မိုးညှင်း
-
Jul- 2026 -23 Julyသတင်း
မြစ်ကြီးနား–မိုးညှင်း ရထားပြန်ပြေးဆွဲ
ကချင်ပြည်နယ်အတွင်း အာဏာသိမ်းပြီးနောက် ၅ နှစ်နီးပါး ရပ်နားထားခဲ့တဲ့ မြစ်ကြီးနား–မိုးကောင်း–မိုးညှင်း ရထားခရီးစဉ်ကို ပြန်လည်ပြေးဆွဲနေပြီဖြစ်တယ်လို့ မီးရထားဝန်ထမ်းတွေဆီကနေ သိရပါတယ်။
Read More » -
Apr- 2026 -29 Aprilသတင်း
စစ်တပ်ရဲ့လက်နက်ကြီးပစ်ခတ်မှုကြောင့် အသက်မပြည့်တဲ့ကလေးအပါ နှစ်ဦးသေဆုံး
မိုးညှင်းမြို့နယ်၊ နန်းမားမြို့ မှာ စစ်ကောင်စီတပ်ရဲ့လက်နက်ကြီးပစ်ခတ်မှုကြောင့် ကလေးတစ်ဦးနဲ့အမျိုးသားတစ်ဦး လက်နက်ကြီးကြကျည်ထိမှန်သေဆုံးခဲ့တယ်လို့ မြို့ခံတွေပြောပါတယ်။ ဧပြီလ ၂၈ ရက်နေ့မနက် ၁၀ နာရီဝန်းကျင် နမ်းမားမြို့ကားလမ်းတစ်လျှောက် နဲ့ဘူတာရုံအနိီးဝန်းကျင်မှာ KIA ပူးပေါင်းတပ်က စစ်ရေးလှုပ်ရှားလာတဲ့တွက် မိုးညှင်းမြို့ စစ်တပ်ရဲ့ အမှတ် ၃၈၅ အမြောက်တပ်ကနေ နမ်းမားဘက်ကို လက်နက်ကြီးဆက်တိုက်ပစ်ခတ်ခဲ့တာကြောင့် မိန်းကလေးငယ်တစ်ဦးနဲ့အမျိုးသားတစ်ဦးသေဆုံးခဲ့တယ်လို့ မြို့ခံတွေက KNG ကိုပြောပါတယ်။ “KIA တွေက နမ်းမားဘူတာတစ်ဝိုက် စစ်ရေးလှုပ်ရှားပြလာတာတေ့ မိုးညှင်းကနေလက်နက်ကြီးတောက်လျှောက်ပစ်တာဟုတ်တယ်။ လက်နက်ကြီး ၄ လုံးကျတာ ရပ်ကွက်ထဲ တစ်ယောက်တော့ပွဲချင်းပြီးသေတယ်။ ကလေးကတော့ ဆေးရုံမှာသေတယ်”လို့ ပြောပါတယ်။ စစ်တပ်က ပစ်တဲ့လက်နက်ကြီးဟာ တောင်အင်းရွာမှာလက်နက်ကြီးတစ်လုံးကျပေါက်ကွဲခဲ့တာကြောင့် အသက် ၁၁ နှစ်အရွယ် မိန်းကလေးတစ်သီးကျည်ထိမှန်သေဆုံးခဲ့တယ်လို့သိရပါတယ်။ အလားတူ နောက်ထပ် ရွှေပြည်အေးရပ်ကွက်မှာလည်း လက်နက်ကြီးကျပေါက်ကွဲတဲ့အတွက် ဦးကျော်လှဆိုတဲ့အမျိုးသားတစ်ဦးကျည်ထိမှန်သေဆုံးသွားသလို ဦးကျော်လှအိမ်ဘေးက လူငယ်တစ်ဦးခြေတစ်ဖက်ဆုံးရှုံးခဲ့ရပြီး၊ နောက်ထပ်အမျိုးသမီးတစ်ဦးလည်းကျည်စထိမှန်ဒဏ်ရာရရှိခဲ့တယ်လို့ သိရပါတယ်။ ဒေသခံတွေပြောချက်အရ ပြီးခဲ့တဲ့ ဧပြီလ(၂၃)ရက်နေ့က မိုးညှင်းမြို့နယ်၊ ဘီလူးမြို့၊ အုန်းစံဆိုင်ကျေးရွာမှာရှိတဲ့ ရှမ်းနီအမျိုးသားတပ်မတော် (SNA)ရဲ့ တပ်စခန်း (၂)ခုကို KIA နဲ့ ပူးပေါင်းတပ်တွေက သိမ်းပိုက်ခဲ့ပြီးနောက် မိုးညှင်းဒေသမှာ စစ်ရေးအခြေအနေတွေ တင်းမာနေတာဖြစ်တယ်လို့သိရပါတယ်။ “ဒီရက်ပိုင်းက သူတို့စခန်းတိုက်ခံရတော့ လက်နက်ကြီးပစ်တာပိုဆိုးလာတယ်။ ပြီးရင် တော်တော်လည်းစစ်တယ် အပြင်သွားတာတို့သတိထားပြီး သွားလာနေရတယ်”လို့ နောက်ထပ်အမျိုးသားတစ်ဦးပြောပါတယ်။ စစ်ကောင်စီတပ်ဟာ အုန်းစံကျေးရွာမှာရှိတဲ့ ကာကင်းစခန်းနှစ်ခုသိမ်းခံရပြီးနောက် မိုးညှင်း၊နမ်းမားကြား လမ်းတစ်လျှောက်တားဆီးစစ်ဆေးတာတွေလည်းပိုပြီးလုပ်ဆောင်လာတယ်လို့ သိရပါတယ်။ မိုးညှင်းမြို့နယ်ဟာ မြစ်ကြီးနား– မန်းလေးသွားရာလမ်းမပေါ်မှာရှိပြီး SNA တပ်နဲ့ပြည်သူ့စစ်တပ်က အားကောင်းတဲ့ဒေသဖြစ်ပြီး နှစ်ဖက်တပ်အကြားမကြာခနဆိုသလို ထိတွေ့တိုက်ပွဲဖြစ်လေ့ရှိတဲ့နယ်မြေတွေလည်းဖြစ်ပါတယ်။ By – Zami
Read More » -
21 Aprilသတင်း
မြစ်ကြီးနားနဲ့မိုးညှင်းအကျဉ်းထောင်က နိုင်ကျဉ်း ၁၇ဦး လွတ်မြောက်
ကချင်ပြည်နယ်က မြစ်ကြီးနားအကျဉ်းထောင်နဲ့ မိုးညှင်းအကျဉ်းထောင်ကနေ နိုင်ငံရေးအကျဉ်းသား ၁၇ဦးထိ လွတ်မြောက်ခဲ့တယ်လို့ မြန်မာနိုင်ငံလုံးဆိုင်ရာ နိုင်ငံရေး အကျဉ်းသားများကွန်ယက်(PPNM) အဖွဲ့ကနေ သိရပါတယ်။
Read More » -
20 Aprilစစ်ပြေးဒုက္ခသည်များ
လေပြင်းမုန်တိုင်းသင့်ခဲ့တဲ့ အင်းတော်ကြီးစစ်ဘေးရှောင်တွေ အကူညီလိုအပ်နေ
မိုးညှင်းမြို့နယ်၊ အင်းတော်ကြီးဒေသမှာ စစ်ဘေးရှောင်နေတဲ့ပြည်သူတွေမှာ လေပြင်းမုန်တိုင်းဒဏ်မကြာခဏကြုံတွေ့နေရတဲ့အတွက် အဆောင်တွေပျက်စီးပြီး နေစရာအခက်ကြုံနေတယ်လို့ စစ်ရှောင်တွေပြောပါတယ်။
Read More » -
Mar- 2026 -5 Marchသတင်း
ဟိုပင်မှာ ကလေး ၃ ဦးအပါအဝင် ၆ လောင်းပြိုင်လူသတ်မှုဖြစ်
ကချင်ပြည်နယ် မိုးညှင်းမြို့နယ်၊ ဟိုပင်မြို့၊ မြို့မတောင်ရပ်ကွက်၊ မြသာယာရပ်၊ နယ်မြေ(၅)၊ နေအိမ်တစ်အိမ်မှာ ၆ လောင်းပြိုင်လူသတ်မှုဖြစ်သွားတယ်လို့ ဒေသခံတွေဆီကနေသိရပါတယ်။ ဖြစ်စဉ်မှာ မတ်လ ၅ ရက် မနက် ၉ နာရီ ၄၅ မိနစ်ဝန်းကျင် မြို့မတောင်ရပ်ကွက်၊…
Read More » -
Jan- 2026 -27 Januaryသတင်း
မိုးညှင်းမြို့ပေါ်က လောင်းကစားဝိုင်းများကြောင့် လူမှုဘဝပျက်ပြားမှု ရှိလာ
ကချင်ပြည်နယ် မိုးညှင်းမြို့က လောင်းကစားဝိုင်းတွေကြောင့် မိသားစုတွေ ပြိုကွဲပြီး ဘဝပျက်သူတွေ များပြားလာတယ်လို့ ဒေသခံတွေဆီနေ သိရှိရပါတယ်။ ဒေသခံတွေရဲ့ ပြောကြားချက်အရ လက်ရှိမိုးညှင်းမြို့မှာ ရပ်ကွက်ကြီး ၂၂ ခုရှိပြီး ရပ်ကွက်တိုင်းလိုလိုမှာ လောင်းကစားရုံ ရှိတယ်လို့ ဆိုပါတယ်။ အဲဒီထဲက အောင်သပြေရပ်ကွက်…
Read More » -
Dec- 2025 -12 Decemberသတင်း
ရှမ်းနီပြည်သူ့စစ်ဂိတ် ၃ ခု အခွန်အဆမတန်ကောက်နေလို့ ဆိုင်ကယ်ကယ်ရီသမားမျာအခက်တွေ့
ကချင်ပြည်နယ်၊ မိုးညှင်းခရိုင်ထဲက ရှမ်းနီပြည်သူ့စစ်ဂိတ် ၃ ခုမှာ အခွန်အဆမတန်ကောက်နေတဲ့အတွက် ဆိုင်ကယ်နဲ့စျေးရောင်းပြီးလုပ်ကိုင်စားသောက်နေတဲ့ ဆိုင်ကယ်၊ ကယ်ရီသမားတွေ ပိုခက်ခဲလာတယ်လို့ ဒေသခံတွေပြောပါတယ်။ မိုးညှင်းမြို့ကနေ တနိုင်းရွေမှော်ဒေသဘက် လက်နက်ကိုင်တပ်တွေဂိတ် စုစုပေါင်း ၂၂ ခုထက်မနည်းရှိတဲ့ထဲက မိုးညှင်းခရိုင်ထဲက ပြည်သူ့စစ်ဂိတ် ၃ ခုအဆိုးဆုံးဖြစ်တယ်လို့ ဆိုင်ကယ် ကယ်ရီသမားတွေ ပြောပါတယ်။ “ကျန်တဲ့ဂိတ်တွေကညှိလို့ရတယ် တစ်ချို့ဂိတ်ဆိုရင် စေတနာရှိသလောက်ပဲပေးဆိုတဲ့ဂိတ်ရှိတယ်။ ခုပြောတဲ့ ရှမ်းနီဂိတ်တွေကဘယ်လိုမှညှိမရဘူး။အရင်က ဆိုင်ကယ်တစ်စီးကို ၅၀၀၀ တောင်းရင် ခု အဲဒီ ၅၀၀၀ ပေးရတဲ့ဂိတ်က ၂၀၀၀၀ လောက်ဖြစ်နေပြီ။ ၅၀၀၀ ပေးရတဲ့ဂိတ်မရှိတော့ဘူး”လို့ ပြောပါတယ်။ လမ်းပိုင်းဖြတ်သန်းသွားလာခွင့် အခွန်အများဆုံးတောင်းတဲ့ ဂိတ်တွေဟာ ဆားမှော်ကျေးရွာအနီး ပြွန်သုံးလုံးရွာအနီးကဂိတ်၊ ပင်းဘောဂိတ်၊ မိုးကောင်းမြို့အနီးဂိတ်တွေက အဆိုးဆုံးဖြစ်တယ်လို့ သိရပါတယ်။ ဒီဂိတ်တွေမှာ ယခင်က ကြက်တင်ထားတဲ့ ဆိုင်ကယ်တစ်စီးကို ၂၀၀၀၀ (နှစ်သောင်း)၊ယခု ၃၀၀၀၀ (သုံးသောင်း)၊ စက်သုံးဆီတင်ထားတဲ့ဆိုင်ကယ် ယခင် ၄၀၀၀၀ (လေးသောင်း) ယခု ၅၀၀၀၀ (ငါးသောင်း)တောင်းနေတဲ့တွက် အရင်းပြုတ်သွားတဲ့သူတွေလည်းရှိနေတယ်လို့ သိရပါတယ်။ စစ်တပ်အာဏာသိမ်းပြီးနောက် တနိုင်ငံလုံးအတိုင်းတာနဲ့ ငွေကြေးဖောင်းပွမှုနဲ့အတူ ကုန်စျေးနှုန်းမြင့်တက်မှုကြုံနေရပေမယ့် ကချင်ဒေသမှာတော့ ကုန်စျေးနှုန်းမြင့်တက်မှုတွေက ပြီးခဲ့တဲ့ ၂၀၂၄ ခုနှစ်ဆို ဥပမာ– ကြက်ဥတစ်လုံး တစ်ထောင်ကျပ်အထိ စံချိန်တင်မြင့်တက်ခဲ့ပါတယ်။ ဒါ့အပြင် စစ်ရေး၊နိုင်ငံရေးကြောင့် ကချင်ဒေသမှာ ၂၀၂၅ နှစ်ဆန်းပိုင်းအထိ စစ်ရှောင်အရေအတွက် ၈ သောင်းကျော် ထပ်တိုးလာတယ်လို့ ကုလသမ္မဂဒုက္ခသည်များဆိုင်ရာမဟာမင်းကြီးရုံး(UNHCR )ကထုတ်ပြန်ထားပါတယ်။ စစ်ရှောင်ကာလကြာမြင့်လာတာနဲ့အမျှ အဖက်ဖက်ကနေခက်ခဲကြပ်တည်းလာတဲ့ပြည်သူတွေဟာ မိမိတတ်နိုင်တဲ့နည်းလမ်းနဲ့ဝမ်းရေးအတွက်ဖြေရှင်းကြရင်း ၂၀၂၂ ခုနှစ်နောက်ပိုင်း အခြေခံစားသောက်ကုန်အပြင် စက်သုံးဆီတွေကို ဆိုင်ကယ်နဲ့တင်ပို့ရောင်းချပြီး မိသားစုဝမ်းရေးအတွက်လုပ်ကိုင်ကြတဲ့ ဆိုင်ကယ်သမားတွေအင်မတန်များလာတယ်လို့လည်း မိုးညှင်းမြို့ခံတစ်ဦး ခုလိုပြောပါတယ်။ “အရင်ကတော့ ကားတွေလွှတ်လွှတ်လပ်လပ်သွားလို့ရတယ်လေ။ ခုက လုံခြုံရေးကြောင့်လည်း ပါတယ်။ အဲတော့ ပြည်သူတွေကဘာလုပ်လာသလဲဆိုရင်တပိုင်တနိုင်ပုံစံနဲ့ ဆိုင်ကယ်လေးနဲ့ စားသောက်ကုန်တွေရွှေမှော်ဘက်သွားရောင်းတဲ့သူတွေများလာတယ်။ အဓိကတော့ စားဝတ်နေရေးဖြေရှင်းဖို့နည်းလမ်းရှာလာဲကြရင်း ခုနောက်ပိုင်းကယ်ရီခေတ်လိုဖြစ်လာနေတာ။ ဒါကိုအခွင့်ကောင်းယူပြီး ဂိတ်တွေကမညှာမတာကောက်နေကြတယ် မြင်မကောင်းဘူး”လို့ ပြောပါတယ်။ ဆိုက်ကယ် ကယ်ရီးသမားတွေဟာ အဓိကအားဖြင့် စက်သုံးဆီ၊ စားသုံးဆီအပြင် ဝက်၊ကြက်အခြေခံစားသောက်ကုန်တွေကို မြို့ထဲကနေ ရွှေမှော်ဒေသဘက်သွားရောင်းကာ မိသားစုစားဝတ်နေရေးဖြေရှင်းနေရပေမယ့် ခုနောက်ပိုင်း ရှမ်းနီးပြည်သူ့စစ်ဂိတ်တွေရဲ့ အခွန်မတရားကောက်ခံမှုတွေကြောင့် ရပ်နားလိုက်ရသူတွေလည်းရှိတယ်လို့ နောက်ထပ်ကယ်ရီသမားတစ်ဦး KNG ကို ပြောပါတယ်။ “ခုလိုပြောရတာ တကယ်တမ်းဆိုရင်မပြောချင်ဘူး ဒါပေမယ့် ကျနော်တို့ခံစားရတာကြာပြီ လူတိုင်းကစီးပွားရေးကြီးလုပ်ချင်တာမဟုတ်ဘူး နိုင်ငံရေးကမကောင်းတဲ့ချိန်မှာ စားဝတ်နေရေးဖြေရှင်းဖို့လုပ်နေကြတာ။ ကျနော်တို့လည်း ဘာမှမကျန်ပါဘူး မလုပ်မနေရမို့သာလုပ်နေတာပါ”လို့် ဆိုင်ကယ်ကယ်ရိီသမားတစ်ဦးကပြောပါတယ်။ ဒါကြောင့် သက်ဆိုင်တဲ့ လက်နက်ကိုင်တပ်တွေ အထူးသဖြင့် ရှမ်းနီပြည်သူ့စစ်တပ်တွေအနေနဲ့ ဆိုင်ကယ် ကယ်ရီသမားတွေကို အခွန်လျော့ကောက်ပေးဖို့ တောင်းဆိုနေကြပါတယ်။ ခရိုင် ၄ ခု၊မြို့နယ် ၁၈ မြို့နယ်နဲ့ဖွဲ့စည်းထားတဲ့ ကချင်ပြည်နယ်ဟာ လူဦးရေ တစ်သန်းကျော်ရှိပြီး အာဏာသိမ်းပြီးနောက် နေ့စဉ်စစ်ရှောင်ထပ်တိုးလာတဲ့ပြည်နယ်တစ်ခုလည်းဖြစ်ပါတယ်။ By – Zami
Read More » -
2 Decemberသတင်း
ဖမ်းဆီးထားသူတွေကို ပြန်ရွေးခွင့်ပြုမှာမဟုတ်ပဲ ရွေးဖို့ပြင်နေတဲ့အိမ်ကိုလည်းမီးရှို့မယ်လို့ SNA ခြိမ်းခြောက်
ကချင်ပြည်နယ် မိုးညှင်းခရိုင်၊ မိုးကောင်းမြို့နယ် နန်းခွင်နဲ့ ပင်းဘောရွာတွေမှာ SNA နဲ့စစ်ကောင်စီပူးပေါင်းတပ်တွေဖမ်းဆီးသွားတဲ့ တပ်သားသစ်တွေကို ပြန်ရွေးခွင့်ပြုမှာမဟုတ်သလို ရွေးထုတ်ဖို့ပြင်ဆင်တဲ့အိမ်တွေကို မီးရှို့မယ်လို့ SAN တပ်ကခြိမ်းခြောက်ထားကြောင်း ဒေသခံများထံမှ သိရပါတယ်။ ပြီးခဲ့တဲ့ နိုဝင်ဘာလ ၂၈ ရက်နေ့ မိုးကောင်းမြို့ထဲကို မပခ (မြောက်ပိုင်းတိုင်းစစ်ဌာနချုပ်) တိုင်းမှူး၊နယ်ခြားစောင့်ခေါင်းဆောင်ဦးဇခုန်တိန့်ယိန်းတို့ ရောက်လာပြီး မကြာခင်ကျင်းပမယ့် စစ်တပ်ရဲ့ရွေးကောက်ပွဲအပြင် လက်ရှိစစ်ရေးအခြေနေတွေနဲ့ပတ်သက်ပြီး ဒေသတွင်းတာဝန်ရှိသူများကိုလာတွေ့ဆုံသွားတယ်လို့ ဒေသခံတွေပြောပါတယ်။ အဲဒီနောက် နိုဝင်ဘာလ ၂၉ ရက်နေ့ မိုးကောင်းမြို့နယ် နန်းခွင်နဲ့ပင်းဘောရွာတွေမှာ SNA နဲ့စစ်ကောင်စီပူးပေါင်းတပ်က လူငယ်၊လူလတ်ပိုင်း ၂၀ ကျော်ကိုဖမ်းဆီးသွားတာလို့ ဒေသခံအမျိုးသားတစ်ဦးပြောပါတယ်။ “နန်းခွင်နဲ့ ပင်းဘောမှာ ရှမ်းနီဝင်ဆွဲတာ ၊ တိုင်းမှူးလာပြီးနောက်ရက် အဖမ်းခံရတဲ့ မိသားစုတွေမပြောရဲကြဘူး၊ အိမ်မီးရှို့မယ်လို့ခြိမ်းခြောက်သွားလို့တဲ့”လို့ ပြောပါတယ်။ မြစ်ကြီးနား– ရွှေဘို– မန္တလေးလမ်းမပေါ်ရှိ မိုးညှင်း၊မိုးကောင်းမြို့တွေဟာ ရှမ်းနီအမျိုးသားများတပ်မတော် (SNA) နဲ့စစ်ကောင်စီတပ်တို့ဘက်က နယ်မြေအများပိုင်း စိုးမိုးထားနိုင်ဆဲဖြစ်ပြီး စစ်ရေးလှုပ်ရှားမှု ပုံမှန်ရှိနေတဲ့အပြင် လူသစ်စုဆောင်းမှုအများဆုံးလုပ်နေတဲ့နေရာတွေဖြစ်ပါတယ်။ ပြီးခဲ့တဲ့ နိုဝင်ဘာလ ၁၈ ရက်နေ့မှာ မိုးကောင်းမြို့နယ်၊ နန်းခွင်ရွာအခြေစိုက် ခမရ (၅၂၁) တပ်ရင်းကို KIA နဲ့ပူးပေါင်းအဖွဲ့က သွားရောက်တိုက်ခိုက်ခဲ့ရာ နှစ်ဖက်အပြန်အလှန် ပစ်ခတ်မှုတွေရှိခဲ့တယ်လို့ သိရပါတယ်။ ဒါ့အပြင် နိုဝင်ဘာ တတိယပတ်မှာ ဟိုပင်အထိုင်တပ်ရင်းတွေကနေ KIA၊ KPDF အထိုင်ချထားတဲ့ အရှေ့တောင်ကြောဘက်ကို လက်နက်ကြီး၊ ဒရုန်းအကူအညီနဲ့ တောက်လျှောက်ပစ်နေပြီး စစ်ကြောင်းထိုးလာတာကြောင့် စစ်ရေးတင်းမာနေတဲ့ အခြေအနေရှိတယ်လို့ ဒေသခံတွေပြောပါတယ်။ အလားတူ နိုဝင်ဘာလ ၂၆ ရက်နေ့ နောက်ဆုံးအပတ်မှာတော့ မိုးညှင်း– မိုးကောင်းကြားရှိ ဟိုပင်မြို့ အရှေ့ဘက်ခြမ်းရှိ နန့်ရင်းချောင်းကူးတံတားကိုလည်း SAN ပူးပေါင်းတပ်တွေက မြေတူးဆွကာဖျက်ဆီးလိုက်တယ်လို့ သိရပါတယ်။ အဲဒီနောက် နိုဝင်ဘာလ ၂၉ ရက်နေ့မှာ နန်းခွင်၊ပင်းဘောတစ်လျှောက် လူသစ်စုဆောင်းတာတွေလုပ်သွားတာဖြစ်တယ်လို့လည်း ဒေသခံတွေပြောပါတယ်။ “ခုဒီဘက်မှာ စစ်တင်းမာနေတယ် ဒါကြောင့် SNA ကလည်း ဖမ်းသွားတဲ့သူဆိုရင် ရွေးခွင့်ကိုမပြုတော့တာ။နေရာကွက်ကြားလက်နက်ကြီးသံတွေကြားလာရတယ်”လို့ နန်းခွင်ဒေသခံအမျိုးသားတစ်ဦးပြောပါတယ်။ ဟိုပင်မြို့၊နန်းခွင်ကျေးရွာ၊ပင်းဘောရွာတွေဟာ နယ်မြေအားဖြင့်တစ်ဆက်တည်းရှိတဲ့နေရာတွေဖြစ်ပြီး ဒီလမ်းမတစ်လျှောက်မှာ SNA ပူးပေါင်းတပ်တို့ စစ်ရေးလှုပ်ရှားတာ၊ လူသစ်စုဆောင်းတွေက ခုနောက်ပိုင်း ပိုဆိုးရွားလာနေတယ်လို့ ဒေသခံတွေပြောပါတယ်။ By – CJ
Read More » -
Nov- 2025 -28 Novemberသတင်း
နန့်ရင်းချောင်းကူးတံတားနေရာ မြေတူးဖျက်ဆီးလိုက်တဲ့အတွက် ပြည်သူတွေသွားလာရေးအခက်တွေ့နေ
မိုးညှင်းမြို့နယ် ၊ ဟိုပင်မြို့ နန့်ရင်းချောင်းကူးလမ်းတံတားနေရာကို စစ်တပ်နဲ့ ရှမ်းနီ SNA ပူးပေါင်းတပ်တွေ အကြောင်းမဲ့ မြေတူးပြီး လမ်းပ်ိုင်းဖြတ်တောက်လိုက်တဲ့အတွက် ဒေသခံပြည်သူတွေ သွားလာရေးခက်ခဲသွားတယ်လို့ သိရပါတယ်။ စစ်တပ်နဲ့ ရှမ်းနီ SNA ပူးပေါင်းတပ်တွေဖျက်ဆီးလိုက်တဲ့လမ်းပိုင်းဟာ ဟိုပင်ဒေသခံတောင်သူတွေ လယ်ယာလုပ်ငန်းအတွက်သွားလာဖြတ်သန်းနေရတဲ့…
Read More » -
19 Novemberသတင်း
နန်းမားရဲစခန်းတိုက်ခိုက်ခံရပြီး ထိခိုက်မှုရှိတယ်လို့ဆို
ကချင်ပြည်နယ်၊ မိုးညှင်းမြို့နယ်ထဲက နန်းမားမြို့မ ရဲစခန်းတိုက်ခိုက်ခံရပြီး ရဲတပ်ဖွဲ့ဝင်တွေဘက်က ထိခိုက်မှုများခဲ့ကြောင်း နန့်မားပြည်သူတွေဆီကနေ သိရပါတယ်။ နန်းမားမြို့ ၊မြို့မရပ်ကွက်မှာရှိတဲ့ ရဲစခန်းကို ဒီကနေ့မနက် အစောပိုင်းမှာ KIA နဲ့ ပူးပေါင်းတပ်ဖွဲ့တွေဝင်ရောက်တိုက်ခိုက်ခဲ့ပြီး နှစ်ဖက်ပြန်အလှန်ပစ်ခတ်မှု မိနစ် ၃၀ ကျော်ကြာမြင့်ခဲ့တယ်လို့သိရပါတယ်။ “မနက် ၇နာရီတိတိမှာဝင်ပစ်တာ နာရီဝက်လောက်ကြာတယ် အခုတော့ငြိမ်သွားပြီ နာရီဝက်လောက်တော့အပြန်အလှန်လက်နက်ကြီးလက်နက်ငယ်တွေနဲ့ပစ်ကြတယ်”လို့ နန်းမားမြို့ခံအမျိုးသားတစ်ဦးကပြောပါတယ်။ ကချင်လွတ်လပ်ရေးတပ်မတော် KIA နဲ့ပူးပေါင်းတပ်တွေက ကားကြီးသုံးစီးဖြင့်ဝင်ရောက်တိုက်ခိုက်ခဲ့ပြီး မြေပြင်ထိုးစစ်နဲ့ ဝေဟင်ဒရုန်းတို့ဖြင့်တပြိုင်နက်တည်းဝင်ရောက်တိုက်ခိုက်ခဲ့တာကြောင့် ရဲတပ်ဖွဲ့ဝင်အများအပြားထိခိုက်ခဲ့ကြောင်း သိရပါတယ်။ “ဒရုန်းတွေနဲ့အရင်ဝင်တာပြီးမှမြေပြင်ထိုးစစ်ဝင်လာတာ ရဲစခန်းကတော့စုတ်ပျက်သွားတာပါ့ ဗုံးတွေထိထားတာ တိုက်ပွဲငြိမ်သွားတော့ လူနာတင်ကားတွေ အများကြီးရောက်လာတယ် သယ်ထုတ်သွားတယ် ဒဏ်ရာရတဲ့သူများမှာပဲသေဆုံးတာတော့မကြားမိသေးဘူးအထဲမှာတော့သေကြမှာပဲ သတင်းပဲထွက်မလာတာ”လို့ အသက် ၄၀ ကျော်အရွယ်နန်းမားမြို့ခံအမျိုးသားတစ်ဦးကပြောပါတယ်။ KIA နဲ့ ပူးပေါင်းတပ်တွေ ရဲ့တိုက်ခိုက်မှုကြောင့် နန်းမားရဲစခန်းပျက်စီးမှုများခဲ့ပြီး ရဲစခန်းအနီးက ဘုန်းကြီးကျောင်းလည်းလက်နက်ကြီးထိမှန်တာကြောင့်အမိုးအကာတွေပျက်စီးသွားတယ်လို့သိရပါတယ်။ မိနစ်သုံးဆယ်ကျော်ကြာမြင့်တဲ့နှစ်ဖက်အပြန်အလှန်ပစ်ခတ်မှုမှာ အရပ်သားထိခိုက်မှုမရှိကြောင်းသိရပါတယ်။ KIA နဲ့ ပူးပေါင်းတပ်တွေ ပြန်ဆုတ်ခွာသွားပြီးနောက် စစ်ကောင်စီရဲ့နန်းမားမြို့အထိုင်တပ်နဲ့ အမြှောက်တပ်ထဲက စစ်ကောင်စီစစ်သားတွေဟာ မြို့တွင်းကင်းပုန်းဝပ်တာ၊ လှုပ်ရှားသွားလာတာတွေရှိနေကြောင်းသိရပါတယ်။ မိုးညှင်းမြို့နယ် အင်းတော်ကြီးဒေသထဲမှာတော့ အင်းတော်ကြီးကန်ရဲ့အရှေ့ဘက် နန်းမား၊နန့်မွန်း၊ လုံးတုံ၊ မိုင်းနောင်၊ မမုံကိုင်စတဲ့ကျေးရွာတွေကို စစ်ကောင်စီတပ်နဲ့ SNA ပူးပေါင်းတပ်တွေကထိန်းချုပ်ထားတာဖြစ်ပြီး အင်းတော်ကြီးကန်ရဲ့အနောက်ဘက်ဝှေလုံ၊ချောင်းဝ၊ ညောင်ပင်စတဲ့ကျေးရွာတွေကိုတော့ KIAနဲ့ပူးပေါင်းတပ်တွေသိမ်းပိုက်ထားတာဖြစ်ပါတယ်။ By –…
Read More »