-
Jul- 2024 -17 Julyသတင်း
ရေဘေးကြောင့် နေအိမ် ၈၀ ကျော်ပျက်စီးသွားတဲ့ မြစ်ဆုံဒေသ ခန်းပူရွာပြည်သူတွေ ကူညီလိုအပ်နေ
မြစ်ကြီးနားမြို့နယ် မြစ်ဆုံဒေသ ခန်းပူ(Hkang Pu)ကျေးရွာက နေအိမ် ၈၀ ဝန်းကျင်ရေဘေးသင့်ခဲ့တဲ့ ပြည်သူတွေ ပြန်လည်ထူထောင်ရေးအတွက် အကူအညီလိုအပ်နေပါတယ်။ ဖုန်းအင်တာနက် ဆက်သွယ်ရေးလိုင်းခက်ခဲပြီး သွားလာရေးအခက်ကြောင့် အကူအညီတွေမရောက်ရှိနိုင်သေးတဲ့ နေရာတွေထဲမှာ ခန်းပူကျေးရွာလည်းတစ်ခုအပါအဝင်ဖြစ်ပြီး လက်ရှိမှာ ရေဘေးကြောင့် ဒုက္ခရောက်နေတဲ့ပြည်သူတွေ အကူအညီတွေလိုအပ်နေတယ်လို့ ဒေသခံတွေပြောပါတယ်။ “အိမ်ပျက်စီးသွားတဲ့သူတွေလည်း ဘာမှမလုပ်ယူနိုင်သေးဘူး။ အိမ်ခြေ ၆ ခုက အစကနေ အိမ်ပြန်ဆောက်လုပ်ယူရတော့မယ်။ လောလောဆယ်ဖျားနာတာတွေလည်း အများပိုင်းဖြစ်နေတယ်။ ဆေးဝါးလည်းခက်ခဲတယ်။ ရေဘေးကြုံပြီး အခု ၂ ပတ်ကျော်ထိဆိုရင် ဆန်၊ဆီဆား ကူညီမှု ၂ ဖွဲ့တော့ရောက်တယ်။ ခန်းပူလိုင်းမမိတော့ ရေဘေးကြုံနေတဲ့အချိန်လည်းဘယ်သူနဲ့မှ ချိတ်ဆက်မှုမရဘူး။”လို့ ခန်းပူကျေးရွာဒေသခံအမျိုးသမီးတစ်ဦးက ပြောပါတယ်။ မြစ်ဆုံဒေသ ဧရာ၀တီမြစ်ကမ်းဘေးရှိ ခန်းပူကျေးရွာမှာ အိမ်ခြေ ၁၀၀ ကျော်ရှိတဲ့အထဲ အိမ်ခြေ ၈၈ က ရေဘေးကြောင့် အခက်အခဲဖြစ်နေတယ်လို့ သိရပါတယ်။ အဲဒီထဲမှာ အိမ်ခြေ ၆ ခုက နေအိမ်တစ်ခုလုံး ရေထဲမျှောပါသွားတာနဲ့ ပျက်စီးသွားတာတွေရှိတာကြောင့် လက်ရှိ ပြန်လည်ထူထောင်ရေးအတွက် အကူအညီတွေလိုအပ်နေတဲ့အပြင် ရေကြီးပြီးနောက် ကျန်းမာရေးထိခိုက်တဲ့သူတွေလည်းရှိနေပြီး ဆေးဝါးအခက်အခဲတွေလည်း အခက်ကြုံနေတယ်လို့ ပြောပါတယ်။ “လမ်းတံတားတွေလည်းပျက်စီးသွားပြီဖြစ်တာကြောင့် သွားလာရေးခက်ခဲတယ်။ မီးတိုင်တွေလည်း ကျိုးသွားလို့ မီးလည်းခက်တယ်။ အစားအသောက်နဲ့ ဆေးဝါးတွေ အရမ်းခက်နေတယ်။ အကူအညီတွေလည်း အပြင်ဘက်ကနေ သီးသန့်ဘယ်သူမှ မရောက်နိုင်ဘူး။ အခုက ပြန်လည်ထူထောင်ရေး အဓိက လိုအပ်နေတယ်။ ဒီရွာက ရွာပြင်ဖြစ်တာကြောင့် အားလုံးသိရှိနိုင်ဖို့ခက်တယ်။ ပြီးရင်ရောက်ရှိနိုင်ဖို့ခက်တာကြောင့် မရောက်ရှိသလောက်ဖြစ်နေတယ်။” လို့ သူမက ဆက်ပြောပါတယ်။ လက်ရှိ ရေဘေးအန္တရယ်ကြောင့် ထိခိုက်ပျက်စီးသွားတဲ့နေအိမ်တွေမှာ နေလို့မရတော့တဲ့သူတွေရှိသလို ၊ အိမ်အလုံးလိုက်မရှိတော့တဲ့သူတွေဟာ နီးစပ်ရာ အသိ၊ဆွေမျိုးတွေနဲ့ အဆောက်အဦးတွေမှာ ယာယီခိုလှုံနေကြသေးတယ်လို့ ပြောပါတယ်။ မြစ်ဆုံဒေသ မလိယန်ကျေးရွာနဲ့ ခန်းပူကျေးရွာဟာ ရေကြီးပြီး နေအိမ်တွေထိခိုက်ပျက်စီး၊ ဆုံးရှုံးမှုအဆိုးဆုံးကြုံတွေ့ရတဲ့ကျေးရွာတွေထဲက အပါအဝင်ဖြစ်ပါတယ်။ တစ်ဖက်မှာ မြစ်ဆုံအထက် ဆွမ်ပရာဘွမ်သွားလမ်းပေါ် တယန်ဇွပ်ကျေးရွာမှာလည်း လမ်းခရီးအခက်အခဲကြောင့် ကူညီကယ်ဆယ်ရေးအဖွဲ့အစည်းတွေမရောက်ရှိနိုင်သေးသလို ရေဘေးကြောင့် ဒုက္ခရောက်နေတဲ့ အိမ်ခြေများစွာရှိနေတာဖြစ်ပါတယ်။ မြစ်ကြီးနားမြို့နဲ့ ဝိုင်းမော်မြို့တွေထဲ ရေဘေးအန္တရယ်ကြောင့် ကူညီကယ်ဆယ်ရေးလုပ်ဆောင်ပေးနေတဲ့ အဖွဲ့အစည်းတွေ ရှိနေပေမဲ့ တစ်ဖက်မှာ လမ်းခရီးအခက်အခဲကြောင့် မရောက်ရှိနိုင်သေးတဲ့ ကျေးရွာတွေရှိနေသလို အင်တာနက်အခက်ခဲကြောင့် လူသိရှိသူနည်းပြီး ဒုက္ခရောက်နေသူတွေ များစွာရှိနေပါတယ်။ By – ဂျာဘောက်ရာ
Read More » -
17 Julyသတင်း
ဘွမ်အောင်နန်ကျေးရွာဒေသခံတွေရဲ့ တောင်ယာစပါးခင်းအားလုံး ကြွက်ဝင်ရောက်ဖျက်ဆီး
ဗန်းမော်ခရိုင် မံစီမြို့နယ် ဘွမ်အောင်နန်ကျေးရွာဒေသခံတွေရဲ့ တောင်ယာစပါးနဲ့ကောက်ပဲသီးနှံစိုက်ခင်းအားလုံး ကြွက်ဘေးဒဏ်ကျရောက်လို့ ပျက်စီးသွားပြီဖြစ်တယ်လို့ ဒေသခံတွေကပြောပါတယ်။ ဘွမ်အောင်ရွာမှာ အိမ်ထောင်စု ၃၈ စုရှိပြီး အသက်မွေးဝမ်းကျောင်းအဖြစ် တောင်ယာစပါးနဲ့ကောက်ပဲသီးနှံကို အဓိကစိုက်ပျိုးကြတာဖြစ်ပါတယ်။ သို့သော် ဒီနှစ်ရဲ့တောင်ယာစပါးခင်းနဲ့ ကောက်ပဲသီးနှံစိုက်ခင်းတွေမှာ ကြွက်ဘေးဒဏ်ဆိုးဆိုးဝါးဝါးကျရောက်နေတဲ့အတွက် ဒေသခံပြည်သူတွေ လာမယ့်နှစ်အငတ်ဘေးဆိုက်မယ့်အခြေနေမှာ ရှိနေတယ်လို့ ဘွမ်အောင်နန်ရွာဒေသခံအမျိုးသမီးတစ်ဦးက ခုလိုပြောပါတယ်။ “တစ်နှစ်စာ စားဖို့အတွက် ဒီလိုဘဲစိုက်ပျိူးကျတော့ ဒီနှစ်ပုံစံနဲ့ဆို နောက်နှစ်စားမယ့် ဆန်မရှိတော့ဘူး၊ ဟိုးအရင်တွေတုန်းက ဒီလိုဖြစ်တဲ့ နှစ်တွေဆို ပိန်းဥတွေ တူးစားပြီး အာဟာရပြတ်လတ်အသက်ဆုံးရှုံးဒါတွေ ကိုယ်တိုင်မြင်ခဲ့ဖူးတယ်၊ ဒီနှစ်တောင်ယာတော့ အကုန်လုံးရဲ့ဟာပါသွားတော့ စိတ်ညစ်တယ်” လို့ ပြောပါတယ်။ ဘွမ်အောင်နန်ပြည်သူတွေဟာ တစ်နှစ်စာအတွက် မိုးစပါးတောင်ယာစိုက်ခင်းတွေကို လုပ်ကိုင်ကြပေမယ့် ပြီးခဲ့တဲ့နှစ်တွေမှာလည်း ကချင်အခေါ်ဝေါ် (Yu Lii Hku )( ကြွက်ဘေးဒဏ်ကျရောက်ခဲ့တာကြောင့် သစ်ဥ၊သစ်ဖုတွေ၊ ပိန်းဥတွေသာ တူးစားကြရပြီး အာဟာရပြတ်လို့ အသက်ဆုံးရှုံးတဲ့အထိကြုံတွေ့ခဲဲ့ကြတယ်လို့ ဆိုပါတယ်။ ဒါ့အပြင် ဒီနှစ်မှာလည်း စပါးခင်းတွေအားလုံးဖျက်ဆီးခံလိုက်ရတဲ့အပြင် ကုန်စျေးနှုန်းအခြေနေနဲ့လမ်းပန်းဆက်သွယ်ရေးအခက်ခဲကြောင့် ပြည်သူတွေဟာအဖက်ဖက်ကနေ ဒုက္ခရောက်နေကြတယ်လို့ ဒေသခံတွေကပြောပါတယ်။ စစ်ရေးတင်းမာနေဆဲဖြစ်တဲ့ ဗန်းမော်၊ မံစီမြို့နယ်ကနေ မိုင် ၃၀ အကွာမှာရှိတဲ့ ဘွမ်အောင်နန်ရွာဟာ ပြီးခဲ့တဲ့နှစ် စစ်တပ်နဲ့ KIA ပူးပေါင်းတပ်တွေရဲ့တိုက်ပွဲကြောင့် လချီတောတောင်တွေမှာ ထွက်ပြေးတိမ်းရှောင်ခဲ့ကြရာကနေ ဒီနှစ်ဖေဖော်ဝါရီလထဲမှာနေရပ်ပြန်ပြီး ပြနလည်ထူထောင်ရေးစတင်နေတဲ့ရွာဖြစ်ပြီး ပြန်လည်ထူထောင်ရေးစတင်နေတဲ့ရွာဖြစ်တယ်လို့ သိရပါတယ်။ အလားတူ တစ်ဖက်မှာလည်း ဘွမ်အောင်နန်ရွာမှာ တစ်ခြားဒေသက အိမ်ထောင်စု ၄၀ ကျော်ခန့်လည်း လာရောက်စစ်ရှောင်နေတာတွေရှိတယ်လို့ သိရပါတယ်။ လက်ရှိ ပြန်လည်ထူထောင်ရေးကာလဖြစ်တဲ့အပြင် တစ်ခြားစစ်ရှောင်တွေလည်းရှိတဲ့အတွက် အစားအသောက်နဲ့ ငွေရေးကြေးရေးအခက်ခဲရှိနေတဲ့အပြင် စာမသင်ကြားနိုင်တဲ့ ကလေးသူငယ်တွေလည်းများစွာရှိတယ်လို့ ဒေသခံအမျိုးသမီးတစ်ဥိီးက ခုလိုပြောပါတယ်။ “စစ်ရှောင်တွေလည်းရှိတော့ ကျွန်တော်တို့ ရွာသားတွေ ပိုတောင်စိတ်ပူမိတယ်၊ တစ်ချိူ့ပညာသင်ကြားရမယ့် ကလေးတွေတောင် ကျောင်းတက်ဖို့ အခက်အခဲတွေကြောင့် ကျောင်းမတက်နိုင်တဲ့ အခြေအနေတွေလည်း ရှိနေဆဲဖြစ်တယ်” ဟုလည်းပြောပြထားတယ်။ ကချင်ပြည်နယ်ဟာ မြို့ဧရိယာထက် ကျေးလက်၊တောတောင်ဧရိယာအများဆုံးဖြစ်ပြီဒ ၁၉၇၂ မှ ၁၉၈၃ အထိ ကချင်တောင်ပေါ်ဒေသတွေဖြစ်တဲ့ ဆွမ်ပရာဘွမ်၊ အင်ဂျန့်ယန်၊ မချမ်းဘော့ နှင့် နောင်မွန်မြို့နယ်တွေမှာ ကြွက်ဘေးဒဏ်ကြောင့် ဒေသခံများစိုက်ပျိုးထားတဲ့ ကောက်ပဲသီးနှံနဲ့ အစားအသောက်များ ဖျက်ဆီးခံလိုက်ရတဲ့ဖြစ်စဉ်ရှိပြီး အဲဒီကာလတွေမှာလည်း အငတ်ဘေးကြောင့် ပြည်သူသေဆုံးမှုများရှိခဲ့တဲ့အတွက် ကျေးရွာအများအပြား ပျောက်ကွယ်သွားခဲ့တဲ့ဖြစ်စဉ်တွေလည်းများစွာရှိခဲ့ပါတယ်။ အလားတူ မိုးမောက်၊မံစီမြို့နယ်တွေမှာလည်း တောင်ယာစပါးခင်းတွေ ခုနောက်ပိုင်းကြွက်ဘေးဒဏ်ပိုပြီး ဆိုးရွားလာနေတယ်လို့ ဒေသခံတွေကပြောပါတယ်။ By – CJ
Read More » -
16 Julyသတင်း
ဗန်းမော်မြို့ ကနေ တင့်ကား ၅ စီးခန့်နဲ့ တက်လာတဲ့ စစ်ကောင်စီ စစ်ကြောင်းကို KIA တိုက်ခိုက်
မိုးမောက်မြို့ဘက်ကို စစ်တင့်ကားတွေနဲ့ ထိုးလာတဲ့ စစ်ကောင်စီတပ်တွေနဲ့ ကချင်လွတ်လပ်ရေးတပ်မတော် KIA တပ်တွေကြား ဂျယ်အိန် (Je Ing ) ကျေးရွာအနီးတဝိုက်မှာ တိုက်ပွဲပြင်းထန်နေတယ်လို့ သိရပါတယ်။ ဇူလိုင် ၁၅ ရက်နေ့ တင့်ကား ၅ စီးနဲ့ စစ်ကြောင်းထိုးလာတဲ့ စစ်ကောင်စီတပ်နဲ့ တိုက်ပွဲဖြစ်ပွားနေတာ နှစ်ရက်မြောက်ရှိပြီလို့ KIA ရှေ့တန်းသတင်းအရင်းအမြစ် တစ်ဦးက KNG ကို…
Read More » -
16 Julyသတင်း
ကသာမှာ ရွာပေါင်း ၃၀ လောက်မှာ ရေဝပ်နေတဲ့အတွက် ရေဘေးကြုံခဲ့ရ
စစ်ကိုင်းနဲ့ကချင်အစပ်က ကသာမြို့နယ်မှာ ဧရာဝတီမြစ်ရေမြင့်တက်မှုကြောင့် ရွာပေါင်း ၃၀ လောက် ရေဘေးအန္တရာယ်ကြုံတွေခဲ့ရတယ်လို့ ဒေသခံတွေကပြောပါတယ်။ ဇူလိုင်လ ၁၄ ရက်နေ့ကနေ ဧရာဝတီမြစ်ရေဟာ ကသာမြို့နယ်မှာ စိုးရိမ်ရေအမှတ်အောက်ကို ရောက်ရှိသွားပြီ မြစ်ကမ်းနဘေးက ကျေးရွာတွေနဲ့ မြေနိမ့်ပိုင်းကျေးရွာတွေ ရေဝပ်နေဆဲဖြစ်ပါတယ်။ လက်ရှိ ရေဘေးကြုံခဲ့ရတဲ့ဒေသခံတွေအတွက် အစား အသောက်၊ ဆေးဝါးနဲ့ အကူညီတွေလိုအပ်နေပြီး ကသာဒေသခံတွေဟာဖုန်း နဲ့ အင်တာနက်လိုင်းပြတ်တောက်မှုတွေကြောင့် ရေဘေးအတွက်ကြိုတင် ပြင်ဆင်ချိန်လည်းမရလိုက်ဘူး လို့ဒေသခံတွေကပြောပါတယ်။ “ကျနော်တို့လူထုတွေကလည်း မိုးလေဝသသတင်းအချက်လက်တွေက သတင်းနားထောင်တာတွေလည်း နည်းသလို အင်တာနက်မရတော့လည်းသတင်းတွေကမသိရဘူးလေ။ မသိရတော့ ကြိုကြေညာထားလည်း ရွှေ့ပြောင်းတာမလုပ်ဘူး ရေရောက်လာမှပဲ လုပ်ကြတဲ့အခါ ပြင်ဆင်ချိန်အားနည်းတာပေါ့ ဆေးဝါးနဲ့ စား နပ်ရိက္ခာပါပဲ အဓိကပဲ”လို့ဒေသခံတစ်ယောက်ကပြောပါတယ်။ ရေဘေးကြုံခဲ့ရတဲ့ ကျေးရွာတွေက ကျော်ပင်၊ သံပုရာကျွန်း၊ ညောင်ခြေထောက်၊ ကျောက်ပုံ၊ ကလုံ ဆယ်ကြီး နဲ့ ဒေါင့်ကြီးစတဲ့ကျေးရွာတွေအပါအဝင် မြေနိမ့်ပိုင်းကျေးရွာပေါင်း ၃၀ လောက်ရေဘေးကြုံတွေ့ ခဲ့ကြရတာဖြစ်ပါတယ်။ ဧရာဝတီမြစ်ရေဟာ ကသာမြို့နယ်မှာ ပြီးခဲ့တဲ့ ဇူလိုင်လ ၃ ရက်နေ့ကစပြီး တဖြည်းဖြည်းမြင့်တက်လာရာ ကနေ ဇူလိုင်လ ၁၃ ရက်နေ့အထိ အမြင့်ဆုံးစိုးရိမ်ရေအမှတ်အထက် ပေဝက်ခန့်ကျော်လွန်ရောက်ရှိခဲ့ ကြောင်း မိုးဇလရဲ့ထုတ်ပြန်ချက်အရသိရပါတယ်။ ဒါ့အပြင် တစ်ဖက်မှာတော့ တိရစ္ဆာန်သေဆုံးမှုနဲ့ စပါးခင်းပျက်စီးမှုတွေများပြားသလို လူပျောက်ဆုံးနေတာ တွေပါရှိတယ်လို့ ဒေသခံတွေကပြောပါတယ်။ “အရင်နှစ်တွေနဲ့မတူပဲ ရေကတစ်အားတိုးလိုက်တယ်။ ရေကနေ့ချင်းညချင်းတိုးပြီးဖြစ်သွားလိုက်တာ။ ပျောက်ဆုံးတာတွေလည်းရှိတယ်။ ပျောက်သွားတာတွေလည်းအခုချိန်ထိဆက်သွယ်လို့မရသေးဘူး။ “လို့ပြောပါတယ်။ ရေနစ်ပြီးတဲ့နောက်ပိုင်းပျောက်ဆုံးသူတွေရှိပေမဲ့လည်း အတိအကျအတည်ပြုဖို့ခက်သလို ပျောက်ဆုံးသူ တွေရှိတာတော့သေချာကြောင်းဒေသခံတွေကဆိုပါတယ်။ ဒါ့အပြင် ကသာမြို့နယ်အတွင်း စက်သုံးဆီပြတ်လက်မှုနဲ့ စက်သုံးဆီဈေးနှုန်းမြှင့်တက်မှုတွေကြောင့် ကူညီကယ်ဆယ်ရေးလုပ်ငန်းတွေလုပ်ဆောင်ရာမှာအခက်အခဲတွေရှိနေတယ်လို့ပြောပါတယ်။ လက်ရှိတော့ ရေဘေးသင့်ခဲ့တဲ့ ကျေးရွာတွေအတွက် ဆေးဝါးနဲ့အစားအသောက်အကူညီတွေများစွာလိုအပ် နေပြီး ပြန်လည်ထူထောင်ရေးအတွက်လည်းအကူညီတွေလိုအပ်နေတယ်လို့ပြောပါတယ်။…
Read More » -
15 Julyသတင်း
မြစ်ကြီးနား – ပူတာအို ကားလမ်းပိုင်းပျက်စီးနေတဲ့အတွက် ကုန်ကား ၈၀ ဝန်းကျင်ပိတ်မိနေ
မြစ်ကြီးနား – ပူတာအိုကားလမ်းပျက်စီးနေတဲ့အတွက် ကုန်တင်ကားအစီး ၈၀ ဝန်းကျင်ပိတ်မိနေဆဲဖြစ်ပြီး အချိန်တိုအတွင်းသွားလာနိုင်ဖို့ရန်အတွက် တာဝန်ရှိတဲ့ စစ်ကောင်စီနဲ့ ကချင်လွတ်လပ်ရေးအဖွဲ့ KIO အစိုးရအနေနဲ့ အမြန်ဆုံးရှင်းလင်းဆောင်ရွက်ပေးဖို့ ဒေသခံတွေကတောင်းဆိုနေကြပါတယ်။ ဇူလိုင်လဆန်းပိုင်းကနေ တစ်ပတ်လောက်အကြာ ကချင်ပြည်နယ်အထက်ပိုင်းဒေသတွေမှာ မိုးသည်းထန်စွာရွာသွန်းခဲ့တဲ့အတွက် မြစ်ကြီးနား– ဆွမ်ပရာဘွမ့်– ပူတာအိုအထိ ကားလမ်းပိုင်းမြေပြိုကျပျက်စီးမှုဟာ ပေ ၂၀၀ ဝန်းကျင်အထိရှည်လျားပြီး ပျက်စီးနေတာကြောင့် အတက်၊အဆင်း လုပ်နေတဲ့ ကုန်ကား ၈၀ ဝန်းကျင် ပိတ်မိနေတာ ခုဆိုရင်ရက်ပေါင်း ၂၀ လောက်ကြာမြင့်လာပြီလို့သိရပါတယ်။ လက်ရှိအများဆုံးမြေပြိုကျပျက်စီးသွားတဲ့နေရာတွေက မြစ်ကြီးနားမြို့နယ်ထဲက တယန်ဇွပ်ကျေးရွာကတ္တရာလမ်းတစ်ကြောနဲ့ ဆွမ်ပရာဘွမ့်နဲ့ ပူတာအိုမြို့နယ်ထိစပ်တဲ့ လမ်းနေရာတွေမှာဖြစ်တယ်လို့ သိရပြီး လမ်းပျက်စီးမှုအများဆုံးဖြစ်နေတဲ့နေရာတွေကို စစ်ကောင်စီတပ်နဲ့ KIO အစိုးရ နှစ်ဖက် ညှိနှိုင်းမှုတွေနဲ့အတူ လမ်းပြုပြင်ဆောင်ရွက်တာတွေလုပ်နေပြီလို့ ဆိုပါတယ်။ ဒါပေမယ့် ကုန်ကားတွေသွားလာနိုင်ဖို့ အချိန်ကြန့်ကြာနိုင်သေးတယ်လို့ တယန်ဇွပ်ဒေသခံ အမျိုးသားတစ်ယောက်က KNG ကိုပြောပါတယ်။ “လမ်းတွေက စတင်လုပ်ဆောင်လာတာတွေရှိနေပါတယ်။ လူနဲ့ လုပ်တဲ့နေရာမှလုပ် စက်နဲ့ လုပ်တဲ့နေရာမှာလုပ်။ အခုက မြစ်ကြီးနားနဲ့ တယန်ဇွပ်ကြားမှာ စလုပ်နေပါပြီ။ အဓိကတော့ လူအရင်သွားနိုင်ဖို့၊ ကုန်ကားတွေက ဘယ်လိုလဲတော့မသိဘူး။ အခုသူတို့ လုပ်နေတာက နှစ်ပတ်အတွင်းမှာ တယန်နဲ့ မြစ်ကြီးနားကို သွားနိုင်ဖို့က လုပ်နေကြတယ်လို့ သိရပါတယ်။ ဒါပေမယ့် မိုးက တိတ်လိုက် ပြန်ရွာလိုက်နဲ့ဆိုတော့ လုပ်တာ ထိရောက်ဖို့တော့ ကြိုးစားနေကြတာပဲ”လို့ပြောပါတယ်။ လက်ရှိ မြစ်ကြီးနား – ပူတာအိုကားလမ်းပိုင်း ပျက်စီးနေတဲ့နေရာတွေထဲက မြစ်ကြီးနားဘက်ခြမ်း တယန်ဇွပ်နေရာတွေကို စစ်ကောင်စီအဖွဲ့ လုပ်ဆောင်နေပြီး ဆွမ်ပရာဘွမ့်ဘက်ခြမ်းကို KIO အစိုးရအဖွဲ့တွေက တာဝန်ယူလုပ်ဆောင်နေတယ်လို့သိရပါတယ်။ မြစ်ကြီးနား – ပူတာအို ကားလမ်းပိုင်းတစ်ကြောမှာ ပြီးခဲ့တဲ့ ဇူလိုင် ၁ ရက်နေ့စကပြီး ကားလမ်းပိုင်းပျက်စီးသွားတာကြောင့် ဆွမ်ပရာဘွမ့်မြို့နယ်ထဲမှာရှိတဲ့ ပြည်သူတစ်ချို့က ကုန်းလမ်းပျက်စီးနေတဲ့အတွက် တယန်ဇွပ်အထိရေကြောင်းနဲ့ သွားလာပြီးတော့ မြစ်ကြီးနားဘက်ကို ကား၊ ဆိုင်ကယ်တွေနဲ့ ခက်ခက်ခဲခဲထွက်လာရတယ်လို့ သိရပြီး ကုန်ကားတွေကတော့ ဒီနေ့ထိပိတ်မိနေဆဲဖြစ်တယ်လို့ တယန်ဇွပ်ဒေသခံအမျိုးသားတစ်ဦးက ပြောပါတယ်။ “တယန်ကနေ ပူတာအိုအထိ ကားအစီးရေဘယ်လောက်ရှိလဲတော့ မသိဘူး။ ဒါပေမယ့် မြစ်ကြီးနား – ပူတာအို လမ်းတစ်ကြော အားလုံးဆိုရင် ၈၀ လောက်တော့တယ်လို့ သွားလာတဲ့ သူတွေက ပြောနေကြတယ်။ လူလောက်ပဲ သွားလာလို့ရပေမယ့် ကုန်ကားနဲ့ ကားသမားတွေက လုံးဝသွားလာလို့မရတဲ့ အခြေအနေမှာပါ။ အခုပိတ်မိနေတဲ့ ကားသားတွေကလည်း အဆင်းအတက်အကုန်ဖြစ်သွားတာပေါ့လေ”လို့ပြောပါတယ်။ ဒါကြောင့် လက်ရှိ ကားလမ်းပိုင်းပျက်စီးသွားတဲ့အတွက် မြစ်ကြီးနား – ဆွမ်ပရာဘွမ့်တစ်ကြောမှာရှိတဲ့ ပြည်သူတွေက စားသောက်ကုန်ပစ္စည်းတွေ သယ်ယူရခက်နေတဲ့အခြေအနေမှာ ကုန်ပစ္စည်းတွေလည်း ပြတ်လပ်လာတဲ့အတွက် အစားအသောက်တွေကို ချွေတာစားသောက်နေကြရတယ်လို့ သိရပါတယ်။ ပြီးခဲ့တဲ့ ဇူလိုင်လဆန်းပိုင်းအတွင်း မလိခမြစ်ရေကြီးရေလျှံဖြစ်တာကြောင့် မြစ်ကြီးနား – ဆွမ်ပရာဘွမ့် ကားလမ်းပိုင်းတစ်ကြောမှာရှိတဲ့ ဖုန်အိန်ယန်၊ အင်ဂျိပ့်၊ အင်ဆောပ့်၊ တယန်ဇွပ်၊ အင်ဒွပ့်ယန်၊ အင်ထန်းဇွပ် စတဲ့ ကျေးရွာတွေမှာ ကားလမ်းပိုင်းပျက်စီးတဲ့အပြင် ဒေသခံပြည်တွေက ရေဘေးအန္တရာယ်ကိုပါ ကြုံတွေ့ခဲ့ရတာဖြစ်ပါတယ်။ ဆွမ်ပရာဘွမ့်နဲ့ ပူတာအိုလမ်းပိုင်း ရေကြီးရေလျှံဖြစ်ကြီး လမ်းပိုင်းပျက်စီးတာတွေ နှစ်စဉ်ကြုံတွေ့ရပေမယ့် ဒီနှစ်ရေဘေးအန္တရာယ်ဟာ အဆိုးရွားဆုံးဖြစ်တယ်လို့ဒေသခံတွေကပြောပါတယ်။ ခုလို ကချင်ပြည်နယ်အထက်ပိုင်းဒေသတွေဖြစ်တဲ့ ပူတာအို၊တနိုင်း၊ချိီဖွေ၊ဆော့်လော်နဲ့ကမ်းဖန့်တို့မှာ ဒီနှစ် ဇွန်လပိုင်းကစပြီး အနောက်တောင်မုတ်သုံလေဝင်ရောက်လာတာကြောင့် မိုးသည်းထန်စွာရွာသွန်းခဲ့ပြီး နေရာဒေသအနှံ့ လမ်း၊တံတားကျိုးပဲ့ပျက်စီးတာ၊ မြေပြိုကျတာတွေအပြင် စံချိန်တင်ရေကြီးရေလျှံမှုဖြစ်ခဲ့တာကြောင့် ပြည်သူတွေအဖက်ဖက်ကနေ ခက်ခဲနေကြတာဘဲဖြစ်ပါတယ်။ By – နော်ထွယ့်(ဟူးကောင့်)
Read More » -
15 Julyသတင်း
ပူတာအိုမှာ ဆီကားတွေရောက်ပေမယ့် ဝယ်ယူဖို့ခက်ခဲနေဆဲ
ကချင်ပြည်နယ် ပူတာအိုမြို့မှာ ဓါတ်ဆီကားတွေ ဝင်ရောက်လာပေမယ့် ဒေသခံတွေ ဆီဝယ်ယူဖို့ ခက်ခဲနေတယ်လို့သိရပါတယ်။ မြစ်ကြီးနား – ပူတာအို ကားလမ်း မြေပြိုမှု ဆိုးဆိုးဝါးဝါးမဖြစ်ခင် ဇွန်လ ၂၈ ရက်နေ့တက်လာတဲ့ ဆီကားတွေ ဇူလိုင် ၈ ရက်နေ့…
Read More » -
15 Julyသတင်း
နန်းယွန်းမြို့အဝင်တံတား ရေထဲမျောသွားတာ ကြောင့် မြိို့ခံတွေနဲ့ခရီးသွားတွေအခက်အခဲဖြစ်နေ
စစ်ကိုင်းတိုင်းဒေသကြီး နာဂဒေသက နန်းယွန်းမြိို့အဝင်တံတားကျိုးကျပြီး ရေထဲမျောပါသွားတာကြောင့် မြိို့ခံနဲ့ခရီးသွားတွေ လမ်းသွားလမ်းလာအခက်အခဲ ဖြစ်နေတယ်လို့သိရပါတယ်။ နန်းယွန်း–ရှင်ဗွေယန်ကားလမ်းပိုင်း လီဒိုကားလမ်းမကြီးပေါ်မှာရှိတဲ့ နန်းယွန်းမြို့အဝင်တံတားဒေသအခေါ်(နန်းယွန်းမြို့ဟောင်းတံတား)ဟာ ပြီးခဲ့တဲ့ဇွန်လကုန်ပိုင်းက မိုးရွာသွန်းပြီးရေကြီးရေလျှံမှုကြောင့် ရေထဲမျောပါသွားတာဖြစ်တယ်လို့ အသက် ၃၀ အရွယ်နန်းယွန်းမြို့ခံအမျိုးသားတစ်ဦးက KNGကိုပြောပါတယ်။ “မြိို့အဝင်တံတားမရှိတော့ သွားသွားလာလာဒေသခံတွေကောခရီးသွားတဲ့သူတွေကောအခက်အခဲတော့ ဖြစ်တာပေါ့…
Read More » -
15 Julyအင်တာဗျူး
ကချင်ပြည်နယ် ပညာရပ်စုံတက္ကသိုလ် (KSCU) ကျောင်းရဲ့တတိယအကြိမ်မြောက် ကျောင်းဝင်ခွင့်လျှောက်လွှာတွေ စတင်ခေါ်ယူနေပြီ
စစ်တပ်အာဏာသိမ်းပြီးနောက် ပေါ်ပေါက်လာတဲ့ ကချင်ပြည်နယ် ပညာရပ်စုံတက္ကသိုလ် Kachin State Comprehensive University(KSCU) ရဲ့ ၂၀၂၅ ခုနှစ် ပညာသင်နှစ်အတွက်ကျောင်းဝင်ခွင့်လျှောက်လွာတွေကို ဇူလှိုင်လ ၉ ရက်နေ့ကနေစပြီးတော့ စတင်လက်ခံနေပြီဘဲ ဖြစ်ပါတယ်။ ကချင်ပြည်နယ် ပညာရပ်စုံတက္ကသိုလ် Kachin State Comprehensive University(KSCU) ကိုတော့ အမျိုးသားညီညွတ်ရေးအစိုးရ NUG နှင့် KIO အစိုးရတို့ပူးပေါင်းပြီး ၂၀၂၂ ခုနှစ် မေလ ၃၁ ရက်နေ့မှာ တည်ထောင်ကာ ၂၀၂၂ ခုနှစ် စက်တင်ဘာလ ၁၂ ရက်နေ့မှာ စတင်ဖွင့်လှစ် ခဲ့တာ ဖြစ်ပြီး ဒီနှစ်ကတော့ တတိယအကြိမ်မြောက်ကျောင်းဝင်ခွင့်လျှောက်လွာတွေကို လက်ခံနေတာဘဲ ဖြစ်ပါ တယ်။ ကချင်ပြည်နယ် ပညာရပ်စုံတက္ကသိုလ် Kachin State Comprehensive University(KSCU)ရဲ့ ၂၀၂၅ခုနှစ် စာသင်နှစ်နဲ့ ပက်သက်တဲ့ အကြောင်းအရာ စုံစုံလင်လင်ကို KNG ကနေပြီးတော့ KSCU ကျောင်းရဲ့ ဒု ဒုအဓိပတိဖြစ်သူ ဆရာဒေါက်တာ ဦးအောင်နိုင်သူနဲ့ မေးမြန်းတင်ဆက်ထားပါတယ်။ မေး–ကျေးဇူးပြုပြီးတော့ ဆရာတာဝန်ယူထားတဲ့အပိုင်းနဲ့ ဆရာ့နာမလည်လေး တစ်ချက်လောက်မိတ်ဆက်ပေးပါအုံးဆရာ။ ဖြေ–ကျွန်တော်ကတော့ ကချင်ပြည်နယ် ပညာရပ်စုံတက္ကသိုလ် Kachin State Comprehensive University(KSCU)ကျောင်းရဲ့ ဒုအဓိပတိဖြစ်တဲ့ ဒေါက်တာအောင်နိုင်သူဖြစ်ပါတယ်။ မေး– ပထမဆုံးအနေနဲ့ ကျောင်းဝင်ခွင့်လျှောက်ထားရမဲ့ပုံစံနဲ့၊သင်ကြားမဲ့ဘာသာရပ်တွေကို ပြောပြပေးပါအုံးဆရာ။ ဖြေ– လျှောက်လွှာတွေကိုတော့ လတ်တလောအခြေအနေအရ အွန်လိုင်း(online)ကနေပြီးတော့ ဆရာတို့မပေးနိုင်သေးဘူး on ground ကနေတင်ရမယ် တင်တဲ့အခါမှာ လူကိုယ်တိုင်ဖြစ်စေ ကိုယ်တိုင်မဟုတ်ရင်တောင် ခင်ရာမင်ရာ ကိုယ်စားဖြစ်စေ တင်ရမယ်။ လျှောက်လွှာကိုတော့ ဘယ်မှာယူရမလဲဆိုရင် ဆရာတို့ KSCUရဲ့ ဌာနချုပ်(main…
Read More » -
15 Julyသတင်း
အင်းတော်နယ်ထဲက ၂ နှစ်ကျော်ကြာစစ်ဘေးရှောင်ခဲ့တဲ့ ရွာပေါင်း ၁၀ ရွာကျော်နေရပ်ပြန်
စစ်ကိုင်းတိုင်းဒေသကြီး အင်းတော်မြို့နယ်ထဲက ၂ နှစ်ကျော်စစ်ဘေးရှောင်ခဲ့တဲ့ ရွာပေါင်း ၁၀ ရွာက ပြည်သူတွေနေရပ်ပြန်နေပြီလို့ သိရပါတယ်။ ပြီးခဲ့တဲ့ ၂၀၂၂ ခုနှစ် ဇူလိုင်လမှာ အင်းတော်မြို့နယ် မော်တိတ်ဒေသထဲကို စစ်ကောင်စီတပ်အင်းအားအလုံးအရင်းဝင်ရောက်လာပြီး မော်တိတ်ကျေးရွာအုပ်စု နန့်သာရွာမှာအထိုင်ချကာ နေအိမ်တွေ မီးရှို့ဖျက်ဆီးတာ၊အရပ်သားတွေကိုဖမ်းဆီးသတ်ဖြတ်တာတွေကြောင့် မော်တိတ်ဒေသတစ်ခုလုံးက ပြည်သူတွေ တောတောင်ထဲစစ်ဘေးရှောင်ခဲ့ကြရတာ ဖြစ်ပါတယ်။ အဲဒီနောက် ၂ နှစ်ကျော်အကြာ ပြီးခဲ့တဲ့ ဇွန်လမှာ တော်လှန်အင်အားစုတွေက မော်တိတ်ဒေသတစ်ခုလုံးကို ဝင်တိုက်ခိုက်သိမ်းပိုက်လိုက်ပြီဖြစ်တာကြောင့် ရွာပေါင်း ၁၀ ရွာက ပြည်သူတွေ ဇူလိုင် ၁၁ ရက်နေ့ကစပြီး နေရပ်ကိုပြန်ဝင်နေကြပြီလို့ အောင်းကုန်းကျေးရွာ စစ်ရှောင်အမျိုးသားတစ်ဦးက KNGကိုပြောပါတယ်။ “အားလုံးကိုယ့်အိမ်ကိုယ့်ယာထဲကိုပြန်ဝင်နေကြပြီ ကာကွယ်ရေးတွေဘက်ကလည်းဝင်ကြတော့ကိုယ့်အိမ်ကိုယ့်ယာထဲဝင်ပြီးလုပ်စရာရှိတာလုပ်ကြတော့လို့ပြောလို့ အားလုံးကပြန်ဝင်စပြုနေပြီ ။အရင်ဦးဆုံးတော့သန့်ရှင်းရေးတွေဘာတွေလုပ်ရအုံးမှာ“လို့ သူကပြောပါတယ်။ ၂ နှစ်ကျော်ကြာစစ်ဘေးရှောင်ခဲ့ကြတဲ့ ကျေးရွာတွေဟာ နန့်သာ၊ အောင်းကုန်း၊အင်ပင်၊ကျွန်းတော၊တုံ့တော်၊မော်တိတ် ၊ပေဘင်ကျေးရွာတွေအပါအဝင် စုစုပေါင်းရွာပေါင်း ၁၀ ရွာဖြစ်ပြီး လက်ရှိ မော်တိတ်ဒေသတစ်ခုလုံးစစ်ကောင်စီတပ်တွေကင်းစင်သွားပြီဖြစ်တာကြောင့် နေရပ်ပြန်ဝင်နိုင်တာဖြစ်တယ်လို့ အင်ပင်ကျေးရွာထဲက စစ်ရှောင်အမျိုးသားတစ်ဦးကပြောပါတယ်။ တောတောင်တွေထဲမှာ ၂ နှစ်ကျော်ကြာစစ်ဘေးရှောင်ပြီး အခုလိုနေရပ်ပြန်ဝင်တဲ့အချိန် စစ်ဘေးရှောင်တွေအတွက် အဓိကအခက်အခဲကစားဝတ်နေရေးနဲ့ နေရာထိုင်ခင်းအခက်အခဲတွေကြုံတွေ့နေရတယ်လို့ စစ်ဘေးရှောင်တွေကဆိုပါတယ်။ “အဓိကအခက်အခဲက ဘာဖြစ်သလဲဆိုတော့ စားရေးသောက်ရေးပဲပါ့ တလျှောက် လုံးလည်းမရှိ ရှိအောင်ကြံဖန်စားသောက်လာခဲ့ကြတာ အခုကအိမ်တွေလည်းပြန်ဆောက်ရမှာနဲ့ဆိုတော့ပိုခက်ခဲမှာပေါ့ပြီးတော့တချို့က နေစရာအိမ်မရှိကြဘူး မီးလောင်ကုန်တာ“လို့ နန့်သာကျေးရွာနေစစ်ရှောင်အမျိုးသားတစ်ဦးကပြောပါတယ်။ မော်တိတ်ဒေသထဲက နေရပ်ပြန်မယ့်စစ်ဘေးရှောင်တွေအတွက် အစားအသောက်အကူအညီတွေလိုအပ်နေသလို အောင်ကုန်း၊နန့်သာနဲ့အင်ပင်ရွာတွေထဲက နေအိမ်မီးရှို့ခံရတဲ့ အိမ်ခြေ ၅၀ ကျော်ပြန်လည်ထူထောင်ရေးအတွက်လည်းအကူအညီတွေလိုအပ်နေတယ်လို့ စစ်ဘေးရှောင်တွေကပြောပါတယ်။ လက်ရှိနေရပ်ပြန်နေကြတဲ့ ကျေးရွာတွေဟာ အင်းတော်မြို့နဲ့ ၁၀ မိုင်နီးပါးဝေးတဲ့နေရာမှာတည်ရှိပြီး စစ်ကောင်စီအတွက်ကုန်းကြောင်းအရအရေးပါတဲ့ အင်းတော်–ဗန်းမောက် မဟာဗျူဟာမြောက်တဲ့ကားလမ်းပိုင်းမှာတည်ရှိတာ ဖြစ်ပါတယ်။ အင်းတော်တစ်နယ်လုံးမှာ စစ်ကောင်စီတပ်တွေ အင်းတော်မြို့တွင်းအထိုင်တပ်တစ်ခုနဲ့ နဘားလမ်းဆုံ ဒေသအခေါ် (ဂျပန်လိူင်ဂူ)စတဲ့ နှစ်နေရာမှာသာကျန်ရှိတော့တာကြောင့် အင်းတော်မြို့ခံတွေလည်း တိုက်ပွဲဖြစ်လာမှာကိုစိုးရိမ်ပြီး ကြိုတင်ရှောင်တိမ်းတာမျိုးရှိနေတယ်လို့ သိရပါတယ်။ “အခုကမကျန်တော့ဘူးလေ အဓိကအင်းတော်မြို့တွင်းတစ်ခုပဲ ကျန်မှာ အဲ့ကြောင့်မြို့ထဲကလူတွေကတချို့အစိုးရိမ်လွန်ပြီးပြောင်းနေကြတယ်တချို့လည်းမြို့ကိုသိမ်းလာတော့မယ်ဆိုတဲ့ ကောလဟာလသတင်းတွေကြောင့်ကြိုတင်ရှောင်နေကြတာရှိတယ်“လို့ ဒေသခံအမျိုးသားတစ်ဦးကပြောပါတယ်။ ၂၀၂၂ခုနှစ် မတ်လ တုန်းကမော်တိတ်ဒေသထဲ ဝင်ရောက်လာတဲ့စစ်ကြောင်းတွေဟာ တပ််မ ၇၇ နဲ့ တပ်မ ၈၈ လက်အောက်ခံ ခြေလျှင်တပ်ရင်းတွေ ဖြစ်ပါတယ်။ အင်းတော်မြို့နယ်ဟာ ကချင််နဲ့စစ်ကိုင်းအစပ် မန္တလေး –မြစ်ကြီးနားကားလမ်းပိုင်းမှာတည်ရှိတာ ဖြစ်ပြီး စစ်ကောင်စီတပ်အတွက် ကချင်ပြည်နယ်ဘက်ကို ကုန်းကြောင်းနဲ့ ထောက်ပို့လမ်းကြောင်းသုံးဖို့အရေးပါတဲ့လမ်းကြောင်းပေါ်မှာ တည်ရှိနေတာ ဖြစ်ပါတယ်။ By – Zaw Zaw
Read More » -
12 Julyသတင်း
ဗန်းမော် ရောဘတ်စစ်ရှောင်စခန်းမှာ စစ်ရှောင်အသစ်တွေကို နေရာပေးလိုက်တဲ့အတွက် မူလရှိနေတဲ့ စစ်ရှောင်တွေကြား နေရာပြဿနာဖြစ်နေ
ဗန်းမော်မြို့ ရောဘတ်စစ်ရှောင်စခန်းမှာ စစ်ရှောင်ပြည်သူတွေမရှိတဲ့ချိန် အသစ်ပြောင်းရွှေ့လာတဲ့ နောက်ထပ်စစ်ဘေးရှောင်တွေကိုနေရာပေးလိုက်တာကြောင့် နဂိုမူလရှိတဲ့ စစ်ရှောင်ပြည်သူတွေဟာ နေရာစရာအခက်အခဲကြုံတွေ့နေရပြီး စစ်ရှောင်ပြည်သူတွေကြား နေရာပြဿနာဖြစ်နေကြတယ်လို့ သိရပါတယ်။ ဗန်းမော်မှာ ပြီးခဲ့တဲ့ မတ်လ ၁၀ ရက်နေ့လောက်ကစပြီး ရောဘတ်စစ်ရှောင်စခန်းထဲ စစ်တပ်က မကြာခဏဝင်ရောက်စစ်ဆေးတာတွေအပြင် မြို့အနီးတစ်ဝိုက် စစ်တပ်နဲ့ KIA ပူးပေါင်းတပ်ကြားနှစ်ဖက်စစ်ရေးတင်းမာလာတဲ့အခြေနေတွေကြောင့် မူလရှိနေတဲ့ စစ်ရှောင်တွေဟာ မိုင်းခေါင် ၊ မုန်းဒိန်ပါကျေးရွာတွေနဲ့ တောင်ယာ၊အခင်းတွေထဲ ယာယီတိမ်းရှောင်ခိုလှုံသွားကြတာဖြစ်ပါတယ်။ အဲဒီနောက် တစ်လကျော်အကြာ ဇူလိုင် ၂ ရက်နေ့ကစပြီး ဗန်းမော်ခရိုင် ကချင်နှစ်ခြင်းခရစ်ယာန် စစ်ရှောင်ကူညီကယ်ဆယ်ရေးအဖွဲ့ တာဝန်ရှိသူတွေဟာ ရောဘတ်စစ်ရှောင်စခန်းအတွင်း သော့တွေရိုက်ဖျက်ပြီး စစ်ရှောင်အသစ်တွေကို နေရာပေးလိုက်တဲ့အတွက် နေရာပြဿနာဖြစ်နေကြတယ်လို့ သိရပါတယ်။ “စစ်တပ်ဝင်လို့လေ ကျမတို့စစ်ရှောင်စခန်းထဲ စစ်တပ်ဝင်တဲ့အချိန် စစ်ရှောင်ထဲက အမျိုးသမီးတွေ၊ ကလေးတွေ အားလုံး ကြောက်လန့်ပြီး နောက်မနက်မှာပဲ ဘယ်သူမဆို ကိုယ်စိတ်လုံခြုံမယ်လို့ထင်တဲ့ နေရာတွေဆီ ခဏသွားလိုက်ကြတယ်။ ဒီက တာဝန်ရှိတဲ့ဆရာတွေလည်း မသွားကြနဲ့ ၊ မပြေးမရှောင်ကြနဲ့လို့ ဘယ်သူကမှ မတားကြဘူးလေ။ အခန်းတွေကို သော့ခတ်ထားတာ အခုသော့တွေကိုရိုက်ဖွင့်လိုက်ပြီး အထဲကပစ္စည်းတွေ လုံးထုတ်လိုက်ပြီး ဝင်နေလိုက်တာဖြစ်တယ်”လို့ ဗန်းမော်ရောဘတ်စစ်ရှောင်စခန်းမှာ အရင်ကတည်းက နေနေတဲ့ စစ်ဘေးရှောင်အမျိုးသမီးတစ်ဦးက ပြောပါတယ်။ ရောဘတ်စစ်ရှောင်စခန်းမှာ အသစ်ထပ်ရောက်လာတဲ့ စစ်ရှောင်ပြည်သူတွေဟာ မိုးမောက်၊ မံစီဘက်က စစ်တပ် နဲ့ KIA ပူးပေါင်းတပ်တို့အကြားတိုက်ပွဲကြောင့် ဗန်းမော်ဘက်ကိုထွက်ပြေးတိမ်းရှောင်လာသူတွေဖြစ်ပြီးတော့ ၃ လခန့် အကြာမှာ နေစရာအခက်အခဲဖြစ်နေတာကြောင့် ရောဘတ်စစ်ရှောင်စခန်းအတွင်း လူမရှိနေတဲ့အခန်းတွေမှာ နေရာပေးလိုက်တာဖြစ်တယ်လို့ သိရပါတယ်။…
Read More »
