လေကြောင်းတိုက်ခိုက်
-
Nov- 2024 -18 Novemberစစ်ရေး
အရပ်သားပြည်သူနဲ့ ဘာသာရေးကျောင်းတွေကို ပစ်မှတ်ထားတိုက်ခိုက်နေတဲ့ လုပ်ရပ်က ငြိမ်းချမ်းရေးနဲ့ အလှမ်းဝေးစေတယ်လို့ KIO ပြော
အာဏာသိမ်းစစ်တပ်အနေနဲ့ ကချင်လွတ်လပ်ရေးတပ်မတော် KIA သိမ်းပိုက်ထားတဲ့ နေရာဒေသက အရပ်သားပြည်သူ နဲ့ ဘာသာရေးကျောင်းနေရာတွေကို ပစ်မှတ်ထားပြီး ဗုံးကြဲတိုက်ခိုက်နေတဲ့လုပ်ရပ်ဟာ ငြိမ်းချမ်းရေးနဲ့ ပိုပြီးတော့ အလှမ်းဝေးသွားစေမှာဖြစ်တယ်လို့ KIO ပြောဆိုလိုက်ပါတယ်။ အဖပ်ဖက်ကနေစစ်ရှုံးနေတဲ့ စစ်ကောင်စီတပ်က စစ်ရာဇဝတ်မှုကျူးလွန်ပြီး အရပ်သားပြည်သူတွေကို သတ်ဖြတ်နေတဲ့…
Read More » -
Oct- 2024 -28 Octoberသတင်း
သိန္နီမြို့ KBC နှစ်ခြင်းဘုရားကျောင်းကို စစ်ကောင်စီက လေယာဉ်နဲ့ဗုံးကြဲတိုက်ခိုက်
ရှမ်းပြည်နယ်မြောက်ပိုင်း သိန္နီမြို့မှာရှိတဲ့ ကချင်နှစ်ချင်းခရစ်ယာန် KBC ဘုရားကျောင်းကို စစ်ကောင်စီတပ်က လေယာဉ်နဲ့ ဗုံးကြဲတိုက်ခိုက်ခဲ့တယ်လို့ ဒေသခံတွေကဆိုပါတယ်။ ဖြစ်စဉ်ကတော့ အောက်တိုဘာ၂၇ ရက်နေ့ ည၉နာရီ ၄၅ မိနစ် စစ်ကောင်စီဘက်ကနေပြီးတော့ ဘုရားကျောင်းအပေါ်တည့်တည့် လေယာဉ်ဗုံးကြဲတိုက်ခိုက်ခဲ့တာကြောင့် ဘုရားကျောင်းတစ်ခုလုံး ပျက်စီးသွားခဲ့တာဖြစ်တယ်လို့ သိရပါတယ်။ လေကြောင်းပစ်ခတ်မှုကြောင့် ဘုရားကျောင်းဆောင်တစ်ခုလုံးအပြင် ကားသုံးစီး၊ အအေးခေါင်း၊ အသံချဲ့စက်နဲ့ အားလုံးပျက်စီးသွားခဲ့တယ်လို့ ဘုရားကျောင်းက တာဝန်ရှိသူတစ်ဦးက ခုလိုပြောပါတယ်။ “ဘုရားကျောင်းက ရစရာကိုမရှိတော့ဘူး ခုနကကျွန်တော်တို့ တွက်ကြည့်တာကတော့ သိန်းတစ်သောင်းဖိုးလောက်က ပျက်စီးဆုံးရှုံးသွားတယ်”လို့ဆိုပါတယ်။ အောက်တိုဘာလ ၂၇ ရက်ည သိန္နီမြို့ထဲ စစ်ကောင်စီလေယာဉ်ဗုံးကြဲတိုက်ခိုက်ခဲ့တဲ့နေရာတွေဟာ ထွေအုပ်ရုံး၊ KBC ဘုရားကျောင်း၊ဆန်းလီဟိုတယ်အထက်ဘက် စတဲ့နေရာသုံးနေရာဖြစ်ပြီး သေခိုက်သေဆုံးသူတော့ မရှိဘူးလို့ သိရပါတယ်။ ဒေသခံတွေသုံးသပ်ချက်အရ စစ်ကောင်စီအနေနဲ့ KBC ဘုရားကျောင်းအရှေ့ဘက် မီတာ၅၀ဝန်းကျင်အကွာအဝေးမှာရှိတဲ့တည်းခိုခန်းတစ်ခုမှာ ကိုးကန့်ဘက်က လူကြီးတွေရှိနေတယ်ဆိုတဲ့ သတင်းတွေကြောင့် ခုလို ဗုံးကြဲတိုက်ခိုက်တာ ဖြစ်နိုင်တယ်လို့ ဒေသခံတစ်ဦးက ခုလိုသုံးသပ်ပါတယ်။ “ဘုရားကျောင်းအရှေ့ဘက်က တည်ခိုးခန်းတစ်ခုမှာ ကိုးကန့်ဘက်က လူကြီးတွေသူဌေးတွေ လာအိပ်ကြတယ်ဆိုတဲ့ သတင်းတွေက အရင်ကတည်းကထွက်နေတော့ ခုလိုဖြစ်လာမှာစိုးလို့ ကျွန်တော်တို့တောင်အဲဒီအနီးနားတဝိုက်မှာ မနေကြတော့ဘူးဟုတ်တယ်”လို့ ဆိုပါတယ်။ ရှမ်းပြည်နယ်မြောက်ပိုင်းမှာ စစ်ကောင်စီဘက်ကနေပြီးတော့ ကိုးကန့်တပ် MNDAAနဲ့ တအာန်းတပ်TNLA တို့ရှိနေနိုင်တယ်ထင်တဲ့နေရာတွေမှာ အမြဲလိုလို လေယာဉ်နဲ့ ဗုံးကြဲတိုက်ခိုက်လေ့ရှိပါတယ်။ လူ့အခွင့်အရေးဆိုင်ရာလှုပ်ရှားမှုကွန်ယက်(HRAN)အဖွဲ့အစည်းရဲ့ ၂၀၂၄အောက်တိုဘာလ၂၇ရက် ထုတ်ပြန်ချက်အရ ရှမ်းပြည်မြောက်ပိုင်းမှာ စစ်ကောင်စီရဲ့လေယာဉ်ဗုံးကြဲတိုက်ခိုက်မှုကြောင့် သေဆုံးသူ ၁၀၇ ဦးနဲ့ ထိခိုက်ဒဏ်ရာရရှိသူ ၃၂၀ဦးထိ ရှိခဲ့တယ်လို့ ဆိုထားပါတယ်။ By – Hope
Read More » -
Apr- 2024 -16 Aprilသတင်း
KIA ပူးပေါင်းတပ်သိမ်းပိုက်ထားတဲ့ မဘိမ်းမြို့နယ်ထဲက ရွာတစ်ရွာလေကြောင်းတိုက်ခိုက်ခံရ
ကချင် နဲ့ ရှမ်းမြောက်အစပ် ကချင်လွတ်လပ်ရေးတပ်မတော် KIA နဲ့ပူးပေါင်းအဖွဲ့တွေ သိမ်းပိုက်ထားတဲ့ မဘိမ်းမြို့နယ်က ရွာတစ်ရွာကို စစ်ကောင်စီတပ်ကလေကြောင်းကနေ ဗုံးကြဲတိုက်ခိုက်ခဲ့တယ်လို့ ဒေသခံတွေဆီကသိရပါတယ်။ ဧပြီလ ၁၅ ရက်နေ့ မနေ့က ညပိုင်း ၈နာရီလောက်မှာ မဘိမ်းမြို့နယ် ပွဲစမိတ်ဆိုတဲ့ရွာကို…
Read More » -
8 Aprilသတင်း
KIA သိမ်းပိုက်ထားတဲ့နယ်မြေတွေမှာ လေကြောင်းတိုက်ခိုက်မှု ဆက်တိုက်ရှိနေဆဲ
ကချင်ပြည်နယ်အတွင်း KIA သိမ်းပိုက်ထားတဲ့နယ်မြေတွေမှာ စစ်တပ်က လေကြောင်းတိုက်ခိုက်တာတွေ ဆက်တိုက်လုပ်နေဆဲဖြစ်တယ်လို့ KIA ရှေ့တန်းသတင်းရင်းမြစ်တွေက ပြောပါတယ်။ ပြီးခဲ့တဲ့ မတ်လအတွင်းမှာ KIA က စခန်းသိမ်းတိုက်ပွဲအဖြစ် တိုက်ပွဲဆင်နွှဲပြီးသိမ်းပိုက်ထားပြီဖြစ်တဲ့ မိုးမောက်မြို့နယ်ထဲက တာပိန်မြစ်တံတားအနီး ဒါဆိုင်း၊ ခူးလီနဲ့ နောင်လိုက် တစ်ဆက်တည်းရှိတဲ့ ကျေးရွာတွေကို စစ်ကောင်စီတပ်က ဧပြီလ ၈ ရက်နေ့ ဒီကနေ့ မနက်ပိုင်း Y – 12 လေယာဉ်နဲ့ လာရောက်ဗုံးကြဲတိုက်ခိုက်သွားတယ်လို့ ဒေသခံတွေကပြောပါတယ်။ “ဒီကနေ့ မနက်အစောပိုင်း ၄ နာရီလောက်မှာ တက်လာတဲ့ လေယာဉ်က ဒါဆိုင်း၊ ခူးလီ၊ နောင်လိုက် ဒီတစ်ကြောကို တပြိုင်နက် ပစ်သွားတယ်။ ပစ်တဲ့ ပုံစံကလည်း လှည့်ပြီးပစ် ၄ ၊ ၅ ၊ ၈ ကြိမ်လောက်ပစ်သွားတယ်။ တခြားထိခိုက်တာတွေတော့ သေချာတော့မသိသေးဘူး”လို့ပြောပါတယ်။ စစ်ကောင်စီတပ်တွေက KIA နဲ့ PDF ပူးပေါင်းတပ်တွေရှိနိုင်တဲ့ နေရာဘက်ကို ဦးတည်ပြီး လာရောက်ပစ်ခတ်နေတာဖြစ်ပြီး ပြီးခဲ့တဲ့ ရက်ပိုင်းအတွင်းမှာလည်း ဒါဆိုင်းနဲ့ တစ်ကြောရှိတဲ့ နွမ်လန့်၊ မြို့သစ်၊ ကုန်းလော နေရာတွေမှာ ပုံမှန်လာရောက်ပစ်ခတ်နေတာဖြစ်ပါတယ်။ လေကြောင်းနဲ့ ပစ်ခတ်ခံရတဲ့ ကျေးရွာတွေဟာ ပြီးခဲ့တဲ့ မတ်လကုန်ပိုင်းအတွင်းမှာ နွမ်လန့်၊ ကုန်းလော၊ မြို့သစ်၊ နောင်ကွန်၊ စလောင်းကုန်းနဲ့ ဒါဆိုင်း စတဲ့ ကျေးရွာတွေမှာရှိတဲ့ စစ်ကောင်စီတပ်စခန်းတွေကို KIA က တစ်ပတ်အတွင်းမှာပဲ တစ်ခုပြီး တစ်ခု သိမ်းပိုက်လိုက်တဲ့ နေရာတွေဖြစ်ပါတယ်။ ဒါကြောင့် လက်ရှိမှာ တိုက်ပွဲငြိမ်းသက်သွားတာ ၂ ပတ်လောက်ကြာမြင့်လာပေမယ့် စစ်တပ်ဘက်ကနေ လေကြောင်းနဲ့ လာကြောက် ဗုံးကြဲတိုက်ခိုက်နေတာလည်းဖြစ်ပါတယ်။ ဧပြီလ ၇ ရက်နေ့မှာလည်း ဝိုင်းမော်မြို့နယ် ဝါးရှောင်ကျေးရွာအထက် ဝရှဂါးဘွမ့်(Wa Shaga Bum) နေရာမှာ စစ်ကောင်စီတပ်အပါ ဝူယာန်ပြည်သူ့စစ်နဲ့ KIA ပူးပေါင်းတပ်တို့ကြား နေ့လည်ပိုင်းမှာ တိုက်ခိုက်ဖြစ်ပွားခဲ့ပြီးနောက် မြစ်ကြီးနားဘက်ကနေ ဂျက်လေယာဉ် ၂ စီး၊ Y- 12 လေယာဉ်အမျိုးအစားနဲ့ တစ်နာရီလောက်အကြာ လာရောက်ဗုံးကြဲတိုက်ခိုက်ခဲ့တာဖြစ်ပါတယ်။ ဒါ့အပြင် တိုက်ပွဲဖြစ်ပွားခြင်းမရှိတဲ့ KIA တပ်ရင်း ၁၁ နယ်မြေဘက်ကိုလည်း စစ်ကောင်စီတပ်တွေက ဧပြီလ ၆ ရက်နေ့ ည ၁၁ နဲ့ ၁၂ နာရီဝန်းကျင်ကြားမှာ ၄ ၊ ၅ ကြိမ်ထက်မနည်း လှည့်ပတ်ပြီး လာရောက်ဗုံးကြဲတိုက်ခိုက်သွားတယ်လို့ သိရပါတယ်။ တိုက်ပွဲကာလ တစ်လလောက်ကြာမြင့်လာပြီဖြစ်တဲ့ မြစ်ကြီးနား – ပူတာအိုလမ်းပေါ်က ဆွမ်ပရာဘွမ့်မြို့တွင်းတိုက်ပွဲ နေရာမှာလည်း စစ်ကောင်စီတပ်က နေ့စဉ်အဆက်မပြတ် ဗုံးကြဲတိုက်ခိုက်တာတွေ ဆက်တိုက်လုပ်ဆောင် နေသေးတယ်လို့ ဒေသခံတွေက ပြောပါတယ်။…
Read More » -
Mar- 2024 -8 Marchသတင်း
လိုင်ဇာမှာ စစ်တပ်ကလေကြောင်းနဲ့ ဗုံးကျဲ၊ တရုတ်ဘက်ခြမ်းလည်း ကျရောက်ပေါက်ကွဲ
KIO ဌာနချုပ် လိုင်ဇာမြို့ထဲကို စစ်တပ်က မတ်လ ၈ ရက်၊ ဒီကနေ့ မနက်မှာ လေကြောင်းနဲ့ ဗုံးကျဲတိုက်ခိုက်နေတယ်လို့ မြို့ခံတွေက ပြောပါတယ်။ မတ်လ ၇ ရက်နေ့ စတင်ခဲ့တဲ့ လိုင်ဇာအနီးတစ်ဝိုက် စစ်ကောင်စီတပ်စခန်းတွေကို တစ်ပြိုင်နက်တိုက်ခိုက်တဲ့…
Read More » -
Jan- 2024 -19 Januaryသတင်း
မိုးမိတ်မှာ တိုက်ပွဲဆက်လက်ပြင်းထန်နေပြီး အရပ်သားသေဆုံးမှုရှိ
ကချင်ပြည်နယ် နဲ့ ရှမ်းပြည်မြောက်ပိုင်းအစပ်က မိုးမိတ်မြို့နယ်မှာ ဒီကနေ့ ဇန်နဝါရီလ ၁၉ ရက်နေ့မှာလည်း တိုက်ပွဲတွေဆက်လက်ပြင်းထန်လျှက်ရှိပြီး စစ်ကောင်စီတပ်ရဲ့ လေကြောင်းအသုံးပြု တိုက်ခိုက်မှုတွေကြောင့် အမျိုးသမီးတစ်ယောက်သေဆုံးသွားတယ်လို့ဒေသခံတွေဆီကသိရပါတယ်။ ဒီကနေ့ မနက်ပိုင်း ၅ နာရီခွဲကစလို့ နှစ်ဖက်တပ်တွေအကြား တိုက်ပွဲတွေပြန်လည်ပြင်းထန်နေပြီး လက်ခုပ်တန်းရွာနဲ့ မိုးမိတ်မြို့နယ် မြောက်ပိုင်းဘက်မှာတိုက်ပွဲဖြစ်နေတာလို့ ဒေသခံအမျိုးသမီးတစ်ယောက်က ပြောပါတယ်။ “အခုကို လေယာဥ်ကကြဲချနေတယ် မနက် ၅ နာရီခွဲကတည်းကစဖြစ်နေတာ လေယာဥ်ကတော့ အဆက်မပြတ်ကိုလာပြီးတော့ကြဲနေတာ မနေ့ကကော ဒီနေ့ကော အရပ်သားသေဆုံးမှုတွေရှိတယ် ဒီနေ့မနက်က တော့လေယာဥ်ကြောင့်ထိပြီး အမျိုးသမီးတစ်ယောက် သေဆုံးတယ်”လို့ ပိတ်မိနေတဲ့အမျိုးသမီးကပြောပါတယ်။ ဒီကနေ့ မနက်ပိုင်းမှာ လေကြောင်းပစ်ခတ်မှုကြောင့် သေဆုံးခဲ့ရတဲ့အမျိုးသမီးဟာ နမ့်ခမ်းအင်းရွာကလို့ သိရပေမယ့် အသေးစိတ်ကို KNG က အတည်ပြုနေဆဲဖြစ်ပါတယ်။ ဒါ့အပြင် မနေ့က တိုက်ပွဲအတွင်းမှာတော့ စစ်ကောင်စီတပ်ဘက်က လေကြောင်းတိုက်ခိုက်မှုနဲ့ နှစ်ဖက်အပြန် အလှန် ပစ်ခတ်မှုတွေအကြား အရပ်သား ၃ ယောက် သေဆုံးတယ်လို့ သိရပေမယ့် တိုက်ပွဲဆက်တိုက်ပြင်းထန်နေဆဲဖြစ်တာကြောင့် သေဆုံးသူတွေရဲ့ အခြေနေကို အတည်မပြုနိုင်သေးဘူးလို့သူကဆိုပါတယ်။ တစ်ဖက်မှာ လက်ရှိ မိုးမိတ်တိုက်ပွဲဟာ အတော်လေးပြင်းထန်နေလို့ ပိတ်မိနေတဲ့အရပ်သားတွေ အတော်လေးစိုးရိမ်နေကြရတယ်လို့လည်း ပိတ်မိနေတဲ့ဒေသခံတွေကပြောပါတယ်။ “အခုက အခြေနေက အရမ်းကိုစိုးရိမ်ရတဲ့အနေအထားဖြစ်နေတာ ပြည်သူတွေက အိမ်ထဲမှာရှိနေကြတာ သက်ကြီးရွယ်အိုတွေကော အခြေနေတွေကြောင့် မသွားနိုင်သူတွေကလေးငယ်တွေအကုန် ကိုယ်အိမ်နဲ့ ဗုံးခိုကျင်းတွေထဲနေ နေရတဲ့အခြေနေပေါ့” လို့ပိတ်မိနေတဲ့ ဒေသခံအမျိုးသမီးကဆိုပါတယ်။ မိုးမိတ်မြို့နယ်ထဲက ရဲစခန်းအပါအဝင် စစ်ကောင်စီရဲ့တပ်စခန်းတွေကို မနေ့က ဇန်နဝါရီလ ၁၈ ရက်နေ့ မနက်ပိုင်း ၆ နာရီဝန်းကျင်ကစလို့ ကချင်လွတ်လပ်ရေးတပ်မတော် KIAနဲ့ ကာကွယ်ရေးပူးပေါင်းတပ်တွေအပါအဝင် တော်လှန်ရေးအင်အားစုတွေက ပူးပေါင်းတိုက်ခိုက်ခဲ့ရာကနေ နှစ်ဖက်တိုက်ပွဲပြင်းထန်နေတာဖြစ် ပါတယ်။ By – အမိုး
Read More » -
Nov- 2023 -8 Novemberသတင်း
ထီးချိုင့်မှာ တိုက်ပွဲပြင်းထန်နေဆဲဖြစ်ပြီး စစ်တပ်ဘက်က လေကြောင်းအသုံးပြုတိုက်ခိုက်
စစ်ကိုင်းတိုင်း ထီးချိုင့်မြို့ပေါ်မှာတပ်စွဲထားတဲ့ စစ်ကောင်စီတပ်ဖွဲ့တွေကို ဒီကနေ့မနက်ပိုင်းကစလို့ ကာကွယ် ရေးပူးပေါင်းတပ်ဘက်က တိုက်ခိုက်ခဲ့ရာကနေ နှစ်ဖက်တိုက်ပွဲပြင်းထန်နေပြီး စစ်ကောင်စီတပ်ဘက် က လေကြောင်း အသုံးပြုတိုက်ခိုက်နေတယ်လို့ ကာကွယ်ရေးတပ်ဖွဲ့ဝင်တွေကပြောပါတယ်။ ထီးချိုင့်မြို့ပေါ် ရပ်ကွက် ၂ ဥယျာဥ်ကုန်းရပ်ကွက်ထဲက ဘောလုံးကွင်းထဲတပ်စွဲထားတဲ့ စစ်ကောင်စီတပ်ဖွဲ့ တွေကို…
Read More » -
Oct- 2023 -13 Octoberသတင်း
ထီးချိုင့်မှာ တိုက်ပွဲပြင်းထန်ခဲ့ပြီး စစ်ကောင်စီဘက်က လေကြောင်းတိုက်ခိုက်ခဲ့
စစ်ကိုင်းတိုင်း ထီးချိုင့်မြို့နယ်မှာ စစ်ကောင်စီတပ်နဲ့ ကာကွယ်ရေးပူးပေါင်းတပ်တွေအကြား ဒီကနေ့ အောက်တိုဘာလ ၁၃ရက်နေ့ မနက်ပိုင်း ၇နာရီလောက်ကစလို့ တိုက်ပွဲတွေပြင်းထန်ခဲ့ပြီး စစ်ကောင်စီတပ် ဘက်ကတော့ လေကြောင်းအသုံးပြုတိုက်ခိုက်ခဲ့တယ်လို့ ဒေသခံတွေဆီကနေသိရပါတယ်။ အင်အား ၁၆၀ကျော်လောက်ရှိတဲ့ စစ်ကောင်စီတပ်ဖွဲ့တွေ နဲ့ KIA နဲ့ PDF ပူးပေါင်းတပ်တွေအကြား…
Read More »
