို့ဘက် စစ်ကြောင်းထိုးလာတဲ့ စစ်ကောင်စီယာဉ်တန်းကို KIA ပူးပေါင်းတပ်တွေကကြားဖြတ်တိုက်ခိုက်လိုက်တဲ့အတွက် ယာဉ်တန်းပြန်လည်ဆုတ်သွားတယ်လို့ မိုးမိတ်ဒေသခံတွေပြောပါတယ်။ နိုဝင်ဘာလ ၃၀ ရက်နေ့ည ၉ နာရီဝန်းကျင် မိုးကုတ်ဘက်ကနေ မိုးမိတ်ဘက်ကိုဦးတည်လာတဲ့ စစ်ကောင်စီတပ်ဖွဲ့ရဲ့စစ်ကား ၅ စီးကို မိုးမိတ်မရောက်ခင် ကချင်လွတ်လပ်ရေးတပ်မတော် KIA နဲ့ တော်လှန်ရေးတပ်ပေါင်းစုတွေက ကြားဖြတ်ပစ်ခတ်တိုက်ခိုက်ခဲ့တာကြောင့် ပြန်ခေါက်သွားတယ်လို့ မိုးမိတ်ဒေသခံအမျိုးသားတစ်ဦး KNG ကို ပြောပါတယ်။ “မိုးမိတ်မြို့တွင်းမှာတော့ မနေ့ကစပြီး စစ်တပ်တွေ ယူနီးဖောင်းတွေနဲ့ထင်ထင်ရှားရှား ဝင်ရောက်နေပြီ။ KIA နဲ့ တော်လှန်ရေးတပ်ပေါင်းစုတွေကတော့ မြို့ပြင်တွေမှာ နေရာယူထားတယ်။ မနေ့ညကတော့မိုးမိတ်နဲ့ ဘောတဲကြားမှာ စစ်တပ်ကား ၅ စီးလောက် ထွက်လာချိန် KIA ဘက်မှ ကြားဖြတ်တိုက်ခိုက်လိုက်လို့ ပြန်ခေါက်သွားတယ်။ အဲဒီချိန်မှာပဲ လေယာဉ်လည်း လာဝဲသွားတယ်။အရမ်းကြီးအပြန်အလှန် တိုက်ပွဲဆက်ဖြစ်နေတာမျိုးတော့ မရှိဘူး” လို့ ပြောပါတယ်။ စစ်ကောင်စီတပ်ဖွဲ့တွေဟာ မိုးကုတ်မြို့နဲ့ မိုးမိတ်မြို့ထဲကို အစပိုင်းမှာ TNLA တပ်ဖွဲ့ဝင်တွေနဲ့ ရောနှောကာ အရပ်ဝတ်တွေနဲ့စတင်ဝင်ရောက်လာခဲ့ပေမဲ့ နိုဝင်ဘာလ ၂၉ ရက် ညမှာတော့ TNLA က လုံခြုံရေးယူပေးကာ စစ်တပ်ယာဉ်တန်းအမြောက်အများဝင်ရောက်နိုင်ခဲ့တာဖြစ်တယ်လို့ မိုးမိတ်ဒေသခံက ပြောပြပါတယ်။ မိုးမိတ်ဒေသခံ ပြောဆိုချက်အရ နိုဝင်ဘာ ၃၀ ရက်နေ့ မနေ့ကစပြီး မိုးမိတ်မြို့တွင်းမှာ TNLA တပ်ဖွဲ့ဝင်တွေကို ယူနီးဖောင်းနဲ့တကွ မတွေ့ရတော့ဘူးလို့ ဆိုပါတယ်။ တစ်ဖက်မှာလည်း မိုးကုတ်၊ မိုးမိတ်မြို့တွေထဲကနေ TNLA တပ်ဖွဲ့တွေဆုတ်ခွာပြီးနောက်မှာတော့ စစ်ကောင်စီတပ်ကို PDF တပ်ပေါင်းစုတွေနဲ့ ကချင်လွတ်လပ်ရေးတပ်မတော် KIA ဘက်မှ တိုက်ခိုက်နိုင်တဲ့ အနေအထားမှာ ရှိနေတယ်လို့ ဒေသခံတွေကသုံးသပ်ပြောဆိုနေကြပါတယ်။ “လက်ရှိထိတော့ KIA နဲ့ PDF တွေက မိုးကုတ်၊ မိုးမိတ်တွေမှာ TNLA နဲ့ပါ ပြဿနာမဖြစ်အောင် အပစ်အခတ်မဖြစ်ကြအောင် အရမ်းကို သတိထားနေတဲ့ အခြေအနေလို့ မြင်ရတယ်။ ဒါပေမဲ့ဆက်လက်ပြီးပဲ TNLA က စစ်တပ်နဲ့ အတူ လှုပ်ရှားသွားလာနေတယ်၊ စစ်ရေးလှုပ်ရှားတာတွေရှိလာရင်တော့ ဘယ်လိုမှမတတ်နိုင်တဲ့အဆုံး စစ်ကောင်စီနဲ့အတူလှုပ်ရှားနေတဲ့ TNLA နဲ့ PDF တွေတိုက်ပွဲမဖြစ်ပွားလာနိုင်ဘူးလို့ မပြောနိုင်ဘူး။ ဒါမျိုးအခြေအနေ မဖြစ်လာရင်တော့ ပိုကောင်းတာပေါ့။အခြေအနေတော့ TNLA တွေအကုန်ထွက်ခွာပြီဆိုရင်တော့ စစ်တပ်နဲ့ KIA၊ PDF တပ်ပေါင်းစုတွေတိုက်ပွဲဖြစ်ပွားလာနိုင်တယ်”လို့ ရှမ်းမြောက်စစ်ရေး၊ နိုင်ငံရေးလေ့လာသုံးသပ်သူ အမျိုးသားတစ်ဦးကလည်း ပြောဆိုထားပါတယ်။ လက်ရှိ မိုးမိတ်မြို့ပြင်မှာတော့ KIA အပါအဝင် PDF တပ်ပေါင်းစုတွေ နေရာယူလှုပ်ရှားထားပြီး စစ်တပ်နဲ့ KIA ပူးပေါင်းတပ်အကြား…
Read More » -
1 Decemberသတင်း
ဗန်းမောက်တိုက်ပွဲအတွင်း စစ်တပ်က လေယာဥ်နဲ့နှစ်ရက်ဆက်တိုက်ဗုံးကြဲ
စစ်ကိုင်းနဲ့ကချင်အစပ်က တော်လှန်ရေးအင်အားစုတွေသိမ်းပိုက်ထားတဲ့ ဗန်းမောက်မြို့ပတ်ဝန်းကျင်တစ်ဝှိုက် နှစ်ဖက်တပ်တွေ တိုက်ပွဲပြင်းထန်နေပြီး စစ်ကောင်စီကလေယာဥ်နဲ့နှစ်ရက်ဆက်တိုက်ဗုံးကြဲတိုက်ခိုက်ခဲ့တယ်လို့ဒေသခံတွေကပြောပါတယ်။ နိုဝင်ဘာလ ၂၉ ၊ ၃၀ ရက် မနေ့ကနဲ့ ဒီနေ့မနက်ခင်းတွေမှာ တစ်မနက်လုံးနီးပါး ဂျက်ဖိုက်တာ၊ Y12 အမျိုးစားလေယာဥ်တွေနဲ့ လေကြောင်း တိုက်ခိုက်မှုတွေလုပ်ခဲ့တာဖြစ်တယ်လို့ ဒေသခံတစ်ဦးကပြောပါတယ်။…
Read More » -
Nov- 2025 -29 Novemberသတင်း
ကချင်ဒေသထွက် ကျောက်ဂျပိုး စျေးကောင်းမရတော့ဘူးလို့ ဒေသခံတွေပြော
ကချင်ပြည်နယ်ရဲ့ အအေးပိုင်းဒေသတွေဖြစ်တဲ့ ပူတာအို၊ချီဖွေမြို့တွေမှာ ဆောင်းအဝင်ထွက်လေ့ရှိတဲ့ ကျောက်ဂျပိုးစျေးကောင်းမရတော့ဘူးလို့ ဒေသခံတွေပြောပါတယ်။ ပူတာအို၊ ခေါင်လန်ဖူးနဲ့ ချီဖွေတွေမှာ အောက်တိုဘာလကစပြီး ကျောက်ဂျပိုးအကောင်ထွက်တဲ့ရာသီဖြစ်တာကြောင့် ဒေသခံတွေက နှစ်စဉ်ကျောက်ဂျပိုးဖမ်းပြီး ဝင်ငွေရှာဖွေကြတာဖြစ်ပါတယ်။ ဒါပေမဲ့ ဒီနှစ်ကတော့ အရင်နှစ်တွေလို ဝယ်သူနည်းလာတဲ့အတွက် ကျောက်ဂျပိုးစျေးကောင်းမရတော့ဘူးလို့ ဒေသခံတွေပြောပါတယ်။ “အရင်နှစ်ကတော့ စျေးအရမ်းကောင်းတယ်။ တစ်ပိဿာ ၆ သိန်း၊ ၇ သိန်း အလုအယက်ဝယ်ကြတယ်။ ပြီးရင် အဲလိုမခက်ခဲဘူး။ ဒီနှစ်ကတော့ စျေးမရှိဘူး။ ဘာကြောင့် စျေးကျသလဲဆိုရင် နိုင်ငံခြား တရုတ်၊ အိန္ဒိယပို့မယ်ဆိုရင် ဂိတ်ပေါင်းအများကြီးရှိတယ်။ ဟိုဂိတ်၊ ဒီဂိတ်နဲ့ နှုတ်လိုက်တဲအခါ ဟိုမှာရောက်ရင် အရင်းထိတယ်ဆိုပြီး သိပ်မဝယ်ကြဘူး။ သူတို့နေရာရောက်ရင်တော့ စျေးရတာပေါ့။ ဒီမှာက ဝယ်တဲ့သူမရှိလို့ ဟိုမှာရောက်ရင်တော့ စျေးကောင်းတယ်လို့ ပြောတယ်”ဟု ပူတာအိုဒေသခံတစ်ဦးက ပြောပါတယ်။ ကချင်ဒေသထွက် ကျောက်ဂျပိုးတွေကို တရုတ်၊ အိန္ဒိယ စတဲ့အိမ်နီးချင်းနိုင်ငံတွေကို အဓိကတင်ပို့ကြသလို ဒီဒေသတွေအထိ တရုတ်ဘက်က ဝယ်လက်တွေ လာရောက်ဝယ်ယူကြတာဖြစ်တယ်လို့ သိရပါတယ်။ ပြီးခဲ့တဲ့နှစ်တွေမှာ ပူတာအိုဒေသတွင်း ကျောက်ဂျပိုးတစ်ပိဿာကို ကျပ်ငွေ ၇ သိန်းအထိ စျေးပေါက်ခဲ့ပေမဲ့ ဒီနှစ်ကတော့ တစ်ပိဿာကို ၃ သိန်းနဲ့ ၄ သိန်းကြားသာရတယ်လို့ ဆိုပါတယ်။ တစ်ဖက်က ချီဖွေဒေသဘက်မှာတော့ ဒီနှစ် ကျောက်ဂျပိုးထွက်ခါစ အောက်တိုဘာလလောက်မှာ အစိုတစ်ပိဿာကို ၇ သိန်းလောက်စျေးပေါက်ခဲ့ပြီး အခြောက် တစ်ပိဿာကို ၉ သိန်းကျော်ထိ စျေးပေါက်ခဲ့တယ်လို့ သိရပါတယ်။ ဒါပေမဲ့ အခုလက်ရှိစျေးကတော့ ကျောက်ဂျပိုး တစ်ပိဿာကို ၆ သိန်းလောက် စျေးရှိနေတယ်လို့ ချီဖွေဘက်က ကျောက်ဂျပိုးဝယ်ရောင်းသူတွေ ပြောပါတယ်။ တရုတ်တွေဘက်က ကျောက်ဂျပိုးတွေ အရင်နှစ်တွေလို စျေးကောင်းပေးမဝယ်တော့တာဟာ တရုတ်ဘက်မှာလည်း မွေးမြူတတ်သွားသူတွေရှိသလို လက်ရှိနိုင်ငံရေးအခြေအနေအရ လမ်းပိုင်းအခက်အခဲအမျိုးမျိုးကြောင့်ဖြစ်တယ်လို့ တရုတ်ကျောက်ဂျပိုးကုန်သည်ကြီးတွေနဲ့ ချိတ်ဆက်ပြီး ကျောက်ဂျပိုးဝယ်ယူစုဆောင်းသူက ပြောပါတယ်။ “တရုတ်ဘက်မှာ မနှစ်တုန်းကဆိုရင် အကောင်ရှင်သေးတဲ့ အစိမ်းဆိုရင် နို့ဆီခွက်တစ်ခွက်ကို ကျပ်ငွေ ၅ သောင်းကနေ ၇ သောင်းအထိ ပေးကြတယ်။ စျေးကောင်းပေးပြီး ဝယ်ကြတယ်။ အခုတော့ သူတို့တရုတ်ဘက်မှာလည်း မွေးတတ်သွားကြပြီတဲ့။ ဘယ်လိုရာသီမျိုး၊နေရာမျိုးမှာရှိတယ်ဆိုတာကို လေ့လာယူပြီး သူတို့တရုတ်ဘက်မှာလည်း ရာသီဥတုကို လုပ်ယူဖန်တီးပြီး မွေးကြပုံပဲ။ ဒီကျောက်ဂျပိုးကို အဆုတ်နဲ့ဆိုင်တာ၊ နှလုံးသွေးကြောနဲ့ဆိုင်တာ၊ ကင်ဆာနဲ့ပတ်သက်တဲ့ ဆေးတွေ ဖော်စပ်တယ်လို့ ပြောတယ်။ ကျောက်ကပ်ဆေးလိုမျိုးတွေ ဖော်တယ်လို့ ပြောတယ်။ ကျနော်တို့လည်း အတိအကျတော့ မသိဘူး။”ဟု ချီဖွေဒေသ ကျောက်ဂျပိုးဝယ်သူတစ်ဦးက ပြောပါတယ်။ ကျောက်ဂျပိုးအကောင်တွေဟာ မြစ်၊ချောင်းဘေး ကျောက်ဆောင်၊ ကျောက်တုံးတွေနားမှာရှိကြတာဖြစ်ပါတယ်။ ဒေသခံတွေဟာ ကျောက်ဂျပိုးကို ခြင်ထောင်စတွေ၊ စကာပိတ်စတွေနဲ့ မေခမြစ်၊ မလိခမြစ်နားတွေ မြစ်၊ချောင်းဖျားပိုင်းတွေမှာ အဓိက ရှာဖွေကြတယ်လို့ သိရပါတယ်။ ကျောက်ဂျပိုးအကောင်တွေထဲမှာ အမည်းရောင်တန်းပြီး အကောင်သေးတဲ့ပုံစံမျိုးနဲ့ အနီရောင်တန်းပြီးအကောင်းနည်းနည်းကြီးတဲ့ပုံစံ စသဖြင့် အကောင်နှစ်မျိုးရှိရာ အနီရောင်တန်းပြီး နည်းနည်းကြီးတဲ့အကောင်မျိုး ဝယ်ယူတာမရှိဘူးလို့ သိရပါတယ်။ ဒီကျောက်ဂျပိုးတွေကို ပူတာအို၊ ချီဖွေ ဒေသခံတွေက ဟင်းပွဲအဖြစ်စားသုံးကြတာလည်း ရှိသလို အဓိကတော့ တရုတ်တွေ စျေးကောင်းပေးဝယ်တာကြောင့် စီးပွားဖြစ် ဝင်ငွေအတွက် ကျောက်ဂျပိုးအကောင်ကို ရှာဖွေကြတာ ပိုများပါတယ်။ တရုတ်ပြည်ဘက်မှာတော့ ဒါကို အဖိုးတန်တစ်ခုအဖြစ် စျေးကောင်းပေးဝယ်ပြီး အဆုတ်၊ ကျောက်ကပ်၊ နှလုံး၊ ကင်ဆာ စတဲ့ရောဂါတွေနဲ့ပတ်သက်တဲ့ ဆေးဝါးဖော်စပ်တဲ့နေရာမှာ အဓိကသုံးသလို ဟင်းခတ်အမွေးအကြိုင်အဖြစ် ဖေစပ်ထုတ်လုပ်တဲ့နေရာမှာ အသုံးပြုတယ်လို့ တရုတ်ကုန်သည်တွေ ပြောဆိုချက်အရ သိရတယ်လို့ ကျောက်ဂျပိုးဖောက်သည်တွေက ပြောဆိုပါတယ်။ By – ဂျာဘောက်ရာ
Read More » -
28 Novemberသတင်း
TPS ဖျက်သိမ်းတာက စစ်တပ်ကို ထောက်ခံတဲ့သဘောဆောင်နေတယ်လို့ အမေရိကန်နိုင်ငံရောက် မြန်မာပြည်သူတွေပြော
ဒေါ်နယ်ဒ်ထရမ့် အစိုးရကနေပြီးတော့ ယာယီနေထိုင်ခွင့် TPS( Temporary Protected Status)ကို ဖျက်သိမ်းလိုက်ပြီဖြစ်ကြောင်း Department of Homeland Security ကနေပြီးတော့ နိုဝင်ဘာ ၂၄ရက်နေ့မှာ ထုတ်ပြန်ခဲ့တာဘဲ ဖြစ်ပါတယ်။ အဲဒီထုတ်ပြန်ချက်မှာ မြန်မာနိုင်ငံဟာ လွတ်လပ်ပြီး…
Read More » -
28 Novemberသတင်း
ပူတာအို – ခေါင်လမ်ဖူးလမ်းပိုင်းပျက်စီးနေဆဲဖြစ်တဲ့အတွက် ရှောက်ကောပါကော အရောင်းအဝယ်ရပ်တန့်နေ
ကချင်ပြည်နယ် ၊ပူတာအို–ခေါင်လန်ဖူးကားလမ်းပိုင်းပြုပြင်နိုင်ခြင်းမရှိသေးတာကြောင့် ခေါင်လန်ဖူး ဒေသထွက် ရှောက်ကော ပါကောတွေ တင်ပို့ဖို့ခက်ခဲနေပြီးအရောင်းအဝယ်ရပ်တန့် နေကြောင်း ဒေသခံများထံမှ သိရပါတယ်။ ဟင်းခတ်အမွှေးအကြိုင်ထုတ်လုပ်ရာမှာ ကုန်ကြမ်းအဖြစ်သုံးတဲ့ ခေါင်လန်ဖူးဒေသထွက် ရှောက်ကောပါကောဟာ အဓိက အားဖြင့်တရုတ်ပြည်ကိုတင်ပို့ရောင်းချကြတာဖြစ်ပြီး လက်ရှိ ပူတာအိုခေါင်လန်ဖူးလမ်းပိုင်းပျက်စီးနေတာကြောင့် တင်ပို့လို့မရပဲ အရောင်းအဝယ်တွေရပ်တန့်နေတယ်လို့…
Read More »
