စန်းကား

နောင်ဟီးနဲ့စန်းကားရွာအဝင်တွေမှာ စစ်တပ်ကစစ်ဆေးရေးတင်းကြပ်နေဆဲ

ဝိုင်းမော်မြို့နယ် နောင်ဟီးကျေးရွာနဲ့စန်းကားကျေးရွာ စာသင်ကျောင်းနေရာတွေမှာအထိုင်ချထားတဲ့ စစ်ကောင်စီတပ်ဟာ ရွာအဝင်အထွက်စစ်ဆေးရေးတင်းကြပ်နေပြီး မှတ်ပုံတင်ကိုင်ဆောင်သူတွေသာ ရွာထဲဝင်ခွင့်ပြုနေတယ်လို့ ဒေသခံတွေဆီကနေ သိရပါတယ်။ စစ်ကောင်စီတပ်တွေဟာ နောင်ဟီးရွာစာကျောင်းရှေ့မှာတစ်နေရာ နောင်ဟီးကျေးရွာနဲ့အာလူးဘာရီရွာကြားက တံတားမှာတစ်နေရာ၊ အာလူးဘာရီကျေးရွာနဲ့စန်းကားကျေးရွာကြားကတံတားမှာတစ်နေရာ  ၃ နေရာတိတိစစ်ဆေးနေတယ်လို့ သိရပြီး အမျိုးသမီးနဲ့ကလေးသူငယ်တွေထက် အမျိုးသားတွေကို အဓိကစစ်ဆေးနေတာဖြစ်တယ်လို့ နောင်ဟီးကျေးရွာဒေသခံတစ်ဦးက KNG ကို ခုလိုပြောပါတယ်။  “ခတ်ချိုမှာတောင် မစစ်ဘူး ဒါပေမယ့် ကျနော်တို့နောင်ဟီးကျောင်းရှေ့မှာက ပုံမှန်စစ်နေတယ် မှတ်ပုံတင်စစ်တာ အဓိက အမျိုးသားတွေဆို ပိုစစ်တယ်”လို့ ပြောပါတယ်။ နောင်ဟီး၊အာလူးဘာရီကျေးရွာ၊ စန်းကားရွာတွေဟာ ခတ်ချိုရွာရဲ့အောက်ဘက်တစ်ဆက်တည်းရှိတဲ့ရွာတွေဖြစ်ပြီး ဒေသခံတွေဟာ ပြီးခဲ့တဲ့မေလကနေ အများပိုင်းထွက်ပြေးတိမ်းရှောင်နေကြပြီဖြစ်ပါတယ်။ ဒါပေမယ့် ဒေသခံတွေတိမ်းရှောင်နေချိန် နေအိမ်သူခိုးဖောက်ထွင်းခံရတာတွေရှိနေတဲ့တွက် ဒေသခံတစ်ချို့ရွာထဲ ယာယီပြန်လာနေထိုင်သူတွေရှိသလို နေ့ချင်းပြန်ခနတစ်ဖြုတ်ပြန်တာတွေရှိပေမယ့် စစ်ဆေးရေးတင်းကြပ်ထားတာကြောင့် စိုးရိမ်မှုတွေရှိနေတယ်လို့ အာလူးဘာရီဒေသခံတစ်ဦးက ပြောပါတယ်။ “နောင်ဟီးကျောင်းရှေ့မှာ ပုံမှန်စစ်တယ် ပြီးတော့ နောင်ဟီးရွာနဲ့အာလူးဘာရီရွာကြားက တံတားမှာလည်းစစ်တယ် ။ဒါပေမယ့် အဲမှာက ရှောင်တခင်စစ်တာ ပုံမှန်မရှိဘူး။ ပုံမှန်စစ်တာက နောင်ဟီးကျောင်းရှေ့နဲ့ အာလူးဘာရီနဲ့စန်းကားရွာကြားက တံတားမှာပုံမှန်စစ်တယ်”လို့ ပြောပါတယ်။် အာလူးဘာရီရွာဟာ နောင်ဟီးကျေးရွာနဲ့စန်းကားရွာအကြားမှာရှိပြီး နယ်မြေအားဖြင့် စန်းကားကျေးရွာအုပ်စု ရပ်ကွက် ၂ နယ်မြေဖြစ်ပါတယ်။ လက်ရှိ စစ်ကောင်စီတပ်တွေဟ နောင်ဟီးရွာအထက်တန်းကျောင်း၊အာလုံးဘာရီရွာနဲ့စန်းကားရွာကြား တံတားနားက ဘုန်းကြီးကျောင်းအပြင် စန်းကားကျေးရွာအထက်တန်းကျောင်းနေရာတွေမှာ တပ်စွဲထားတာလည်းဖြစ်ပါတယ်။ စန်းကားကျေးရွအုပ်စု ရပ်ကွက် ၇ ရဲ့အောက်ဘက်မှာတော့ ခန့်လုံးရွာ၊ဘန်ဘားရွာတွေတစ်ဆက်တည်းရှိပြီး ခန့်လုံးရွာကတံတားကတော့ ပြီးခဲ့တဲ့ မေလမှာ စစ်တပ်က ဗုံးခွဲဖျက်စီးထားတဲ့အပြင် ဒီရက်ပိုင်းဘန်ဘားရွာမှာ စစ်တပ်နဲ့  KIA ပူးပေါင်းတပ်အကြား စစ်ရေးတင်းမာနေတဲ့အပြင် စစ်တပ်ဘက်က လေကြောင်းပစ်ခတ်တာတွေပုံမှန်ရှိနေတယ်လို့လည်း သိရပါတယ်။  နောင်ဟီးရွာနဲ့စန်းကားရွာဟာ မြောက်ပိုင်းတိုင်းစစ်ဌာနချုပ်နဲ့ ဧရာဝတီမြစ်တစ်ဖက်ကမ်းမှာရှိတဲ့ရွာတွေဖြစ်ပြီး မြစ်ကြောင်းတစ်လျှောက် အရေးပါတဲ့နေရာတွေဖြစ်တာကြောင့် စစ်ဆေစစ်ဆေးရေးတင်းကြပ်ခံနေရသလို နောင်ဟီးကနေဧရာဝတီမြစ်တစ်ဖက်ကမ်း မြစ်ကြီးနားဘက်ကို ကူးတဲ့ ကူးသို့ဆိပ်လည်း ပိတ်ခံထားရတာ ၂ လဝန်းကျင်ရှိလာပြိီဖြစ်ပါတယ်။ ဒါ့အပြင် နောင်ဟီးရွာနဲ့စန်းကားရွာ စာသင်ကျောင်းတွေမှာလည်း စစ်တပ်က နေရာယူတပ်စွဲထားတာ တစ်လဝန်းကျင်ရှိလာပြိီဖြစ်ပါတယ်။ By – CJ

Read More »

စန်းကား အထက်တန်းကျောင်းမှာ စစ်အင်အား ၂၀၀ ခန့် တပ်စွဲထားပြီး ရွာအဝင်အထွက် တင်းကြပ်

ဝိုင်းမော်မြို့နယ် စန်းကားကျေးရွာရဲ့ အခြေခံအထက်တန်း‌ကျောင်းမှာ စစ်ကောင်စီတပ်အင်အား ၂၀၀ ဝန်းကျင်တပ်စွဲနေရာယူထားတဲ့အပြင် ရွာအဝင်အထွက်ကိုလည်း စစ်ဆေးတင်းကြပ်ထားတယ်လို့ ဒေသခံတွေက ပြောပါတယ်။ ပြီးခဲ့တဲ့ မေလ လကုန်ပိုင်းကနေတပ်စွဲထားတာဖြစ်ပြီး စန်းကားကျေးရွာအုပ်စုရဲ့ ရပ်ကွက် ၁ အဖြစ်သတ်မှတ်ထားတဲ့ အာလူးဘာရီရွာနဲ့ ရပ်ကွက် ၂ အကြား တံတားနားမှာလည်း စစ်ဆေးရေးတင်းကြပ်နေတာဖြစ်တယ်လို့ စန်းကားကျေးရွာဒေသခံတစ်ဦးက  KNG ကိုခုလိုပြောပါတယ်။ “ကျောင်းမှာ ၂၀၀ လောက်ရှိတယ် အပြင်တောင်သိပ်မထွက်ကြဘူး လာနေတာက နှစ်ပတ်ဝန်းကျင်လောက်တော့ရှိလာပြီ။ အစကတော့ ရွာသားတွေပြန်လာရင် ကျောင်းဖွင့်မယ်ဆိုပြီးပြောကြတယ် ဒါပေမယ့် ခုက ရွာမှာ အိမ်စောင့်လောက်ဘဲရှိတယ်။အားလုံးလည်းထွက်ပြေးကုန်ပြီဆိုတော့ ကျောင်းကတော့ ဒီနှစ်မဖွင့်လောက်တော့ဘူး” လို့ စန်းကားရွာဒေသခံတစ်ဦးက ပြောပါတယ်။ စန်းကားရပ်ကွက် ၁ နဲ့ ရပ်ကွက် ၂ ဖြစ်တဲ့ အာလူးဘာရီရွာကြားမှာရှိတဲ့ တံတားမှာ အင်အား ၁၀ ဝန်းကျင်နဲ့ နေ့တိုင်းစစ်ဆေးတင်းကြပ်တာတွေလုပ်နေတယ်လို့ သူကဆက်ပြောပါတယ်။  ဒါ့အပြင် စန်းကားရွာရဲ့ အောက်ဘက်မှာရှိတဲ့ ဘန်းဘားရွာမှာတော့ ဇွန်လ ၅ ရက်နေ့နဲ့ ၆ ရက်နေ့ နှစ်ရက်သာ စစ်တပ်နဲ့ KIA,PDF ပူးပေါင်းတပ်တွေအကြား ထိတွေ့တိုက်ပွဲဖြစ်ခဲ့တဲ့အပြင် ဒီကနေ့အထိလည်း နှစ်ဖက်စစ်ရေးတင်းမာနေတယ်လို့ ဒေသခံတွေက ဆိုကြပါတယ်။ အဲဒီတိုက်ပွဲမှာ စစ်ကူသွားတဲ့ စစ်ကောင်စီတပ်ရဲ့ စစ်ကြောင်းတွေအထိနာနေပြီး စစ်ကြောင်းမှူးသေဆုံးသွားတယ်လို့ သတင်းတွေထွက်ပေါ်နေပါတယ်။ “ဘန်ဘာဘက်မှာ တိုက်ပွဲဖြစ်တာ ဒီရက်ပိုင်းတွေဖြစ်နေတာ မနေ့ကတော့ဘာသံမှမကြားဘူး။ အဲဘက်ကဖြတ်လာတဲ့သူတွေပြောတာကတော့ လမ်းဘေးမှာ မိုးကာနဲ့အုပ်ထားတဲ့စစ်သားအလောင်းတွေရှိနေတယ်လို့ ပြောကြတယ်”လို့ နောက်ထပ်စန်းကားဒေသခံတစ်ဦးက ပြောပါတယ်။ တိုက်ပွဲဖြစ်ပြီး စစ်ရေးတင်းမာနေတဲ့ ဘန်းဘားရွာဟာ စန်းကားကျေးရွာ ရပ်ကွက် ၇ ကနေသွားရင် နာရီဝက်နီးပါးဆိုင်ကယ်စီးရတဲ့နေရာမှာရှိတာဖြစ်ပြီး ဒေသခံတွေအပါအဝင်၊ ခတ်ချို၊နောင်ဟီးဘက်က ပြည်သူတွေ စိုက်ပျိုးခင်းလာရောက်လုပ်ကိုင်ကြတဲ့ ရွာဖြစ်ပါတယ်။ ဒါပေမယ့် စန်းကားကျေးရွာပြည်သူတွေအပါအဝင် ဘန်ဘား၊တာစန့်၊ခန့်လုံး၊မိုင်းမောအစရှိတဲ့ ရွာကပြည်သူတွေဟာ အိမ်စောင့်အဖြစ်အနည်းအကျဉ်းသာ ကျန်ခဲ့ပြီး ပြီးခဲ့တဲ့ မေလ ကတည်းကနေ နောင်ချိန်း၊မိုင်းနား၊မြစ်ကြီးနား အစရှိတဲ့ကျေးရွာဘက်တွေကို ထွက်ပြေးတိမ်းရှောင်နေကြပြီဖြစ်ပါတယ်။ စန်းကားရွာဟာ မြစ်ကြီးနား မြောက်ပိုင်းတိုင်းစစ်ဌာနချုပ်၊နမ့်ပေါင်လေတပ်စခန်းရဲ့ ဧရာဝတီမြစ်တစ်ဖက်ကမ်းမှာရှိတဲ့ရွာဖြစ်ပြီး ရပ်ကွက်၊ကျေးရွာ ၁၀ ကျော်နဲ့ဖွဲ့စည်းထားတဲ့ ရွာကြီးဖြစ်ပါတယ်။ By – ဇမီ

Read More »

တာစန့်ကျေးရွာမှ ရပ်ကွက်မှူးတစ်ဦး ပစ်သတ်ခံရ

ကချင်ပြည်နယ် ဝိုင်းမော်မြို့နယ် စန်းကားကျေးရွာအုပ်စု တာစန့်ကျေးရွာမှ ရပ်ကွက်မှူးအား အမည်မသိ လက်နက်ကိုင်အဖွဲ့တစ်ဖွဲ့မှ လာရောက်ပစ်သတ်သွားကြောင်း ဒေသခံများထံမှ သိရသည်။ ဧပြီလ ၂၈ ရက်နေ့ ၁၁ ဝန်းကျင် တာစန်းကျေးရွာမှ ရပ်ကွက်မှူးဖြစ်သည့်  ဦးဇီးလှနူးသည် နေအိမ်အတွင်း ရှိနေစဉ်…

Read More »