ဒုတ္တန်ရပ်ကွက်
-
Mar- 2025 -13 Marchသတင်း
ပူတာအိုက သက်ငယ်မဒိမ်းမှုကျူးလွန်တဲ့တရားခံကိုကြိုးမိန့်ချမှတ်လိုက်တယ်လို့ဆို
ကချင်ပြည်နယ် ပူတာအိုမြို့၊ ဒုတ္တန်ရပ်ကွက်မှာ အသက်မပြည့်သေးတဲ့မိန်းကလေးငယ်ကို မဒိမ်းကျင့်သတ်ဖြတ်လိုက်တဲ့ တရားခံအမျိုးသားကို နေပြည်တော်တရားရုံးမှ ကြိုးမိန့်ချလိုက်တယ်လို့ သိရပါတယ်။ သက်ငယ်မဒိမ်းမှုကျူးလွန်တဲ့ အသက် ၂၄ နှစ်အရွယ် တရားခံကိုကျော်သူရကို ပူတာအိုခရိုင်တရားရုံးကနေ ပြီးခဲ့တဲ့ ၂၀၂၄ခုနှစ် ဩဂုတ်လ ၆ ရက်နေ့သက်ငယ်မဒိမ်းမှုနဲ့ လူသတ်မှုပုဒ်မနှစ်ခုနဲ့ သေဒဏ်ချမှတ်ခဲ့တာဖြစ်ပါတယ်။ သို့သော် ပြစ်မှုကျူးလွန်တဲ့တရားခံဘက်က နေပြည်တော်တရားရုံးမှာ အယူခံပြန်ဝင်ခဲ့တယ်လို့သိရပေမယ့် တရားရုံးက အယူခံကို ပယ်ချခံလိုက်ရပြီး ပြီးခဲ့တဲ့ ရက်ပိုင်းအတွင်းမှာပဲ နေပြည်တော်တရားရုံးကနေ ကြိုးမိန့်ချမှတ်လိုက်တာဖြစ်တယ်လို့ သိရပါတယ်။ “ပြီးခဲ့တဲ့ ရက်ပိုင်းမှာပဲ အဲဒီအမှုကို လိုက်ပေးနေတဲ့ ရှေ့နေကိုမေးကြည့်တော့ နေပြည်တော်မှာ သေဒဏ်ကြိုးမိန့်ပေးလိုက်တယ်လို့ ပြောပြတယ်။ ကျန်တာ ဘယ်လိုဆက်ဖြစ်သွားပြီလဲတော့ အသေးစိတ်ပြန်မကြားမိသေးဘူး”လို့ လို့ ပူတာအိုဒေသခံ အမျိုးသားတစ်ဦးက KNG ကိုပြောပါတယ်။ အခုလို သက်ငယ်မဒိမ်းမှုကျူးလွန် သတ်ဖြတ်ခဲ့တဲ့ တရားခံကို နေပြည်တော် တရားရုံးက တရားစီရင်ခဲ့တဲ့အပေါ်မှာ ပူတာအို ဒေသခံ အမျိုးသားက အခုလို ဆက်ပြောပါတယ်။ “ဒီအမှုကို ကြိုးမိန့်ချလိုက်တဲ့အပေါ် အရမ်းကြီး ကျေနပ်သွားတာမျိုးတော့မရရှိပေမယ့် မှန်ကန်တဲ့ တရားစီရင်ရေးတစ်ခုလို့တော့ မြင်ပါတယ်။ အခုဆုံးသွားတဲ့ ကလေးငယ်က အသက်လည်း မပြည့်သေးသလို ဘာအပြစ်မှမရှိတဲ့ သူဖြစ်တယ်။ ကျနော်တို့ ပြောဆိုချင်တာက ဆက်ပြီးတော့လည်း ဒေသအတွင်းမှာ ဒီလိုမျိုး လုပ်ရပ် ဖြစ်လာခဲ့ရင်လည်း ထိထိရောက်ရောက် ပြစ်ဒဏ်ပေးဆုံးမစေချင်တယ်”လို့ပြောပါတယ်။ လက်ရှိမှာ ပြစ်မှုကျူးလွန်သူကို နေပြည်တော်တရားရုံးကနေ ကြိုးမိန့်ချမှတ်ထားတယ်လို့ သိရပေမယ့် တရားစီရင်မှုကို ဆက်စောင့်ကြည့်ရမှာဖြစ်တယ်လို့ ပြောပါတယ်။ ဒီအမှုအတွက် လိုက်ပါဆောင်ရွက်ပေးနေတဲ့ ရှေ့နေကို KNG ဆက်သွယ်မေးမြန်းဖို့ ကြိုးစားခဲ့ ပေမယ့် ဖုန်းဆက်သွယ်လို့မရခဲ့တာဖြစ်ပါတယ်။ သက်ငယ်မဒိမ်းမှုကို အမှုမှန်ပေါ်ပေါက်လာဖို့နဲ့ ပြစ်မှုကျူးလွန်သူကို တရားစီရင်နိုင်ဖို့အတွက် ပူတာအိုဒေသခံပြည်သူတွေ ထောင်နဲ့ချီ ဆန္ဒပြတောင်းဆိုခဲ့ကြသလို အမှုမှန်ပေါ်ပေါက်ဖို့အတွက် ကူညီဆောင်ရွက်ပေးနေတဲ့ တာဝန်ရှိတဲ့သူတွေကြောင့် ဖြစ်တယ်လို့ သိရပါတယ်။ ပြီးခဲ့တဲ့ ၂၀၂၄ မေလ ၁၃ ရက်နေ့မှာ ပြစ်မှုကျူးလွန်သူကိုထိရောက်စွာ အရေးယူဆောင်ရွက်ပေးဖို့ သက်ငယ်မဒိမ်းပပျောက်ရေးနဲ့ အမျိုးသမီးများဘေးကင်းလုံခြုံရေး ခေါင်းစဉ်နဲ့ ပူတာအိုဒေသခံ ငါးထောင်ကျော် လမ်းပေါ်ထွက် ဆန္ဒပြတောင်းဆိုခဲ့ကြပါတယ်။…
Read More » -
May- 2024 -11 Mayသတင်း
ပူတာအိုမှာ အမျိုးသမီးငယ်တစ်ဦး မုဒိန်းကျင့်သတ်ဖြတ်ခံရ
ကချင်ပြည်နယ် ပူတာအိုမြို့ ဒုတ္တန်ရပ်ကွက်မှာ အမျိူးသမီးငယ်တစ်ဦး မုဒိန်းကျင့်သတ်ဖြတ်ခံလိုက်ရတယ်လို့ ရပ်ကွက်နေပြည်သူတွေက ပြောပါတယ်။ ဒုတ္တန်ရပ်ကွက်နေ အသက် ၁၅ နှစ်အရွယ် မဒူနော်ဆိုသူဟာ မေလ ၁၀ ရက်နေ့ မနေ့ နေ့လည်ပိုင်းမှာ ဒုတ္တန်ရပ်ကွက် လူသွားလူလာပြတ်တဲ့ သက်ကောတောတစ်နေရာမှာ မုဒိန်းကျင့်သတ်ဖြတ်ခံလိုက်ရတာဖြစ်တယ်လို့ ဖြစ်စဥ်သိတဲ့ပူတာအိုမြို့နေ အမျိုးသမီးတစ်ဦးက KNG ကိုပြောပါတယ်။ “သိရသလောက်သူ့ကို သူတို့မိဘတွေက ဆိုင်ကယ်ဆီထည့်ဖို့ဓာတ်ဆီသွားရှာခိုင်းတာတဲ့ ခိုင်းတာကတော့ နေ့ခင်းကြီးပါပဲ သူတစ်ယောက်ထဲသွားခိုင်းလိုက်တာ နောက်မနက်မှအလောင်းက သက်ကေတောမှာတွေ့တာ။ အိမ်ပြန်မလာတော့ရှာကြည့်တဲ့အခါမှတွေ့တာလို့ပြောပါတယ်။ သက်ကေတောဆိုတော့ လူမြင်ကွင်းရှင်းတဲ့နေရာဖြစ်သွားတာ”လို့သူကပြောပါတယ်။ မုဒိန်းကျင့်သတ်ဖြတ်ခံရတဲ့ အမျိုးသမီးငယ်််ရဲ့ လည်ပင်းပြတ်ရှဒဏ်ရာ၊ ထိုးနက်ထားတဲ့ဒဏ်ရာတွေနဲ့အတူ မုဒိန်းကျင့်ခံထားရတဲ့အနေထားနဲ့ သေဆုံးနေတာလို့သိရပြီး အလောင်းကိုတော့ ဒီနေ့မနက်မှာ ရှာတွေ့ရာကနေ နေအိမ်သယ်ယူခဲ့ပြီဖြစ်တယ်လို့ သိရပါတယ်။ “တော်တော်စိတ်မကောင်းစရာပါ ခလေးမရဲ့လည်ပင်းမှာတော့ဒဏ်ရာတွေတွေ့တယ် ညစ်ထားတာ၊အဲ့လိုတစ်ခုခုနဲ့ထိုးထားတာလုပ်သွားတဲ့လူကိုတော့မမိသေးဘူးပြောတယ်”လို့ နောက်ထပ်အမျိုးသမီးတစ်ဦးက ဆက်ပြောပါတယ်။ ပြစ်မှူကျူးလွန်ထားသူတွေကိုတော့ စုံစမ်းဖော်နေဆဲလို့ဆိုပါတယ်။ ပူတာအိုမြို့နယ်မှာ ပြီးခဲ့တဲ့ ၂၀၂၂ နှစ်ကုန်ပိုင်း ဒီဇင်ဘာလ ၊ ၂၀၂၃ ခုနှစ် မတ်လ လဆန်းပိုင်းမှာ အသက် ၁၂ နှစ်အရွယ် မိန်းကလေးနှစ်ဦးမုဒိန်းကျင့်ခံခဲ့ရတဲ့ အမှုလည်းရှိခဲ့ပါတယ်။ အသက် ၁၂ နှစ်အရွယ် မိန်းကလေးငယ်နှစ်ဦးကို မုဒိန်းမှုကျူးလွန်ခဲ့တဲ့ အမျိုးသား ၃ ဦးကို ၂၀၂၃ ခုနှစ် မေလ ၃၀ ရက်နေ့ ၆ ကြိမ်မြောက် ရုံးချိန်းတွင် ပူတာအိုခရိုင်တရားရုံးမှ တစ်ဦးကို ထောင်ဒဏ်အနှစ် ၂၀ စီ အမိန့်ချမှတ်လိုက်ပြီဖြစ်ပါတယ်။ ပူတာအိုမှာ အာဏာသိမ်းပြီးနောက် အသက်မပြည့်သေးတဲ့ မိန်းကလေးများ အဓမ္မပြုကျင့်ခံရတဲ့ ဖြစ်စဉ်မကြာခနဖြစ်နေပေမယ့် တရားဥပဒေအရ အရေးယူမှုပိုင်းမှာ အားနည်းတာတွေရှိနေဆဲဖြစ်တယ်လို့ ဒေသခံတွေက ပြောဆိုနေကြပါတယ်။ By – Zaw…
Read More »
