အာဏာသိမ်းစစ်တပ် ခေါင်းဆောင် မြစ်ကြီးနားမြို့ တွင် ရောက်ရှိနေ
တပ်မတော်က နိုင်ငံတော်အာဏာသိမ်းပြီး ဖေဖော်ဝါရီလ (၁)ရက်နေ့မှစကာ တိုင်းရင်းသားနိုင်ငံရေးပါတီများအား ‘နိုင်ငံတော်စီမံအုပ်ချုပ်ရေးကောင်စီ’ တွင်ပါဝင်ရန် ကမ်းလှမ်းမူများရှိနေကြောင်း တိုင်းရင်းသားပါတီများထံမှ သိရသည်။
မြန်မာစစ်တပ်အာဏာသိမ်းမှုကြောင့် လက်ရှိဖြစ်ပေါ်နေသည့် နိုင်ငံရေးအခင်းအကျင်းအား နိုင်ငံရေးနည်းလမ်းဖြင့်ညှိနှိုင်းဖြေရှင်းရန် တိုင်းရင်းသားပါတီ (၅)ပါတီမှ သဘောထားထုတ်ပြန်ချက်တစ်စောင်ကို ယနေ့ ထုတ်ပြန်ထားသည်။ ထုတ်ပြန်ချက်တွင် ကချင်ပြည်နယ်ပြည်သူ့ပါတီ၊ ကယားပြည်နယ်ဒီမိုကရေစီတစ်ပါတီ၊ ကရင်အမျိုးသား ဒီမိုကရေစီတစ်ပါတီ၊ ချင်းအမျိုးသားဒီမိုရေစီအဖွဲ့ချုပ်၊ မွန်ညီညွှတ်ရေးပါတီတို့ပါဝင်ပြီး ဖေဖော်ဝါရီလ (၅)ရက်နေ့ ရက်စွဲဖြင့် ထုတ်ပြန်ထားခြင်းဖြစ်သည်။ “ကျနော်တို့ တိုင်းရင်းသားတွေဟာ အသွင်မတူ နေရာဒေသမတူတဲ့ သူတွေဖြစ်ပေမယ့် အကောင်းဆုံး ညှိနှိုင်းဆောင်ရွက်ပြီး သွားနေပါတယ်။ ဒါကြောင့်လည်း ကျနော်တို့ညှိနှိုင်းဆောင်ရွက်ပြီးသွားသလို ပြည်ထောင်စုတစ်ခုလုံးနဲ့လဲ ညှိနှိုင်းဆောင်ရွက်ပြီးတော့ သွားချင်ပါတယ်။ နိုင်ငံရေးကို နိုင်ငံရေးအရပဲ…
