မရှီကထောင်

မရှီကထောင်စစ်ရှောင်တွေ အိမ်တွင်းပစ္စည်းသယ်ယူဖို့ စစ်တပ်ငြင်းဆန်

တိုက်ပွဲကြောင့် နေအိမ်စွန့်ခွာထားတဲ့ ဖားကန့် မရှီကထောင်ကျေးရွာနေပြည်သူတွေ အိမ်တွင်းပစ္စည်းတွေ သယ်ယူနိုင်ဖို့ စစ်ကောင်စီတပ်ဆီ ခွင့်ပြုပေးဖို့ သွားရောက်ပြောဆိုခဲ့ပေမယ့် လက်မခံဘဲ ငြင်းဆန်လိုက်တယ်လို့ သိရပါတယ်။ နေအိမ်စွန့်ခွာထားတဲ့ မရှီကထောင် စစ်ဘေးရှောင်ပြည်သူတွေ စုပေါင်းပြီး ပစ္စည်းတွေသယ်ယူနိုင်ဖို့ ဖားကန့် ဗျူဟာစစ်ကုန်းက G2…

Read More »

မရှီကထောင်မှာ စစ်တပ်က နေအိမ်ဖောက်ထွင်းပြီး စက်ပစ္စည်းနဲ့ ကျောက်စိမ်းတုံးတွေ ခိုးယူနေ

ဖားကန့် ၊ မရှီကထောင်ကျေးရွာ အနောက်ဘက်ခြမ်း ဆုတောင်းကုန်းအနီးတဝိုက်မှာ စစ်ကြောင်းထိုးဝင်ရောက်နေတဲ့ စစ်ကောင်စီတပ်တွေက လူမရှိတဲ့ လူနေအိမ်တွေကို ဖောက်ထွင်းပြီး တန်းဖိုးရှိအိမ်တွင်းပစ္စည်းနဲ့ ကျောက်စိမ်းတုံးတွေကို ခိုးယူတာတွေလုပ်နေတယ်လို့ သိရပါတယ်။ တိုက်ပွဲကြောင့် မရှီကထောင် ဆုတောင်းကုန်းအနီးတဝိုက်နေထိုင်တဲ့ အိမ်ထောင်စု ၅၀ ခန့်က စစ်ဘေးတိမ်းရှောင်သွားပြီးနောက် စစ်ကြောင်းထိုးဝင်ရောက်နေတဲ့ စစ်တပ်က ခိုးယူမှုတွေ လုပ်နေတယ်လို့ အိမ်တွင်းပစ္စည်းခိုးယူခံနေရတဲ့ မရှီကထောင်ရပ်ကွက်က အမျိုးသမီးတစ်ဦးက KNG ကိုပြောပါတယ်။ “မရှီကထောင်အနောက်ခြမ်းလို့ပြောရမှာပေါ့ ဆုတောင်းကုန်းခြေရင်းတစ်ကြောမှာနေထိုင်တဲ့ အိမ်တွင်းပစ္စည်းတွေ ကြိုက်သလို ထုတ်ယူနေကြတယ်။ ကျွန်မသားကြီးရဲ့ အိမ်က ကျောက်စိမ်းတုံးတွေလည်း တန်ချိန်ကျော်ရှိတဲ့ ကျောက်စိမ်းတွေ မနေ့က မိုးချုပ်တဲ့အထိ သယ်ထုတ်သွားကြတယ်တဲ့။ အိမ်တွင်းပစ္စည်းတွေကလည်း အပေါ်ထပ်အောက်ထပ် ဝင်ယူသွားကြတယ်။ ဘယ်လိုမကောင်းဆိုးဝါးတွေလဲမသိဘူး။ ကျွန်မတို့ ပစ္စည်းပြန်ယူဖို့ဆိုရင်လည်း လမ်းတွေအကုန်ပိတ်လိုက်တယ်”လို့ပြောပါတယ်။ လက်ရှိ မရှီကထောင်ကျေးရွာမှာ မိသားစုဝင်တစ်ခုထဲ နေအိမ် ၃ လုံးစလုံး ဖောက်ထွင်းခံရပြီး ကျောက်စိမ်းတူးဖော်တဲ့အခါအသုံးပြုတဲ့ စက်ယန္တရားများ၊ အိမ်တွင်းပစ္စည်းနဲ့ ကျောက်စိမ်းတုံးတွေ ခိုးယူခံရတဲ့ဖြစ်စဉ်နဲ့ ပတ်သက်ပြီး ပြောပြတာဖြစ်ပါတယ်။ မရှီကထောင်အနောက်ဘက်ခြမ်း ကချင်နှစ်ခြင်းခရစ်ယာန် KBC ဘုရားကျောင်းနဲ့ ဆုတေင်းကုန်းရှိတဲ့ တဝိုက်က လူနေအိမ်အများအပြားက အခုလို ဖောက်ထွင်းခံနေရတာဖြစ်တယ်လို့ သိရပါတယ်။ နေအိမ်စွန့်ခွာပြီး ထွက်ပြေးတိမ်းရှောင်နေကြတဲ့ ပြည်သူတွေက တိုက်ပွဲနေရာနဲ့အလွန်နီးကပ်လွန်းတဲ့အပြင် စစ်တပ်ရဲ့ လေကြောင်းရန်၊ တိုက်ပွဲအတွင်းက လက်နက်ကြီးအန္တရာယ်ကို စိုးရိမ်တဲ့အတွက် ဖားကန့်မြို့တွင်း တိုက်ပွဲမရှိတဲ့ နေရာတွေမှာ တိမ်းရှောင်နေကြတဲ့သလို ပြည်သူအများပိုင်းက မိုးကောင်း၊ နမ္မတီးနဲ့ မြစ်ကြီးနားမြို့ပေါ်ဘက်ကို ထွက်ပြေးတိမ်းရှောင်နေကြတာ နှစ်ပတ်ကျော်ခန့် ကြာမြင့်လာပြီဖြစ်ပါတယ်။ ဖားကန့်မှာ ကျန်ရှိနေကြတဲ့ ပြည်သူတစ်ချို့က အိမ်တွင်းပစ္စည်းတွေကို သယ်ယူဖို့ ကြိုးစားပေမယ့် သယ်ယူခွင့်မရဘဲ လမ်းကြောင်းတွေကိုလည်း စစ်တပ်က ပိတ်ဆို့ထားတယ်လို့ သိရပါတယ်။ မရှီကထောင်ကျေးရွာမှာ တိုက်ပွဲစတင်ပြင်းထန်လာတဲ့ ဇန်နဝါရီလ ၃၀ ရက်နောက်ပိုင်း စစ်ကြောင်းထိုးဝင်ရောက်လာတဲ့ စစ်တပ်က ကချင်နှစ်ခြင်းခရစ်ယာန် KBC ဘာသာရေးနဲ့ သက်ဆိုင်တဲ့ ရုံးဝင်းနေရာတွေမှာ ဝင်ရောက်နေရာယူထားတာဖြစ်ပါတယ်။ ဒါကြောင့် ပြည်သူအများပိုင်းက တိုက်ပွဲဧရိယာနဲ့ ဝေးတဲ့နေရာတွေမှာ ကိုယ်လွတ်ထွက်ပြေးတိမ်းရှောင်နေကြရတာဖြစ်ပါတယ်။ မရှီကထောင်ကျေးရွာမှာ စစ်တပ်က ပြည်သူပိုင်ပစ္စည်းတွေကို ခိုးယူ၊ သိမ်းယူနေတဲ့အခြေအနေနဲ့ ပတ်သက်ပြီး ဖားကန့်ဒေသခံအမျိုးသမီးတစ်ဦးက “ကျမတို့က မီးသွေးတွေဆိုရင်လည်း သုံးဘီးကားတွေနဲ့ သယ်ယူနေကြတာ ကုန်းပေါ်ကနေ လှမ်းမြင်ရတယ်တဲ့။ ကျမတို့က အထဲကိုဝင်လို့မရတော့ အထဲမှာ ဘယ်လောက်ထိ ဆိုးဆိုးရွားရွာလုပ်ပေးနေလဲသေချာမသိရဘူး။ တစ်ချို့အိမ်က မြေတူးတဲ့ဂန့်စက်တွေလည်း လေး၊ ငါးလုံးအကုန်သယ်ယူကြတယ်”လို့ပြောပါတယ်။ ဖေဖော်ဝါရီလ ၁၅ ရက်နေ့နောက်ပိုင်း နှစ်ဖက်တိုက်ပွဲ အနည်းငယ် ပြန်ငြိမ်သွားပြီဖြစ်ပေမယ့် စစ်ကောင်စီတပ်တွေက ပြည်သူမရှိတဲ့ နေအိမ်တွေကို တစ်အိမ်ဝင် တစ်အိမ်ထွက် လိုက်လံခိုးယူသယ်ယူ နေတာဖြစ်တယ်လို့ ဖားကန့်ပြည်သူတွေပြောပါတယ်။ စစ်ကောင်စီတပ်တွေဟာ ဇန်နဝါရီလ ၃၀ ရက်နေ့ KIA နဲ့ တော်လှန်ရေးတပ်ဖွဲ့တွေ ထိန်းချုပ်ထားတဲ့ ဆိုင်းတောင်(ဆိပ်မူ)ကျေးရွာဘက်ကို စစ်ကြောင်းထိုးဝင်ရောက်နိုင်ဖို့ မရှီကထောင်ကျေးရွာ အနောက်ဘက်ခြမ်းကနေ ထိုးဖောက်နေတာဖြစ်ပါတယ်။ KIA နဲ့ တော်လှန်ရေးတပ်ဖွဲ့တွေကလည်း စစ်ကောင်စီတပ် ဝင်ရောက်လာတဲ့ လမ်းကြောင်းတွေကို ပိတ်ဆို့ တိုက်ခိုက်နေတာဖြစ်ပြီး စစ်တပ်ဘက်က ထိခိုက်သေဆုံးမှုများလာတာကြောင့် ရှေ့မတိုးနိုင်ဘဲ စစ်ကြောင်းရပ်တန့်နေတာဖြစ်ပါတယ်။ စစ်ကောင်စီတပ်တွေ ဆိုင်းတောင်ကျေးရွာဘက်ကို စစ်ကြောင်းထိုးနိုင်ဖို့ လေကြောင်းတိုက်ခိုက်ပြီး မြေပြင်စစ်ကြောင်းထိုးတာတွေ၊ နှစ်ဖက်တပ်အပြန်အလှန် လက်နက်ကြီးပစ်ခတ်မှုတွေကြောင့် ဖားကန့်မှာ အရပ်သားထိခိုက်သေဆုံးတာတွေလည်း ဆက်တိုက်ဖြစ်ပွားနေပါတယ်။ By –…

Read More »

တိုက်ပွဲနယ်မြေနဲ့ထိစပ် မရှီကထောင်အပါ ကျေးရွာ ၃ ခုခန့်က စစ်ဘေးတိမ်းရှောင်နေရ

တိုက်ပွဲဖြစ်နေတဲ့ ဖားကန့် ၊ မရှီကထောင်အနောက်ဘက်ခြမ်းမှာ နှစ်ဖက်စစ်တပ်အကြား စစ်ရေးတင်းမာမှုဆက်ဖြစ်နေသလို အပြန်အလှန်ပစ်ခတ်မှုတွေကြောင့် တိုက်ပွဲနယ်မြေနဲ့ထိစပ်တဲ့ မရှီကထောင်၊ ထုံးဘိုနဲ့ ဂျမ်ဂတ် ကျေးရွာနေပြည်သူတွေ ဘေးလွတ်ရာကို စစ်ရှောင်နေကြရတယ်လို့ သိရပါတယ်။ စစ်ကောင်စီတပ်တွေက ပြီးခဲ့တဲ့ ဇန်နဝါရီလ ၃၀ ရက်နေ့ကစတင်ပြီး ဖားကန့် ဆိုင်းတောင်(ဆိပ်မူ)ကျေးရွာဘက်ကို စစ်ရေးဗျူဟာ ဦးတည်လာပြီး မရှီကထောင်၊ ထုံးဘိုနဲ့ ဂျမ်ဂတ်လမ်းကြောင်းကို အသုံးပြုကာ စစ်ကြောင်းထိုးဝင်ရောက်လာတာ ခုဆိုနှစ်ပတ်ကျော်ခန့်ကြာမြင့်လာတဲ့အထိ ဖြစ်ပါတယ်။ စစ်အင်အားရာနဲ့ချီရှိတဲ့ ခမရ ၃၈၁ တပ်ရင်းက ဦးဆောင်တဲ့ စစ်ကြောင်းက မရှီကထောင်အနောက်ဘက်ခြမ်း ဆုတောင်းကုန်း ခြေရင်းအောက်ပတ်လည်တွေမှာ ဝင်ရောက်နေရာယူထားသလို ကချင်နှစ်ခြင်းခရစ်ယာန် KBC ဘာသာရေးနဲ့ သက်ဆိုင်တဲ့ ရုံးဝင်းနေရာတစ်ချို့မှာလည်း ဝင်ရောက်နေရာယူလိုက်တယ်လို့ ဖားကန့် ပြည်သူတွေပြောပါတယ်။ လက်ရှိမှာ တိုက်ပွဲနေရာတဲ့ ထိစပ်တဲ့ မရှီကထောင်ရပ်ကွက်၊ ထုံးဘိုနဲ့ ဂျမ်ဂတ် ကျေးရွာက ပြည်သူတွေတစ်ချို့ စစ်ဘေးတိမ်းရှောင်နေရဆဲဖြစ်တယ်လို့ ဖားကန့်ဒေသခံပြည်သူတစ်ဦးက KNG ကိုပြောပါတယ်။ “မရှီကထောင်က လက်ရှိနေလို့မရတော့ဘူး။ မရှီကထောင်ဆုတောင်းကုန်း ပတ်လည်တဝိုက်မှာ စစ်တပ်က နေရာယူလိုက်ပြီဖြစ်တယ်။ ပြီးရင် ဥရုဆိုင်းမော် KBC ရုံလည်း ဆုတောင်းကုန်းခြေရင်းမှာရှိတယ်။ ရုံဝန်ထမ်းတွေနေတဲ့ ရုံးအဆောက်အဦးလည်း အဲ့ဒီတောင်ရင်းမှာရှိတာဟုတ်တယ်။ အခုက အဲဒီထဲကိုလည်း စစ်တပ်က ဝင်ရောက်နေရာယူလိုက်ပြီဖြစ်ပါတယ်။ အဲ့ဒါကြောင့် KBC က လုပ်နေတဲ့ လုပ်ငန်းတာဝန်တွေလည်း အကုန်ရပ်နားလိုက်ပြီ။ ဘေးပတ်ဝန်းကျင်မှာနေတဲ့ သူတွေလည်း ဘယ်သူမှနေလို့မရတော့ဘူး။ အဲ့ဒါကြောင့် အသက်ကြီးရွယ်အိုတဲ့ သူတွေအားလုံးက မြို့ပေါ် နီးစပ်တဲ့ နေရာမှာတိမ်းရှောင်ဖို့ ဆင်းသွားကြပြီ”လို့ပြောပါတယ်။ တိုက်ပွဲဖြစ်ပွားနေတဲ့ မရှီကထောင်ရပ်ကွက်ရှိ ကချင်နှစ်ခြင်းခရစ်ယာန် KBC ဘုရားကျောင်းနဲ့ ရုံးအဆောက်အဦးတွေရှိတဲ့ ပတ်လည်မှာ ကချင်လူမျိုးအများဆုံးနေထိုင်ကြပြီး တခြားလူမျိုးတွေအပါ စုစုပေါင်းအိမ်ထောင်စု ၅၀ ဝန်းကျင်ခန့်ရှိတယ်လို့ သိရပါတယ်။ မရှီကထောင်ရပ်ကွက်တစ်ခုလုံး အိမ်ခြေထောင်ဂဏန်းရှိပြီး လက်ရှိမှာ တိုက်ပွဲနဲ့ ထိစပ်နေတဲ့ အိမ်ထောင်စု ၅၀ အားလုံးနီးပါခန့်က ဖားကန့်မြို့ပေါ် တိုက်ပွဲမရှိတဲ့ နေရာတစ်ချို့မှာ ယာယီတိမ်းရှောင်နေကြပြီးတော့ အများပိုင်းက မိုးကောင်း၊ နမ္မတီးနဲ့ မြစ်ကြီးနားမြို့ပေါ်ဘက်ကို တိမ်းရှောင်လာကြတယ်လို့သိရပါတယ်။ အခုလို ဖားကန့်စစ်ရှောင်တွေ မြို့ပေါ်ဘက်ကို တိမ်းရှောင်လာရတဲ့ အခြေအနေနဲ့ ပတ်သက်ပြီးတော့လည်း အထက်ပါ ဖားကန့်ပြည်သူအမျိုးသားတစ်ဦးက ဆက်ပြီးဆိုပါတယ်။ “အခု စစ်ရှောင်တွေရဲ့ အခက်ခဲဆုံးအရာက တိုက်ပွဲဖြစ်တဲ့လမ်းမပေါ်က လူနေအိမ်တစ်ချို့က တော်တော်အခက်တွေ့နေရပါတယ်။ ဖားကန့် နယ်မြေထဲမှာ နဂိုထဲကနေ စစ်ရှောင်တစ်ချို့က သူ့နေရာနဲ့ သူတိမ်းရှောင်နေကြတဲ့ စစ်ရှောင်တွေလည်းအများကြီးပဲ။ အဲ့ကြောင့် ထပ်မံပြီးတိမ်းရှောင်ဖို့က နေရာလုံးဝမရှိတော့ဘူး။ မသွားရင်လည်းမရဘူး တိုက်ပွဲနေရာထဲရောက်နေတယ်။ ဆက်နေရင်လည်း အသက်အန္တရာယ်ထိခိုက်ရုံပဲရှိတော့တယ်”လို့ပြောပါတယ်။ ပြီးခဲ့တဲ့ နှစ်ပတ်အတွင်းဖြစ်တဲ့ တိုက်ပွဲမှာ မရှီကထောင်နဲ့ ထိစပ်နေတဲ့ ဆွတ်ဂျာကောင့်ကျေးရွာမှာ အရပ်သား ၁၀ ဦးကျော်ထိခိုက်ဒဏ်ရာရရှိခဲ့တာနဲ့ ပတ်သက်ပြီးတော့လည်း ပြည်သူတွေက တိမ်းရှောင်လို့မရတဲ့ အခြေအနေတွေကြောင့် ထိခိုက်ဒဏ်ရာရရှိခဲ့တာဖြစ်တယ်လို့ သိရပါတယ်။ တစ်ဖက်မှာ ပြီးခဲ့တဲ့ ၂၀၂၄ ၊ ၂၀၂၅ ခုနှစ်အတွင်း တိုက်ပွဲကြောင့် စစ်ရှောင်နေကြဆဲဖြစ်တဲ့ စစ်ရှောင်တွေကို  ဖားကန့် စစ်ရှောင်ကူညီရေးအဖွဲ့တွေက အပြည့်အဝကူညီစောင့်ရှောက်ပေးဖို့ ခက်ခဲနေတဲ့အခြေအနေမှာ ယခုနောက်ပိုင်း ပြန်ပြီးတိမ်းရှောင်လာတဲ့ စစ်ရှောင်တွေကိုလက်မခံနိုင်တော့ဘဲ စစ်ရှောင်အများစုက မြို့ပေါ်ဘက်ကို တိမ်းရှောင်လာခဲ့ကြတာဖြစ်တယ်လို့ ဆက်သိရပါတယ်။ ဖားကန့်ပြည်သူတွေရဲ့ ပြောဆိုချက်အရ စစ်ကောင်စီတပ်တွေဟာ ဆိုင်းတောင်ကျေးရွာဘက်ကို ထိုးစစ်ဆင်ဝင်ရောက်ဖို့ လေကြောင်းအကူအပါ ခေတ်မှီဒရုန်း၊ လက်နက်ကြီးတွေပစ်ခတ်ပြီး တိုက်ခိုက်နေတဲ့အတွက် ကြာမြင့်တဲ့တိုက်ပွဲဖြစ်လာနိုင်တယ်လို့လည်း သုံးသပ်ထားတာတွေရှိပါတယ်။ အခုလိုတိုက်ပွဲဧရိယာကျယ်ပြန့်လာတာနဲ့အညီ တိုက်ပွဲရှောင်ပြည်သူတွေက ဆက်ပြီးများပြားလာနိုင်ပြီး ပြည်သူတွေဆက်ပြီး ရပ်တည်ရှင်သန်လာနိုင်ဖို့ ပိုပြီးခက်ခဲလာနိုင်တယ်လို့ ပြောဆိုနေကြပါတယ်။ ဒါပေမယ့် ဇန်နဝါရီလ ၃၀ ရက်နေ့က စတင်လိုက်တဲ့ စစ်တပ်ရဲ့ ထိုးစစ်ဟာ နှစ်ပတ်အတွင်း ရှေ့ကိုမတိုးနိုင်ဘဲ မရှီကထောင်အနောက်ဘက်ခြမ်းမှာ တိုက်ပွဲဆက်ဖြစ်နေဆဲဖြစ်တယ်လို့ နောက်ထပ် ဖားကန့်ပြည်သူအမျိုးသားတစ်ဦးက ဆက်ပြီးပြောပြပါတယ်။ “လက်ရှိ စစ်ရေးအခြေအနေပြောရမယ်ဆိုရင် စစ်တပ်ကလည်း ရှေ့မတိုးနိုင်ဘူး။ မြို့နားကိုတောင်ပြန်ကပ်လာတဲ့အခြေအနေမှာ ပြန်ဆုတ်သွားတဲ့သဘောတောင်ရှိတယ်။ လေယာဉ်တွေလည်းလာပြီး မြို့နားကပ်ပြီးလာကြဲသွားတဲ့ပုံစံမျိုးဖြစ်တယ်။ တိုက်ပွဲက ပြင်းထန်လာလိုက် ပြန်ရပ်သွားလိုက်နဲ့ ဖြစ်နေတာပေါ့လေ”လို့ပြောပါတယ်။…

Read More »

ဖားကန့်မှာ ထောက်ပို့ယာဉ်တန်းဝင်ရောက်လာတဲ့လမ်းကြောင်းတစ်လျှောက် ပေါက်ကွဲမှုဖြစ်ပြီး အရပ်သားထိခိုက်မှုရှိခဲ့

တိုက်ပွဲဖြစ်နေတဲ့ ဖားကန့်မှာ စစ်ကောင်စီတပ်ရဲ့ လက်နက်ခဲယမ်းပို့ဆောင်ပေးတဲ့ထောက်ပို့ယာဉ်တန်းဝင်ရောက်လာတဲ့ လမ်းကြောင်းတစ်လျှောက် ပေါက်ကွဲမှုတွေရှိခဲ့ပြီး အရပ်သားပြည်သူတစ်ချို့ထိခိုက်မှုရှိခဲ့တယ်လို့ သိရပါတယ်။ ကားမိုင်းလမ်းပိုင်းကနေတက်လာတဲ့ ထောက်ပို့ယာဉ်တွေဟာ ဖားကန့်မြို့အဝင်လုံးခင်းယမ်းချက်စက်ရုံကနေ တစ်ဆင့် ယာဉ်တန်းတစ်ချို့ကို တိုက်ပွဲဖြစ်တဲ့နေရာဘက်ကို ဦးတည်ပြီး တက်လာတာကြောင့် ပေါက်ကွဲမှုတွေ ဆက်တိုက်ဖြစ်ပွားခဲ့တယ်လို့ ဖားကန့်ပြည်သူအမျိုးသားတစ်ဦးက KNG ကိုပြောပါတယ်။ “လုံးခင်းအုပ်စု မှော်ဆီစာမိန်းလမ်းမကြီးမှာ နေ့ခင်း ၁ နာရီလောက် မိုင်းသုံးလုံးကွဲတယ်။ တစ်လုံးကတော့ လုံးခင်းကနေ မှော်ဆီစာအဝင်မှာကွဲတယ်။ အဲ့မှာ ဆိုင်ကယ်နဲ့သွားတဲ့ အမျိုးသမီးနှစ်ဦးထိသွားတယ်။ ဒဏ်ပြင်းထန်တယ်လို့ပြောလို့ရတယ်။ နောက်ထပ် မှော်ဆီစာ Sky Hotel မျက်စောင်းထိုးမှာရှိတဲ့ လမ်းမကြီးပေါ်မှာလည်း အဲ့မှာက နှစ်လုံး ရှေ့ဆင့်နောက်ဆင့်ကွဲသွားတယ်။ အရပ်သားကားတစ်စီးထိသွားတယ်။ ကားထိတဲ့နေရာမှာပဲ ဆိုင်ကယ်တစ်စီးလည်းထိသွားတယ် လူကဒဏ်ရာရသွားတယ်”လို့ပြောပါတယ်။ ဒီကနေ့ တစ်ရက်ထဲ လုံးခင်းအုပ်စု မှော်ဆီစာကျေးရွာတစ်လျှောက်မှာ မိုင်းသုံးလုံးပေါက်ကွဲမှုဖြစ်ခဲ့ပြီး ပထမဖြစ်စဉ်မှာ ဆန်းကြွယ်ကျေးရွာက သားအမိနှစ်ဦးထိခိုက်ခဲ့ရပြီး နောက်ထပ်တစ်ဦးက ဆိုင်ကယ်စီးနင်းတဲ့ ဆိုင်းတောင်ကျေးရွာက အမျိုးသားတစ်ဦးဖြစ်တယ်လို့သိရပါတယ်။ စစ်ယာဉ်တန်းတွေဝင်ရောက်လာချိန် လမ်းကြောင်းတစ်လျှောက် ပေါက်ကွဲမှုဖြစ်ခဲ့ပြီးနောက် မိနစ် ၄၀ ခန့်အကြာမှာ စစ်တပ်က လက်ရှိတိုက်ပွဲဖြစ်နေတဲ့ မရှီကထောင်ရပ်ကွက် အနောက်ဘက်ခြမ်း ထုံးဘို ဆုတောင်းကုန်းဘက်ကို ဂျက်ဖိုက်တာနဲ့ လေကြောင်းတိုက်ခိုက်ခဲ့တယ်လို့ ဆက်ပြီးဆိုပါတယ်။ “စစ်တပ်က လေကြောင်းတိုက်ခိုက်သွားပြီးနောက် တိုက်ပွဲပြန်ပြီးပြင်းထန်ပါတယ်။ မနက်ပိုင်းကမဖြစ်ဘူး လေယာဉ်လာပြီးနောက် ပြန်ပြင်းထန်လာတာ။ ညနေ ၄ နာရီလောက်မှာ တိုက်ပွဲဖြစ်တဲ့နေရာမှာ ပြန်ပြီးလာပစ်တာ။ အခုချိန်အထိတော့ ပစ်လိုက်နားလိုက်နဲ့ ဖြစ်နေကြတာ”လို့ပြောပါတယ်။ ဖားကန့်မှာ ပြီးခဲ့တဲ့ ဇန်နဝါရီလ ၃၀ ရက်နေ့ကစတင်ပြီး စစ်ကောင်စီတပ်တွေဟာ ဆိုင်းတောင်ကျေးရွာဘက်ကို စစ်အင်အားအလုံးအရင်းနဲ့ စစ်ကြောင်းထိုး ထိုးစစ်ဆင်တိုက်ခိုက်လာတဲ့အတွက် ဒီကနေ့ အထိ နှစ်ဖက်တိုက်ပွဲပြင်းထန်နေဆဲဖြစ်ပါတယ်။ နှစ်ပတ်ခန့်ကြာမြင့်လာတဲ့ ဖားကန့်တိုက်ပွဲမှာ စစ်တပ်ဘက်က စစ်ကြောင်းမထိုးနိုင်ဘဲ လက်နက်ခဲယမ်းတင်တဲ့ စစ်ယာဉ်တန်းတွေ ဝင်ရောက်လာသလို လေကြောင်းအကူနဲ့ တိုက်ပွဲဖော်ဆောင်လျက်ရှိနေပါတယ်။ စစ်တပ်ဘက်က လေကြောင်းအပါ မြေပြင်စစ်ကြောင်းထိုး တိုက်ခိုက်နေဆဲဖြစ်တဲ့အတွက် မရှီကထောင်ကျေးရွာနဲ့ ထိစပ်တဲ့ ကျေးရွာနေပြည်သူတွေ ရာနဲ့ချီစစ်ဘေးတိမ်းရှောင်နေကြပြီဖြစ်ပါတယ်။ တိုက်ပွဲဧရိယာနဲ့ ထိစပ်တဲ့ ပြည်သူတစ်ချို့က လက်ရှိဖြစ်ပွားနေတဲ့ တိုက်ပွဲကာလာကြာမြင့်လာနိုင်တဲ့အတွက် နမ္မတီး၊ မိုးကောင်း၊ မြစ်ကြီးနားစတဲ့မြို့ပေါ်ဘက်ကို စစ်ဘေးတိမ်းရှောင်လာကြတယ်လို့ သိရပါတယ်။ ဖေဖော်ဝါရီလ ၉ ရက်နေ့မှာလည်း မရှီကထောင်စစ်ဘေးရှောင် အိမ်ထောင်စု ၆၀ ခန့်က မြစ်ကြီးနားမြို့ဘက်ကို စစ်ဘေးတိမ်းရှောင်လာကြတယ်လို့ စစ်ရှောင်ကူညီပေးနေတဲ့ တာဝန်ရှိသူတွေဆီကနေ ဆက်သိရပါတယ်။ ဖားကန့်မှာ စစ်တပ်က ဖော်ဆောင်နေတဲ့ စစ်ရေးဗျူဟာအရ စစ်တပ်က လက်လွတ်ထားရပြီး ဆိုင်းတောင်း၊ ဂွေခါစတဲ့ ဖားကန့်မြို့အတွက် အရေးပါတဲ့ ကျေးရွာနေရာတွေသိမ်းပိုက်နိုင်ဖို့ ထိုးစစ်ဖော်ဆောင်နေတာဖြစ်ပြီး မရှီကထောင်အနောက်ဘက်ခြမ်းရှိ ဆုတောင်ကုန်းနေရာကို သိမ်းပိုက်ဖို့ ကြိုးပမ်းနေတာလည်းဖြစ်ပါတယ်။ ဇန်နဝါရီလကုန်းပိုင်းကနေ တိုက်ပွဲပြင်းထန်နေတဲ့ဖားကန့်တိုက်ပွဲမှာ နှစ်ဖက်တပ် အပြန်အလှန်လက်နက်ကြီးပစ်ခတ်မှု၊ စစ်တပ်ရဲ့ လေကြောင်းတိုက်ခိုက်ခံရတဲ့ဖြစ်စဉ်တွေကြောင့် အရပ်သား၊ ထိခိုက်သေဆုံးသူ စုစုပေါင်း ၂၀ ကျော်ခန့်ရှိလာပြီလို့ ဖားကန့်လူမှုကူညီရေးအဖွဲ့တွေဆီကနေ သိရပါတယ်။ By –…

Read More »

ဖားကန့်မှာ အနံ့ဆိုးထွက်အောင်လုပ်စေခဲ့တဲ့ အမျိုးသားနှစ်ဦးကို KIA ဖမ်းဆီး

ကချင်ပြည်နယ် ဖားကန့်မြို့တစ်ခုလုံး အနံ့ဆိုးထွက်စေအောင် ဥရုချောင်းထဲ အင်ဂျင်ဝိုင်ဟောင်းတွေ သွန်ပစ်ခဲ့တဲ့ အမျိုးသားနှစ်ဦးကို ကချင်လွတ်လပ်ရေးအဖွဲ့ KIO က ဖမ်းဆီးထားပြီး အရေးယူဖို့လုပ်ဆောင်နေတယ်လို့ဒေသခံများထံမှ သိရပါတယ်။ ဖေဖော်ဝါရီလ ၅ ရက်နေ့ ညနေပိုင်း ဖားကန့်မှာ တိုက်ပွဲတွေဖြစ်ပွားခဲ့ပြီးနောက် နာရီပိုင်းအတွင်းမှာပဲ ဖားကန့်မြို့တစ်ခုလုံးမှာ အနံ့ဆိုးဖြစ်ပေါ်စေခဲ့ပြီး ဆိုင်းတောင်(ဆိပ်မူ)၊ ဖားပြင်၊ မမုံ၊ ဆန်းကြွယ်၊ ယူမာ၊ မရှီကထောင်ရပ်ကွက်၊ ရှရော်ခ နဲ့ လုံးခင်းကျေးရွာတွေအထိ ပျံ့နှံ့ကာ ပြည်သူလူထုတွေကြားပြောဆိုမှုများစွာရှိခဲ့ပါတယ်။ ဖားကန့်ပြည်သူတွေ ညပိုင်း ၃ နာရီခန့်အကြာ Mask တပ်ပြီး နေထိုင်ဖို့ ဖြစ်စေခဲ့တဲ့ အနံ့ဆိုးတွေဟာ ဆိပ်မူရွာဟောင်းက အင်ဂျင်ဝိုင်ချက်စက်ရုံက အင်ဂျင်ဝိုင်ဟောင်စွန့်ပစ်ပစ္စည်းတွေကို ဥရုချောင်းထဲကို မျောလိုက်တဲ့အတွက် ဖြစ်စေခဲ့တယ်လို့ ဖားကန့်ပြည်သူတွေဆီကနေ သိရပါတယ်။ ဒါကြောင့် အင်ဂျင်ဝိုင်ချက်တဲ့ ပိုင်ရှင်တစ်ဦးနဲ့ စက်ရုံအစောင့်တစ်ဦး KIO က ဖမ်းဆီးထားပြီးအရေးယူဖို့ ပြင်ဆင်နေတယ်လို့ ဖားကန့်ပြည်သူအမျိုးသားတစ်ဦးက KNG ကိုပြောပါတယ်။ “လက်ရှိ KIO အုပ်ချုပ်ရေးက ကျူးလွန်သူတွေကို ဖမ်းဆီးထားတယ်။ ဒီကိစ္စကို ဘယ်လိုအကောင်အထည်ဖော်သွားမယ်။ ဘယ်လိုအတည်ပြုချက်တွေနဲ့ လုပ်ဆောင်သွားမလဲဆိုတာတော့ စောင့်ကြည့်ရအုံးမှာပေါ့”လို့ပြောပါတယ်။ ဆိုင်းတောင်ကျေးရွာထဲမှာ အင်ဂျင်ဝိုင်ချက်တဲ့သူတွေရှိနေသေးတဲ့အတွက် နောက်ထပ်ကျူးလွန်တယ်လို့ ယူဆရတဲ့ သူတွေကို ဆက်ပြီးစုံစမ်းစစ်ဆေးတာတွေ လုပ်နေသေးတယ်လို့ သိရပါတယ်။ ဖားကန့် မြို့တစ်ခုလုံး အနံ့ဆိုးထွက်စေခဲ့တဲ့ဖြစ်စဉ်ကြောင့် ဆိုင်းတောင်ကျေးရွာမှာ နေထိုင်တဲ့ပြည်သူတွေ ဆိုးဆိုးရွားရွားခံစားခဲ့ရပြီးနောက် နောက်ထပ်ကျေးရွာတွေအများအပြားမှာလည်း ကြုံတွေ့ခဲ့ကြတာဖြစ်ပါတယ်။ အနံ့ဆိုးဖြစ်ပေါ်ခဲ့တာကြောင့် ဖားကန့်ပြည်သူတွေဟာ Mask တပ်ပြီး ၃ နာရီနဲ့ ၅ နာရီကြား ကျော်ဖြတ်ခဲ့ရတဲ့အပြင် ပြည်သူတစ်ချို့က အော့အန်တာတွေဖြစ်ပြီး ဆေးရုံတက်လိုက်ရတဲ့အခြေအနေအထိ ကြုံတွေခဲ့ရတယ်လို့ ပြည်သူတွေပြောပါတယ်။ တိုက်ပွဲဖြစ်ပွားပြီး နာပိုင်းခြားအတွင်းမှာပဲ အခုလို အနံ့ဆိုးတွေဖြစ်ပေါ်လာတာကြောင့် ပြည်သူတစ်ချို့က စစ်ကောင်စီတပ်ဘက်က ပစ်လိုက်တဲ့ လက်နက်ကြီး၊ ဒရုန်းတွေဆီကနေ ပျံ့နှံ့လာတဲ့ အနံ့ဆိုးတွေဖြစ်တယ်လို့ဝေဖန်ပြောဆိုမှုတွေလည်းရှိခဲ့ပါတယ်။ ဖားကန့်တစ်မြို့လုံးအနံ့ဆိုးဖြစ်ပေါ်ခဲ့တဲ့ အခြေအနေနဲ့ ပတ်သက်ပြီးနောက် ဖားကန့်ဒေသခံအမျိုးသားတစ်ဦးက “အရင်ကတည်းက အောင်ပိုင်းကနေ…

Read More »

ဖားကန့် တိုက်ပွဲပြင်းထန်နေဆဲဖြစ်ပြီး စစ်တပ်က လေကြောင်းတိုက်ခိုက်မှုပိုပြီးလုပ်ဆောင်နေ

တစ်ပတ်ခန့် တိုက်ပွဲပြန်လည်ပြင်းထန်နေတဲ့ ဖားကန့် တိုက်ပွဲနေရာကို စစ်တပ်က ဒီကနေ့ ဖေဖော်ဝါရီလ ၄ ရက်နေ့ လေကြောင်း ၂ ကြိမ်ထက်မနည်း လာရောက်ဗုံးကြဲတိုက်ခိုက်ခဲ့ပြီး နှစ်ဖက်တပ်တိုက်ပွဲပြင်းထန်နေဆဲဖြစ်တယ်လို့ သိရပါတယ်။ တိုက်ပွဲဖြစ်နေတဲ့ ဖားကန့် မရှီကထောင်အနောက်ဘက်ခြမ်း ထုံးဘိုကျေးရွာ ဆုတောင်းကုန်းအနီးတဝိုက်ကို…

Read More »

ဖားကန့်မှာ တိုက်ပွဲပြင်းထန်နေပြီး ပြည်သူတစ်ချို့ပိတ်မိနေ

ကချင်ပြည်နယ် ဖားကန့်မြို့နယ် ဆိပ်မှုကျေးရွာဘက်မှာ မနေ့ညကစပြီး တိုက်ပွဲပြင်းထန်နေတယ်လို့ ဖားကန့်ပြည်သူတွေဆီကနေ သိရပါတယ်။ ဇန်နဝါရီလ ၃၀ ရက်နေ့ကစပြီး စစ်တပ်ဘက်က ဖားကန့်၊မရှီကထောင်ရပ်ကွက်နဲ့ ယူမာကျေးရွာ နောက်ကျောရှိ ထုံးဘိုကျေးရွာဘက်ကနေ KIA ပူးပေါင်းတပ်ထိန်းချုပ်ရာ ဆိပ်မူရွာဘက်ကို ဦးတည်ပြီးစစ်ကြောင်းထိုးလာရာကနေ တိုက်ပွဲစဖြစ်လာတာလို့…

Read More »

ဖားကန့်မှာ ဆိုင်ကယ်ကယ်ရီသမားတစ်ဦး ပစ်သတ်ခံရပြီး နောက်ထပ်အမျိုးသားတစ်ဦးဖမ်းဆီးခံရ

ဖားကန့်မြို့ မရှိီကထောင်ရပ်ကွက်မှာ ဆိုင်ကယ်ကယ်ရီသမားတစ်ဦး သေနတ်နဲ့ပစ်သတ်ခံရပြီး နောက်ထပ်အမျိုးသားတစ်ဦးဖမ်းဆီးခံသွားရတယ်လို့ ဖားကန့်မှာနေထိုင်တဲ့ပြည်သူတွေဆီကနေ သိရပါတယ်။ ဖြစ်စဉ်မှာ ဇန်နဝါရီလ ၂၁ ရက်ည ၇ နာရီဝန်းကျင် မရှိီကထောင်ရပ်ကွက် နန်းဦးရေခဲစက်ရှေ့အနှိပ်ခန်းအနီး ဆိုင်ကယ်စီးလာတဲ့အမျိုးသားနှစ်ဦးကို ကားတစ်စီးနဲ့လူတစ်စုလိုက်လာပြီး ဝင်ပစ်သွားတဲ့အတွက် ဆိုင်ကယ်မောင်းသူပွဲချင်းပြီး သေဆုံးပြီးနောက်ထပ်အမျိုးသားတစ်ဦးဖမ်းခံသွားရတာဖြစ်တယ်လို့ ဖားကန့်မှာနေထိုင်သူအမျိုးသားတစ်ဦးကပြောပါတယ်။ “အမျိုးသားတစ်ယောက်က ဆိုင်ကယ်ကယ်ရီသမားကို ဆိုင်ကယ်ကယ်ရီငှားတာ အဲအနှိပ်ခန်းအနီးအရောက် နောက်ကနေကားတစ်စီးနဲ့လိုက်လာပြီး ပစ်သွားတာ ကယ်ရီသမားက ဆုံးသွားတယ်။ အဲဆိုင်ကယ်ကယ်ရီငှားလာတဲ့အမျိုးသားကိုကျတော့ ဖမ်းသွားတယ်လို့သိရပါတယ်”လို့ ပြောပါတယ်။ ပစ်သတ်ခံရတဲ့ ဆိုင်ကယ် ကယ်ရီသမားဟာ ကိုမင်းဆိုသူဖြစ်ပြီး ဖားကန့်မြို့တွင်း  ဆိုင်ကယ်ကယ်ရီဆွဲနေတဲ့ သာမန်အရပ်သားပြည်သူတစ်ဦးသာဖြစ်တယ်လို့ သိရပြီး ဖမ်းဆီးခံသွားရသူက မည်သူမည်ဝါဖြစ်တယ်ဆိုတာကို မသိရကြောင်းသူကဆက်ပြောပါတယ်။ ဒီဖြစ်စဉ်နဲ့ပတ်သက်ပြီး ကျူးလွန်တဲအ့ဖွဲ့ကိုတိတိကျကျ မသိရပေမယ့် ဒေသတွင်းနေထိုင်တဲ့ပြည်သူတစ်ဦး သုံးသပ်ချက်အရ ဒီဖြစ်စဉ်ကိုကျူးလွန်သူတွေဟာ စစ်ကောင်စီတပ်ဖွဲ့ဝင်တွေ ဖြစ်နိုင်တယ်လို့ ခုလိုသုံးသပ်ထားပါတယ်။ “ခုဖြစ်တဲ့နေရာက မရှိီကထောင်ကြိုးတံတား မရှိီကထောင်နဲ့ငှက်ပျောတောရပ်ကွက်ကိုချိတ်ထားတာ ငှက်ပျောတောဘက်ခြမ်းမှာက ဘန်ကာတွေ၊သဲအိတ်တွေချပြီးထိုင်ထားတာဖြစ်တဲ့အတွက် အဲနားကို တော်လှန်ရေးတပ်ဖွဲ့တွေကလည်းသွားပြီး မစ်ရှင်လုပ်မှာမဟုတ်ဘူး အဲကြောင့် အဲမစ်ရှင်ကိုလုပ်တာက စစ်တပ်ဘက်က သူတို့ဟာသူတို့ အချက်လက်မှားနဲ့ဘယ်လိုဖြစ်သွားလဲ မသိဘူး။ သေဆုံးတာကလည်း ပြည်သူ၊ ဖမ်းခံရတာလည်းပြည်သူပဲ။ဒါပေမယ့် ဖမ်းခံသွားရတဲ့သူက ဘယ်သူဘယ်ဝါလဲဆိုတာလည်း မသိရဘူး”ဖားကန့်မြို့မှာနေထိုင်တဲ့အမျိုးသားတစ်ဦးက သုံးသပ်ပါတယ်။ ဖားကန့်မြို့မရှိီကထောင်ရပ်ကွက်မှာ ပြီးခဲ့တဲ့ ၂၀၂၅ ခုနှစ် ဩဂုတ်လ ၃၀ ရက် ကျောက် စိမ်းသူစားသောက်ဆိုင်တွင် မွေးနေ့ပွဲလုပ်နေတဲ့ လူငယ် ၁၀ ဦး၊  ဩဂုတ်လ ၂၉ ရက်နေ့ ကျေက်စိမ်းတောင်တံတားထိပ်မှာ လူငယ် ၁၅ ဦး၊အလားတူ စက်တင်ဘာလမှာ အသက် ၃၀ အရွယ်အမျိုးသားတစ်ဦး ပစ်သတ်ခံရပြီး မြို့ခံ လူငယ် ၄၀ ခန့်ကို စစ်တပ်က ဖမ်းဆီးသွားတဲ့ဖြစ်စဉ်ရှိခဲ့ပါတယ်။ ဒါ့အပြင် ဖားကန့်မြို့မှာ လတ်တလော စစ်တပ်က ရွှေးကောက်ပွဲအပိုင်း (၃) ကျင်းပဖို့အတွက် မြို့ပေါ် ရပ်ကွက် (၅)ခုမှာ မဲရုံထောင်ဖို့ပြင်ဆင်နေပြီး လတ်တလော မြို့တွင်း စာသင်ကျောင်းတွေမှာလုံခြုံရေအပြည့် ချထားသလို မြို့တွင်းအဝင်ထွက် လည်း စစ်ဆေးတာတွေရှိနေတယ်လို့ ဖားကန့်ပြည်သူတွေပြောပါတယ်။ ကျောက်စိမ်းထွက်ရှိရာ ဖားကန့်ဒေသဟာ လူဦးရေပေါများသလို မကြာခဏဆိုသလို ပိုင်ရပစ်သတ်ခံရတဲ့ဖြစ်စဉ်တွေရှိပေမယ့် ၂၀၂၆ ခုနှစ်မှာတော့ ဒီဖြစ်စဉ်ဟာ ပထမဆုံး ဖြစ်စဉ်လို့ သိရပါတယ်။ By – Zami

Read More »

ဖားကန့် နေရာ ၂ ခုမှာ နှစ်ဖက်တပ် ပစ်ခတ်မှုဖြစ်

ဖားကန့်မှာ စစ်ကောင်စီတပ်စစ်ကြောင်းတစ်ချို့ ထွက်ခွာသွားပေမယ့် စစ်တပ်တပ်စွဲထားတဲ့ နေရာတစ်ချို့မှာ နှစ်ဖက်တပ်အကြားအပြန်အလှန် ပစ်ခတ်မှုတွေဆက်ဖြစ်နေသေးတယ်လို့သိရပါတယ်။ ဖားကန့် ဆိုင်းတောင်(ဆိပ်မူ) နဲ့ ယူမာကျေးရွာလမ်းမကြီးပေါ်က အဲဗားဝင်းမျောခြံမှာ စစ်တပ်ထားတဲ့စစ်တပ်နဲ့ မရှီမကထောင် တရုတ်ဘုံကျောင်း ရခိုင်ကုန်းပေါ်မှာ တပ်စွဲထားတဲ့ ရဲတပ်သားနဲ့ ရှမ်းနီပြည်သူ့စစ်အဖွဲ့တွေ စစ်ရေးလှုပ်ရှားလာတာကြောင့် ထိတွေ့တိုက်ပွဲရှိနေတယ်လို့…

Read More »

စစ်ရေးကြောင့် ဖားကန့်မြို့ပေါ်ကျောင်းများတစ်ပတ်ကြာပိတ်ထားမယ်လို့ သိရ

ဖားကန့်မြို့တွင်း စစ်ရေးအခြေနေတွေကြောင့် မြို့ပေါ်ကျောင်းတွေအားလုံး တစ်ပတ်တိတိပိတ်ထားတယ်လို့ ဒေသခံတွေကပြောပါတယ်။ မနေ့က စက်တင်ဘာလ ၂ ရက်နေ့ကစတင်ကာ ပိတ်ထားတာဖြစ်ပြီး ကချင်လွတ်လပ်ရေးတပ်မတော် KIA ပူးပေါင်းတပ်နဲ့စစ်ကောင်စီပူးပေါင်းတပ်တွေအကြား ထိတွေ့တိုက်ပွဲတွေကြောင့်လို့ သိရပါတယ်။ ဒေသခံအမျိုးသားတစ်ဦးက“ကျောင်းတွေပိတ်ထားတာဟုတ်တယ်။ အထက်တန်းကျောင်းတွေရောပေါ့ တစ်ပတ်လို့သိရတယ်။ စစ်ကောင်စီဘက်ကထုတ်ပြန်တာလို့ပြောတယ်။ ဖားကန့်မြို့ပေါ်ရပ်ကွက်ပဲဟုတ်တယ်။…

Read More »